Əldə telefon, arxiv şəkli

VPN istifadə edənlər cərimə ediləcəklərmi?

20940
(Yenilənib 19:19 01.10.2020)
"Ehtiyac olarsa, aidiyyəti qurumlar xüsusi texnologiya ilə VPN istifadə edənləri müəyyən edə bilər. Ancaq VPN istifadəçilərinin müəyyən edilməsi ilə bağlı hər hansı bir qanunvericilik yoxdur" - Osman Gündüz

İradə Cəlilova, Sputnik Azərbaycan

BAKI, 1 oktyabr — Sputnik. Bu gün hər kəsin mobil texnologiya və internetə çıxışının olması hamını potensial olaraq informasiya müharibəsinin  iştirakçısına və qurbanına çevirə bilər. Bunun qarşını almaq üçün ölkədə hərbi rejimlə əlaqədar olaraq internetdə bəzi saytlara girişə məhdudiyyətlər qoyulub.

Nəqliyyat, Rabitə və Yüksək Texnologiyalar Nazirliyi xəbərdarlıq etsə də, bəzi vətəndaşlar sosial şəbəkələrə qoşulmaq üçün digər ölkələrin təklif etdiyi tətbiqlərdən istifadə edirlər.

Ötən gün sosial şəbəkələrdə bu tətbiqlərdən istifadə edən şəxslərin nazirlik tərəfindən cərimə ediləcəyi müzakirə olunurdu.

Sputnik Azərbaycan bu məsələni araşdırıb.

Osman Gündüz bildirib ki, VPN istifadəçilərinin cərimə ediləcəyi ilə bağlı hər hansı bir açıqlama yoxdur və bunun olması da absurd olardı. Çünki VPN-dən istifadə ilə bağlı hər hansı bir qadağa yoxdur.

"VPN-in istifadəsi ilə bağlı hər hansı bir qadağa olmadığı üçün VPN istifadə edənlərin cərimə edilməsi mümkün deyil. Sadəcə olaraq, vəziyyətlə bağlı internetin verilməsinə məhdudiyyət qoyulub. Buna görə də çox sayda insan informasiya təlabatını ödəmək, Azərbaycan həqiqətlərini çatdırmaq, sosial mediada orduya, cəmiyyətə dəstək vermək üçün VPN-dən istifadə edir", - deyən ekspert vətəndaşlara ehtiyac olmadığı təqdirdə bu tətbiqlərdən istifadə etməməyi məsləhət görüb.

O əlavə edib ki, bu tətbiqlərin həm fərdi təhlükəsizlik, həm də milli təhlükəsizliklə bağlı riskləri var.

Ekspert həmçinin bildirib ki, müəyyən texnologiyalarla VPN istifadəçilərini də müəyyən etmək mümkündür.

"Yəni ehtiyac olarsa, aidiyyəti qurumlar xüsusi texnologiya ilə VPN istifadə edənləri müəyyən edə bilər. Ancaq VPN istifadəçilərinin müəyyən edilməsi ilə bağlı hər hansı bir qanunvericilik yoxdur. VPN internetdə protokol qaydasıdır. Həmin protokol trafiki daxilində istifadə edilən məlumatları müəyyən edilə bilər", - deyə ekspert bildirib.

Məsələyə aydınlıq gətirən Nəqliyyat, Rabitə və Yüksək Texnologiyalar Nazirliyinə mətbuat katibi Günel Gözəlova Sputnik Azərbaycan-a açıqlamasında bildirib ki, hər bir vətəndaş özünü kibermühitdə qorumalıdır:

"Qeyd edilən tətbiqlər problemlidir. Hamı bilməlidir ki, bu tətbiqlər pulsuzdursa, deməli, orada problem var. Birmənalı olaraq sizin məlumatlar oğurlanır".

G.Gözəlova həmçinin qeyd edib ki, nazirlik hər hansı bir vətəndaşı telefonuna öz istəyi ilə yüklədiyi hər hansı bir tətbiqə görə cərimə etməyəcək.

"İndiki vəziyyətdə vətəndaşlar məsələni anlayışla qarşılamalı, heç bir feyk məlumata inanmamalı, feyk məlumatların yayılmasına iştriak etməməlidirlər. Xahiş olunur ki, kibermühitdə təhlükəsizliyinizi qoruyun.

Əsas məlumatlar KİV vasitəsilə cəmiyyətə ötürülür. Sosial şəbəkələrdə məlumat axtarmağa ehtiyac yoxdur", - deyə Gözəlova əlavə edib.

Qeyd edək ki, bir müddət əvvəl Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Xidməti vətəndaşları mövcud vəziyyətdə ayıq davranmağa və sadə kibertəhlükəsizlik qaydalarına əməl etməyə çağırmışdı.

