BMT-nin Vyana ofisi

Hakerlər BMT-nin 3500 əməkdaşının şəxsi məlumatlarını oğurladılar

32
(Yenilənib 19:14 18.12.2015)
Hakerlər Vyanadakı serverlərdən birini sındıraraq bu məlumatları əldə ediblər.

BAKI, 18 dek-Sputnik. Hakerlər Birləşmiş Millətlər Təşkilatının (BMT) Vyanadakı ofisinin (UNOV) 3500 əməkdaşının şəxsi məlumatlarını oğurlayıb.

Sputnik SecurityLab on-line resursuna istinadən xəbər verir ki, bu barədə məlumatı onlara Azərbaycandan olan anonim mənbəyə verib. SecurityLab-ın redaksiyasına bunu isbat edən fotolar da daxil olub.

Hadisə təxminən bir ay əvvəl baş verib.

Azərbaycanlı mənbə bildirib ki, hakerlər Vyanadakı serverlərdən birini sındıraraq məlumatları əldə ediblər. "İBM Integrated WebServices" adlanan serverin zəif olması səbəbindən hakerlər "Domino Notes" kataloquna daxil olaraq təşkilatın əməkdaşlarının şəxsi məlumatlarını, rəsmi sənədləri və digər məlumatları oğurlayıblar.

32

İlon Maskın beyin çipləri necə işləyir?

28
İmplant kəllə sümüyünün altında yerləşdirilərək beyinə elektrodlar vasitəsilə qoşulacaq və insan orqanının funksiyasını yerinə yetirəcək

BAKI, 2 avqust — Sputnik. Tesla və Space X şirkətlərinin yaradıcısı İlon Mask sahibi olduğu startapın hazırladığı beyin çiplərinin insana adi tezliklərdən kənardakı səsləri də eşitmək imkanı yaradacağını deyib.

Sputnik Azərbaycan bildirir ki, bu barədə The Independent yazıb.

Maskın sözlərinə görə, layihənin son məqsədi daxil edilmiş çip vasitəsilə kompüterlə insan beyni arasında birbaşa əlaqənin yaradılmasıdır. O qeyd edib ki, bu texnologiyanın köməyi ilə musiqini birbaşa başın içində dinləmək mümkün olacaq.

Maks əlavə edib ki, çiplərin köməyi ilə baş beyni zədələnmiş insanlar ətraflarının hərəkətini bərpa edə biləcəklər.

Bundan öncə Mask demişdi ki, çipləşdirilmiş insanlar hormonların səviyyəsinə nəzarət edə biləcəklər. Onun sözlərinə görə, insan çipin köməyilə həyəcanını rahatlıqla dəf edə və fikirlərini toplaya biləcək. Qurğu insana, həmçinin oksitosin, serotonin və digər kimyəvi maddələrin ifrazını da stimullaşdırmağa imkan yaradacaq.

May ayında milyarder bəyan eləmişdi ki, ona məxsus Neuralink şirkəti yaxın vaxtlarda insan beyninə çip yerləşdirməyə qadir olacaq. Onun sözlərinə görə, implantın hazırlanması işi bir il ərzində yekunlaşacaq. Mask dəqiqləşdirmişdi ki, implant kəllə sümüyünün altında yerləşdirilərək beyinə elektrodlar vasitəsilə qoşulacaq və insan orqanının funksiyasını yerinə yetirəcək.

28
Əlaqədar
Böyük hücum! İlon Mask, Bill Qeyts və digər məşhurların "Twitter" hesabları sındırılıb
Pentaqon İlon Maskın "qatilləri" ilə eksperimentə razılıq verdi
"Batut işləyir": Crew Dragon gəmisinin heyəti BKS-ə keçdi - VİDEO
İlon Mask və Tom Kruz kosmosda dünyanın ilk döyüş filmini çəkməyə qərar verdilər
Amerikanların kosmik gəmisi Yerə qayıtdı - VİDEO
Virtual pul vahidi bitkoin

Bitkoin yenə “uçdu”

12
(Yenilənib 10:54 02.08.2020)
Binance birjasının məlumatına görə isə son saat ərzində bitkoin maksimal – 12123.46 dollar həddini görüb.

BAKI, 2 avqust — Sputnik. 2019-cu ilin avqustundan bəri ilk dəfə bir bitkoinin qiyməti 12 min dollara çatıb. Sputnik Azərbaycan bildirir ki, bu barədə məlumat CoinMarketCap səhifəsində dərc olunub.

