Əlində telefon tutmuş adam, arxiv şəkli

"Ruh"dan qorunmaq üçün gərək "xeyr" deyəydiniz

384
(Yenilənib 16:00 21.11.2019)
"Yaxşı olardı ki, Nəqliyyat, Rabitə və Yüksək Texnologiyalar Nazirliyinin Elektron Təhlükəsizlik Mərkəzi öncədən insanlara bu haqda məlumat verərdi" - Osman Gündüz

Nigar İsgəndərova, Sputnik Azərbaycan

BAKI, 21 noyabr — Sputnik. "Müxtəlif şəxsi məlumatları əldə etmək üçün proqram təminatçıları "Google" və "Apple"ın internet mağazalarına üz tutur, müəyyən tətbiqlər yaradırlar. 

"Ghost" da belə tətbiqlərdən biri olub. Bu cür zərərli proqramlar vasitəsilə zamanla şəxsi məlumatlar oğurlanır. Texnoloji bilikləri az olan şəxslər bu məlumatları telefonlarına yükləyirlər. Nəticədə isə şəxsi məlumatlar, o cümlədən də fotolar ələ keçirilir".

Bu barədə Sputnik Azərbaycan-a açıqlamasında informasiya və kommunikasiya məsələləri üzrə ekspert Osman Gündüz deyib.

Bu cür proqramların istifadəçilərin məxfilik hüquqlarını pozduğunu söyləyən ekspert deyir ki, "Facebook", "Instagram", "Whatsapp" kimi qlobal resurslara sahib olanlar resurs hazırlayarkən diqqətli olmalı, vətəndaşların hüquqlarını qorumalı, məlumatlarını digər tərəfə ötürməməlidirlər:

"Bundan başqa, vətəndaşlar özləri də hansısa tətbiqi yükləyərkən diqqətli olmalıdırlar. Məlumatların məxfiliyini qorumaq üçün tövsiyə olunur ki, hansısa tətbiqi yükləyərkən sizə bildiriş olaraq "foto və digər fayllara girişə icazə verilsinmi" sualına xeyr cavabı verəsiniz. Ümumiyyətlə, bir proqramı yükləməzdən öncə digər istifadəçilərin də rəyini oxumaq, onun gərəkli olub-olmadığını aydınlaşdırmaq tövsiyə olunur. Əgər tətbiq istifadəçi üçün gərəkli deyilsə, bu zaman onu yükləməmək daha yaxşı seçim olar".

"Yaxşı olardı ki, Nəqliyyat, Rabitə və Yüksək Texnologiyalar Nazirliyinin Elektron Təhlükəsizlik Mərkəzi öncədən insanlara bu haqda məlumat verərdi. Artıq bir aydır ki, bununla bağlı təhlükə olsa da, nazirlik indi bu haqda məlumat yayıb və bildirib ki, yayılan təhlükə ilə əlaqədar olaraq aidiyyəti üzrə müraciət edib və həmin proqramın tətbiqi qadağan edilib. Bir ay idi ki, insanların informasiya dəstəyinə ehtiyacı olsa da, onlara bununla bağlı məlumat verilmirdi", - deyə o əlavə edib.

Xatırladaq ki, bir neçə müddətdir ki, sosial şəbəkə istifadəçiləri "Ghost"  (ingiliscədən tərcümədə "ruh" - red.) tətbiqindən zərər çəkdikləri barədə paylaşımlar ediblər. Bütün dünyada isə bu tətbiq artıq qadağan olunub.

384
Əlaqədar
"WhatsApp"dan yenidən virus yayılır
"Kasperski" həyəcan siqnalı verdi: Qorxulu casus virusu var
Populyar Android proqramında təhlükəli virus aşkarlandı
Əldə smartfon, arxiv şəkli

Təhlükəsizlik xəbərdarlığı: VPN tətbiqindən casusluq üçün istifadə olunur

94
(Yenilənib 10:10 21.10.2020)
Mərkəz bir daha vətəndaşları VPN-lərdən istifadə etməməyi və istifadə edilən tətbiqlərin təyinatına uyğun icazələrinin əldə edilməsinə diqqətlə yanaşmağı tövsiyə edir.

BAKI, 20 oktyabr - Sputnik. Mövcud vəziyyətlə bağlı sosial şəbəkələrin istifadəsinə gətirilən məhdudlaşdırmalar təhlükəsizlik xəbərdarlıqlarına baxmayaraq, vətəndaşların VPN xidmətlərdən intensiv istifadəsi ilə müşahidə olunur. 

Xüsusi Rabitə və İnformasiya Təhlükəsizliyi Dövlət Xidmətinin Kompüter İnsidentlərinə qarşı mübarizə mərkəzindən Sputnik Azərbaycan-a verilən məlumata görə, SkyVPN adlanan tətbiqə sadəcə şəbəkə sazlamalarına icazənin lazım olduğu təqdirdə, şəxsin kamerasına, əlaqə vasitələrinə, telefon, təqvim, lokasiya və yaddaş kartından istifadəyə icazələrin əldə etməsi bu tətbiqin sadəcə VPN tətbiqi olmadığı və casusluq üçün də istifadə olunduğunu bir daha isbat edir.

Mərkəz bir daha vətəndaşları VPN-lərdən istifadə etməməyi və istifadə edilən tətbiqlərin təyinatına uyğun icazələrinin əldə edilməsinə diqqətlə yanaşmağı tövsiyə edir.

