BAKI, 3 fevral — Sputnik. Rusiyada iki metr uzaqlıqdan telefonun batareyasını şarj etməyə imkan verən qurğu yaradılır.

Sputnik Azərbaycan Rusiya mətbuatına istinadən bildirir ki, qurğunun sənaye istehsalına iki ildən sonra başlanacaq.

Elektron qurğular üçün naqilsiz şarj alətləri çoxdan bazarlarda satılır. Ancaq onların bir əmması var ki, gərək qadcetin yanında olsunlar. Elektriki onlar qurğunun içində quraşdırılan dolaqdan maqnit induksiyası vasitəsilə smartfonda yerləşən digər dolağa ötürür. 

"WIPOT" adlı layihənin rəhbəri Mixail Komarov deyib ki, mütəxəssislər dolaqların tezlikləri arasında yaranan maqnit rezonansını işə salaraq səmərəli iş sahəsini artırıblar. Alimlərin yeni icadı hətta telefonu cibdən çıxarmadan belə şarj etməyə imkan yaradacaq.

Onun radiusu iki m olacaq. Faydalı iş əmsalı isə analoqlarınınkına bərabər olacaq - 30%. Mütəxəssislər deyirlər ki, qurğu insan səhhətinə zərər verməyəcək, çünki müasir elektron cihazların işlətdiyi dalğa diapazonunda işləyəcək. Enerji ötürülməsinin gücü bir neçə qadceti - smartfon, naqilsiz qulaqcıqlar, saat və s. - elektriklə təmin etməyə yetəcək.

Qurğunun prototiplərini alimlər test mərhələsindən keçirirlər.

Ötən həftə müxtəlif hadisələrlə yadda qaldı. Əsas problemimiz - koronavirusdur, dünya iki milyondan artıq insanın ömrünə son qoyan mərəzlə mübarizəsini davam etdirir.

ABŞ Nümayəndələr Palatası ikinci dəfə tərəfdarlarını Kapitoliyə hücuma təhrik etdiyi iddia olunan Donald Trampın impiçmentinə səs verdi. Tramp iki dəfə impiçment elan olunan prezident kimi ABŞ tarixinə düşdü. 

İndoneziyada Boeing 737-500 sərnişin təyyarəsi qəzaya uğradı. Göyərtədəki 65 nəfərdən heç biri sağ qalmadı. Qəzanın səbəbləri isə hələ də araşdırılır.

İspaniya sakinləri əsl qışın xoş olmayan dadını yaşadılar. "Filomena" qasırğası qarsız qışa öyrəşmiş Pireney yarımadasını ağ rəngə bürüdü.

Dünyanın ötən həftəni necə keçirdiyini planetin müxtəlif guşələrindən toplanmış fotolara baxmaqla xatırlamağı təklif edirik. Aparıcı informasiya agentliklərinin müxbirlərinin yaddaqalan hadisələri, eləcə də emosional anları həkk elədikləri kadrlar - Sputnik Azərbaycan-ın həftəlik fotolentində.