CƏMİYYƏT
Cəmiyyətin həyatında baş verən aktual hadisələr

"Bakutel"in 25 illik yubiley sərgisi keçiriləcək

© Official website of President of Azerbaijan RepublicXXIII Azərbaycan Beynəlxalq Telekommunikasiya və İnformasiya Texnologiyaları Sərgisi — “Bakutel-2017”
XXIII Azərbaycan Beynəlxalq Telekommunikasiya və İnformasiya Texnologiyaları Sərgisi — “Bakutel-2017”  - Sputnik Azərbaycan
Abunə olmaq
Bu il "Bakutel" beynəlxalq sərgisində Azərbaycandan təxminən 50 startap iştirak edəcək və onlar müxtəlif fəaliyyət sahələri üçün öz layihələrini təqdim edəcəklər

BAKI, 26 noyabr — Sputnik. 20 ölkədən, o cümlədən Azərbaycan, Çin, Finlandiya, İsveçrə, Ukrayna və digər ölkələrdən 200-dən çox şirkət bu il 25 illik yubileyini qeyd edən "Bakutel" beynəlxalq sərgisində iştirak edəcək.

Вид на телебашню - Sputnik Azərbaycan
MƏDƏNİYYƏT
Bakıda qeyri-adi sərgi keçiriləcək

Artıq 25 ildir ki, İT məhsul və xidmətlərin nümayişi üçün əsas sahə olan "Bakutel" sərgisi telekommunikasiya sahəsinin aparıcı oyunçularını bir araya gətirir. "Bakutel" Xəzər bölgəsindəki ən böyük İT sərgisi olmaqla yanaşı, həmçinin netvorkinq və işgüzar kontaktların qurulması üçün də unikal məkandır. Sərginin uğuru ondan ibarətdir ki, bu illər ərzində burada 3000 şirkət, 50 ölkə və 25 000 ziyarətçi iştirak edib.

Yubiley sərgidə ölkələrinin ticarət palataları və səfirliklərinin dəstəyi ilə ABŞ, Belarus, BƏƏ, Fransa, İran, İsrail, İtaliya, Rusiya, Sloveniya, Türkiyə və Xorvatiya və digər ölkələrin aparıcı İT şirkətlərindən ibarət olan milli qruplar iştirak edəcəklər.

Yüksək keyfiyyətli telekommunikasiya xidmətlərinin geniş çeşidini "Azərkosmos" və "Rusiya Peyk Rabitəsi" kimi aparıcı peyk operatorları təqdim edəcək. Sərginin debütantlarının sayı ümumi iştirakçıların 30 faizini təşkil edir. Sərgi həm iş, həm də gündəlik həyat üçün ağıllı həllər təklif edir.

Sərgi iştirakçılarının, habelə təqdim olunan məhsul və xidmətlərin siyahısı ilə linkdən keçərək tanış olmaq mümkündür: https://bakutel.az/az-exhibitorslist/

Bu il dövlət sektoru sərgidə geniş tərkibdə təmsil olunub. Azərbaycan Respublikası Nəqliyyat, Rabitə və Yüksək Texnologiyalar Nazirliyinin stendində nazirliyin tabeliyində olan 9 struktur – "Azərpoçt", "Azərmarka", "İnnovasiyalar Agentliyi", "Aztelekom", "Azintelekom", "Bakı Telefon Rabitəsi", "İnformasiya-hesablama mərkəzi" və s. strukturlar təqdim ediləcək.

Bu il "Bakutel" sərgisinə Azərbaycan Respublikası Əmək və Əhalinin Sosial Müdafiəsi Nazirliyinin "DOST" Agentliyi öz həll variantları ilə sərgiyə qatılıb. Həmçinin "ASAN" və onun "E-GOV" (Elektron hökumət) strukturu da tədbirdə iştirak edəcək. Sərginin ikinci zalında IoT (Əşyaların interneti) texnologiyaları təqdim edən şirkətlər yerləşəcəklər. "Bakutel" sərgisinin çərçivəsində Azərbaycan Respublikasının Kiçik və Orta Biznesin İnkişafı Agentliyinin (KOBİA) stendi də təqdim olunacaq.

Heydər Əliyev Mərkəzində dünya xalqlarına məxsus unikal musiqi alətlərinin sərgisi açılıb - Sputnik Azərbaycan
MƏDƏNİYYƏT
Azərbaycanda unikal sərgi - Xan əminin qavalı, Aftandilin qarmonu, Aşıq Ədalətin sazı

"Bakutel" sərgisi yeniliklərin nümayişi üçün ölkənin ən böyük qovşağıdır. Bu il sərgidə Azərbaycandan təxminən 50 startap iştirak edəcək və şirkətlər müxtəlif fəaliyyət sahələri üçün öz layihələrini təqdim edəcəklər.

