Məktəblilər planşet ilə, arxiv şəkli

İnternetin qiyməti bahalaşa bilər

717
(Yenilənib 11:58 08.10.2019)
"Əgər valideyn halal internet istəyirsə, provayder gələn ildən bu xidməti təqdim etməyə borclu olacaq" - Osman Gündüz

Zülfiyyə Quluyeva, Sputnik Azərbaycan

BAKI, 8 oktyabr — Sputnik. Gələn il yanvarın 1-dən etibarən provayderlər "halal internet" xidməti göstərməyə hazır olmalıdır. Çünki 1 yanvar 2020-ci il tarixindən "Uşaqların zərərli informasiyadan qorunması haqqında" Qanun qüvvəyə minir. Bu Qanuna uyğun olaraq, Telekommunikasiya haqqında Qanuna da əlavələr edilib. Bu əlavəyə görə, hər bir provayder abunəçinin istəyi ilə uşağın internetdə zərərli informasiyadan qorunması üçün imkanlar yaratmalıdır.

Planşetdən istifadə edən uşaqlar, arxiv şəkli
© AFP 2020 / FREDERICK FLORIN

Bəs görəsən, provayderlər buna hazırdırmı?

Ümumiyyətlə, filtrdən keçmiş internet xidmətinə görə valideynlərdən əlavə haqq tələb edilməyəcək ki?

Sputnik Azərbaycan-a bu mövzuda danışan İKT üzrə ekspert Osman Gündüz bildirib ki, provayderlərin çoxu bu xidməti göstərməyə hazır deyil: "Bütün provayderlər təmiz, halal internet xidməti üçün hazırlıqlar görməlidir. Əgər valideyn halal internet istəyirsə, provayder gələn ildən bu xidməti təqdim etməyə borclu olacaq.

Təbii ki, bu məqsədlə provayderlər öz sistemlərində filtrasiya (süzgəc) sistemi qurmalıdır. Amma filtrasiya sisteminin qurulması üçün maliyyəni kimin xərcləyəcəyi sual altındadır. Bunun üçün provayderlər mütləq avadanlıq və proqram almalıdırlar. Bunun internetin qiymətinə təsir edib-etməyəcəyi də avadanlıq və proqramın dövlət, yoxsa provayderlər hesabına alınacağından asılıdır.

Əgər provayderlər xidmət üçün sistemi özləri qursalar, bu, internetin qiymətinə təsirsiz ötüşməyəcək. Amma dövlət bunun üçün vəsait ayırsa, yəqin ki, internetin qiyməti bu xidmətə görə artmayacaq".

Sputnik Azərbaycan ölkəmizdəki provayderlərin sözügedən qanunun tətbiqinə hazır olub-olmadığını araşdırıb. "Azeurotel"dən Sputnik Azərbaycan-a bildiriblər ki, provayder belə bir xidmət göstərmir: "Bizdə internet fiber-optikdir. Yüksək keyfiyyətli internet veririk müştərilərimizə. Amma filtrdən keçirtmirik. Bizdə ümumiyyətlə belə bir xidmət yoxdur".

Əlaqə saxladığımız digər provaderlərdən də eyni cavabı aldıq.

Yalnız "Aztelekom"dan bildirdilər ki, onlarda "SAF" internet xidməti var. Valideyn istədikdə 1 manat 50 qəpik ödəyərək belə bir internet paketi ala bilər: "İnformasiya mühitində internet istifadəçilərinin təhlükəsizliyini təmin etmək üçün vətəndaşlara "SAF" – Təhlükəsiz İnternet xidmətini təklif edirik. Bu xidmət vasitəsilə istifadəçilər azyaşlı uşaqların tərbiyəsinə neqativ təsir edəcək cinayətkarlıq, əxlaqsızlıq və aqressivlik kimi məlumatları əks etdirən internet səhifələrinə girişə nəzarətə edə biləcəklər. Həmçinin veb-səhifələrə daxil olmalarına qadağa qoyar, arzuolunmaz saytları özləri seçib bağlaya bilərlər. Abunəçi "ağ" və ya "qara" siyahını özü tərtib edir, istənilən internet səhifəsinə girişi nəzarətdə saxlayır. "SAF" xidmətini istənilən zaman aktiv və ya deaktiv etmək mümkündür. Aylıq xidmət haqqı 1.50 AZN-dir. Qiymətlərə ƏDV daxildir".

Apardığımız kiçik araşdırmadan belə məlum oldu ki, ölkəmizdəki provayderlərin çoxu bu xidməti göstərməyə hazır deyil. Qeyd edək ki, hazırda ölkənin təhsil sistemində bu tip filtr sistemi fəaliyyət göstərir.

