Zoomda videokonfrans, arxiv şəkli

Zoom-un kəramətinə bax plastik cərrahların gəlirini artırdı

19
(Yenilənib 16:52 16.08.2020)
İnsanlar kamerada “eybəcər” göründüklərini söyləyərək, həkimdən bu problemi aradan qaldırmağı xahiş ediblər

BAKI, 16 avqust — Sputnik. Zoom-da videozənglər zamanı xarici görünüşlərindən narazı qalanlar plastik cərrahlara üz tutublar.

Sputnik Azərbaycan bildirir ki, bu barədə The New York Times yazır.

Nəşrin məlumatına görə, koronavirus pandemiyası zamanı tətbiq edilən özünütəcridə görə videokonfransların da sayı çoxalıb. Bir sıra istifadəçilər videoəlaqə zamanı öz zahiri görünüşlərindən narazı qaldıqlarından estetik cərrahlara müraciət ediblər. İnsanlar əməliyyat və prosedurlara 2 mindən 25 minədək pul xərcləməyə başlayıblar.

“Hələ ömrümdə yay fəsli ərzində bu qədər üzdartma əməliyyatı etməmişdim”, - deyə Atalantada fəaliyyət göstərən plastik cərrah Dayana Aleksander NYT-yə etiraf edib. Onun sözlərinə görə, demək olar ki, hər bir pasiyenti Zoom-dakı zənglərdən sonra əməliyyat etdirməyə qərar verdiyini deyib. İnsanlar kamerada “eybəcər” göründüklərini söyləyərək, həkimdən bu problemi aradan qaldırmağı xahiş ediblər.

Estetik cərrahiyyəyə bu aralar sel kimi axan pulların daha bir səbəbi də müəyyən edilib. Pandemiya zamanı səyyahların çoxu koronavirusa yoluxmaqdan qorxduqlarına görə evdə oturmağa qərar verib, gəzmək üçün topladıqları pulu da zahiri görkəmlərini dəyişmək üçün sərf etməyə başlayıb.

19
Əlaqədar
Pandemiya dövrünün təhlükəsi - Fırıldaqçılar "Zoom"dan istifadə ediblər
Hamı can hayında, bunlar isə gözəllik axtarır
ABŞ Kəşfiyyatı Zoom-un boşluqları barədə xəbərdarlıq etdi
Kibercinayətkarlar "Zoom"-a hücumlar edirlər
Estetik əməliyyat etdirən ulduz büsbütün dəyişdi
İnternetsiz telefon, arxiv şəkli

Azərbaycanda internetin verilməsində məhdudiyyətlər tətbiq olunur

1254
(Yenilənib 10:39 27.09.2020)
"Azərbaycan vətəndaşlarının münaqişə vəziyyətində internetə bağlı yarana biləcək məhdudiyyətlər səbəbindən anlayış göstərəcəklərinə ümid edirik" - NRYTN

BAKI, 27 sentyabr — Sputnik. Ermənistan silahlı qüvvələrinin törətdiyi genişmiqyaslı təxribatın qarşısını almaq üçün ölkə üzrə internetin verilməsi məhdudlaşdırılıb.

Bu barədə Sputnik Azərbaycan-a Nəqliyyat, Rabitə və Yüksək Texnologiyalar Nazirliyindən məlumat verilib.

"Azərbaycan vətəndaşlarının münaqişə vəziyyətində internetə bağlı yarana biləcək məhdudiyyətlər səbəbindən anlayış göstərəcəklərinə ümid edirik" deyə məlumatda qeyd olunub.

Qeyd edək ki, səhər saatlarından etibarən Azərbaycan ərazisində sosial şəbəkələrin işində problem yaranıb.

1254
Mövzu:
Azərbaycan və Ermənistan arasında müharibə
Əlaqədar
Ermənistan cəbhə boyu təxribat törədib, ölənlər və yaralananlar var
Prezidentin köməkçisi Ermənistanın son təxribatı ilə bağlı bəyanat yayıb
MN: Ermənistan Silahlı Qüvvələrinin atəş nöqtələri susdurulur
Bütün cəbhə boyu qoşunlarımız əks-hücum əməliyyatına başlayıb
Ermənistan ordusunun mərmi atəşi nəticəsində Ağdamda mülki şəxs yaralanıb
Google şirkətinin loqosu, arxiv şəkli

Google-un köməyilə koronavirusun harada “partladığını” bilmək olar

39
(Yenilənib 17:27 13.09.2020)
Bundan öncə Google və Apple yeni tip koronavirusa yoluxan şəxslərin kontaktlarının izlənməsi texnologiyasını işləyib hazırlayıblar

BAKI, 13 sentyabr — Sputnik. Alimlər Google axtarış sisteminin köməyilə koronavirus ocağını o hələ alovlanmağa başlamamışdan tapmağın üsulunu öyrəniblər.

