Qadın telefonla maşında, arxiv şəkli

Cəngəllik qanunları ilə işləyən şəbəkə "min manatlıq" ömürlər - bunun cəzası yoxmu?

1028
(Yenilənib 13:37 30.07.2020)
"Təsəvvür edin, insanın karyerası dağılıb, həyatı sıfırlanıb, qarşı tərəfə cəmi 1000 manat cərimə kəsirlər..."

İradə Cəlilova, Sputnik Azərbaycan

BAKI, 30 iyul — Sputnik. Sosial şəbəkələrdə şər-böhtan, təhqir, terrorizmə çağırış, narkotik vasitələrin təbliği məsələləri son zamanlar artmaqdadır. Saxta profillərlə insanların ləyaqətinin alçaldılması, cəbhə ilə bağlı dezinformasiyaların yayılmasının qarşısının alınması üçün Azərbaycanda xüsusi qanunvercilik aktı yoxdur.

Düzdür, Cinayət Məcəlləsində 147 (böhtan) və 148 (təhqir) maddələri olsa da, onlar işlək vəziyyətdə deyil.

Belə ki, bu maddə ilə müvafiq prokurorluq orqanlarına müraciətlər geri qaytarılır.

Elə bir müddət əvvəl bir müraciətlə bağlı cinayət işi Nərimanov Rayon Prokurorluğunda bağlandı. Halbuki şəxsə qarşı sosial şəbəkələrdə olan şər-böhtan xarakterli məlumatlar yayılmaqda davam edir. Prokurorluq orqanlarının vətəndaşların şikayətlərinə qarşı olan biganə davranışı belə cinayətlərin artmasına səbəb olur. Nəticədə insanların işgüzar-şəxsi həyatı alt-üst olur. Cinayətkarlar isə azadlıqda istədikləri kimi həyatlarını davam etdirirlər.

Bu məsələ ilə bağlı bu günlərdə Türkiyədə qanun layihəsi qəbul edilib. Belə ki, artıq istifadəçiləri 1 milyondan çox olan sosial şəbəkələrin ölkədə nümayəndəliyi olacaq. Və bundan sonra şər-böhtan, təhqir, terrorizmə çağırış və narkotik vasitələrin təbliği ilə bağlı məsələlərə görə həmin nümayəndəliklər məsuliyyət daşıyacaq.

Azərbaycanda isə sosial şəbəkələrlə bağlı məsələlər ötən il Milli Məclisdə müzakirə edilsə də, sözün əsl mənasında "dişədəyən" bir nəticə olmadı.

Yəni, dəyirman öz işində, çax-çax baş ağrıdır.

Ölkə qanunvericiliyində sosial şəbəkələrlə bağlı niyə qanun yoxdur? Niyə nəzarətsizlik Azərbaycan vətəndaşlarının həyatını təhlükə qarşısında qoymalıdır?

Sputnik Azərbaycan bu məsələni araşdırıb.

Millət vəkili Elşad Mirbəşiroğlu Sputnik Azərbaycan-a açıqlamasında bildirib ki, bir çox ölkələrdə artıq sosial şəbəkələrdəki mövcud vəziyyət diqqət mərkəzinə keçməkdədir.

O əlavə edib ki, sosial şəbəkələrdə gedən məlumatlar kiminsə şəxsiyyətini təhqir edirsə, kiminsə hüquqlarını tapdayırsa, bu istiqamətdə düşünməyə dəyər.

"Sosial şəbəkərlərdə gedən informasiyalara görə subyektlərin məsuliyyəti nəzərdə tutulursa, bu, normal haldır. Çünki haqqında informasiyalar gedən insanların hüquqlarının qorunmasına xidmət edə bilər. Ayrı-ayrı insanlar haqqında heç bir reallığa söykənməyən informasiyalar yayılır. Onların şəxsiyyəti təhqir edilir, ləyaqəti alçaldılır. Belə hallar cavabsız qalırsa, onlara reaksiya göstərilmirsə, təbii ki, bu zaman cəzasızlıq mühiti yaranır. Və sosial şəbəkələrdən kim kimə qarşı necə istəyirsə, elə də davranır", - deyə millət vəkili vurğulayıb.