Portalın məlumatına görə, bu səhər 7:40-da 1 bitkoin 11 922,86 dollar olub. İyirmi müxtəlif portalın məlumatını araşdıran CoinMarketCap kriptovalyutanın  qiymətinin 4.59 faiz artdığını bildirib.

Binance birjasının məlumatına görə isə son saat ərzində bitkoin maksimal – 12123.46 dollar həddini görüb.

Bir həftə əvvəl, iyulun 26-da bitkoinin qiyməti 10 min dollaradək yüksəlmişdi.

12
Əlaqədar
Növbə ona da çatdı – ABŞ bu valyutaya qarşı müharibə elan etdi
Məzənnə on ilə 9 milyon faiz artdı
"Facebook”un kriptovalyutası gəlir: Təhlükəmi, yoxsa xeyirmi
Dünyanın bir nömrəli valyutasını taxtdan salırlar?
Ümumvətəndaş pasport və pul, arxiv şəkli

Əlvida, kağız, əlvida, növbə: Rusiya elektron vizaya keçir

0
(Yenilənib 21:36 03.08.2020)
2021-ci il yanvarın 1-dən Rusiyaya qısamüddətli elektron vizanın köməyilə getmək mümkün olacaq. Onun hazırlanmasına təxminən 4 gün lazımdır. Sputnik yeni qaydalardan necə istifadə etməyin yollarını araşdırıb

BAKI, 3 avqust — Sputnik, Aleksey Stefanov. Vladivostok, Uzaq Şərq Federal Dairəsi, Kalininqrad vilayəti, Sankt-Peterburq və Leninqrad vilayətlərinə səfərlər üçün 53 ölkənin vətəndaşlarına elektron vizaların verilməsi üzrə pilot layihənin ardından Rusiya ölkənin istənilən bölgəsinə səfər etmək hüququ verən qısamüddətli elektron vizaların alınması imkanını yaradıb. 

Ötən cümə günü Rusiya Prezidenti Vladimir Putin Rusiyaya qısamüddətli səfər üçün 60 günlük müddəti olan universal vahid elektron vizanın tətbiqi barədə federal qanunu imzalayıb. Diplomatik, xidməti, adi, tranzit və müvəqqəti yaşamaq hüququ olan şəxsin vizası ilə yanaşı, bu viza da müstəqil kateqoriyaya malik olacaq.

Bu zaman səfərin müddəti 16 gündən çox olmamalıdır. Ancaq Rusiya Turoperatorları Assosiasiyasından (ATOR) Sputnik agentliyinə bildirdilər ki, statistikaya görə, əcnəbilərin Rusiyaya səfəri orta hesabla bir həftə təşkil edir, ona görə də ölkəyə qısa müddət ərzində gəlmək üçün həmin vizanın vaxtı bəs edəcək.

Rusiyaya giriş maksimal dərəcədə sadələşdirilib: 113 ölkənin vətəndaşları yararlanacaqlar

Yeni viza üçün 2021-ci il yanvarın 1-dən müraciət etmək mümkün olacaq. Rusiya XİN-dən bildiriblər ki, Uzaq Şərq Federal Dairəsi, Kalininqrad vilayəti, Sankt-Peterburq və Leninqrad vilayətinə elektron vizalarla eksperiment zamanı onlar bir problemin şahidi olublar: ərizəni dolduranlar çox zaman səhvlər edirlər və bu da onlara viza almaqda imtina edilməsinə əsas yaradır. Yeni vizalarla bağlı eyni problem yaşanmasın deyə saytı təkmilləşdirərək sadələşdiriblər.

Hansı ölkənin vətəndaşlarının yenilikdən istifadə edəcəkləri hələlik dəqiq məlum deyil. “Xarici ölkələrin siyahısını Rusiya Federasiyası hökuməti ayrıca təsdiq edəcək”,  - Dövlət Dumasının Fiziki tərbiyə, idman, turizm və gənclərlə iş komətəsinin üzvü Natalya Kuvşinova Sputnik-ə deyib.

“Güman edirəm ki, qısamüddətli elektron viza üçün tələbat böyük olacaq. Yenilik Rusiyada gəlmə turizminin inkişafına yönəldilib, çünki hazırda məhz daxili və gəlmə turizmi prioritetdir. Hesab edirəm ki, bu, əcnəbi vətəndaşlara digər səyahət ölkələri ilə yanaşı, Rusiya Federasiyasını da seçməyə imkan verən bir mexanizmdir”, - Dövlət Dumasının üzvü deyib.

