İnternet

Müxtəlif ölkələrin sakinləri hansı mobil brauzerə üstünlük verir?

62
(Yenilənib 11:47 26.08.2015)
“Gadget Lab” şirkəti müxtəlif ölkələrdə daha çox istifadə olunan mobil brauzerlər haqqında hesabat təqdim edib.

BAKI, 26 avq — Sputnik. “Gadget Lab” şirkəti müxtəlif ölkələrdə daha çox istifadə olunan mobil brauzerlər haqqında hesabat təqdim edib.

Məlumata görə, “Windows Phone” mobil əməliyyat sisteminin idarəetməsi ilə işləyən smartfon istifadəçilərinin 97,45 faizi internetə daxil olmaq üçün quraşdırılmış "Internet Explorer” mobil brauzerindən istifadə edir, "iOS” sistemli qurğu istifadəçilərinin 95,76 faizi "Safari” brauzerinin mobil versiyasından yararlanır.

Böyük Britaniya, İsveç, Fransa, İtaliya, Niderland, ABŞ, Kanada, Yaponiya və Rusiyada mobil qurğulardan internetə daxil olmaq üçün daha çox "Safari” brauzerindən istifadə olunur. Bu isə ilk növbədə onu deməyə əsas verir ki, qeyd edilən ölkələrdə "iPhone” sahibləri internetə digər platformalarla işləyən qurğu istifadəçilərindən daha çox daxil olur.

Bildirilir ki, “Chrome” brauzerinin mobil versiyası da populyarlıq qazanıb və ondan daha çox Polşa, Avstriya, Türkiyə, Meksika, Braziliya, Hindistan, Cənubi Koreya və Cənubi Afrika Respublikasında (CAR) istifadə edilir. “Safari”nin populyarlığa görə ikinci brauzer olduğu Çində ən populyar brauzer “Chrome” yox, standart "Android” brauzeridir.

“Safari” brauzerindən istifadədə ən yüksək faiz göstəricisi Danimarkada müşahidə edilir. "Chrome” isə daha çox Peruda populyardır.

Həmçinin qeyd olunur ki, “Firefox” brauzerindən hamıdan çox Estoniya sakinləri yararlanır, "Internet Explorer” Finlandiyada daha çox populyarlıq qazanıb, Belarus sakinləri "Opera” brauzerinin mobil versiyasını yüksək qiymətləndirir. 

62
Teqlər:
azad internet, internet istifadəçiləri, internetə daxil olmaq, internet, ən yaxşı brauzer, Əməliyyat sistemi, Safari brauzeri, Internet Explorer brauzeri, Mozilla brauzeri, Opera brauzeri, Firefox brauzeri, Chrome brauzeri, mobil brauzerlər, mobil brauzer
Clubhouse

Təzə dəbə minən sosial şəbəkəyə casus damğası vurdular

37
Clubhouse bu yaxınlarda qalmaqallı teleaparıcı Vladimir Solovyovu iki dəfə bloklayıb, bu gün isə onun "sanksiya siyahısı"na Esquire jurnalının baş redaktoru Sergey Minayev düşüb

BAKI, 21 fevral - Sputnik. Clubhouse istifadəçiləri nəzarətdə saxlayaa bilər. Sputnik Azərbaycan RİA Novosti-yə istinadən bildirir ki, bunu Rusiya Dövlət Dumasının iqtisadi siyasət məsələləri üzrə sədr müavini Sergey Kalaşnikov deyib.

Maraqlıdır ki, parlamentari özü bu şəbəkədən heç vaxt istifadə etmədiyini söyləyib, ancaq əmindir ki, xüsusi xidmətlər onun vasitəsilə insanları izləyirlər.

"Əlbəttə, qoy insanların heç bir şübhəsi olmasın ki, biz tam şəffaf akvariumda yaşayırıq. İnsanların şəbəkəyə istənilən girişi qeydə alınır: kim, kimlə, nə barədə", - deputat "Qovorit Moskva"nın efirində deyib.

Adı Azərbaycan XİN-in "qara siyahısı"na düşmüş digər deputat Vitali Milonov da Kalaşnikovu dəstəkləyib: "Müxtəlif ölkələrin xüsusi xidmət orqanları, xüsusilə də ABŞ bizi izləmək üçün hüdudsuz imkanlara malikdir, çünki biz Amerikanın iOS və Google Android əməliyyat sistemlərindən istifadə edirik".

Clubhouse-da səsli mesajlar yaymaq mümkündür, ancaq danışıqları yazmaq və yaymaq imkanı yoxdur. Tətbiq 2020-ci ildə işə salınsa da bu yaxınlarda populyar olub. Sosial şəbəkəyə qoşulmaq üçün artıq orada qeydiyyatdan keçmiş istifadəçidən dəvət almalısan.