717
Teqlər:
provayder, Azərbaycan, qiymət, internet
Əlaqədar
İnternet boşluğundan şikayət: Daş dövründən yaxa qurtara bilmirik
Uşaqları qorumayanlar cəzalanacaqlar: cəriməsi aşağısı 500 manat
Azərbaycanın onlayn ödəniş sahəsində zəlzələ - Məşhur şirkət müflis oldu
"Ölüvay" bitlərin üzərində biznes qurmaq cəhdi - gücü çatmayan oğurlayır
 “İçərişəhər” Dövlət Tarix-Memarlıq Qoruğu

Bakının bir hissəsini kəsintisiz internetlə sevindirəcəklər

25
(Yenilənib 22:43 22.05.2020)
“İçərişəhər” Dövlət Tarix-Memarlıq Qoruğunda 1600 mənzil və qeyri-yaşayış sahələrindən 500-ə qədəri optik xətlər üzərindən keyfiyyətli multimedia xidmətləri ilə təmin edilib.

BAKI, 22 may — Sputnik. Azərbaycan Nəqliyyat, Rabitə və Yüksək Texnologiyalar Nazirliyi “Bakı Telefon Rabitəsi” MMC paytaxt sakinlərinin genişzolaqlı xidmətlərlə təminatı üçün “Evədək optika” layihəsinin icrasını sürətləndirib.

Nazirlikdən Sputnik Azərbaycan-a verilən məlumata görə, artıq “Baktelecom”un “AzEuroTel” telekommunikasiya operatoru tərəfindən “İçərişəhər” Dövlət Tarix-Memarlıq Qoruğunda 1 600 mənzil və qeyri-yaşayış sahələrindən 500-ə qədəri optik xətlər üzərindən keyfiyyətli multimedia xidmətləri ilə təmin edilib. Yaxın zamanda qoruğun bütün ərazisinin genişzolaqlı xidmətlərlə tam təchiz olunması nəzərdə tutulur. Eyni zamanda, paytaxtın Nizami, Rostropoviç, Süleyman Tağızadə, Zərgərpalan, Bünyad Sərdarov və Abdulla Şaiq küçələrində köhnə rabitə infrastrukturunun yenilənməsi və optik şəbəkəyə keçid prosesi davam etdirilir. Hazırda görülən işlərin nəticəsi olaraq “AzEuroTel” tərəfindən 5 mindən artıq mənzil optik şəbəkəyə keçirilib. 

100 Mbit/s-ə qədər qoşulma sürəti, kəsintisiz internet, telefon xətlərindən asılılığın olmaması kimi üstünlüklərə malik “Evədək optika” xidməti “Baktelecom”un abunəçilərinə ödənişsiz təqdim etdiyi modemlər üzərindən göstərilir. Məlumat üçün bildirək ki, “Baktelecom” “Evədək optika” layihəsini GPON (Gigabit Passive Optical Network) texnologiyası əsasında tətbiq edir. Bu texnologiya istifadəçilərə bir optik xətt üzərindən telefon, internet və televiziya xidmətlərindən istifadə imkanı verir.

25
Əlaqədar
Ölkəmizdə internetin sürətinin aşağı düşməsinin səbəbi açıqlandı
Dünyadan "qopduq" - Azərbaycanda internet problemi yaşanır
Nazirlik ölkədə yaranan internet probleminin səbəbini açıqladı - Günahkar biz imişik
Filtrlənən internet: hər dövlətin öz marağı həmişə öndə olacaq
İnternetdə söhbətlərinizin dinlənməsini istəmirsizsə, bunları bilməlisiz
Sumaks startap şirkətininin hazırladığı cihaz

Azərbaycanda sosial məsafəni qoruyan cihaz yaxın gəlsəniz siqnal verəcək - FOTO

128
(Yenilənib 18:29 18.05.2020)
Cihaz dövlət qurumlarında, iaşə obyektlərində, zavodlarda və s. qurumlarda çalışan işçilər üçün nəzərdə tutulur.

BAKI, 18 may — Sputnik. Azərbaycanın "Sumaks" startap şirkəti sosial məsafəni qoruyan cihaz təqdim edib. Bu barədə Sputnik Azərbaycan-a şirkətin rəhbəri Cavid Məmmədov məlumat verib.

