Virus

"Kasperski" azərbaycanlı istifadəçilərin qarşılaşdıqları təhlükələr barədə məlumat yaydı

35
(Yenilənib 23:54 31.10.2018)
Cihazların klassik ssenari ilə yoluxması ilə yanaşı azərbaycanlı istifadəçilər digər kiber risklərlə də qarşılaşıb.

BAKI, 31 oktyabr — Sputnik. "Kasperski Laboratoriyası" araşdırma zamanı müəyyən edib ki, azərbaycanlı internet istifadəçilərinin 41 faizi öz rəqəmsal cihazlarında zərərverici proqramlarla qarşılaşıblar. Sputnik Azərbaycan xarici mətbuata istinadla xəbər verir ki, araşdırma "Kasperski Labaratoriyası"nın sifarişi ilə 2018-ci ilin oktyabr ayında "ERA" şirkəti tərəfindən aparılıb. Azərbaycanda şəxsi müsahibələr çərçivəsində 18-65 yaşlarında 300 aktiv internet istifadəçisi sorğulanıb.

"41 faiz azərbaycanlı internet istifadəçisi öz rəqəmsal cihazlarının zərərverici proqramlara yoluxması halı ilə qarşılaşıb. Son ildə hər iki nəfərdən biri bu problemlə iki dəfə qarşılaşıb" – deyə şirkətin məlumatında bildirilir.

Araşdırmaya görə, istifadəçilərin demək oalr ki yarısı (45 faizi) öz fayllarını itirib və ya cihazın yavaşlamasını (43 faiz) müşahidə edib. Hər 5-ci zərərçəkmiş cihazın əngəllənməsi ilə qarşılaşıb və 13 faiz istifadəçilərin isə faylları şifrələnib.

Cihazların klassik ssenari ilə yoluxma ilə yanaşı azərbaycanlı istifadəçilər digər kiber risklərlə də qarşılaşıb.

"Məsələn 21 faiz istifadəçiyə informasiyanın gizliliyininin qorunmasını təhlükə altında qoyan mesajlar göndərilib, 19 faiz isə internetdə aqressiv təqiblərə məruz qalıb, 15 faiz oğurluq və itirlmə nəticəsində məlumatlarının saxlanıldığı smartfondan məhrum olub. Profillərin sındırılması ilə istifadəçilərin 9 faizi qarşılaşıb ki, bunlardan çoxu sosial şəbəkə hesabları (78 faiz) olub" deyə şirkətin məlumatında bildirilir.

35
 “İçərişəhər” Dövlət Tarix-Memarlıq Qoruğu

Bakının bir hissəsini kəsintisiz internetlə sevindirəcəklər

23
(Yenilənib 22:43 22.05.2020)
“İçərişəhər” Dövlət Tarix-Memarlıq Qoruğunda 1600 mənzil və qeyri-yaşayış sahələrindən 500-ə qədəri optik xətlər üzərindən keyfiyyətli multimedia xidmətləri ilə təmin edilib.

BAKI, 22 may — Sputnik. Azərbaycan Nəqliyyat, Rabitə və Yüksək Texnologiyalar Nazirliyi “Bakı Telefon Rabitəsi” MMC paytaxt sakinlərinin genişzolaqlı xidmətlərlə təminatı üçün “Evədək optika” layihəsinin icrasını sürətləndirib.

Nazirlikdən Sputnik Azərbaycan-a verilən məlumata görə, artıq “Baktelecom”un “AzEuroTel” telekommunikasiya operatoru tərəfindən “İçərişəhər” Dövlət Tarix-Memarlıq Qoruğunda 1 600 mənzil və qeyri-yaşayış sahələrindən 500-ə qədəri optik xətlər üzərindən keyfiyyətli multimedia xidmətləri ilə təmin edilib. Yaxın zamanda qoruğun bütün ərazisinin genişzolaqlı xidmətlərlə tam təchiz olunması nəzərdə tutulur. Eyni zamanda, paytaxtın Nizami, Rostropoviç, Süleyman Tağızadə, Zərgərpalan, Bünyad Sərdarov və Abdulla Şaiq küçələrində köhnə rabitə infrastrukturunun yenilənməsi və optik şəbəkəyə keçid prosesi davam etdirilir. Hazırda görülən işlərin nəticəsi olaraq “AzEuroTel” tərəfindən 5 mindən artıq mənzil optik şəbəkəyə keçirilib. 

100 Mbit/s-ə qədər qoşulma sürəti, kəsintisiz internet, telefon xətlərindən asılılığın olmaması kimi üstünlüklərə malik “Evədək optika” xidməti “Baktelecom”un abunəçilərinə ödənişsiz təqdim etdiyi modemlər üzərindən göstərilir. Məlumat üçün bildirək ki, “Baktelecom” “Evədək optika” layihəsini GPON (Gigabit Passive Optical Network) texnologiyası əsasında tətbiq edir. Bu texnologiya istifadəçilərə bir optik xətt üzərindən telefon, internet və televiziya xidmətlərindən istifadə imkanı verir.