Onun sözlərinə görə, bu istiqamətdə bir tənzimlənmənin olması vacibdir. Belə olan halda sosial şəbəkələrdə gedən informasiayalara görə hansısa cavabdeh şəxs vəziyyətə aydınlıq gətirmək üçün vacib rol oynaya bilər.

E.Mirbəşiroğlunun fikrincə, məsələnin hər-hansı bir formada tənzimlənməsi labüddür.

"Bu istiqamətdə hələ ki, tam oturuşmuş bir təcrübə yoxdur. Türkiyədə artıq bu məsələ gündəmdədir. Başqa ölkələrdə də bu nəzərə alınacaq və sosial şəbəkələrdəki vəziyyətin idarə olunmazlığı çox sayda insanların hüquqlarının pozulmasını şərtləndirəcək və şərtləndirir", - deyən millət vəkili hesab edir ki, bu istiqamətdə olan təcrübələrə əsaslanaraq Azərbaycanda da müəyyən addımlar atılmalıdır.

Belə ki, sosial şəbəkələrdə şər-böhtan xarakterli, başqalarının ləyaqətini alçaldan informasiyaların getməsinə görə məsuliyyət nəzərdə tutulmalı, bunun mexanizmi hərtərəfli düşünülüb hazırlanmalıdır.

Millət vəkili Naqif Həmzəyev isə hesab edir ki, sosial şəbəkələrə nəzarət artıq bir çox ölkələrin təcrübəsində var.

"Avropa ölkələrində də artıq bu məsələ müzakirə edilir və qanunvericiliklə tənzimləmək istəyirlər. İnsan hüquqlarının pozulması, terrorizmin təbliği bu gün sosial şəbəkələrdə öz əksini tapır. Təəssüf ki, sosial şəbəkələrin idarəediciləri bu məsələ ilə bağlı heç bir məsuliyyət daşımırlar. Çünki sosial şəbəkələrin ölkələrdə ofisləri yoxdur. Bu səbəbdən də həmin ölkə həmin məsələ ilə bağlı hər-hansı bir hüquqi müstəvidə məsələni həll edə bilmir", - deyə o qeyd edib.

Millət vəkili bildirib ki, saxta profillərlə təxribat xarakterli, yanlış yönləndirmə xarakterli informasiyaların yayılması halları ilə tez-tez qarşılaşırıq: "Azərbaycan müharibə şəraitində olan bir ölkədədir və torpaqlarımızın 20 faizi işğal altındadır. Təxribatçı qüvvələr mütəmadi olaraq informasiya məkanında Azərbaycana qarşı təxribatlar həyata keçirirlər".

Millət vəkili hesab edir ki, sosial şəbəkələrə nəzarət məsələsi gündəmdə olacaq və payız sessiyasında bu məsələ ilə bağlı müzakirələr olacaq.

"Bu məsələ konkret olaraq öz həllini tapmalıdır. Azərbaycan öz informasiya təhlükəsizliyini təmin etməlidir", - deyə o vurğulayıb.

Millət vəkili Tahir Mirkişilinin fikrincə, sosial şəbəkələrdə yayılan informasiyaların tənzimlənməsi və sosial şəbəkə sahiblərinin məsuliyyət daşımaları üçün müxtəlif ölkələrdə müxtəlif tədbirlər görülür: "Türkiyə BMM-nin qəbul etdiyi qanun bu tənzimləmələrin ən əhatəlisidir. Əsas məsələ qanunun icrasının necə olacağıdır. Dünyada bu sahədə qəbul olunan qanunlar hələ ki, lazımi effekt verə bilmir. Biz də daim monitorinq edirik".

Millət vəkili Elman Nəsirov Sputnik Azərbaycan-a açıqlamasında bildirib ki, sosial şəbəkələr cəngəllik qanunları ilə işləyir.

"İstənilən adamın şərəf və ləyaqətini alçatmaq, onu təhqir etmək, işgüzar nüfuzuna xələl gətirmək və cəza almamaq olar. Bu, biabırçı məsələdir. Cəzasızlıq rejimi isə insanları növbəti cinayətlərə sövq edir. Azərbaycan sosial şəbəkələrin geniş istifadə edildiyi bir ölkədir. Əhalinin 80 faizindən çoxu sosial şəbəkə istifadəçisidir", - deyən millət vəkili bildirir ki, bu məsələ Azərbaycan Parlamentində müzakirə edilib.

