Haker, arxiv şəkli

Azərbaycanda kiber hücumların sayı artıb

22
(Yenilənib 10:04 17.12.2020)
Bir qayda olaraq, RDP hücumu zamanı kiber cinayətkarlar avtomatlaşdırılmış alətlərdən, eyni zamanda geniş yayılmış və təhlükəyə açıq şifrələrdən ibarət məlumat bazalarından istifadə edərək istifadəçi adını və şifrəni ələ keçirməyə çalışırlar.

BAKI, 16 dekabr — Sputnik. 2020-ci ildə "Kaspersky" uzaqdan işləməyin təşkili üçün nəzərdə tutulan RDP (Remote Desktop Protocol) protokolu üzərindən edilən hücumlarda əhəmiyyətli bir artım olduğunu qeyd edib. Sputnik Azərbaycan xəbər verir ki, şirkətin "Uzaqdan iş - ilin hekayəsi" hesabatına görə, yanvar-noyabr ayları arasında Azərbaycanda 2,2 milyon belə hücum qeydə alınıb. Bu, 2019-cu ilin eyni dövrü ilə müqayisədə 2,6 dəfə çoxdur.

Mütəxəssislər bunu işçilərin məsafədən iş rejiminə kütləvi keçidi ilə izah edirlər: RDP üzərindən qoşulmaların sayı artıb ki, bundan da təcavüzkarlar istifadə edib. Fevral ayında, yəni sərt karantin tətbiq edilməzdən əvvəl RDP üzərindən edilən hücumların sayı 167.000, mart ayında məhdudlaşdırıcı tədbirlərin gücləndirilməsi ilə 283.000 idi. Noyabr ayında isə bu rəqəm təxminən 200 minə bərabər olub.

Bir qayda olaraq, RDP hücumu zamanı kiber cinayətkarlar avtomatlaşdırılmış alətlərdən, eyni zamanda geniş yayılmış və təhlükəyə açıq şifrələrdən ibarət məlumat bazalarından istifadə edərək istifadəçi adını və şifrəni ələ keçirməyə çalışırlar. Uğurlu olduqda hücumun hədəf aldığı kompüterə uzaqdan giriş əldə edilir.

"Kaspersky"nin hesabatından da göründüyü kimi, kiber cinayətkarlar zərərli proqramları yaydıqları adlar altında messencerlər və video və konfrans xidmətlərinin populyarlığından da fəal şəkildə istifadə ediblər. 2020-ci ildə şirkət dünya miqyasında bu şəkildə maskalanmış təqribən 1,7 milyon unikal zərərli sənəd aşkar edib. Çox vaxt bu fayllar yükləyicilər və ya reklam proqramları - qurbanın cihazını istənilməyən reklamlarla dolduran və üçüncü şəxslərə ötürmək üçün onun şəxsi məlumatlarını toplaya bilən proqramlar olub.

"Əvvəllər istifadəçilər uzaqdan ünsiyyət vasitələrindən tez-tez istifadə etmirdilər, onlayn təhdidlərdən kifayət qədər xəbərdar deyildilər və nəticədə təhlükəyə qarşı kövrək olurdular. Uzaqdan işə tələsik keçən şirkətlər üçün də eyni sözləri söyləmək olar: bir çoxu ilk növbədə işləmək qabiliyyətinə nail olmaq istəyir, işin təhlükəsizliyi isə ikinci plana keçirdi. Nəticədə, öz səhvlərindən dərs almalı oldular: risklərlə qarşılaşan şirkət nümayəndələri etibarlı təhlükəsizlik həllərinin, eyni zamanda kiber savadlılığın artırılmasının vacibliyini dərk etdilər," - deyə "Kaspersky"nin Azərbaycandakı nümayəndəsi Müşviq Məmmədov bildirib.

"Kaspersky" uzaqdan girişlə əlaqəli infrastruktura (o cümlədən, müştərək iş üçün müxtəlif xidmətlərə) hücumların tezliklə dayandırılması üçün hər hansı bir ön şərt görmür. Buna görə də, əgər bir şirkət işində RDP istifadə edirsə, aşağıdakıları qorumaq üçün tədbirlər görmək lazımdır:

• tapılması çətin olan parollardan istifadə etmək və onları mütəmadi olaraq dəyişmək;

• RDP-ni yalnız korporativ VPN vasitəsilə aktivləşdirmək;

• mümkünsə, iki faktorlu identifikasiya təmin etmək;

• şəbəkə təhdidlərindən qorunma funksiyasına malik etibarlı bir həll istifadə etmək, məsələn, Kaspersky Endpoint Security Advanced.

Kaspersky, aşağıdakı kiber təhlükəsizlik tədbirlərini görməyi də təşkilatlara tövsiyə edir:

• İT və ya kiber təhlükəsizlik problemi yarandığı zaman işçilərin kiminlə əlaqə quracağını bildiyindən əmin olun. Şəxsi cihazlarla işləmək məcburiyyətində qalanlara xüsusi diqqət yetirin: onların xüsusi təhlükəsizlik tövsiyələrinə və müvafiq qaydalara ehtiyacı var;

• rəqəmsal savadlılıqlarını artırmaq üçün işçilərə təlimlər keçin. Bu, onlara hesabları və şifrələri idarə etməyi, e-poçtdan və son cihazlardan etibarlı istifadə etməyi öyrədəcək;

• şifrə təyin etmək, iş cihazlarını şifrələmək və məlumatların ehtiyat nüsxəsini yaratmaq da daxil olmaqla, korporativ məlumatları və cihazları qorumaq üçün vacib tədbirlər görün;

• cihazların, proqramların, tətbiqlərin və xidmətlərin mütəmadi olaraq yeniləndiyindən əmin olun;

• mobil cihazlar daxil olmaqla, bütün son cihazlarda Kaspersky Endpoint Security Cloud kimi yoxlanılmış təhlükəsizlik proqramı quraşdırın. Bu, yalnız təsdiqlənmiş onlayn xidmətlərin iş məqsədləri üçün istifadə olunmasını təmin edəcək.

