Evdə adam, arxiv şəkli

Koronavirus təhlükəsi ilə evə sığınanlar, gözünü internetə dikənlər Gözəl təklif var

3214
(Yenilənib 19:55 21.03.2020)
“Provayderlər ən azı mart və aprel aylarında gücləndirilmiş iş rejimində çalışmalı, əhaliyə keyfiyyətli xidmət göstərməli, müxtəlif güzəştlər tətbiq etməlidirlər. Vətəndaşların borcu yaranacağı təqdirdə belə internetin fəaliyyəti dayandırılmamalıdır” – Naqif Həmzəyev

Nigar İsgəndərova, Sputnik Azərbaycan

BAKI, 21 mart — Sputnik. Dünyanı ağuçuna alan koronovirus pandemiyası Azərbaycanda daha yan keçməyib. Son məlumatlara görə, ölkəmizdə Azərbaycanda 44 koronavirusa yoluxmuş xəstə var. Onlardan bir nəfəri vəfat edib.

Koronavirus təhlükəsini nəzərə alan Nazirlər Kabineti yanında Operativ Qərargah xüsusi rejimdə iş üzrə 17 mart Təlimatında iclasların, müşavirələrin və toplantıların yalnız telefon (selektor) rabitəsi, mobil və internet rabitəsi vasitəsilə keçirilməsinə üstünlük verilməsi, mümkün olduğu halda, əməkdaşların məsafədən işləmələri məsələsinə baxılması və işçilərin və onların ailə üzvlərindən birinin qrip, soyuqdəymə, halsızlıq və digər bu kimi halları olduğu təqdirdə həmin işçilərin işə çıxmasının qadağan edilməsi haqda tapşırıqlar yer alır ki, bütün bunlar da distant fəaliyyəti labüd edir. Artıq Azərbaycanda bəzi müəssisələr distant olaraq fəaliyyət göstərir. Təbii ki, belə olan halda, internetə yükləmələr də artır.

Azərbaycanda internetin sürəti (3.1 Mbps) dünya üzrə orta internet sürətindən də aşağıdır və internetin sürətinə görə 207 ölkə arasında 141-ci yerdə olması isə bu vəziyyətin heç də ürəkaçan olmadığını deməyə əsas verir.

Yaranmış vəziyyətlə əlaqədar olaraq artıq ölkəmizdə internetin sürətinin artırılması ilə bağlı tələblər də var. Millət vəkili Naqif Həmzəyev Sputnik Azərbaycan-a açıqlamasında bu haqda danışıb: “Koronavirus təhlükəsi ilə əlaqədar şagird və tələbələr gününü evdə keçirərək onlayn dərs vəsaitlərindən istifadə etməli olurlar. Digər qisim şəxslər filmlər yükləyir, yaxud da onlayn baxırlar. Bu səbəbdən də heç vaxt eyni anda internetdən istifadə bu həddə olmamışdı. Bütün bunlar, yəni internetdən kütləvi istifadə sürətin zəifləməsinə, nəticə etibarilə keyfiyyətin aşağı düşməsinə səbəb olur”.

“Buna görə təklif edirəm ki, provayderlər ən azı mart və aprel aylarında gücləndirilmiş iş rejimində çalışsınlar, əhaliyə keyfiyyətli xidmət göstərsinlər, müxtəlif güzəştlər tətbiq etsinlər. Vətəndaşların borcu yaranacağı təqdirdə belə internetin fəaliyyətini dayandırmasınlar. Düşünürəm, çağırışımızdan sonra bu məsələyə diqqət yetiriləcək” - deyə o əlavə edib.

Millət vəkili bildirib ki, fiberoptik xətt üzərində fəaliyyət göstərən provayderlərdə keyfiyyət yaxşı olsa da, digərlərində problemlərə rast gəlinir: “Bu isə sürət və keyfiyyətdə güzəştlərin tətbiqini və gücləndirilmiş iş rejiminə keçirilməni vacib edir”.

3214

Ən sürətli internet kimdədir?

909
(Yenilənib 18:38 14.01.2021)
Azərbaycanda istifadəçilərin telefonla internet arasında seçim etməli olduqları dövr arxada qalıb. Ölkəmiz internetə qoşulma sürətinə görə dünya reytinq cədvəlində heç də pis mövqe tutmur.
© Sputnik / Elnur Salayev

İnternet artıq çoxdan insan həyatının ən müxtəlif sahələrinə nüfuz edib. Hətta onun inkişafı sayəsində yeni "ağıllı ev" konsepsiyası da ortaya çıxıb. Bütün dünyanı bürüyən "hörümçək toru" yaranandan bəri onun sürəti mühüm əhəmiyyət kəsb edir. Dial-up - analoq tipli qoşulma dövrü çoxdan geridə qalsa da, internetin sürəti məsələsi həmişə aktualdır.

