MDB Oyunları: Azərbaycan 22-ci medalını qazanıb

514
Hazırda Azərbaycan 38 medala (24 qızıl, 6 gümüş, 8 bürünc) malik Rusiyadan sonra ikinci yerdə gedir.

BAKI, 5 sentyabr - Sputnik. Rusiyanın Kazan şəhərində keçirilən I MDB Oyunlarında Azərbaycanın aktivinə daha bir medal yazılıb.

Kəmər güləşində 66 kq çəki dərəcəsində çıxış edən Sənubər Nəbiyeva bürünc medala sahib olub. Bununla da Azərbaycanın I MDB Oyunlarında əldə etdiyi medalların sayı 22-yə yüksəlib. Medallardan 6-sı qızıl, 4-ü gümüş, 12-si bürünc əyarlıdır.

Hazırda Azərbaycan 38 medala (24 qızıl, 6 gümüş, 8 bürünc) malik Rusiyadan sonra ikinci yerdə gedir.

---------

10:59

MDB Oyunları: Azərbaycan idmançıları daha 3 növ üzrə mübarizəyə başlayır

Rusiyanın Kazan şəhərində keçirilən I MDB Oyunlarında bu gün Azərbaycan təmsilçiləri 3 növdə mübarizə aparacaqlar.

Sputnik Azərbaycan Report-a istinadla xəbər verir ki, kəmər güləşində təsnifat və medal görüşləri keçiriləcək. Bu növdə kişilərdən Nahid Vəliyev (57 kq) və Məhərrəm Eyvazov (68 kq), qadınlardan isə Sənubər Nəbiyeva (66 kq) və Aytəkin Paşazadə (76 kq) çıxış edəcək.

Eyni zamanda tayboks növündə Musa Nuruzadə (57 kq) və Məhər Əsədzadə (63,5 kq) təsnifat görüşünə çıxacaq. Əsədzadənin rəqibi Ermənistan təmsilçisi olacaq.

Basketbolun 3X3 növündə B qrupunda yer alan Azərbaycan millisi Qırğızıstan və Belarusla üz-üzə gələcək.

I MDB Oyunları

5 sentyabr

Kəmər güləşi

Keçirilmə yeri: "Ak Bars" Döyüş Növləri Sarayı
10:00
Təsnifat mərhələsi

Kişilər

57 kq
Nahid Vəliyev - Jandos Abubəkirov (Qazaxıstan)
Nahid Vəliyev - Yeqor Kulyomin (Rusiya)
Nahid Vəliyev - Kenjebay Narınbay Uulu (Qırğızıstan)
Nahid Vəliyev - Komronbek Ortikov (Özbəkistan)

68 kq
Məhərrəm Eyvazov - Firuzçon Ziyoyev (Tacikistan)
Məhərrəm Eyvazov - Həbibullo Tınçtık Uulu (Qırğızıstan)

Qadınlar

66 kq
Sənubər Nəbiyeva - Alfina Fəxrətdinova (Rusiya)
Sənubər Nəbiyeva - Məftunəbanu Mahmudova (Özbəkistan)
Sənubər Nəbiyeva - Asıljan Orınbasarova (Qazaxıstan)
Sənubər Nəbiyeva - Əzəmi Kamçıbekova (Qırğızıstan)

76 kq
Aytəkin Paşazadə - Zemfira Azatova (Özbəkistan)
Aytəkin Paşazadə - Angelina Mentiy (Rusiya)
Aytəkin Paşazadə - Kaldıqul Beket (Qazaxıstan)

Basketbol (3X3)

Keçirilmə yeri: URAM Ekstrim Park
B qrupu
14:20. Qırğızıstan - Azərbaycan
15:05. Belarus - Azərbaycan

Tayboks

Keçirilmə yeri: "Tulpar" Universal İdman Kompleksi
16:00

57 kq
Musa Nuruzadə - Faxriddin Həsənov (Özbəkistan)

63,5 kq
Məhər Əsədzadə - Alen İsraelyan (Ermənistan)

Qeyd edək ki, Hələlik Azərbaycan I MDB Oyunlarında 6 qızıl, 4 gümüş və 11 bürünc medal qazanaraq, ümumi hesabda 9 iştirakçı ölkə arasında 2-ci yerdə qərarlaşıb.

