Onlayn alış-veriş, arxiv şəkli

Yeni fırıldaq növü - Provayderlər belə tarifi heç qorxunc yuxuda da görməyiblər

651
(Yenilənib 12:21 29.10.2019)
"Daxil olan müraciətlər üzrə bu əməlləri törədənlərin aşkarlanması, tapılaraq məsuliyyətə cəlb olunması üçün polis orqanları tərəfindən ən müasir kiber texnoloji metod və üsullardan istifadə olunur"

Zülfiyyə Quluyeva, Sputnik Azərbaycan

BAKI, 29 oktyabr — Sputnik. Sosial şəbəkələr üzərindən ticarət artdıqca onlayn alış-veriş edənlər arasında fırıldaqçılıqla üzləşənlərin də sayı artır. Bu günlərdə sosial şəbəkələr üzərindən daha bir aldatma faktı baş verib.

Sputnik Azərbaycan-ın məlumatına görə, fırıldaqçılar "Instagram"da pulsuz internet, limitsiz internet adı altında hesablar açaraq izləyici toplayır, sonra isə onlardan pul istəyirlər. Ödəmə terminalı vasitəsilə pulu ödədikdən sonra isə həmin səhifəni tapmaq olmur. Səhifələrin rəy bölməsi bağlı olduğundan heç kim başına gələn dələduzluqla bağlı fikrini yaza bilmir. Dələduzlar isə ödəniş edən vətəndaşın qəbzinin şəklini paylaşaraq yeni müştərilər qazanırlar. Elanlarda müştərilərə şirnikləndirici təkliflər edilir. Cəmi 10 manata 3 aylıq limitsiz internet təklif edən fırıldaqçılar üstəlik xidmətin bütün operatorlardan aktiv edilməsinin mümkün olduğuna və internetin sürətli olacağına da zəmanət verirlər.

İKT üzrə ekspert Osman Gündüz deyir ki, sosial şəbəkələr üzərindən dələduzluq faktlarına əksər ölkələrdə rast gəlinir. Ekspert belə dələduzların sayının xeyli artdığından vətəndaşların maariflənməsinə ehtiyac olduğunu söyləyir:

"İnsanlar məlumatlı olmalıdırlar ki, internetin sosial şəbəkə üzərindən satılması texniki cəhətdən mümkün deyil. Bəzən insanlar qiymətə və şirnikləndirici təkliflərə inanıb sosial şəbəkə fırıldaqçılarının toruna düşürlər. Bu da insanların İKT biliklərinin az olmasından irəli gəlir. Hər kəs bilməlidir ki, hazırda fırıldaqçılıqla məşğul olanlar virtual aləmdə aktivləşiblər".

O.Gündüz bildirir ki, bu kimi halların qarşısını almaq vəzifəsi hüquq-mühafizə orqanlarının üzərinə düşür: "Son illər virtual yolla törədilən dələduzluq halları hüquq-mühafizə orqanlarından peşəkar davranmağı tələb edir. Hətta mənim fikrimcə, qanunvericiliklə virtual cinayətlərlə bağlı səlahiyyətlərin konkretləşməsinə ehtiyac var. Polis idarələrində virtual cinayətkarlıqla bağlı şöbələr yaradılmaldır. Bu şöbələrə İKT bilikləri olan polis əməkdaşları cəlb olunmalıdırlar".

Ekspertin sözlərinə görə, virtual dələduzluq hallarının qarşısını almaq çətin olsa da, mümkündür. Çünki hüquq-mühafizə orqanlarına bunun üçün bəzi səlahiyyətlər verilib: "Xarici ölkələrdə sosial şəbəkələr üzərindən edilən dələduzluq halları daha çox olduğundan bununla mübarizə üçün xüsusi idarələr yaradılıb. Düşünürəm ki, bizdə də bu sahədə işlər təkmilləşdirilməlidir. Əks halda, virtual fırıldaqçılar sosial şəbəkələrdən istifadə edənləri müxtəlif yollarla aldatmaqda davam edəcəklər".

Ehtiyatlı olun: "Kaspersky Lab" fişinq hücumların artması barədə xəbərdarlıq edir>>

Nəqliyyat, Rabitə və Yüksək Texnologiyalar Nazirliyindən isə Sputnik Azərbaycan-a bildirdilər ki, sosial şəbəkələr üzərindən törədilən dələduzluq hallarına nəzarət nazirliyin səlahiyyətinə aid deyil.