Clubhouse bu yaxınlarda qalmaqallı teleaparıcı Vladimir Solovyovu iki dəfə bloklayıb, bu gün isə onun "sanksiya siyahısı"na Esquire jurnalının baş redaktoru Sergey Minayev düşüb.

37
Teqlər:
deputat, Rusiya Dövlət Duması, izləmə, casus, səs, mesaj, sosial şəbəkə, Clubhouse
Telegram messenceri, arxiv şəkli

Sputnik Azərbaycan-ın rəsmi "Telegram" kanalından başqa kanalı yoxdur

48
Sputnik Azərbaycan-ın "Telegram" kanalı heç vaxt Azərbaycanın və azərbaycanlıların adını ləkələyən xəbərlər yaymayıb.

BAKI, 19 fevral — Sputnik. Bu günlərdə "Telegram"-da Sputnik Azərbaycan-ın adından qərəzli informasiya yayan saxta kanal peyda olub. Oxucularımızı xəbərdar etmək istəyirik ki, bizim rəsmi Sputnik Azərbaycan https://t.me/AzeSputnik kanalından başqa heç bir "Telegram" kanalımız yoxdur.

Sizə bir il yarım ərzində bizimlə olduğunuza, bizə etibar etdiyinizə və abunəçi sayımızın artmasına kömək etdiyinizə görə minnətdarıq! Sizin Sputnik Azərbaycan brendi altında Azərbaycanı və azərbaycanlıları ləkələməyə çalışan xəbərlər yayan şəxslərə aldanmağınızı istəmirik.

Biz sizin üçün çalışırıq.

Hörmətlə: Sputnik Azərbaycan kanalının administrasiyası.

48
Teqlər:
Telegram, Sputnik Azərbaycan
Bumeranq zirehli transportyoru

"Armata"dan da sürətli: Rusiyada yeni təkərli tanklar hazırlanır

0
(Yenilənib 23:52 24.02.2021)
Bu maşınlar müdafiə baxımından tırtıllı tanklardan geri qalsalar da, sürət, manevr və qət etdiyi məsafəyə görə onları əhəmiyyətli dərəcədə üstələyir.

BAKI, 24 fevral — Sputnik, Andrey Kots. "Güclü, sürətli və yaxşı müdafiə olunan "Bumeranq" vahid zirehli platforması əsasında Rusiyanın ilk təkərli tankını yaratmağa hazırlaşırlar. Perspektivli şassinin xüsusiyyətləri üzərinə "Sprut"-SD özüyeriyən silahdakı kimi hamar gövdəli topla bir silah kompleksi quraşdırmağa imkan verir," - deyə Hərbi Sənaye Şirkətinin baş direktoru Aleksandr Krasovitski izah edir.

Təkərli tankların qoşunlarda hansı yeri tuta biləcəyi barədə RİA Novosti-nin növbəti materialında.

Suriyada işə yarayacaq

Krasovitskinin sözlərinə görə, "Bumeranq" vahid təkərli platformasının işlənib-hazırlanması başa çatmaq üzrədir – onun üzərində qurulan K-16 zirehli transportyorunun dövlət sınaqlarının ilin sonuna kimi yekunlaşdırılması planlaşdırılır. Mühəndislərin fikrincə, dizaynda elm və texnikanın ən müasir nailiyyətlərindən istifadə olunub. Əlavə planlara perspektivli BMP K-17, xüsusi təyinatlı texnika və digər vasitələrin sınağı da daxildir.

Hərbi Sənaye Şirkətinin baş direktoru bildirir ki, "Bumeranq" platforması əsasında sürətli təkərli tankın yaradılması sektor üçün problem təşkil etmir.

Sovet İttifaqında buna bənzər texnika işlənib-hazırlansa da, rus ordusunda təkərli tanklar yox idi. Təkərli tank - tam dönən bir qüllədə güclü silahla təchiz olunmuş zirehli maşınların qeyri-rəsmi adıdır. Bu maşınlar müdafiə baxımından tırtıllı tanklardan geri qalsa da, sürət, manevr və qət etdiyi məsafəyə görə onları əhəmiyyətli dərəcədə üstələyir.

"Təkərli tanklar onlar üçün uyğun zəminin olduğu ölkələrdə daha populyardır", - deyə hərbi ekspert Aleksey Leonkov RİA Novosti-yə bildirir.