© Photo : Courtesy of Javid Mammadov
"Sumaks" startap şirkətinin rəhbəri Cavid Məmmədov

O, bildirib ki, cihaz dövlət qurumlarında, iaşə obyektlərində, zavodlarda və s. qurumlarda çalışan işçilər üçün nəzərdə tutulur: "Ölkədə yüngülləşdirilən karantin rejimi səbəbindən iş yerlərində insanların sosial təmasda olması halları çoxalır. Xüsusi sensorlarla təchiz olunan cihaz, təyin olunan 2 metr sosial məsafə pozulduqda davamlı olaraq siqnal verir. Yaxın zamanda bu cihaz müxtəlif iş yerlərinə təklif olunacaq".

128
Azərbaycan bayrağı

Azərbaycan Xalq Cümhuriyyətinin yaranmasından 102 il ötür

12
(Yenilənib 22:20 27.05.2020)
Azərbaycan Demokratik Respublikası gərgin və mürəkkəb ictimai-siyasi şəraitdə cəmi 23 ay fəaliyyət göstərə bildi.

BAKI, 28 may - Sputnik. Bu gün Azərbaycanda Respublika Günü qeyd olunur.

Sputnik Azərbaycan xəbər verir ki, 28 May 1918-ci il tarixində müsəlman Şərqində ilk dünyəvi demokratik dövlət olan Azərbaycan Xalq Cümhuriyyətinin yaranmasından 102 il ötür.

1990-cı ildən Respublika Günü dövlət bayramı kimi qeyd edilir.

Bakıda Azərbaycan Xalq Cümhuriyyətinin şərəfinə İstiqlal bəyannaməsi abidəsi ucaldılıb.

1917-ci ildə Rusiyada baş vermiş Fevral inqilabı nəticəsində Çar İmperiyası devrildi. Ölkədə çarizmin məzlum vəziyyətə saldığı xalqların milli hərəkatı başlandı. 1918-ci il mayın 28-də Azərbaycan Xalq Cümhuriyyəti (1918-1920) – müsəlman Şərqində ilk dünyəvi demokratik dövlət yaradıldı. Bu respublika azərbaycanlıları tarixi yaddaşında Azərbaycan dövlətçiliyinin ilk təcrübəsi kimi iz qoyub.

Məhəmməd Əmin Rəsulzadə tərəfindən əsası qoyulan Azərbaycan Xalq Cümhuriyyəti türk və İslam dünyasında ilk parlamentli respublika və ilk demokratik, hüquqi və dünyəvi dövlət nümunəsi idi.

Azərbaycan müvəqqəti hökumətinin ilk başçısı isə Fətəli Xan Xoyski idi. 10 gün Milli Şura Tiflisdə işlədikdən sonra Gəncəyə köçürülüb. Yalnız 1918-ci ilin sentyabrında Türkiyə ordusunun rəhbərliyi ilə – Bakı daşnak-rus qüvvələrdən təmizləndikdən sonra milli hökumət Gəncədən Bakıya köçdü.

Müstəqil Azərbaycan Cümhuriyyəti qısa ömründə böyük nailiyyətlər və qalibiyyətlər əldə edib. İlk dəfə qadınlara seçim hüququ tanıyan və qadın–kişi bərabərliyini təmin edən cümhuriyyət o cümlədən milli ordu, milli pul, demokratlaşma, milli bank, azad seçkilər, beynəlxalq əlaqələr və beynəlxalq ictimayyət tərəfindən Azərbaycan istiqlalının rəsmiyyətə tanınması, Azərbaycanın bütövlüyünü təmin etmək, iqtisadi islahat və s. müstəqil Azərbaycan Cümhuriyyəti təmin edib.

Azərbaycan Demokratik Respublikasını rəsmi surətdə tanıyan ilk dövlət Osmanlı dövləti olub (4 iyun 1918-ci ildə).

1918-ci il 9 noyabr tarixində M.Ə.Rəsulzadənin təklifi əsasında Azərbaycan Demokratik Respublikasının üç rəngli bayrağı qəbul edilib. O zamana qədər Azərbaycan Demokratik Respublikasının bayrağı qırmızı rəngdəydi.

Azərbaycan Demokratik Respublikası gərgin və mürəkkəb ictimai-siyasi şəraitdə cəmi 23 ay fəaliyyət göstərə bildi. Təəssüflər olsun ki, müstəqil Azərbaycan Cümhuriyyəti iki yaşına çatmadan bolşeviklərin hücumuna məruz qalıb müvəqqəti olaraq devrildi. Sovetlər Birliyi, Azərbaycanı məcburi surətdə öz tərkibinə daxil etdi. Bolşeviklər tərifindən devirlməsinə baxmayaraq, istiqlal ideyası yenilmədi və 1991-ci ildə Sovet İmperiyasının dağılması ilə Azərbaycan yenidən öz müstəqilliyini elan etdi.

12