Ehtimal ki, elektron vizadan faydalanacaq ölkələrin siyahısında pilot layihədən yararlanan 53 dövlətin sakinləri də olacaqlar. Bunlar arasında Avropa İttifaqı ölkələri, Çin, Yaponiya, Türkiyə, Hindistan vardı. Ancaq ABŞ, Kanada və Böyük Britaniya həmin siyahıda deyildi. Və mümkündür ki, qısamüddətli elektron vizanı onlar bundan sonra da ala bilməyəcəklər. XİN-dən qeyd ediblər ki, ayrı-ayrı regionlar üçün elektron vizaların pulsuz olduğu eksperimental layihədən fərqli olaraq, yeni viza 2021-ci ilin yanvarından pullu olacaq. Qiyməti isə, güman ki, 50 ABŞ dollarından baha olmayacaq.

“Gələn il yeni elektron vizanın bu gün qüvvədə olanlara nisbətdə nə qədər populyar olduğuna baxacağıq”, - Dövlət Dumasının deputatı Natalya Kuvşinova qeyd edib. 

RF-ə elektron viza almaq hüququ olan 53 ölkənin vətəndaşları ilə yanaşı, daha 60 ölkənin sakinlərinin ikitərəfli beynəlxalq razılaşmalar əsasında Rusiyaya vizasız giriş imkanı var. Beləliklə, XİN-dən qeyd ediblər ki, 2021-ci ildən Rusiyaya kağız vizanın alınmasını tələb etməyən maksimum liberal giriş rejimi əhali sayı ümumilikdə bəşəriyyətin yarısını – təxminən dörd milyard insanı əhatə edən xarici ölkələrin vətəndaşlarına şamil ediləcək.

Turist axını minimum 30% artacaq

“Ölkəyə girişin bu cür əhəmiyyətli dərəcədə sadələşdirilməsini gəlmə turizmi illərdir xəyal edirdi. Əsas odur ki, doğrudan da elektron vizanı almaq asan olsun”, deyə ATOR-un icraçı direktoru Mayya Lomidze yeniliyi şərh edib.

Onun fikrincə, qısamüddətli elektron viza, hətta ən pessimist proqnozlar da nəzərə alınarsa, turist axınını minimum 30% artıracaq. Ona görə Lomidze əmindir ki, yeniliyin ancaq müsbət tərəfləri olacaq, “mənfi tərəfi isə ancaq bir ola bilər – o da əgər sadələşmə deyildiyi kimi gerçək sadələşmə olmasa”. 

Öz növbəsində ATOR-un vitse-prezidenti Aleksandr Kurnosov hesab edir ki, hökumətin bu qərarı turist axınını 40 və ya 50%, hətta bundan da çox artıra bilər, “çünki vizaları ləğv edən və ya alınmasını xeyli sadələşdirən ölkələrin təcrübəsi göstərir ki, effekt daha böyük ola bilər”.

“Bu qərarın qəbul edilməsi, özü də turizm bazarı üçün belə bir çətin dövrdə gündəmə gəlməsi özü çox pozitiv hadisədir”, - o qeyd edib. 

Aleksandr Kurnosov viza rejiminin bundan sonra da liberallaşdırılacağına – “vizanın etibarlı olduğu indiki iki aydan yarım il və ya bir il müddətinə uzadılacağına, yaxud da günlərin sayının 16-dan 30-a qaldırılacağına” ümid edir. 

ATOR-un vitse-prezidenti həmçinin  elektron vizanın şamil ediləcəyi ölkələrin sayının artırılacağına da ümidlidir, “çünki Rusiyaya xeyli sayda turist göndərən ölkələrin, məsələn, ABŞ və Böyük Britaniyanın, adlraı siyahıya daxil olmayıb”. 

“Bu, yaxşı olardı. Amma aydındır ki, bu məsələdə hər şey siyasi vəziyyətdən asılıdır”, - Aleksandr Kurnosov yekunlaşdırıb.

0
Əlaqədar
Qardaş ölkəyə səfərə hazırlaşanların nəzərinə: Yeni qaydalar var
Köhnə qitəyə vizasız gedə bilərik, amma öncə istixana qazları, rəqəmsal iqtisadiyyat və...
Get evinə: ABŞ onlayn təhsilə keçən tələbələri ölkədən çıxaracaq
Ukrayna altı ölkə ilə viza rejimini ləğv edir - dördü ərəb ölkəsidir
Səyahəti sevənlər üçün: əvvəl həkim, sonra viza, pul qalsa - bənövşəyi nişanı görmək