Elektron ticarət

"Elektron ticarət vergidən azad edilməlidir"

272
(Yenilənib 22:40 05.01.2018)
Osman Gündüz: "İşgüzar dairələr elektron ticarət bazarında sabit mövqe qazanmamış, bu perspektivli bazarları tərk etməyə məcbur olur"

Fuad Əlizadə, Sputnik Azərbaycan

BAKI, 5 yanvar — Sputnik. İnternet ictimaiyyəti Vergilər Nazirliyinin yeni rəhbərliyi qarşısında elektron ticarətin vergidən azad edilməsi barədə məsələ qaldırmağa hazırdır. Bunu Sputnik Azərbaycan-a Azərbaycan İnternet Forumunun (AİF) prezidenti Osman Gündüz bildirib. O, vergi imtiyazının tətbiqi yolu ilə elektron ticarətin stimullaşdırılmasına ehtiyac olduğunu vurğulayıb.

Президент Интернет-форума Азербайджана Осман Гюндуз
© Photo : Bizplus
Президент Интернет-форума Азербайджана Осман Гюндуз

Azərbaycan prezidenti İlham Əliyevin 5 dekabr 2017-ci il tarixli sərəncamı ilə Mikayıl Cabbarov təhsil naziri vəzifəsindən azad edilib. Dövlət başçısının digər sərəncamları ilə Fazil Əsəd oğlu Məmmədov vergilər naziri postundan azad edilib və onun yerinə Mikayıl Cabbarov təyin olunub.

O.Gündüzün sözlərinə görə, qanunvericilik səviyyəsində ən azı üç il müddətinə elektron ticarətin vergilərdən azad edilməsi barədə imtiyaz verilməlidir, yaxud elektron ticarətin həcminə dair statistikanın tətbiqi üçün vergini maksimum 1% səviyyəsində təyin etmək lazımdır.

"Müvafiq qərar qəbul olunana qədər, vergi orqanları vergiləri tələb etməyə məcbur olur və dəxli yoxdur, siz öz biznesinizi yerin üstündə, yerin altında, havada, yaxud virtual məkanda həyata keçirirsiniz. Öz növbəsində bu, ona gətirib çıxarır ki, işgüzar dairələr elektron ticarət bazarında sabit mövqe qazanmamış, bu perspektivli bazarları tərk etməyə məcbur olur" — deyə Osman Gündüz bildirib.

AİF prezidentinin fikrincə, sahibkarın öz ayaqları üzərində möhkəm dayanmasına şərait yaratmaq lazımdır ki, sonra da o, müntəzəm olaraq dövlətə vergi ödəmək imkanına malik olsun: "Təəccüblü deyil ki, nəticədə elektron ticarətə maraq azalır. Gənc mütəxəssislərin bu sahəyə dair demək olar ki, heç bir maraqlı layihəsi yoxdur. Biz maraqlıyıq ki, şəbəkə istifadəçiləri internet portalları və ya sosial şəbəkələr yaratmaq yolu ilə internetdə öz fəal ticarətlərini qura bilsinlər".

Ekspertin sözlərinə görə, bununla əlaqədar olaraq, bu il elektron ticarət sahəsində startap layihələr də demək olar ki, mövcud olmayıb: "Halbuki, zamanında "Facebook", "Skype" və bu gün virtual məkanda məşhur olan digər mövcud şirkətlər də startap layihələr idi".

1 yanvar 2017-ci ildən etibarən qüvvəyə minən vergi qanunvericiliyinə edilmiş dəyişikliyə əsasən, elektron ticarətlə (e-ticarət) məşğul olan bütün şirkətlər ƏDV (18%) ödəməyə başlayıb. Həmin andan etibarən ƏDV elektron xidmət şəbəkəsinə — elektron kitab, musiqi, audio-video materiallar, qrafik təsvirlər, virtual oyunlar, proqram təminatı, reklamların yerləşdirilməsi və s. tətbiq edilir.