Yüksək Texnologiyalar Parkının startapları, həmçinin istər Bakıdan, istərsə də ölkə regionlarından olan startapların da daxil olduğu, "İdeyadan biznesə" startap turlarının finalçılarının layihələri təqdim olunacaq. Həmçinin Azərbaycan Respublikası Nəqliyyat, Rabitə və Yüksək Texnologiyalar Nazirliyinin və "Bakcell" şirkətinin stendlərində "Barama" və "AppLab" inkubasiya mərkəzləri təqdim ediləcək.

"Bakutel" sərgisinin işgüzar proqramına kommunikasiya, dialoq və effektiv həll variantlarının axtarışı üçün müasir platformalar: "İnnovasiyalar zonası" və "Təqdimatlar zonası" daxildir. Bu dinamik zonalarda 3 dekabr tarixində müxtəlif maraqlı tədbirlər keçiriləcək.

4 dekabr tarixində "Forbes" jurnalının redaksiya direktoru Nikolay Uskovla qapalı görüş keçiriləcək. Sərginin xüsusi qonağı məhz bu tədbirdə iştirak etmək üçün Bakıda səfərdə olacaq və biznes sahəsində innovasiyalar haqda məlumat verəcək.

Həmin gün artıq ikinci dəfə "Bakutel" sərgisi çərçivəsində "Əşyaların İnterneti: Müasir Cəmiyyətin Təməli" mövzusuna həsr olunmuş "Xəzər İnnovasiya Konfransı" keçiriləcək. Konfransda Əşyaların İnterneti üzrə həllərin inkişaf modelləri, habelə infrastruktur, sənaye və kənd təsərrüfatı kimi müxtəlif sahələrdə bu həllərinin tətbiqi və istifadəsi üçün hüquqi və tənzimləmə məsələləri müzakirə olunacaq.

Sərgi çərçivəsində 4-5 dekabr tarixlərində "Bakutel Tech Talks" Beynəlxalq Müzakirə Platforması təşkil ediləcək. Dolğun məzmun, yüksək səviyyəli məruzəçilər və qızğın müzakirələr rəqəmsal texnologiyalar aləminə dalmaq, bununla da sərginin iştirakçı və ziyarətçilərinə gələcəyə nəzər salmaq və sektorun ən vacib təmayüllərini izləmək kimi unikal fürsət verəcək. "Bakutel Tech Talks" 3 sessiyadan ibarət olacaq:

İlham Əliyev XXVI Beynəlxalq “Xəzər Neft və Qaz-2019” sərgi və konfransının açılışında iştirak edib - Sputnik Azərbaycan
SİYASƏT
Prezident beynəlxalq sərgi və konfransın açılışında

• Dünyanın məşhur İT şirkətlərində çalışan həmvətənlərimizi bir araya gətirəcək "Bizimkilər" sessiyası.

• Öz həyatı və karyeralarını İT sektoru ilə bağlamış Azərbaycan qadınlarına həsr olunan "İKT sahəsində qadınlar" sessiyası. Sessiyanın sponsoru qismində "Paşa Bank" çıxış edir.

• İşəgötürənlər və tələbələr arasında "canlı" ünsiyyət formatında İT əmək bazarında peşə, tələb və təklifin aktual problemlərinin müzakirə ediləcəyi "İT üzrə mütəxəssislərin formalaşmasında məktəb və universitetin rolu: çağırışlar və ehtiyaclar" sessiyası.

Artıq ənənəyə çevrilmiş "B2B" formatlı görüşlər 5 dekabr tarixində keçiriləcək. Bu görüşlər sərgi iştirakçıları və şaquli bazarları təmsil edən şirkətlər arasında işgüzar əlaqələrin qurulması, eləcə də yeni tərəfdaş və innovativ həllərin axtarışı üçün əlavə platforma rolunu oynayacaq.

Bakı Ekspo Mərkəzinin foyesində ən yeni robot modelləri - Las-Veqasdan Pepper humanoid robotu, Robot balıqlar, dünyaca məşhur Robot rəssam, müxtəlif Sumo, Güləş və Dron yarışları, Kosmo zonası, 6 metrlik uçan astronavt, 20-dən çox interaktiv zona və hamının sevimlisi Robot pianoçu nümayiş olunacaq.

"Bakutel 2019" sərgisi Azərbaycan Respublikası Nəqliyyat, Rabitə və Yüksək Texnologiyalar Nazirliyi, Beynəlxalq Telekommunikasiya İttifaqı (ITU), Regional Rabitə Birliyi (RRB), Azərbaycanda İxracın və İnvestisiyaların Təşviqi Fondu (AZPROMO), Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK) və Azərbaycan Respublikasının Kiçik və Orta Biznesin İnkişafı Agentliyinin dəstəyi ilə keçirilir. Sərginin təşkilatçısı qismində "Caspian Event Organisers" ("CEO") şirkəti çıxış edir. Sərginin baş sponsoru iyirmi ildən artıq tədbirin iştirakçısı olan "Azercell" şirkətidir. Sərginin sponsoru qismində İsveçrənin "Mitto" şirkəti də çıxış edir.

Sputnik Azərbaycan tədbirin informasiya tərəfdaşıdır.

Xəbər lenti
0