Microsoftun ofisi

Dünya nəhəngi tətbiq edib qabağa düşdü, bəlkə yararlanaq?

1165
(Yenilənib 17:45 05.11.2019)
Layihə əməkdaşlara daha çevik iş rejimi verməklə onların yaradıcılığını və məhsuldarlığını artırmağa yönəlib.

BAKI, 5 noyabr — Sputnik. "Microsoft" Yaponiyadakı törəmə şirkətində iş həftəsini dörd günə azaldaraq məhsuldarlıqda 40 faiz artıma nail ola bilib.

Sputnik Azərbaycan texnologiya nəhənginin saytına istinadən xəbər verir ki, keçirilmiş təcrübə çərçivəsində iş həftəsi dörd günədək ixtisar edilib.

Təcrübə "Microsoft"un "İş-Həyat Seçimi Problemi" (Work-Life Choice Challenge) layihəsi çərçivəsində həyata keçirilib. Layihə iş və həyat arasında balansın tədqiq olunmasına və əməkdaşlara daha çevik iş rejimi verməklə onların yaradıcılığını və məhsuldarlığını artırmağa yönəlib.

Avqust ayı ərzində "Microsoft Japan" şirkətinin ofisləri həftənin cümə günləri fəaliyyət göstərməyib. Müşahidələr göstərib ki, nəticədə 2018-ci ilin avqustu ilə müqayisədə məhsuldarlıq 39,9 faiz artıb.

Şirkət həmçinin iclaslara xərclənən vaxtı azaldaraq 30 dəqiqəlik məhdudiyyət qoyub.

Xatırladaq ki, bir müddət əvvəl Rusiyanın Baş naziri Dmitri Medvedev də ölkəsinin dördgünlük iş rejiminə keçə biləcəyini demişdi.

1165
Əli Abbasov, arxiv şəkli

Keçmiş nazirimizin daha bir vəzifəsini əlindən aldılar

61
(Yenilənib 11:12 14.08.2020)
Əli Abbasovun xələfi parka rəhbərlik edəcəyi dövrdə ona göstərilən etimadı doğruldacağını, qurumun fəaliyyətinin gücləndirilməsi üçün əlindən gələni əsirgəməyəcəyini vurğulayıb.

BAKI, 14 avqust — Sputnik. AMEA Rəyasət Heyətinin qərarı ilə əməkdar mühəndis Vasif Abbasov AMEA “Yüksək Texnologiyalar Parkı” MMC-nin direktoru vəzifəsinə təyin olunub. O bu vəzifədə Əli Abbasovu əvəz edib.

YTP-dən Sputnik Azərbaycan-a verilən məlumata görə, V.Abbasov parka rəhbərlik edəcəyi dövrdə ona göstərilən etimadı doğruldacağını, qurumun fəaliyyətinin gücləndirilməsi üçün əlindən gələni əsirgəməyəcəyini vurğulayıb. O, AMEA Yüksək Texnologiyalar Parkının innovativ layihələri həyata keçirən bir qurum kimi dövlətin bu istiqamətdə siyasətinə dəstək verəcəyini, elmi nəticələrin tətbiqi əsasında rəqabətqabiliyyətli məhsulların istehsalını və dünya bazarına çıxarılmasını əsas hədəf kimi qarşıya qoyan YT Parkda Azərbaycan iqtisadiyyatının davamlı inkişafını təmin etmək üçün bütün lazımi tədbirlərin görüləcəyini diqqətə çatdırıb.

61
Intel şirkətinin loqosu, arxiv şəkli

Bir, iki, üç... məxfi məlumatlar getdi "Intel"in laqeydliyi ona baha başa gəlib

91
(Yenilənib 11:42 10.08.2020)
Anonim haker təxminən 20 GB məxfi məlumatı internetə sızdırıb. Məlumatlar kompüter istehsalçısı "Intel"in serverlərindən götürülüb. Maraqlıdır ki, qovluqların kilidlənməsi üçün istifadə olunan şifrə çox sadə imiş - "Intel123"

BAKI, 10 avqust — Sputnik. "Intel" şirkətinin təhlükəsizlik sistemində "dəlik" var imiş və anonim haker bundan istifadə edərək şirkətin 20 giqabayt məlumatını sızdıra bilib.