"Məsələn, Afrikada. Ona görə də xüsusən CAR-da məhz təkərli tanklara üstünlük verirlər. Onların ən böyük üstünlükləri sürətində və təmirlərarası məsafənin uzunluğundadır. Əgər əsas döyüş tankları, belə demək mümkündürsə, on min kilometr məsafə qət edəndən sonra sınırsa, topla təchiz olunmuş zirehli tank yüz min kilometr yol gedə bilər", - deyə ekspert vurğulayır.

Mütəxəssisin fikrincə, Rusiya ordusu üçün bu cür tanklar dəmir yollarının ötürücülük qabiliyyətinin zəif olduğu Orta Asiya istiqamətində daha faydalı ola bilər: təkərli zirehli maşınları magistral yollara keçirmək çox asandır. Bundan başqa, belə texnika Suriyada göstərilən patrul xidmətində də əl verir. Hazırda orada hərbi polis "Tiqr" və BTR-82A zirehli maşınları ilə hərəkət edir.

Leonkov onu da qeyd etdi ki, perspektivli tank eynilə zirehli transportyor kimi su maneələrini aşmağa, həm gedə-gedə, həm də üzə-üzə atəş açmağa qadirdir. Güclü silahlanması sayəsində bu maşından həm reydlər zamanı, həm də ümumqoşun əməliyyatlarında - cinahlarda, kəşfiyyat, patrul xidmətlərində və döyüş zastavalarında istifadə edilə bilər.

İri kalibr

Təkərli texnikanın yollara daha az zərər verməsi də mühüm amillərdən biridir. Polad tank tırtıllarının ən möhkəm asfaltı belə dağıtdığı heç kimə sirr deyil. Bu səbəbdən, ağır zirehli maşınların xüsusi qoşqu-transportyorunda daşınmasını üstün tuturlar. Yükləmə və boşaltma isə çox vaxt aparır. Amma təkərli tank xüsusi hazırlıq tələb olunmadan yürüşdən birbaşa döyüşə qoşula bilər.

Xüsusi olaraq hava-desant qüvvələri üçün hazırlanmış "Sprut"-SD özüyeriyən silahında olduğu kimi perspektivli tankın da 125 mm-lik bir topa sahib döyüş bölməsi əsas silahı hesab olunur.

Avtomatik yükləyici və 40 mərmi ilə sabitləşdirilmiş 2A75 hamar gövdə T-72 və T-90 tanklarının 2A46M silahlarına bənzəyir.

Özüyeriyən tank müvafiq çapdakı hər cür sursatı, həmçinin tank əleyhinə idarə olunan raketləri atəşə tuta bilir. Döyüş bölməsinin köməkçi silahlanması 7,62 mm-lik bir PKT pulemyotu ilə birləşdirilib.

Tank və dronlar əleyhinə

Perspektivli təkərli platforma olan "Bumeranq" ilk dəfə 2015-ci ildə Qələbə bayramı münasibətilə təşkil edilmiş paradda nümayiş olundu. Bu bazadakı texnika BTR ailəsinə məxsus Sovet və Rusiya zirehli transportyorlarına nisbətən daha böyük və daha güclüdür.

Magistral yolda 750 at gücünə malik YaMZ-780 mühərriki maşını saatda 100 kilometrə qədər sürətləndirir. Mühərrik bölməsi ön hissədədir, bu isə desanta arxadan çıxıb-düşməyə imkan verir. "Bumeranq" maşınları keramik əsaslı çoxqatlı zirehə malikdir ki, bu da homogen müdafiədən daha etibarlıdır.

"Bumeranq" ailəsinin ən güclü maşını hələlik "Bumeranq"-BM uzaqdan idarə olunan universal döyüş modullu K-17 təkərli BMP-si sayılır. Silahlanması – tank əleyhinə selektiv hərbi sursat və döyüş ehtiyatı tutumu 500 mərmiyə qədər olan 30 mm-lik 2A42 avtomatik topudur. Tank əleyhinə iki idarə olunan "Kornet" raketi ilə də təchiz edilib.

Daha ciddi variant da var. K-17 üçün mümkün döyüş modullarından biri də dəqiqədə 120 atış dərəcəsi ilə 57 millimetrlik topa sahib "Baykal" AU-220M-dir.

Belə hesab olunur ki, onun mərmilərinin gücü Qərb məktəbinin bütün müasir BMP-ləri ilə mübarizə aparmaq üçün yetərlidir. Bundan başqa, 57 millimetrlik kalibr 12 kilometrə qədər məsafədə uçan ən kiçikölçülü pilotsuz uçuş aparatlarını belə məhv etməyə qadirdir.

0
Teqlər:
dron, zirehli döyüş maşını, zirehli maşınlar, zirehli texnika, tank, Rusiya