272
Teqlər:
AİF, elektron, ƏDV, Osman Gündüz, ticarət, vergi, internet, Azərbaycan, prezident
Əlaqədar
Əsədov: “Şagirdlərin elektron dərsliklərdən istifadəsi biabırçı vəziyyətdədir”
Daha bir nəqliyyat növü elektron gediş kartlarına keçir
Elektron siqaretlərlə bağlı qorxulu fakt ortaya çıxdı
Azərbaycanlı yazıçının əsəri Ukraynanın elektron kitabxanasına daxil edilib
Azərbaycanda elektron vizaların verilməsi proseduru sadələşdirilir
Əldə smartfon, arxiv şəkli

Təhlükəsizlik xəbərdarlığı: VPN tətbiqindən casusluq üçün istifadə olunur

104
(Yenilənib 10:10 21.10.2020)
Mərkəz bir daha vətəndaşları VPN-lərdən istifadə etməməyi və istifadə edilən tətbiqlərin təyinatına uyğun icazələrinin əldə edilməsinə diqqətlə yanaşmağı tövsiyə edir.

BAKI, 20 oktyabr - Sputnik. Mövcud vəziyyətlə bağlı sosial şəbəkələrin istifadəsinə gətirilən məhdudlaşdırmalar təhlükəsizlik xəbərdarlıqlarına baxmayaraq, vətəndaşların VPN xidmətlərdən intensiv istifadəsi ilə müşahidə olunur. 

Xüsusi Rabitə və İnformasiya Təhlükəsizliyi Dövlət Xidmətinin Kompüter İnsidentlərinə qarşı mübarizə mərkəzindən Sputnik Azərbaycan-a verilən məlumata görə, SkyVPN adlanan tətbiqə sadəcə şəbəkə sazlamalarına icazənin lazım olduğu təqdirdə, şəxsin kamerasına, əlaqə vasitələrinə, telefon, təqvim, lokasiya və yaddaş kartından istifadəyə icazələrin əldə etməsi bu tətbiqin sadəcə VPN tətbiqi olmadığı və casusluq üçün də istifadə olunduğunu bir daha isbat edir.

Mərkəz bir daha vətəndaşları VPN-lərdən istifadə etməməyi və istifadə edilən tətbiqlərin təyinatına uyğun icazələrinin əldə edilməsinə diqqətlə yanaşmağı tövsiyə edir.

104
Əlaqədar
VPN istifadə edənlər cərimə ediləcəklərmi?
Smartfonda sosial şəbəkə tətbiqlərinin loqosu, arxiv şəkli

Ermənistan sosial şəbəkələrdə Azərbaycan adından əsgərlərə yardım adı altında pul toplayır

35
(Yenilənib 14:32 20.10.2020)
Ermənistan tərəfi vəziyyətdən sui-istifadə edərək, "Telegram" və digər sosial şəbəkələrdə Azərbaycan adından saxta səhifələr yaradaraq müharibə qurbanlarına və əsgərlərimizə yardım adı altında vəsait toplayır

BAKI, 20 oktyabr — Sputnik. Azərbaycan Ordusunun cəbhənin müxtəlif istiqamətlərində əldə etdiyi uğurlar, torpaqlarımızın azad edilməsi hər birimizi qürurlandırır. Bu haqlı mübarizədə vətəndaşlarımız əsgər və zabitlərimizə dəstək olmağa çalışırlar. Ermənistan tərəfi isə vəziyyətdən sui-istifadə edərək, "Telegram" və digər sosial şəbəkələrdə Azərbaycan adından saxta səhifələr yaradaraq müharibə qurbanlarına və əsgərlərimizə yardım adı altında vəsait toplayır. Azərbaycan Nəqliyyat, Rabitə və Yüksək Texnologiyalar Nazirliyindən Sputnik Azərbaycan-a verilən məlumata görə, nazirlik yanında Elektron Təhlükəsizlik Xidməti vətəndaşlardan xahiş edir ki, indiki vaxtda maksimum diqqətli olsunlar və yalnız rəsmi məlumatlara istinad etsinlər.