23
Əlaqədar
Ölkəmizdə internetin sürətinin aşağı düşməsinin səbəbi açıqlandı
Dünyadan "qopduq" - Azərbaycanda internet problemi yaşanır
Nazirlik ölkədə yaranan internet probleminin səbəbini açıqladı - Günahkar biz imişik
Filtrlənən internet: hər dövlətin öz marağı həmişə öndə olacaq
İnternetdə söhbətlərinizin dinlənməsini istəmirsizsə, bunları bilməlisiz
Sumaks startap şirkətininin hazırladığı cihaz

Azərbaycanda sosial məsafəni qoruyan cihaz yaxın gəlsəniz siqnal verəcək - FOTO

128
(Yenilənib 18:29 18.05.2020)
Cihaz dövlət qurumlarında, iaşə obyektlərində, zavodlarda və s. qurumlarda çalışan işçilər üçün nəzərdə tutulur.

BAKI, 18 may — Sputnik. Azərbaycanın "Sumaks" startap şirkəti sosial məsafəni qoruyan cihaz təqdim edib. Bu barədə Sputnik Azərbaycan-a şirkətin rəhbəri Cavid Məmmədov məlumat verib.

© Photo : Courtesy of Javid Mammadov
"Sumaks" startap şirkətinin rəhbəri Cavid Məmmədov

O, bildirib ki, cihaz dövlət qurumlarında, iaşə obyektlərində, zavodlarda və s. qurumlarda çalışan işçilər üçün nəzərdə tutulur: "Ölkədə yüngülləşdirilən karantin rejimi səbəbindən iş yerlərində insanların sosial təmasda olması halları çoxalır. Xüsusi sensorlarla təchiz olunan cihaz, təyin olunan 2 metr sosial məsafə pozulduqda davamlı olaraq siqnal verir. Yaxın zamanda bu cihaz müxtəlif iş yerlərinə təklif olunacaq".

128
İspaniyada epdimioloji vəziyyət

İspaniyada ikinci koronavirus epidemiyası qaçılmazdır ekspert

0
"Bəlkə də bütün payız maska geyinmək lazım olacaq. Ciddi gigiyena qaydalarına, sosial məsafəyə riayət etməyə davam etmək lazımdır. İnsanlara izah etmək lazımdır ki, özlərini məsuliyyətli aparsınlar".

BAKI, 27 may — Sputnik. İspaniyada ikinci koronavirus epidemiyasının payızda baş verməsi demək olar ki, qaçılmazdır, lakin hökumətin ağır karantinin qarşısını almaq və problemi digər yollarla həll etmək üçün vaxtı var. Sputnik Azərbaycan xəbər verir ki, bunu Navarra Universitetinin mikrobioloqu Gilyermo Martinez de Texada RİA Novosti-yə bildirib.

"Bir çox mütəxəssislər inanırlar ki, epidemiya oktyabrda yenidən baş verəcək. Mən də bu fikirdəyəm. Çox güman ki, belə olacaq. Amma yüz faizlik əminlik ola bilməz. Onun birinci epidemiya kimi güclü olub-olmayacağı da aydın deyil", - Martinez de Texada deyib.

Onun sözlərinə görə, hazırda cənub yarımkürəsində payızdır və orada xəstələrin sayında kəskin artım baş verib.

"Bu qrip kimi mövsümi bir virusa oxşayır", - mikrobioloq deyib.

İspaniya hakimiyyət orqanlarının yeni dalğaya hazırlaşmaq üçün bir neçə ay vaxtı var, lakin ölkə çətin ki, mart-aprel aylarında olduğu kimi sərt karantin tətbiq etsin.

"Bu, çox ağır olardı. Cənubi Koreya və Tayvan bütün əhalini karantinə salmadılar. Onlar tez reaksiya verməyə imkan verən sistemləri tətbiq etdilər", - Martinez de Texada deyib.

O qeyd edib ki, hər halda, epidemiyanın ikinci dalğasına həm hakimiyyət, həm tibb işçiləri, həm də ölkə sakinləri martdakından daha hazırlıqlı olacaqlar.

"Bəlkə də bütün payız maska geyinmək lazım olacaq. Ciddi gigiyena qaydalarına, sosial məsafəyə riayət etməyə davam etmək lazımdır. İnsanlara izah etmək lazımdır ki, özlərini məsuliyyətli aparsınlar", - mikrobioloq əlavə edib.

Bununla yanaşı, o, ölkənin payız və qışda barları, mağazaları və s. yenidən bağlamaq məcburiyyətində qalacağını istisna etməyib.

0