SMS yazan adam, arxiv şəkli

Köhnə model "iPhone"ların internetə çıxışı bağlana bilər

46
(Yenilənib 12:32 04.11.2019)
Bir müddət öncə qlobal mövqetəyinetmə peyklərinin həftə hesablayıcıları sıfırlaşdırılıb. Korporasiya izah edib ki, buna görə sözügedən cihazlarda quraşdırılmış "GPS" modullar düzgün işləməyə bilər

BAKI, 4 noyabr — Sputnik. Amerikanın "Apple" şirkəti köhnə model "iPhone" və "iPad" istifadəçilərinə xəbərdarlıq edib. Sputnik Azərbaycan texnologiya nəhənginin rəsmi saytına istinadən xəbər verir ki, istifadəçilər 2012-ci ilə qədər istehsal olunmuş cihazlara ən yeni proqram təminatını yükləməsələr, bu cihazların mövqetəyinetmə, saat və tarix sistemlərində problemlər yaşana bilər.

Problemin Qlobal Mövqetəyinetmə Sistemində (GPS) vaxtın dəyişdirilməsi ilə bağlı olduğu bildirilir. Qeyd edək ki, bir müddət öncə qlobal mövqetəyinetmə peyklərinin həftə hesablayıcıları sıfırlaşdırılıb. Korporasiya izah edib ki, buna görə sözügedən cihazlarda quraşdırılmış "GPS" modullar düzgün işləməyə bilər.

"Apple" bildirib ki, xüsusilə proqram təminatı yenilənməmiş "iPhone 5" smartfonlarında "App Store", "iCloud", elektron poçt və internet brauzer işləməyə bilər. Bu isə o deməkdir ki, sözügedən cihazların internetə çıxışı faktiki olaraq bağlanacaq, çünki bu xidmətlərin hamısı tarix və saat sistemlərindən asılıdır.

46
Əli Abbasov, arxiv şəkli

Keçmiş nazirimizin daha bir vəzifəsini əlindən aldılar

61
(Yenilənib 11:12 14.08.2020)
Əli Abbasovun xələfi parka rəhbərlik edəcəyi dövrdə ona göstərilən etimadı doğruldacağını, qurumun fəaliyyətinin gücləndirilməsi üçün əlindən gələni əsirgəməyəcəyini vurğulayıb.

BAKI, 14 avqust — Sputnik. AMEA Rəyasət Heyətinin qərarı ilə əməkdar mühəndis Vasif Abbasov AMEA “Yüksək Texnologiyalar Parkı” MMC-nin direktoru vəzifəsinə təyin olunub. O bu vəzifədə Əli Abbasovu əvəz edib.

YTP-dən Sputnik Azərbaycan-a verilən məlumata görə, V.Abbasov parka rəhbərlik edəcəyi dövrdə ona göstərilən etimadı doğruldacağını, qurumun fəaliyyətinin gücləndirilməsi üçün əlindən gələni əsirgəməyəcəyini vurğulayıb. O, AMEA Yüksək Texnologiyalar Parkının innovativ layihələri həyata keçirən bir qurum kimi dövlətin bu istiqamətdə siyasətinə dəstək verəcəyini, elmi nəticələrin tətbiqi əsasında rəqabətqabiliyyətli məhsulların istehsalını və dünya bazarına çıxarılmasını əsas hədəf kimi qarşıya qoyan YT Parkda Azərbaycan iqtisadiyyatının davamlı inkişafını təmin etmək üçün bütün lazımi tədbirlərin görüləcəyini diqqətə çatdırıb.

61
Intel şirkətinin loqosu, arxiv şəkli

Bir, iki, üç... məxfi məlumatlar getdi "Intel"in laqeydliyi ona baha başa gəlib

91
(Yenilənib 11:42 10.08.2020)
Anonim haker təxminən 20 GB məxfi məlumatı internetə sızdırıb. Məlumatlar kompüter istehsalçısı "Intel"in serverlərindən götürülüb. Maraqlıdır ki, qovluqların kilidlənməsi üçün istifadə olunan şifrə çox sadə imiş - "Intel123"

BAKI, 10 avqust — Sputnik. "Intel" şirkətinin təhlükəsizlik sistemində "dəlik" var imiş və anonim haker bundan istifadə edərək şirkətin 20 giqabayt məlumatını sızdıra bilib.