Qurumdan verilən məlumatda bildirilir ki, sosial şəbəkələr üzərindən törədilən dələduzluq halları kibercinayətkarlıq sayılmır. Bu, virtual yolla törədilən dələduzluq halı olduğundan, araşdırılması hüquq-mühafizə orqanlarının üzərinə düşür.

Bakı Şəhər Baş Polis İdarəsinin mətbuat xidmətinin rəisi, polis mayoru Elşad Hacıyev isə Sputnik Azərbaycan-a açıqlamasında bildirib ki, sosial şəbəkələr üzərindən vətəndaşların etibarından sui-istifadə olunmaqla dələduzluq əməli törədənlərin olması istisna olunmur: "Sosial şəbəkələrdə izləyicilərinə şirnikləndirici vədlər verib onların diqqətini çəkməklə dələduzluq edənlərin əməlləri ziyanın miqdarından asılı olaraq, cinayət və inzibati xəta tərkibi yaradır.

Vətəndaşın məruz qaldığı ictimai təhlükəli əməllərlə bağlı polisə daxil olan müraciətlər forma və məzmunundan asılı olmayaraq araşdırılır.

Daxil olan müraciətlər üzrə bu əməlləri törədənlərin aşkarlanması, tapılaraq məsuliyyətə cəlb olunması üçün polis orqanları tərəfindən ən müasir kibertexnoloji metod və üsullardan istifadə olunur. Hər bir şəxs bilməlidir ki, polis dövrün çağırış və təhdidləri ilə paralel hər gün təkmilləşir, inkişaf edir".

651
Əlaqədar
Hamı "e" istəyir, nazirlik gözlədir, vaxt gedir, məktəbli böyüyür
Bakıda saxta ipoteka sənədi hazırlayan banda tutuldu - FOTO
"İri alış-veriş mərkəzləri tarixə qovuşacaq"
İnternetin qiyməti bahalaşa bilər
Əldə smartfon, arxiv şəkli

Təhlükəsizlik xəbərdarlığı: VPN tətbiqindən casusluq üçün istifadə olunur

104
(Yenilənib 10:10 21.10.2020)
Mərkəz bir daha vətəndaşları VPN-lərdən istifadə etməməyi və istifadə edilən tətbiqlərin təyinatına uyğun icazələrinin əldə edilməsinə diqqətlə yanaşmağı tövsiyə edir.

BAKI, 20 oktyabr - Sputnik. Mövcud vəziyyətlə bağlı sosial şəbəkələrin istifadəsinə gətirilən məhdudlaşdırmalar təhlükəsizlik xəbərdarlıqlarına baxmayaraq, vətəndaşların VPN xidmətlərdən intensiv istifadəsi ilə müşahidə olunur. 

Xüsusi Rabitə və İnformasiya Təhlükəsizliyi Dövlət Xidmətinin Kompüter İnsidentlərinə qarşı mübarizə mərkəzindən Sputnik Azərbaycan-a verilən məlumata görə, SkyVPN adlanan tətbiqə sadəcə şəbəkə sazlamalarına icazənin lazım olduğu təqdirdə, şəxsin kamerasına, əlaqə vasitələrinə, telefon, təqvim, lokasiya və yaddaş kartından istifadəyə icazələrin əldə etməsi bu tətbiqin sadəcə VPN tətbiqi olmadığı və casusluq üçün də istifadə olunduğunu bir daha isbat edir.

Mərkəz bir daha vətəndaşları VPN-lərdən istifadə etməməyi və istifadə edilən tətbiqlərin təyinatına uyğun icazələrinin əldə edilməsinə diqqətlə yanaşmağı tövsiyə edir.

104
Əlaqədar
VPN istifadə edənlər cərimə ediləcəklərmi?
Smartfonda sosial şəbəkə tətbiqlərinin loqosu, arxiv şəkli

Ermənistan sosial şəbəkələrdə Azərbaycan adından əsgərlərə yardım adı altında pul toplayır

31
(Yenilənib 14:32 20.10.2020)
Ermənistan tərəfi vəziyyətdən sui-istifadə edərək, "Telegram" və digər sosial şəbəkələrdə Azərbaycan adından saxta səhifələr yaradaraq müharibə qurbanlarına və əsgərlərimizə yardım adı altında vəsait toplayır

