CƏMİYYƏT
Cəmiyyətin həyatında baş verən aktual hadisələr

Saatda 800 ağac əkən pilotsuz uçan aparat icad edilib

© AZƏRTACAğac əkən pilotsuz uçan aparat yaradılıb
Ağac əkən pilotsuz uçan aparat yaradılıb - Sputnik Azərbaycan
Abunə olmaq
Xəritə əsasında işləyən yeni qurğu floranın yaradılması sahəsində insandan dəfələrlə cəld işləyir.

BAKI, 6 sent-Sputnik. Dünyada bir çox ərazilər var ki, orada insan yaşaya bilməz. Amma həmin ərazilərdə ağac əkmək mümkündür. Əsas problem belə ərazilərə getməyin çətinliyi ilə bağlıdır. Belə ki, həmin yerlərə işçilər göndərmək böyük xərc tələb edir. Bu problemi həll etmək üçün ağac əkə bilən pilotsuz uçan aparat yaradılıb.

Sputnik-in məlumatına görə, bu barədə "fainaidea" saytı məlumat yayıb.

Xəbər verilir ki, ərazinin "3D" formatında olan xəritəsi ilə işləyən "DroneSeed" şirkətinin istehsalı olan pilotsuz uçan aparat ağac əkmək üçün müvafiq yeri müəyyənləşdirir.

Ağac əkməzdən əvvəl dron torpağı emal edir. Bundan sonra "DroneSeed" adlı pilotsuz uçan aparat sıxılmış havanın köməyi ilə saatda 384 kilometr sürətlə torpağa şitil və ya toxum tullayır.

Şirkətin məlumatına görə, bu üsulla saatda 800-dək ağac toxumu əkmək olar. Müqayisə üçün bildirək ki, insan gün ərzində yalnız 800 ağac toxumu əkə bilər.

1 akr meşəni əkmək üçün sözügedən drona sadəcə 1,5 saatlıq batareya enerjisi kifayətdir.

Hələlik bu dronlar geniş istifadə üçün nəzərdə tutulmayıb, sadəcə test edilib. Çünki onlar torpağın münbitləşdirilməsi zamanı herbisidlərdən istifadə edirlər. Herbisidlərin təhlükəsizliyi isə hələlik sübuta yetirilməyib.

Xəbər lenti
0