"Hətta təklif edilmişdi ki, sosial şəbəkə istifadəçilərinin pasport məlumatları sosial şəbəkəyə qeyd edilsin. Bu, saxta profil sahiblərinin üzə çıxarılması üçün vacib bir məsələdir. Həqiqi istifadəçilər bəlli olmalıdır. Və onlar öz hərəkətlərinə görə məsuliyyət daşımalıdırlar. Bu səbəbdən də bu məsələlərin payız sessiyasında ciddi şəkildə müzakirə ediləcəyi istisna deyil. Bununla bağlı yeni qanun layihəsinin hazırlanmasına ehtiyac var. Bu qanunla Azərbaycanda sosial şəbəkələrdə olan anarxiya, xaos aradan qalxmış olar. Bu gün real həyatda insanlar bir-birini təhqir etdikləri halda inzibati və hüquqi məsuliyyət daşıyırlarsa, sosial şəbəkələrdə də onlar bir-birlərinə qarşı davranışlarına görə məsuliyyət daşımalıdırlar", - millət vəkili deyib.

Hüquqşünas Tağı Hüseynovun fikrincə, sosial şəbəkələrdə təhqir, şantaj, böhtan xarakterli məlumatların yayılması insanların işgüzar həyatına, ailə həyatına böyük zərər verir.

Onun sözlərinə görə, Cinayət Məcəlləsinin 148-ci maddəsi ilə məhkəməyə müraciət etmək "üzü astarından" baha başa gəlir.

Çünki vətəndaşların nə hüquqi bilikləri, nə də maddi vəziyyətləri imkan verir ki, özlərini müdafiə edə bilsinlər: "Xüsusi ittiham qaydasında ərizənin hazırlanmasını vəkillərin çoxu hazırlaya bilmir. Məhkəmələrdə vəziyyət bununla bağlı biabırçı haldadır. Cərimələr çox simvolikdir. 147-148-ci maddələrlə bağlı cərimələrin miqdarı çox azdır. Təsəvvür edin, insanın karyerası dağılıb, həyatı sıfırlanıb, qarşı tərəfə cəmi 1000 manat cərimə kəsirlər. Bu, ədalətsiz qərardır".

Hüquqşünas bildirib ki, sosial şəbəkərlədə istifadəçilərin şər-böhtan xarakterli məlumatlarının qarşısını almaq üçün yeni qanunvericlik aktı qəbul edilməlidir.

"Hazırda bu məsələ məhkəmələrin səlahiyyətindədir. Ancaq təklif edərdim ki, 147-148 ci maddələrlə mühakimə polisin səlahiyyətinə verilsin", - deyən T.Hüseynov qeyd edib ki, Milli Məclis bu məsələni müzakirə etməlidir.

Belə olan halda sosial şəbəkə cinayətkarlarının cəzalandırılması əlçatan olar.

"Daxili İşlər Nazirliyində Kibercinayətkarlıqla mübarizə İdarəsi var. Bu idarə saxta profillərin kim tərəfindən açılmasını təyin edə bilir. Amma məhkəməyə müraciət edəndə məsələ uzanır", - deyə o qeyd edib.

Onun sözlərinə görə, boş-bekar, axmaq saxta profillərdə insanları təhqir edən şəxslər polis tərəfindən cəzalandırılmalıdır: "Polis idarələrində bu məsələ ilə bağlı xüsusi bölmənin açılmasına ehtiyac var. Çünki Azərbaycanda insanların həyatını alt-üst etməyə çalışan cinayətkarlar var. Onlar layiqli cəzasını almalıdırlar".

Belə... Nə qədər acınacaqlı olsa da, bu gün Azərbaycanda sosial şəbəkələrdə anarxiya, xaos hökm sürür.

Saxta profil altında gizlənən cinayətkarlar cəzasız qaldıqca ölkədə rahat yaşamaqdan söhbət gedə bilməz...