BAKI, 20 oktyabr — Sputnik. Azərbaycan Ordusunun cəbhənin müxtəlif istiqamətlərində əldə etdiyi uğurlar, torpaqlarımızın azad edilməsi hər birimizi qürurlandırır. Bu haqlı mübarizədə vətəndaşlarımız əsgər və zabitlərimizə dəstək olmağa çalışırlar. Ermənistan tərəfi isə vəziyyətdən sui-istifadə edərək, "Telegram" və digər sosial şəbəkələrdə Azərbaycan adından saxta səhifələr yaradaraq müharibə qurbanlarına və əsgərlərimizə yardım adı altında vəsait toplayır. Azərbaycan Nəqliyyat, Rabitə və Yüksək Texnologiyalar Nazirliyindən Sputnik Azərbaycan-a verilən məlumata görə, nazirlik yanında Elektron Təhlükəsizlik Xidməti vətəndaşlardan xahiş edir ki, indiki vaxtda maksimum diqqətli olsunlar və yalnız rəsmi məlumatlara istinad etsinlər.

Həmçinin vətəndaşlar hər hansı kiberinsidentlə üzləşdiklərində və ya metodiki dəstəyə ehtiyacları olduqda www.cert.az saytı və ya reports@cert.az elektron poçt ünvanı vasitəsilə Elektron Təhlükəsizlik Xidmətinə müraciət etsinlər.

Qeyd edək ki, Azərbaycan Respublikası Prezidentinin 2002-ci il 17 avqust tarixli Fərmanı ilə Silahlı Qüvvələrə Yardım Fondu yaradılıb. Azərbaycan ərazisində fəaliyyət göstərən hüquqi və fiziki şəxslər könüllülük əsasında fonda vəsait köçürə bilirlər.

31
Mövzu:
Azərbaycan və Ermənistan arasında müharibə
Əlaqədar
"Qərarlarınızı heçə sayan Ermənistanı mühakimə etməyəcəksinizsə, nəyi edəcəksiniz?!"
İgidlərimizi tanıyın: onlar torpağımızı işğalçılardan təmizləyirlər - FOTO
Nazirlikdən növbəti xəbərdarlıq: Ermənistan bu dəfə ASAN xidməti "işə salıb"
İş adamı Türkiyədən ordumuza tonlarla dərman yolladı

Dövlət başçısı: "Azərbaycan İran dövlət sərhədi tam nəzarətə götürüldü"

0
(Yenilənib 18:56 22.10.2020)
Azərbaycan Ordusu Zəngilanın Kolluqışlaq, Malatkeşin, Kənd Zəngilan, Genlik, Vəliqulubəyli, Qaradərə, Çöpədərə, Tatar, Tiri, Əmirxanlı, Qarqulu, Bartaz, Dəlləkli kəndlərini və Ağbənd qəsəbəsini işğaldan azad edib.

BAKI, 22 oktyabr - Sputnik. "Ağbənd qəsəbəsinin azad edilməsi ilə Azərbaycan və İran İslam Respublikası dövlət sərhədinin tam nəzarətə götürülməsi təmin olundu. Bu münasibətlə Azərbaycan və İran xalqını təbrik edirəm. Eşq olsun müzəffər Azərbaycan Ordusuna!". Sputnik Azərbaycan xəbər verir ki, bu barədə Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev özünün rəsmi twitter səhifəsində bildirib.

Qeyd edək ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.

Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.

Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.

Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı kəndlərini azad edib.

Oktyabrın 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur kəndləri işğaldan azad edilib.

Oktyabrın 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.

Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad olunub.

Oktyabrın 16-da Xocavənd rayonunun Xırmancıq, Ağbulaq, Axullu kəndləri işğaldan azad edilib.

Oktyabrın 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.

Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar.

Oktyabrın 19-da Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.

Oktyabrın 20-də Füzuli rayonunun Dördçinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Aybasanlı, Cəbrayıl rayonunun Səfərşa, Həsənqaydı, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

Oktyabrın 22-də Azərbaycan Ordusu Füzuli rayonunun Mollavəli, Yuxarı Rəfədinli, Aşağı Rəfədinli, Cəbrayıl rayonunun Sirik, Şıxlar, Məstəlibəyli, Dərzili, Zəngilan rayonunun Kolluqışlaq, Malatkeşin, Kənd Zəngilan, Genlik, Vəliqulubəyli, Qaradərə, Çöpədərə, Tatar, Tiri, Əmirxanlı, Qarqulu, Bartaz, Dəlləkli kəndlərini və Ağbənd qəsəbəsini işğaldan azad edib.

0