Oxucularımız internetə qoşulma sürətinə görə mütəxəssislərin tərtib etdiyi reytinq cədvəlində ölkəmizin hansı yerdə olduğunu Sputnik Azərbaycan-ın xüsusi infoqrafikasından öyrənə  bilərlər. Hələlik Azərbaycan reytinq cədvəlində orta mövqeyini qoruyub saxlayır.

Maraqlıdır ki, dünyada həm sabit, həm də mobil internet siyahısında liderlər məhz Asiya ölkələridir. Üstəlik, bu ölkələr heç də həmişə, belə demək mümkünsə, inkişaf etmiş texniki bazaya sahib olmur. Bununla belə, zəif internetə malik ölkələr də əsasən Asiya qitəsinin payına düşür.

909

Bunu da gördük: vaksinin akkauntunu bağladılar

27
(Yenilənib 22:42 14.01.2021)
Rusiya Birbaşa İnvestisiyalar Fondu bütün istifadəçilərdən Twitter-ə müraciət edərək hesabın qaytarılmasını xahiş etmələrini istəyib

BAKI, 14 yanvar - Sputnik. Rusiyanın koronavirus infeksiyasına qarşı "Sputnik V" peyvəndinin Twitter-dəki hesabı bloklanıb.

Sputnik Azərbaycan bildirir ki, bu barədə Rusiya Birbaşa İnvestisiyalar Fondu məlumat yayıb. 

"Twitter vasitəsilə biz peyvənd, onun xüsusiyyətləri haqda məlumatı bölüşürdük. Twitter üzərindən biz AstraZeneca-ya "Sputnik V" vaksininin komponentlərindən birindən istifadə etməyi təklif etdik və birgə kliniki sınaqlar keçirmək barədə razılığa gəldik". 
RBİF-in məlumatı

Fond bütün istifadəçilərdən Twitter-ə müraciət edərək hesabın qaytarılmasını xahiş etmələrini istəyib. Çağırışdan təxminən bir saat sonra hesaba qoyulan məhdudiyyət aradan qaldırılıb.

27
Teqlər:
Koronavirus, epidemiya, COVID-19, Twitter, Sputnik-V peyvəndi, Rusiya
Mövzu:
Yeni tip koronavirus pandemiyası
Fransada etirazlar

Yeni ildə köhnə adətə davam: fransızlar yenə mitinqə çıxıblar - VİDEO - FOTO

0
(Yenilənib 18:38 16.01.2021)
Sulu qar və koronavirus epidemiyası səbəbindən məhdudlaşmaların sərtləşdirilməsi etirazçılara küçələrə çıxmağa əngəl törətməyib

BAKI, 16 yanvar - Sputnik. Parisdə bu ilin ilk "Azadlıq marşı" keçirilir. Aksiya iştirakçılarının tələbi dəyişməzdir - onlar parlamentin nəzərdən keçirdiyi "Qlobal təhılükəsizlik haqda" qanuna qarşıdırlar. 

Sputnik Fransa xəbər verir ki, sulu qar və koronavirus epidemiyası səbəbindən məhdudlaşmaların sərtləşdirilməsi etirazçılara küçələrə çıxmağa əngəl törətməyib. 

​Etirazları "yeniləməyə" Milli Jurnalistlər Birliyi çağırıb. İnsanlar yerli vaxtla 14:00-da Bastiliya meydanına doğru hərəkət ediblər. Xeyli sayda polis təhlükəsizliyi qorumaq üçün cəlb edilib. 

Hələlik aksiyanın dinc keçdiyi bildirilir. 

​Ötən il noyabrın 24-də Milli Şura "Qlobal təhlükəsizlik haqda" qanun layihəsini birinci oxunuşda qəbul edib. Onun 24-cü maddəsi polisin, jandarmın vəzifələrini icra edən zaman "onların fiziki və ya psixi toxunulmazlığına açıq-aşkar xələl gətirmək məqsədilə" "üzünün şəklinin, yaxud digər identifikasiya elementinin" yayılmasına görə 45 min avro cərimə və həbs cəzasını nəzərdə tutur. 

​Bu maddə jurnalistlərin həmkarlar ittifaqının narazılığna səbəb olub, onlar hesab edirlər ki, bu, söz azadlığına ciddi ziyan vuracaq, vətəndaşlar və KİV isə manifestasiyalar zamanı hüquq-mühafizə orqanlarının əməkdaşlarının işini asudə işıqlandıra bilməyəcəklər. Milli Şura tənqid olunan maddəni yenidən yazmağa qərar versə də həmkarlar ittifaqları yenidən etirazlara səsləyiblər. Parlamentin yuxarı palatası isə qətnaməyə yanvarda baxacaq.

0