Sputnik Azərbaycan bildirir ki, bu barədə Massachusets General Hospital saytında yer alan tədqiqatda deyilir.

Alimlər müşahidə ediblər ki, “dadbilmənin itməsi”, “iştahsızlıq”, “diareya” sözləri ilə Google-da verilən axtarışlar COVID-19-a yoluxmanın yüksək olduğu 5 ştatdan (Nyu-York, Nyu-Cersi, Kaliforniya, Massaçusets, İllinoys) verilən “koronavirus” sözü ilə axtarışlarla üst-üstə düşür. Üstəlik, bu korrelyasiya göstərilən mövzulara maraqla yoluxma sayının artması arasındakı 3-4 həftədə daha çox müşahidə olunub.

“Bizim məlumatlarımız mədə-bağırsaq əlamətlərinin COVID-19-a yoluxmanın potensial “xəbərçiləri” olduğunu təsdiqləyir və pandemiyaların öncədən proqnozlaşdırılmasında Google Trends-in qiymətli alət olduğunu göstərir”, - məqalədə deyilir.

Bundan öncə Google və Apple yeni tip koronavirusa yoluxan şəxslərin kontaktlarının izlənməsi texnologiyasını işləyib hazırlayıblar. Şirkətlər tibb işçilərinə kömək etmək üçün səylərini birləşdiriblər.

 

39
Teqlər:
ocaq, tədqiqat, ABŞ, söz, açar, Koronavirus, epidemiya, COVID-19, sistem, axtarış, Google
Mövzu:
Dünyanı cənginə almış bəla
Əlaqədar
Alman virusoloq: “Həyatın dayanmasına imkan vermək olmaz”
Qubernatorla alimin davası - PZR testini yanıltmaq mümkündür?
Koronavirusu ilk araşdıran alimlərdən bədbin şərh: "Çox vaxtımız yoxdur, gecikmişik"
Şahzadə koronavirusa yoluxma təhlükəsi ilə karantinə alınıb
Yeddi ay müqavimət göstərdilər, sonra üç günə hər şey məhv oldu
Qərənfil, arxiv şəkli

Təhsil Nazirliyi Ermənistanın təcavüzü nəticəsində həlak olan məktəblilərimiz barədə

0
(Yenilənib 14:08 28.09.2020)
Təhsli Nazirliyi: 2007-ci il təvəllüdlü Şəhriyar Qurbanov və onun əmisi qızı, 2006-cı il təvəllüdlü Fidan Qurbanova Z.Rüstəmov adına Qaşaltı Qaraqoyunlu kənd tam orta məktəbinin şagirdləridir

 

BAKI, 28 sentyabr — Sputnik. "Sentyabrın 27-dən Ermənistan silahlı qüvvələrinin yaşayış məntəqələrimizi atəşə tutması nəticəsində Naftalan şəhərində bütöv bir ailə həlak olub. Təəssüflə qeyd edirik ki, bu təcavüz nəticəsində həlak olanlardan ikisi məktəblidir".

Sputnik Azərbaycan-a bu barədə Təhsil Nazirliyindən daxil olan məlumatda bildirilir ki, 2007-ci il təvəllüdlü Şəhriyar Qurbanov və onun əmisi qızı, 2006-cı il təvəllüdlü Fidan Qurbanova Z.Rüstəmov adına Qaşaltı Qaraqoyunlu kənd tam orta məktəbinin şagirdləridir. Ötən gündən başlayaraq Ermənistan tərəfi Azərbaycanın mülki əhalisini və infrastrukturunu məqsədyönlü şəkildə hədəfə almaqla beynəlxalq hüququn norma və prinsiplərini, 1949-cu il Cenevrə Konvensiyalarını kobudcasına pozur.

© AR Ministry of Education.
2007-ci il təvəllüdlü Şəhriyar Qurbanov və onun əmisi qızı, 2006-cı il təvəllüdlü Fidan Qurbanova

Təhsil Nazirliyinin rəhbərliyi və kollektivi Ermənistanın təcavüzü nəticəsində həyatını itirmiş bütün həmvətənlərimizin, o cümlədən Naftalan şəhərində bütöv bir ailənin və şagirdlərimizin həlak olmasından kədərləndiyini bildirir, dərin hüznlə başsağlığı verir.

"Bu gün tarix yazan və qürur mənbəyimiz olan əsgərlərimizə torpaqlarımızın işğaldan azad edilməsi yolunda uğurlar arzulayırıq!", - Nazirlik bildirib.

0