94
Əlaqədar
VPN istifadə edənlər cərimə ediləcəklərmi?
Smartfonda sosial şəbəkə tətbiqlərinin loqosu, arxiv şəkli

Ermənistan sosial şəbəkələrdə Azərbaycan adından əsgərlərə yardım adı altında pul toplayır

29
(Yenilənib 14:32 20.10.2020)
Ermənistan tərəfi vəziyyətdən sui-istifadə edərək, "Telegram" və digər sosial şəbəkələrdə Azərbaycan adından saxta səhifələr yaradaraq müharibə qurbanlarına və əsgərlərimizə yardım adı altında vəsait toplayır

BAKI, 20 oktyabr — Sputnik. Azərbaycan Ordusunun cəbhənin müxtəlif istiqamətlərində əldə etdiyi uğurlar, torpaqlarımızın azad edilməsi hər birimizi qürurlandırır. Bu haqlı mübarizədə vətəndaşlarımız əsgər və zabitlərimizə dəstək olmağa çalışırlar. Ermənistan tərəfi isə vəziyyətdən sui-istifadə edərək, "Telegram" və digər sosial şəbəkələrdə Azərbaycan adından saxta səhifələr yaradaraq müharibə qurbanlarına və əsgərlərimizə yardım adı altında vəsait toplayır. Azərbaycan Nəqliyyat, Rabitə və Yüksək Texnologiyalar Nazirliyindən Sputnik Azərbaycan-a verilən məlumata görə, nazirlik yanında Elektron Təhlükəsizlik Xidməti vətəndaşlardan xahiş edir ki, indiki vaxtda maksimum diqqətli olsunlar və yalnız rəsmi məlumatlara istinad etsinlər.

Həmçinin vətəndaşlar hər hansı kiberinsidentlə üzləşdiklərində və ya metodiki dəstəyə ehtiyacları olduqda www.cert.az saytı və ya reports@cert.az elektron poçt ünvanı vasitəsilə Elektron Təhlükəsizlik Xidmətinə müraciət etsinlər.

Qeyd edək ki, Azərbaycan Respublikası Prezidentinin 2002-ci il 17 avqust tarixli Fərmanı ilə Silahlı Qüvvələrə Yardım Fondu yaradılıb. Azərbaycan ərazisində fəaliyyət göstərən hüquqi və fiziki şəxslər könüllülük əsasında fonda vəsait köçürə bilirlər.

29
Mövzu:
Azərbaycan və Ermənistan arasında müharibə
Əlaqədar
"Qərarlarınızı heçə sayan Ermənistanı mühakimə etməyəcəksinizsə, nəyi edəcəksiniz?!"
İgidlərimizi tanıyın: onlar torpağımızı işğalçılardan təmizləyirlər - FOTO
Nazirlikdən növbəti xəbərdarlıq: Ermənistan bu dəfə ASAN xidməti "işə salıb"
İş adamı Türkiyədən ordumuza tonlarla dərman yolladı
Gəncədə vəziyyət

Məşhur türk müğənni konsertindən gələn gəliri gəncəlilərə bağışlayacaq

0
(Yenilənib 23:15 21.10.2020)
Ayhan Ulu (Pau) “Twitter” hesabında Gəncəylə bağlı paylaşımları ilə diqqət çəkib. O, erməniləri müdafiə edən eks-model Tuğba Özayla da dava edib

BAKI, 21 oktyabr — Sputnik. Ötən həftə Azərbaycanın ikinci böyük şəhəri sayılan Gəncədə ermənilərin törətdiyi 3-cü terror hadisəsinin qurbanları  dünyanın bir çox ölkələrində anılıb. Bundan başqa, Türkiyənin məşhur sənət adamları da buna səssiz qalmayıblar. Sputnik Azərbaycan xəbər verir ki, sözügedən ölkənin ulduzu Ayhan Ulu (Pau)  da “Twitter” hesabında Gəncəylə bağlı paylaşımları ilə diqqət çəkib. O, erməniləri müdafiə edən eks-model Tuğba Özayla da dava edib.

Bundan başqa, İzmirin məşhur ifaçılarından olan Pau bir neçə konsertinin gəlirini Gəncə qətliamından zərər görən şəxslərə bağışlayacağını bildirib: "Gələn həftə konsertlərimdən götürəcəyim gəliri Gəncə xalqına bağışlayacağam. Həmişə yanınızdayam. Azərbaycana hər zaman dəstək verəcəyəm".

Qeyd edək ki, Türkiyənin dünya şöhrətli müğənnisi, meqastar Tarkan da Gəncədə baş verən terrora səssiz qalmayıb. O,  “Instagram” hesabında ermənilərin Gəncəyə xain hücumunu pisləyən paylaşım edib.

“Dualarım qardaş ölkə Azərbaycanladır. Xain hücumlarda həyatını itirənlərə allahdan rəhmət, ailə və yaxınlarına başsağlığı, yaralılara şəfa diləyirəm. Çox kədərliyəm. Qəlbim Azərbaycan xalqı ilədir”, - ulduz müğənni qeyd edib.

0
Teqlər:
dəstək, konsert, müğənni, məşhurlar, Türkiyə, ölənlər və yaralılar, erməni təxribatı, raket zərbələri, Gəncə
Mövzu:
Azərbaycan və Ermənistan arasında müharibə
Əlaqədar
Erməni terrorunun qurbanları dünyanın dörd bir yanında anıldı
Qəlbimiz Azərbaycanla döyünür - Türkiyə müxalifətinin lideri
Gəncə istiqamətində Ermənistanın PUA-sı məhv edildi
Bir gecədə üç nəvəsini itirən Sənayət nənə: “Ləman bu il tələbə olacaqdı” – video
Türk ulduzları Gəncə terroruna səssiz qalmayıblar