*"Kaspersky"nin "Uzaqdan iş - ilin hekayəsi" hesabatını bu səhifədən tam oxuya bilərsiniz: https://securelist.com/the-story-of-the-year-remote-work/99720/.

22

Ən sürətli internet kimdədir?

898
(Yenilənib 18:38 14.01.2021)
Azərbaycanda istifadəçilərin telefonla internet arasında seçim etməli olduqları dövr arxada qalıb. Ölkəmiz internetə qoşulma sürətinə görə dünya reytinq cədvəlində heç də pis mövqe tutmur.
© Sputnik / Elnur Salayev

İnternet artıq çoxdan insan həyatının ən müxtəlif sahələrinə nüfuz edib. Hətta onun inkişafı sayəsində yeni "ağıllı ev" konsepsiyası da ortaya çıxıb. Bütün dünyanı bürüyən "hörümçək toru" yaranandan bəri onun sürəti mühüm əhəmiyyət kəsb edir. Dial-up - analoq tipli qoşulma dövrü çoxdan geridə qalsa da, internetin sürəti məsələsi həmişə aktualdır.

Oxucularımız internetə qoşulma sürətinə görə mütəxəssislərin tərtib etdiyi reytinq cədvəlində ölkəmizin hansı yerdə olduğunu Sputnik Azərbaycan-ın xüsusi infoqrafikasından öyrənə  bilərlər. Hələlik Azərbaycan reytinq cədvəlində orta mövqeyini qoruyub saxlayır.

Maraqlıdır ki, dünyada həm sabit, həm də mobil internet siyahısında liderlər məhz Asiya ölkələridir. Üstəlik, bu ölkələr heç də həmişə, belə demək mümkünsə, inkişaf etmiş texniki bazaya sahib olmur. Bununla belə, zəif internetə malik ölkələr də əsasən Asiya qitəsinin payına düşür.

898

Bunu da gördük: vaksinin akkauntunu bağladılar

24
(Yenilənib 22:42 14.01.2021)
Rusiya Birbaşa İnvestisiyalar Fondu bütün istifadəçilərdən Twitter-ə müraciət edərək hesabın qaytarılmasını xahiş etmələrini istəyib

BAKI, 14 yanvar - Sputnik. Rusiyanın koronavirus infeksiyasına qarşı "Sputnik V" peyvəndinin Twitter-dəki hesabı bloklanıb.

Sputnik Azərbaycan bildirir ki, bu barədə Rusiya Birbaşa İnvestisiyalar Fondu məlumat yayıb. 

"Twitter vasitəsilə biz peyvənd, onun xüsusiyyətləri haqda məlumatı bölüşürdük. Twitter üzərindən biz AstraZeneca-ya "Sputnik V" vaksininin komponentlərindən birindən istifadə etməyi təklif etdik və birgə kliniki sınaqlar keçirmək barədə razılığa gəldik". 
RBİF-in məlumatı

Fond bütün istifadəçilərdən Twitter-ə müraciət edərək hesabın qaytarılmasını xahiş etmələrini istəyib. Çağırışdan təxminən bir saat sonra hesaba qoyulan məhdudiyyət aradan qaldırılıb.

24
Teqlər:
Koronavirus, epidemiya, COVID-19, Twitter, Sputnik-V peyvəndi, Rusiya
Mövzu:
Yeni tip koronavirus pandemiyası
Prezident İlham Əliyev Şuşada

İlham Əliyev: "Gəlin alın, görüm necə alırsınız?"

0
(Yenilənib 21:49 15.01.2021)
"Unutmasınlar, bizim səbrimizlə oynamasınlar, 44 günlük müharibə onların yadından çıxmasın. Yoxsa ordu qurub torpaqları geri alacaq?

BAKI, 15 yanvar — Sputnik. "Bu gün Dağlıq Qarabağda özünü siyasətçi adlandıran bəzi ünsürlər yenə də baş qaldırmağa çalışırlar".

Sputnik Azərbaycan xəbər verir ki, bunu Azərbaycan Prezidenti, Müzəffər Ali Baş Komandan İlham Əliyev Şuşada Molla Pənah Vaqifin büstünün və məqbərəsi ziyarət edərkən bildirib.

"Unutmasınlar, bizim səbrimizlə oynamasınlar, 44 günlük müharibə onların yadından çıxmasın. Yoxsa ordu qurub torpaqları geri alacaq? Gəlin, alın. Gəlin bura, siz buradasınız, yaxındasınız. Gəlin alın, görüm necə alırsınız? İti qovan kimi qovmuşuq sizi, rədd etmişik, cəhənnəmə göndərmişik", - deyə İlham Əliyev qeyd edib.

0