Mobil telefon

Əlvida, böyürtkən! Brend bağlanır

20
(Yenilənib 11:00 04.02.2020)
Son illər ucuz sensorlu qurğuların peyda olması ilə QWERTY klaviatura ilə təchiz olunmuş "BlackBerry" smartfonlarının satışı xeyli azalıb

BAKI, 4 fevral — Sputnik. "TCL Communication" şirkəti "Blackberry" brendinin bağlandığını, daha belə markalı telefon istehsal olunmayacağını bildirib.

Sputnik Azərbaycan bildirir ki, bu barədə "BlackBerry Mobile"ın sosial şəbəkə hesabında məlumat yayılıb.

Şirkət bildirib ki, bu il avqustun 31-dək smartfon satışları dayandırılacaq. Bu tarixə qədər satılacaq qadcetlərə şirkət iki il - 2020-ci il avqustun 31-dək dəstək verəcəyini bildirib. Zəmanət xidməti də elə bir o qədər davam edəcək.

"Daha "TCL Communication"in istənilən yeni növ "BlackBerry" mobil qurğularını hazırlamaq, istehsal etmək və ya satmaq hüququ yoxdur", - məlumatda deyilir.

​Şirkətin nümayəndələri brendin istifadəçilərinə və partnyorlarına təşəkkür ediblər. Onlar ümid etdiklərini bildiriblər ki, "TCL Communication" və "BlackBerry Limited"i parlaq gələcək gözləyir.

Son illər ucuz sensorlu qurğuların peyda olması ilə QWERTY klaviatura ilə təchiz olunmuş "BlackBerry" smartfonlarının satışı xeyli azalıb.

2016-cı ildən "BlackBerry" qurğuların istehsalı və satışı hüququna malik "TCL Communications" şirkətinə məxsus idi. Bundan əvvəl "BlackBerry" şirkəti proqram təminatına yönəlməyə qərar vermişdi.

20
Əlaqədar
Telefon sahibindən xəbərsiz şəkil silir
Rusiya alimləri naqilsiz şarj qurğusu yaradırlar
Telefonu başının altına qoyub yatdı, öldü
Milyonlarla istifadəçi "WhatsApp"sız qalacaq

Ən sürətli internet kimdədir?

911
(Yenilənib 18:38 14.01.2021)
Azərbaycanda istifadəçilərin telefonla internet arasında seçim etməli olduqları dövr arxada qalıb. Ölkəmiz internetə qoşulma sürətinə görə dünya reytinq cədvəlində heç də pis mövqe tutmur.
© Sputnik / Elnur Salayev

İnternet artıq çoxdan insan həyatının ən müxtəlif sahələrinə nüfuz edib. Hətta onun inkişafı sayəsində yeni "ağıllı ev" konsepsiyası da ortaya çıxıb. Bütün dünyanı bürüyən "hörümçək toru" yaranandan bəri onun sürəti mühüm əhəmiyyət kəsb edir. Dial-up - analoq tipli qoşulma dövrü çoxdan geridə qalsa da, internetin sürəti məsələsi həmişə aktualdır.

Oxucularımız internetə qoşulma sürətinə görə mütəxəssislərin tərtib etdiyi reytinq cədvəlində ölkəmizin hansı yerdə olduğunu Sputnik Azərbaycan-ın xüsusi infoqrafikasından öyrənə  bilərlər. Hələlik Azərbaycan reytinq cədvəlində orta mövqeyini qoruyub saxlayır.

Maraqlıdır ki, dünyada həm sabit, həm də mobil internet siyahısında liderlər məhz Asiya ölkələridir. Üstəlik, bu ölkələr heç də həmişə, belə demək mümkünsə, inkişaf etmiş texniki bazaya sahib olmur. Bununla belə, zəif internetə malik ölkələr də əsasən Asiya qitəsinin payına düşür.

911

Bunu da gördük: vaksinin akkauntunu bağladılar

28
(Yenilənib 22:42 14.01.2021)
Rusiya Birbaşa İnvestisiyalar Fondu bütün istifadəçilərdən Twitter-ə müraciət edərək hesabın qaytarılmasını xahiş etmələrini istəyib

BAKI, 14 yanvar - Sputnik. Rusiyanın koronavirus infeksiyasına qarşı "Sputnik V" peyvəndinin Twitter-dəki hesabı bloklanıb.

Sputnik Azərbaycan bildirir ki, bu barədə Rusiya Birbaşa İnvestisiyalar Fondu məlumat yayıb. 

"Twitter vasitəsilə biz peyvənd, onun xüsusiyyətləri haqda məlumatı bölüşürdük. Twitter üzərindən biz AstraZeneca-ya "Sputnik V" vaksininin komponentlərindən birindən istifadə etməyi təklif etdik və birgə kliniki sınaqlar keçirmək barədə razılığa gəldik". 
RBİF-in məlumatı

Fond bütün istifadəçilərdən Twitter-ə müraciət edərək hesabın qaytarılmasını xahiş etmələrini istəyib. Çağırışdan təxminən bir saat sonra hesaba qoyulan məhdudiyyət aradan qaldırılıb.

28
Teqlər:
Koronavirus, epidemiya, COVID-19, Twitter, Sputnik-V peyvəndi, Rusiya
Mövzu:
Yeni tip koronavirus pandemiyası
Həbsxana, arxiv şəkli

Penitensiar xidmətin məhkumun ölümü ilə bağlı açıqlaması: "Tibbi ekspertizanın rəyi var"

0
(Yenilənib 19:58 16.01.2021)
"Digər cəzaçəkmə müəssisələrində olduğu kimi, bu müəssisədə də tam sabitlikdir, iş öz ahəngi ilə gedir" - Mehman Sadıqov

BAKI, 16 yanvar - Sputnik. Ədliyyə Nazirliyinin Penitensiar Xidməti sosial şəbəkələrdə 13 saylı cəzaçəkmə müəssisəsində məhkumun döyülərək öldürülməsi və müəssisədə məhbuslara telefonla əlaqə qadağasının qoyulması ilə bağlı yayılan iddialara münasibət bildirib. 

Sputnik Azərbaycan APA-ya istinadən bildirir ki, Penitensiar Xidmətin şöbə rəisi Mehman Sadıqov sosial şəbəkələrdə yayılan həmin məlumatların yalan olduğunu deyib: "Röyal adlı həmin məhkum ürək-damar çatışmazlığından vəfat edib. Bununla bağlı məhkəmə-tibbi ekspertizasının rəyi də var. Müəssisədə heç bir əməliyyat keçirilməyib. Telefon danışıqlarına da hər hansı bir qadağa, yaxud məhdudiyyət qoyulmayıb. Bu cür böhtan xarakterli məlumatlar əvvəllər də yayılıb. Bu da məhkumların narahatlığına səbəb olur. Digər cəzaçəkmə müəssisələrində olduğu kimi, bu müəssisədə də tam sabitlikdir, iş öz ahəngi ilə gedir”. 

Qeyd edək ki, sosial şəbəkələrdə Röyal adlı məhkumun 13 saylı cəzaçəkmə müəssisəsində döyülərək öldürülməsi və həmin müəssisədə məhbuslara telefonla əlaqə qadağasının qoyulması ilə bağlı məlumatlar yayılıb. 

0