Qeyd edilmişdi ki, sosial mediada qarşınıza çıxan, telefonunuza, e-poçtunuza tanımadığınız şəxslər tərəfindən göndərilən heç bir keçidə daxil olmayın, yaxud hər hansı faylı və ya tətbiqi yükləməyin.

Telefonunuzda istifadə edilən tətbiqlərin mənşəyinə və etibarlılığına diqqət yetirin. Bəzi tətbiqlər xəbəriniz olmadan fərdi məlumatlarınızı oğurlaya bilər. İstifadə etmədiyiniz tətbiqləri silin.

Sosial media hesablarınız, cihazlarınız, internetə qoşulan bütün qurğular üçün ən sadə kibertəhlükəsizlik qaydalarına riayət edin. Unutmayın, internetə qoşulan hər bir qurğu özlüyündə kibertəhdid təşkil edir.

Hər hansı kiberinsidentlə üzləşdiyiniz və ya metodiki dəstəyə ehtiyacınız olduqda www.cert.az saytı, "1654" qaynar xətti və ya reports@cert.az e-poçtu vasitəsilə Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Xidmətinə müraciət edin.

20940
Teqlər:
cərimə, Azərbaycan, internet, server, VPN
Əlaqədar
Erməni təxribatı nəticəsində 19 dinc sakinimizi itirdik
Ön cəbhədə döyüş gedir, bəs paytaxt Bakıda nə baş verir – VİDEO
Putin, Tramp və Makron Qarabağla bağlı vəziyyətə dair bəyanat veriblər
Yapon müğənnidən Azərbaycana dəstək - Xalqımıza sülh arzulayır
Xarici jurnalistlər və ictimai-siyasi xadimlər Azərbaycana dəstək veriblər

Ən sürətli internet kimdədir?

917
(Yenilənib 18:38 14.01.2021)
Azərbaycanda istifadəçilərin telefonla internet arasında seçim etməli olduqları dövr arxada qalıb. Ölkəmiz internetə qoşulma sürətinə görə dünya reytinq cədvəlində heç də pis mövqe tutmur.
© Sputnik / Elnur Salayev

İnternet artıq çoxdan insan həyatının ən müxtəlif sahələrinə nüfuz edib. Hətta onun inkişafı sayəsində yeni "ağıllı ev" konsepsiyası da ortaya çıxıb. Bütün dünyanı bürüyən "hörümçək toru" yaranandan bəri onun sürəti mühüm əhəmiyyət kəsb edir. Dial-up - analoq tipli qoşulma dövrü çoxdan geridə qalsa da, internetin sürəti məsələsi həmişə aktualdır.

Oxucularımız internetə qoşulma sürətinə görə mütəxəssislərin tərtib etdiyi reytinq cədvəlində ölkəmizin hansı yerdə olduğunu Sputnik Azərbaycan-ın xüsusi infoqrafikasından öyrənə  bilərlər. Hələlik Azərbaycan reytinq cədvəlində orta mövqeyini qoruyub saxlayır.

Maraqlıdır ki, dünyada həm sabit, həm də mobil internet siyahısında liderlər məhz Asiya ölkələridir. Üstəlik, bu ölkələr heç də həmişə, belə demək mümkünsə, inkişaf etmiş texniki bazaya sahib olmur. Bununla belə, zəif internetə malik ölkələr də əsasən Asiya qitəsinin payına düşür.

917

Bunu da gördük: vaksinin akkauntunu bağladılar

28
(Yenilənib 22:42 14.01.2021)
Rusiya Birbaşa İnvestisiyalar Fondu bütün istifadəçilərdən Twitter-ə müraciət edərək hesabın qaytarılmasını xahiş etmələrini istəyib

BAKI, 14 yanvar - Sputnik. Rusiyanın koronavirus infeksiyasına qarşı "Sputnik V" peyvəndinin Twitter-dəki hesabı bloklanıb.

Sputnik Azərbaycan bildirir ki, bu barədə Rusiya Birbaşa İnvestisiyalar Fondu məlumat yayıb. 

"Twitter vasitəsilə biz peyvənd, onun xüsusiyyətləri haqda məlumatı bölüşürdük. Twitter üzərindən biz AstraZeneca-ya "Sputnik V" vaksininin komponentlərindən birindən istifadə etməyi təklif etdik və birgə kliniki sınaqlar keçirmək barədə razılığa gəldik". 
RBİF-in məlumatı

Fond bütün istifadəçilərdən Twitter-ə müraciət edərək hesabın qaytarılmasını xahiş etmələrini istəyib. Çağırışdan təxminən bir saat sonra hesaba qoyulan məhdudiyyət aradan qaldırılıb.

28
Teqlər:
Koronavirus, epidemiya, COVID-19, Twitter, Sputnik-V peyvəndi, Rusiya
Mövzu:
Yeni tip koronavirus pandemiyası
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

21
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

21
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət