Elmi laboratoriya

Qanımıza kiçik cihazlar yerləşdiriləcək baxın, nələr baş verəcək...

655
(Yenilənib 11:02 04.10.2017)
Ötən yayını Marsda, bu yayını Yupiterdə keçirənlər, gələn yay tətilini Yupiterin peyki olan Avropada keçirməyi planlaşdıracaqlar

BAKI, 26 sentyabr — Sputnik. Zaman durmadan axır. Bugün dünənə, sabah bugünə çevrilir. Min il əvvəlin tarixini oxuyanda bu min ildə nələrin dəyişdiyini, nələr etdiyimizi, nələr bacardığımızı, nələr yaratdığımızı, nələrə qadir olduğumuzu görmək elə də çətin deyil. Və bizim bu nəhəng qabiliyyətimiz tükənməyəcək. Nə qədər ki, insan var, dünyanın, kainatın taleyini dəyişməyə, yaratmağa, kəşf etməyə davam edəcək.

Quş lələyini mürəkkəbə batırıb yazan insanları düşünün. Görünüşləri əcdadımıza daha çox oxşayan, amma bir şeylərin axtarışında olan insanların bir kitab yazmağa nə qədər zaman və zəhmət sərf etdiyini təsəvvür etmək elə də çətin deyil. Bu gün isə barmağımızı klaviaturanın hərflərinə xəfifcə toxundurub dəqiqələr içində qalaq-qalaq materiallar hazırlayırıq. Və inana bilirsiniz ki, min il sonra insanlar, indi özümüz üçün inkişaf, yüksəliş, inqilab hesab etdiyimiz bu cihazların hamısını tarix muzeylərində saxlayıb, hərdən şagirdləri, tələbələri ekskursiyalara aparıb, bizim necə böyük əziyyətlərlə yaşamağımızdan danışacaqlar?

İndi çarə tapa bilmədiyimiz xərçəng, şəkər və digər xəstəliklər də gələcək insanlar üçün adi qrip kimi yüngül problem olacaq. Milyonlarla can alan bu mərəzlər gələcək insanların ruhunu da incidə bilməyəcək. Elm insanlarının təxmininə görə, çox yox, cəmi əlli il sonra yer üzündə sağalmayan heç bir xəstəlik qalmayacaq. Olduqca kiçik cihazlar insanın qanına yerləşdiriləcək və bu cihazlar orqanizmi bütün yad cismlərdən, viruslardan, mikroblardan təmizləyəcək. İnsanın ömrü indikindən qat-qat uzun olacaq. Əlbəttə, bombalardan, qəzalardan, şüalardan, zərərli qidalardan dolayı həyatını itirməzsə.

Gələcək insanların ən böyük xoşbəxtliklərindən biri də yay tətillərini keçirmək üçün gedəcəkləri yerlər olacaq. Onlar bizim kimi "Antalya, yoxsa Batumi", ən yaxşı halda "Roma, yoxsa Paris" deyə tərəddüd etməyəcəklər. Biz ən yaxşı halda Avropanın məşhur şəhərləri arasında seçim etməli olduğumuz halda, gələcək insanlar Yupiterlə, onun peyki olan Avropa arasında seçim edəcəklər. Ötən yayını Marsda, bu yayını Yupiterdə keçirən, gələn yayını Yupiterin peyki olan Avropada keçirməyi planlaşdıran gələcək insanlar üçün bu səyahət turları bizim gündəlik rastlaşdığımız aviaşirkətlər kimi bir şey olacaq.

Yer kürəsində insan qədər robotların da yer alacağı bildirilir. Gələcək insanlar robotlarla dost ola, sevgili ola, hətta ailə qura biləcəklər. Bu robotlar insanların elmi-mədəni işlərində, məişət həyatlarında onlara yoldaşlıq edəcəklər. İnsanla ortalama eyni zəkaya və eyni duyğuya sahib ola biləcək bu robotlardan həm də ordularda istifadə ediləcək.

Şəxsən mənə görə, elm adamlarının gələcək dünya haqqında ən böyük vədi insanın teleportasiyasıdır. Alimlər bildirirlər ki, gələcək insanlar avtomobillərdən, qatarlardan, təyyarələrdən yalnız əyləncə vasitəsi kimi istifadə edəcəklər. Gələcək nəsillərin ən böyük nəqliyyat vasitəsi teleportasiya liftləri olacaq. Şirkətlərdən bu liftlərə bilet alacaqlar. Liftə daxil olacaqlar və işıq sürəti ilə bütün atomlarına qədər istədikləri məkanda peyda olacaqlar.

Sehirli filmlərdə baxıb fantastika adlandırdığımız bu proses gələcək nəsillərin gündəlik nəqliyyat vasitəsi olacaq. Həm maraqlı, həm vahiməli olan bu prosesi görməyə və yaşamağa əfsus ki, bizim ömrümüz yetməyəcək.

Üçüncü minilliyin yaşayışı haqqında çox şey yazmaq olar: zaman maşınlarından tutmuş, işıq sürəti ilə hərəkət edə biləcək kosmik gəmilərə qədər; insanın dərisi üzərində əks olunacaq qol saatlarından tutmuş, səsli əmrlər vasitəsi ilə açılıb-bağlana biləcək qapılara, pəncərələrə qədər.

Bütün bunlar belə, insanın böyük elmi ixtiralarının kiçik bir qismidir və əlbət ki, bunlar mükəmməl hadisələrdir. Lakin məni narahat edən, məni qorxudan bir məsələ var. Belə hesab edirəm ki, elə yazını oxuduqca bu məsələ sizi də narahat etdi.

Narahatlığım ondan ötrüdür ki, dünya kainat turlarına çıxanda, azərbaycanlılar "VAZ2107" maşınları ilə şosselərdə yarışmaqda olsunlar. Dünya zaman maşınlarında gəzib, keçmişə və gələcəyə səyahət edəndə, azərbaycanlı ağsaqqallar, ağbirçəklər gənclərlə adət-ənənə savaşına çıxsınlar.

Ondan ötrü narahatam ki, dünya mediası qonşu qalaktikaya səyahət turlarına başlanılması haqqında xəbər yazanda, Azərbaycan mediası hansısa müğənninin sinəsinin və budlarının görünməsini manşetə çevirsin. Avropada az qala hər kəsin şəxsi teleportasiya liftləri olduğu halda, azərbaycanlılar onları əxlaqsız və kafir adlandıraraq çayxanalarda təsbeh fırlatsınlar.

Narahatam ondan ötrü ki, bütün dünyada sağalmayan xəstəlik qalmadığı halda, azərbaycanlılar qızılca olan uşaqlara qırmızı parça büksün, ciyərləri ağrayanda kürəklərini hansısa daşlara söykəsin.

Və daha nələr, nələr!? Narahatam, əzizlərim. İnsanların irqi, milli, dini, cinsi ayrıseçkiliyə məruz qaldığı, kimsəyə zərəri olmayan şəxsi yaşam normalarına görə təzyiq altında yaşadığı bir məmləkətdə zamanın gələcəyə doğru axdığına inanmıram…

655
Teqlər:
min il, zaman, sürət, planet, gələcək, elm, insan, azərbaycanlı
Əlaqədar
Bəşəriyyəti məhv edəcək təhlükə: Ondan qurtulmaq olarmı
Amerika bəşəriyyətin bəlasına qarşı mübarizəyə başladı - bütün ölkələrə çağırış
2016-cı ildə bəşəriyyət kimləri itirdi?
Vəhşi heyvan bəşəriyyətə insanlıq dərsi keçdi
Laptop

Daha bir dövlət qurumu adından vətəndaşlara saxta məktublar göndərilir

24
(Yenilənib 15:02 29.10.2020)
Göndərilən saxta məktublarda istifadəçilərdən 48 saat ərzində məktubda göstərilmiş keçidə daxil olaraq elektron poçtları qeydiyyatdan keçirmələri və onu təsdiq etmələri istənilir

BAKI, 29 oktyabr — Sputnik. Cəbhədə məğlubiyyətə düçar olan Ermənistan tərəfi kibermühitdə uğursuz təxribatlarını davam etdirir. Düşmən bu dəfə də elektron poçt üzərindən Nəqliyyat, Rabitə və Yüksək Texnologiyalar Nazirliyi (NRYTN) adından "fişinq" xarakterli məktublar göndərir. Bu barədə Sputnik Azərbaycan-a Nazirlikdən bildirilib.

Məlumata görə, göndərilən saxta məktublarda istifadəçilərdən 48 saat ərzində məktubda göstərilmiş keçidə daxil olaraq elektron poçtları qeydiyyatdan keçirmələri və onu təsdiq etmələri istənilir. Əks halda, həmin istifadəçilərin e-poçtlarından istifadə edə bilməyəcəkləri bildirilir: "Yalançı məktuba etibarlığı artırmaq üçün mətndə Azərbaycan Respublikasının bayrağı və gerbi, Nazirliyin loqosu, ünvanı, rəsmi şəxsin adı göstərilir. Məqsəd istifadəçilərin diqqətini yayındıraraq, zərərli keçidlərə daxil olmağa vadar etməklə müvafiq məlumatları ələ keçirmək və bu yolla həmin şəxslərin istifadə etdikləri avadanlığa və şəbəkəyə yol tapmaqdır.

NRYTN yanında Elektron Təhlükəsizlik Xidməti bildirir ki, bu məlumatlar həqiqəti əks etdirmir və təxribat xarakteri daşıyır. Qeyd edək ki, bir çox istifadəçilərin öz elektron poçtlarına VPN internet bağlantısından istifadə yolu ilə daxil olması həmin şəxslər və onların təmsil etdikləri qurumların şəbəkələri üçün çox ciddi təhlükə riski yaradır. İstifadəçilərdən xahiş olunur ki, hazırkı dövrdə maksimum diqqətli olsunlar, bu kimi məlumatlara etimad edib ani hərəkət etməsinlər. Eyni zamanda keçidlərə daxil olub fərdi məlumatlarını təqdim etmədən öncə fərqli əlaqə vasitələrindən istifadə etməklə məktubun göndərildiyi ünvanı və məlumatların düzgünlüyünü rəsmi mənbədən yoxlasınlar. Bir daha qeyd edirik ki, bu formatlı məlumatlar xüsusən "fişinq" (tilova salmaq) cəhdləridir. Həmçinin vətəndaşlar bu kimi hallarla üzləşdiklərində, 1654 və 1655 qaynar xətti, www.cert.az saytı və ya reports@cert.az elektron poçt ünvanı vasitəsilə Elektron Təhlükəsizlik Xidmətinə müraciət etsinlər".

24
Mövzu:
Azərbaycan və Ermənistan arasında müharibə
Əlaqədar
"WhatsApp"la ehtiyatlı olun, tələyə düşə bilərsiniz
"Mail.ru" istifadəçiləri, diqqət: hisslərinizlə oynayıb hücuma keçirlər
Nazirlikdən növbəti xəbərdarlıq: Ermənistan bu dəfə ASAN xidməti "işə salıb"
Ermənilər kibermühitdə təxribatlarını davam etdirirlər - Nazirlik
Facebook, Instagram və WhatsApp tətbiqlərinin loqosu, arxiv şəkli

"WhatsApp"la ehtiyatlı olun, tələyə düşə bilərsiniz

42
(Yenilənib 16:47 27.10.2020)
"WhatsApp" üzərindən "Adidas" və digər məşhur şirkətlərin adından "spam" mesajlar göndərərək həmin şirkətlərin yubileyi münasibətilə pulsuz məhsulların paylandığını bildirirlər

BAKI, 27 oktyabr — Sputnik. Nəqliyyat, Rabitə və Yüksək Texnologiyalar Nazirliyi vətəndaşları "WhatsApp" üzərindən məşhur şirkətlərin adından həyata keçirilən "fişinq" kampaniyaları barədə xəbərdar edir.

Nazirlikdən Sputnik Azərbaycan-a verilən məlumatda bildirilir ki, kiberdələduzlar istifadəçiləri "tələ"yə salmaq məqsədilə onlara "WhatsApp" üzərindən "Adidas" və digər məşhur şirkətlərin adından "spam" mesajlar göndərərək həmin şirkətlərin yubileyi münasibətilə pulsuz məhsulların paylandığını bildirirlər. Hədiyyəni əldə etmək üçün istifadəçidən keçidə daxil olaraq anketi doldurması istənilir. Məlumata etimad edərək keçidə daxil olan istifadəçi həmin şirkətin rəsmi səhifəsinə oxşar saxta səhifəyə yönləndirilir.

Bununla yanaşı, istifadəçidən, həmçinin mobil nömrəsini daxil etməklə həmin mesajı nömrə siyahısında olan 20 "WhatsApp" istifadəçisinə göndərməsi tələb olunur. Kiberdələduzların məqsədi saxta reklam baxışları toplamaqla "asan" yolla gəlir əldə etmək, istifadəçiləri üçüncü tərəf tətbiqləri yükləməyə vadar etmək və fərdi məlumatları ələ keçirməkdir. Bu cür kiberhücumlardan qorunmanın ilk üsulu alınan hər mesaja şübhə ilə yanaşmaq, cəlbedici vədlərə aldanaraq ani hərəkət etməmək və məlumatın düzgünlüyünü fərqli əlaqə vasitələrindən istifadə etməklə yoxlamaqdır. Vətəndaşlardan xahiş olunur ki, hər hansı şirkət, qurum və ya təşkilat adından bu kimi məlumatlar aldıqda, ilk öncə həmin müəssisə ilə əlaqə saxlayaraq və ya veb-brauzerdə açılan yeni səhifədə onun rəsmi saytına daxil olaraq məlumatın düzgünlüyündən əmin olsunlar. Həmçinin hər hansı kiberinsidentlə üzləşdiklərində və ya metodiki dəstəyə ehtiyacları olduqda www.cert.az saytı və ya reports@cert.az elektron poçt ünvanı vasitəsilə Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Xidmətinə müraciət etsinlər.

42
Əlaqədar
Vətəndaşlarımıza mesaj vasitəsilə saxta çağırışlar edilir: Raket hücumu var
Nazirlik xəbərdarlıq etdi: Ermənilər yeni təxribatlar hazırlayıblar
"Mail.ru" istifadəçiləri, diqqət: hisslərinizlə oynayıb hücuma keçirlər
Nazirlikdən xəbər saytlarına tövsiyə
Təxribata uymayın - Banklar müştərilərə xəbərdarlıq edir
Türkiyə Böyük Millət Məclisinin sədri Mustafa Şentop

Azərbaycan Türkiyə spikerləri: "Bu iki qardaş xalq həmişə bir-birinin yanında olacaq"

0
(Yenilənib 23:27 29.10.2020)
Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

BAKI, 29 oktyabr — Sputnik. Oktyabrın 29-da Milli Məclisin Sədri Sahibə Qafarova Türkiyə Böyük Millət Məclisinin Sədri Mustafa Şentopla telefonla danışıb.

Sputnik Azərbaycan-ın məlumatına görə, Milli Məclisin Sədri türkiyəli həmkarına 29 oktyabr - Cümhuriyyət Günü münasibətilə təbriklərini çatdırıb, qardaş türk xalqına tərəqqi və firavanlıq arzulayıb.

Milli Məclisin Sədri qardaş Türkiyə Respublikasının Ermənistan-Azərbaycan Dağlıq Qarabağ münaqişəsi ilə bağlı ölkəmizə göstərdiyi dəstəyə görə bir daha minnətdarlığını bildirib, iki qardaş xalqın həmişə bir-birinin yanında olacağına əminliyini ifadə edib.

Sahibə Qafarova Ermənistanın son dövrlər döyüş meydanında məruz qaldığı uğursuzluqlarla barışmayaraq mülki əhalini hədəfə aldığını və bunun insanlıq əleyhinə yönələn müharibə cinayəti olduğunu ifadə edib.

Sahibə Qafarova telefon söhbətinin sonunda bildirib ki, bütün Azərbaycan xalqı öz dövlətinin və Prezidentinin yanındadır. "Möhtərəm Prezidentimiz İlham Əliyevin rəhbərliyi ilə Azərbaycanda bərqərar olmuş güclü idarəçilik sistemi, iqtidarla xalq arasında mövcud olan sarsılmaz birlik Dağlıq Qarabağ məsələsinin tamamilə həllini təmin edəcək".

Təbriklər və xoş sözlər üçün təşəkkürünü bildirən Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

0