1028
Nəqliyyat, Rabitə və Yüksək Texnologiyalar naziri Ramin Quluzadə

"Erməni təxribatları bütün regionda İKT-nin inkişafına əngəl törədir" - Nazir

21
(Yenilənib 12:56 23.10.2020)
Ermənistanın son hərbi təxribatları səbəbindən Azərbaycanın bir neçə bölgəsində İKT və telekommunikasiya infrastrukturu ya tamamilə məhv edilib, ya da ciddi şəkildə ziyan görüb.

BAKI, 23 oktyabr — Sputnik. Beynəlxalq Telekommunikasiya İttifaqı (BTİ) və Vyetnamın birgə təşkilatçılığı ilə "ITU Virtual Digital World 2020" beynəlxalq tədbiri çərçivəsində nazirlər səviyyəsində "dəyirmi masa" keçirilib. Sputnik Azərbaycan-ın məlumatına görə, BTİ-yə üzv olan çoxsaylı ölkənin İKT üzrə rəsmilərinin qatıldığı videotədbir "COVID-19" pandemiyası zamanı və sonrakı dövrdə rəqəmsal texnologiyaların rolu mövzusunu ehtiva edib.

Tədbir BTİ-nin Baş katibi Houlin Zao, Vyetnamın İnformasiya və Kommunikasiya naziri Nquyen Man Hunq və BTİ-nin Radiorabitə Bürosunun direktoru Mario Manieviçin açılış nitqləri ilə başlayıb. "COVID-19" pandemiyasının qlobal və milli səviyyədə rəqəmli inkişafa təsirinə dair müzakirələrin aparıldığı "dəyirmi masa"da Azərbaycan Respublikasının Nəqliyyat, Rabitə və Yüksək Texnologiyalar naziri Ramin Quluzadə çıxış edib. Nazir çıxışında ölkəmizdə "COVID-19"la mübarizə və pandemiyanın təsirini minimuma endirmək üçün görülmüş işlər barədə müfəssəl məlumat verib.

Əlində telefon olan qız, arxiv şəkli
© Sputnik / Murad Orujov

Ramin Quluzadə bildirib ki, pandemiya zamanında da vətəndaşlar yüksək keyfiyyətli nəqliyyat, poçt və telekommunikasiya xidmətləri, o cümlədən internet və mobil rabitə xidmətləri ilə təmin edilib. Telekommunikasiya infrastrukturunun davamlılığı tələbata uyğun olaraq artırılıb. Nazir dövlət qurumları tərəfindən yeni informasiya sistemlərinin yaradıldığını, xüsusi veb-saytlarla yanaşı, vətəndaşlar üçün məlumat-bildiriş sistemi və yoluxmuş insanlar üçün izləmə sistemi olaraq istifadə olunan mobil tətbiqetmənin hazırlandığını diqqətə çatdırıb.

"Pandemiya dövründə təhsil üzrə "Connected schools" və qurumlar üçün videokonfrans xidmətlərinin təmin edilməsi məqsədilə "Connected Government" layihələrinin tətbiqinə başladıq", – deyə Ramin Quluzadə qeyd edib. Nazir Azərbaycanın hazırda iki cəbhədə mübarizə apardığını söyləyib: "Pandemiya ilə yanaşı, bütün regionda İKT-nin inkişafına əngəl törədən erməni təxribatlarına və təcavüzlərinə cavab olaraq lazımi addımlar atırıq".

Ramin Quluzadə əlavə edib ki, Ermənistanın son hərbi təxribatları səbəbindən Azərbaycanın bir neçə bölgəsində İKT və telekommunikasiya infrastrukturu ya tamamilə məhv edilib, ya da ciddi şəkildə ziyan görüb. Son günlər bu təcavüz nəticəsində uşaqlar da daxil olmaqla, Azərbaycanın 63 dinc sakini həlak olub və 293 mülki şəxsi yaralanıb. Nazir çıxışının sonunda qeyd edib ki, bütün bu çətinliklərə baxmayaraq, Azərbaycan hökuməti inkişaf strategiyalarını genişləndirmək üçün səylərini davam etdirəcək.