Həmçinin vətəndaşlar hər hansı kiberinsidentlə üzləşdiklərində və ya metodiki dəstəyə ehtiyacları olduqda www.cert.az saytı və ya reports@cert.az elektron poçt ünvanı vasitəsilə Elektron Təhlükəsizlik Xidmətinə müraciət etsinlər.

Qeyd edək ki, Azərbaycan Respublikası Prezidentinin 2002-ci il 17 avqust tarixli Fərmanı ilə Silahlı Qüvvələrə Yardım Fondu yaradılıb. Azərbaycan ərazisində fəaliyyət göstərən hüquqi və fiziki şəxslər könüllülük əsasında fonda vəsait köçürə bilirlər.

35
Mövzu:
Azərbaycan və Ermənistan arasında müharibə
Əlaqədar
"Qərarlarınızı heçə sayan Ermənistanı mühakimə etməyəcəksinizsə, nəyi edəcəksiniz?!"
İgidlərimizi tanıyın: onlar torpağımızı işğalçılardan təmizləyirlər - FOTO
Nazirlikdən növbəti xəbərdarlıq: Ermənistan bu dəfə ASAN xidməti "işə salıb"
İş adamı Türkiyədən ordumuza tonlarla dərman yolladı

Fikrət Sadıxov: “Ermənistan münaqişənin dinc yolla həllini başa düşmədi”

0
(Yenilənib 08:28 23.10.2020)
Politoloq Fikrət Sadıxov deyir ki, baza prinsiplərində Azərbaycanın 7 rayonundan işğalçı Ermənistan qoşunlarının çıxarılması, məcburi köçkünlərin öz yurd-yuvalarına qayıtması nəzərdə tutulur
Fikrət Sadıxov: “Azərbaycan artıq status-kvonu qəbul etmir”

“Baza prinsiplərinə gəldikdə, orada hər şey aydın şəkildə yazılıb. Azərbaycanın işğal olunmuş rayonlarının mərhələli şəkildə azad edilməsi nəzərdə tutulur”. Bunu Azərbaycan Respublikasının prezidenti İlham Əliyev “Rossiya Seqodnya" Beynəlxalq İnformasiya Agentliyinin Baş direktoru Dmitri Kiselyova müsahibəsində deyib.

Politoloq Fikrət Sadıxov Sputnik Azərbaycan-a deyir ki, Azərbaycan uzun illər danışıqlar masasında münaqişənin həlli üçün çalışıb:

“Münaqişənin həlli üçün təqdim olunan baza prinsiplərində Azərbaycanın 7 rayonundan işğalçı Ermənistan qoşunlarının çıxarılması, məcburi köçkünlərin öz yurd-yuvalarına qayıtması nəzərdə tutulur. Amma Ermənistan aşkar şəkildə bundan imtina etdi. Ermənistan hakimiyyəti seperatçı rejimi danışıqlar masasında görmək istəyirdi. Ancaq bu, Azərbaycan üçün qəbuledilməz idi. Münaqişənin həlli prosesi hərbi müstəviyə keçib və Azərbaycan artıq status-kvonu qəbul etmir. Ermənistan münaqişənin dinc yolla həllini başa düşmədi. Azərbaycan torpaqlarının işğal altında qalması ilə razılaşmayacaq”.

Qeyd edək ki, sentyabrın 27-də Ermənistan silahlı qüvvələrinin cəbhə xətti zonasında yerləşən Azərbaycan Ordusunun mövqelərini və yaşayış məntəqələrimizi növbəti dəfə intensiv atəşə tutmasına və təcavüzkar əməllərini davam etdirməsinə cavab olaraq Silahlı Qüvvələrimiz Ali Baş Komandanın əmri ilə düşmənə qarşı indiyədək misli görünməmiş əks hücum əməliyyatına başlayıb.

Fikrət Sadıxovun geniş şərhinə audiofaylda qulaq asa bilərsiniz

0