Sputnik radiosu xəbər verir ki, bu barədə məlumatı isveçli İT məsləhətçisi Tilli Kottmann yayıb.

Kottmann bu faylları anonim mənbədən aldığını izah edib. O, ən yaxın gələcəkdə daha çox qapalı məlumatları dərc edəcəyini vəd edib.

Sızan məlumatlar arasında "Intel CEFDK" yükləyicilərinin mənbə kodları, eləcə də Amerika şirkətinin müxtəlif platformalar üçün yaratdığı prosessorların proqram təminatının mənbə kodları var.

Korporasiyanın proqram təminatında səhvlərinin axtarışı üçün istifadə etdiyi bir neçə daxili proqramı da sızdırılıb.

Qeyd edək ki, Kottmann sızdırılmış arxivi araşdırıb və orada şifrə ilə qorunan zip arxivlər tapıb. O, arxivlərin "Intel123" və ya "intel123" şifrələri ilə açıldığını müəyyən edib. Lakin bu şifrə bütün arxivləri açmır.

Kottmann müəyyən edib ki, "Intel"də məlumatları qorumaq üçün məhz bu cür şifrələrdən istifadə edilir.

"ZDNet" nəşrinin mütəxəssisləri sızıntını təhlil ediblər və orada həqiqətən də "Intel"in əqli mülkiyyətinə dair məlumatların, sənədlərin və mənbə kodlarının olduğunu təsdiq ediblər. Arxivdəki faylların bir hissəsi bu ilin mayına aiddir.

"Intel" artıq sızıntını araşdırır. Amma çox gec deyil?

91
Əlaqədar
Kibercinayətkarlar "Zoom"-a hücumlar edirlər
Dediyini etdi! Tramp “TikTok” və “WeChat”ı qadağan edən fərman imzalayıb
İki ölkənin gizli ticarət sənədləri oğurlandı – səsi bir il sonra çıxdı
"İnstagram" parolu və "Whatsapp" mesajına aldanmayın - Bu təxribat ola bilər
Böyük hücum! İlon Mask, Bill Qeyts və digər məşhurların "Twitter" hesabları sındırılıb
Laboratoriya işçisi, arxiv şəkli

ABŞ koronavirus istehsalına başlayıb peyvənd olanlara vurulacaq

0
(Yenilənib 20:05 14.08.2020)
İnstitutun açıqlamasına görə, COVID-19 peyvəndi edilmiş insanlar üzərində vaksinin insanlara olan əks-təsirləri ilə bağlı araşdırmalara başlanılır

BAKI, 14 avqust — Sputnik. Dünyada koronavirusdan daha çox zərər görən ölkənin - ABŞ-ın Milli Allergiya və Yoluxucu Xəstəliklər İnstitutu korona virusu istehsal etməyə başlayıb.

Sputnik Azərbaycan xarici mətbuata istinadla xəbər verir ki, virus COVID-19 peyvəndinin sınaqlarında iştirak edən şəxslərə vurulacaq.

İnstitutun açıqlamasına görə, COVID-19 peyvəndi edilmiş insanlar üzərində vaksinin insanlara olan əks-təsirləri ilə bağlı araşdırmalara başlanılır: "ABŞ alimləri könüllü şəkildə koronavirus peyvəndi edilmiş şəxslərə istehsal etdikləri virusu vuracaqlar. Bunun üçün proseslərə başlanılıb".

 

0
Teqlər:
ABŞ, COVID-19, Koronavirus
Mövzu:
Dünyanı cənginə almış bəla
Əlaqədar
Yenə yüksəlir: Azərbaycanda daha 103 nəfər koronavirusa yoluxub
Həkim koronavirusun insanın beynini necə sıradan çıxarmasından danışıb
Hindistan koronavirus əleyhinə dərmanın satışına başladı - 64 manata
Rusiya dünyada koronavirus əleyhinə peyvəndi qeydiyyatdan keçirən ilk ölkə oldu
Koronavirusa qarşı peyvənddən xəstələnmək olarmı?