21
Mövzu:
Azərbaycan və Ermənistan arasında müharibə
Əlaqədar
Baş Prokurorluq dinc əhaliyə dəyən zərərlərin statistikasını açıqladı
İşğal olunmuş ərazidə Qırmızı kitaba düşən 120-dək flora və fauna növündən məlumat yoxdur
Terror təhlükəsiylə bağlı yeni müraciət
Putin: "Azərbaycan ərazilərinin itirilməsi vəziyyəti sonsuzadək davam edə bilməz"
Beynəlxalq təşkilatlar rayonlarımızın raket atəşinə tutulması barədə məlumatlandırılıb
Əlində telefon olan qız, arxiv şəkli

Qarabağ artıq əhatə dairəsində

86
(Yenilənib 11:59 23.10.2020)
"Azercell Telekom" MMC işğaldan azad olunmuş ərazilərdə ilk mobil infrastrukturun qurulmasına başlayıb və orada dördüncü nəsil LTE radio baza stansiyalarını quraşdırmaqdadır

BAKI, 23 oktyabr — Sputnik. Böyük sevinc hissi ilə bildirmək istəyirik ki, "Azercell Telekom" MMC işğaldan azad olunmuş ərazilərdə ilk mobil infrastrukturun qurulmasına başlayıb və orada dördüncü nəsil LTE radio baza stansiyalarını quraşdırmaqdadır.

Sputnik Azərbaycan-a Azercell şirkətindən verilən məlumatda bildirilir ki, Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin qətiyyətli rəhbərliyi sayəsində qəhrəman ordumuzun bu zəfər yürüşünün möhtəşəm bir qələbə ilə başa çatacağına əmindir. Buna görə də operator ölkəmizin azad edilmiş bütün tarixi ərazilərini müasir mobil şəbəkə ilə əhatə etməyə, eləcə də tezliklə öz evlərinə qayıdacaq sakinlərini fasiləsiz rabitə və innovativ xidmətlərlə təmin etməyə hazırdır. Azərbaycanda bağlantısız heç bir nöqtə qalmayacaq! Qarabağdan eşidilmək ümidilə #gəlirik! Qarabağ Azərbaycandır!

86
ABŞ bayrağı, arxiv şəkli

ABŞ-ın Bakıdakı Səfirliyi terror təhlükəsi haqda xəbərdarlıq edib: Bu otellərdən uzaq olun

54
(Yenilənib 22:35 24.10.2020)
Bildirilib ki, səfirlik təhlükəsizliklə bağlı vəziyyəti nəzərdən keçirməyə davam edəcək və ehtiyac olduğu təqdirdə əlavə məlumat verəcək.

BAKI, 24 oktyabr — Sputnik. ABŞ-ın Azərbaycandakı Səfirliyi, "Abşeron J.W. Marriott" kimi otellər də daxil olmaqla, potensial olaraq Bakının digər yerlərində ABŞ vətəndaşlarına və xarici vətəndaşlara qarşı baş verə biləcək terror hücumları və qaçırmalar barədə etibarlı məlumatlar əldə edib.

Sputnik Azərbaycan səfirliyin rəsmi saytına istinad edərək xəbər verir ki, ABŞ vətəndaşlarına amerikalıların və ya əcnəbilərin toplaşa biləcəyi yerlərdə çox ehtiyatla davranmaları tövsiyə olunur.

Xəbərdarlıqda aşağıdakı tədbirlər qeyd edilib:

- Ehtiyatlı və sayıq olun.

- Kütlənin çox olduğu yerlərdən yayının.

- Öz profilinizi büruzə verməyin.

- Ətrafınızdan xəbərdar olun.

- Əcnəbilərin sıx olduğu yerlərdə diqqətli olun.

- Yerli mediayanı diqqətdə saxlayın.

Bildirilib ki, səfirlik təhlükəsizliklə bağlı vəziyyəti nəzərdən keçirməyə davam edəcək və ehtiyac olduğu təqdirdə əlavə məlumat verəcək.

Qeyd edək ki, bir müddət əvvəl Azərbaycan Dövlət Təhlükəsizlik Xidməti ölkəmizdə gözlənilən erməni terroru ilə bağlı vətəndaşlara xəbərdarlıq edib.

54