Sputnik radiosu xəbər verir ki, bu barədə məlumatı isveçli İT məsləhətçisi Tilli Kottmann yayıb.

Kottmann bu faylları anonim mənbədən aldığını izah edib. O, ən yaxın gələcəkdə daha çox qapalı məlumatları dərc edəcəyini vəd edib.

Sızan məlumatlar arasında "Intel CEFDK" yükləyicilərinin mənbə kodları, eləcə də Amerika şirkətinin müxtəlif platformalar üçün yaratdığı prosessorların proqram təminatının mənbə kodları var.

Korporasiyanın proqram təminatında səhvlərinin axtarışı üçün istifadə etdiyi bir neçə daxili proqramı da sızdırılıb.

Qeyd edək ki, Kottmann sızdırılmış arxivi araşdırıb və orada şifrə ilə qorunan zip arxivlər tapıb. O, arxivlərin "Intel123" və ya "intel123" şifrələri ilə açıldığını müəyyən edib. Lakin bu şifrə bütün arxivləri açmır.

Kottmann müəyyən edib ki, "Intel"də məlumatları qorumaq üçün məhz bu cür şifrələrdən istifadə edilir.

"ZDNet" nəşrinin mütəxəssisləri sızıntını təhlil ediblər və orada həqiqətən də "Intel"in əqli mülkiyyətinə dair məlumatların, sənədlərin və mənbə kodlarının olduğunu təsdiq ediblər. Arxivdəki faylların bir hissəsi bu ilin mayına aiddir.

"Intel" artıq sızıntını araşdırır. Amma çox gec deyil?

91
Əlaqədar
Kibercinayətkarlar "Zoom"-a hücumlar edirlər
Dediyini etdi! Tramp “TikTok” və “WeChat”ı qadağan edən fərman imzalayıb
İki ölkənin gizli ticarət sənədləri oğurlandı – səsi bir il sonra çıxdı
"İnstagram" parolu və "Whatsapp" mesajına aldanmayın - Bu təxribat ola bilər
Böyük hücum! İlon Mask, Bill Qeyts və digər məşhurların "Twitter" hesabları sındırılıb
İnəklər yolda, arxiv şəkli

Buynuzlu cərimə meydançası: "qayda pozana" görə iki min ödəyəcəklər

0
(Yenilənib 20:32 14.08.2020)
Dağıstanda inəklər üçün cərimə meydançası yaradılıb. Heyvanları cərimə meydançasına düşən sahiblər onu geri almaq üçün iki min rubl cərimə ödəməli olurlar

BAKI, 14 avqust — Sputnik. Dağıstanda inəklər üçün cərimə meydançası yaradılıb. Bura sahibləri tərəfindən nəzarətsiz buraxılan heyvanlar salınır. Sputnik Azərbaycan Rusiya mediasına istinadla xəbər verir ki, bir çox hallarda inəklər çəmənliklərdə yox, dayanacaqlarda peyda olur, qazonları otlayır, avtomobil yollarını bloklayırlar və sürücülərə getməyə imkan vermirlər.

Ona görə də heyvanları cərimə meydançasına düşən sahiblər onu geri almaq üçün iki min rubl cərimə ödəməli olurlar.

"Kiməsə güzəştə gedirik, endirim edirik, böyüklərə, nənələrə, pensiyaçılara heyvanlarını elə-belə qaytarırıq və bundan sonra onları çölə özbaşına açıb buraxmamağı xahiş edirik", - deyə Buynaksk şəhər Administrasiyasının əməkdaşı İbrahim Murtazaliyev bildirib.

O deyib ki, tərtib edilən qaydalara görə, əgər eyni adamın inəyi yenidən cərimə meydançasına düşərsə, onda sahibi beş min rubl ödəməlidir.

0