514

Nəriman Abbasov Həbib Nurməhəmmədovun tələbəsini nokauta saldı

2063
(Yenilənib 10:40 18.09.2021)
Moskvada Abdulmanap Nurməhəmmədovun xatirəsinə həsr olunmuş turnir çərçivəsində Nəriman Abbasovla Şamil Zavurov arasında keçirilən döyüş cəmi bir raund davam edib.

BAKI, 18 sentyabr — Sputnik. Azərbaycanın MMA döyüşçüsü Nəriman Abbasov Moskvada keçirilən turnirdə keçmiş UFC çempionu Həbib Nurməhəmmədovun tələbəsi, "Dağıstan şiri" ləqəbli Şamil Zavurovu məğlub edib.

Sputnik Azərbaycan-ın məlumatına görə, Moskvada baş tutan MMA (qarışıq döyüş növləri) turniri Həbib Nurməhəmmədovun atası Abdulmanap Nurməhəmmədovun xatirəsinə həsr olunmuşdu. Abbasov həmin görüşdə AMC Fight Nights çempion kəmərini qoruyurdu, Zavurov üçün isə qarşılaşma karyerasında sonuncu oldu.

Döyüş elə birinci raundda texniki nokautla başa çatdı. "Çingizxan" ləqəbli Nəriman Abbasov ilk dəqiqələrdən rəqibinə dəqiq zərbələr endirərək üstünlüyü ələ aldı, Zavurov raundun sonunda təzyiqə davam gətirməyərək oktaqonun döşəməsinə yıxıldı. Abbasov rəqibinə zərbələr endirməyə davam edərkən döyüş dayandırıldı. Beləliklə, Abbasov MMA-da 12-ci dəfə ardıcıl olmaqla 27-ci qələbəsini qazandı. 

Qalib elan edildikdən sonra Nəriman Abbasov qeyd edib ki, qələbəsini mərhum Abdulmanap Nurməhəmmədova həsr edir və rəqibinə hörmətlə yanaşır.

Onu da bildirək ki, döyüşdən əvvəl Həbib Nurməhəmmədov Abbasova Zavurov üzərində qələbə qazanacağı təqdirdə ən prestijli UFC promouşeni ilə müqavilə bağlamağına kömək edəcəyinə söz verib. Nəriman müsahibəsinin sonunda Həbibin vədini yada salıb: "Həbib, çamadanım hazırdır".

Eləcə də oxuyun:

2063
Teqlər:
MMA, çempion, Həbib Nurməhəmmədov, azərbaycanlı, Moskva

"Qarabağ" - "Bazel" oyunu kadrlarda

43
(Yenilənib 17:10 17.09.2021)
  • Qarabağ klubunun müdafiəçisi Kevin Medina Konferensiya Liqasının qrup mərhələsinin ilk turunda Bazel komandasına qarşı oyunda.
Ağdamın futbol klubu Bakı Olimpiya Stadionunda İsveçrənin "Bazel" klubuna qalib gələ bilməsə də, Konfrans Liqasının qrup mərhələsində ilk xalını qazandı.

Cümə axşamı, sentyabrın 16-da Azərbaycan Premyer Liqasının vitse-çempionu "Qarabağ" klubu UEFA Konfrans Liqasının qrup mərhələsində ilk oyununu keçirib.

Bakı Olimpiya Stadionunda "süvarilər"in qonağı İsveçrənin "Bazel" klubu idi. 

Qeyd edək ki, Ağdam klubu avrokubok oyunlarında artıq kifayət qədər təcrübəyə malikdir, səkkiz ildir, orada çıxış edir. Düzdür, yalnız bir dəfə Çempionlar Liqasının qrup mərhələsindən əsas raunduna düşüb. Hazırda isə klub UEFA-nın yeni futbol turnirində - Çempionlar Liqası və Avropa Liqasından sonra üçüncü dərəcəli əhəmiyyətə malik Konfrans Liqasında çıxış edir. 

Sözügedən matçda "Qarabağ" üstün oyun sərgilədi, birinci taymda tez-tez hücumlar təşkil etdi və rəqibi üçün çətin anlar yaratdı. Azarkeşlər də saylarının az olmasına baxmayaraq stadionda gözəl ab-hava yaratmağa müvəffəq oldular.

Oyunun necə keçdiyini Sputnik Azərbaycan-ın fotolentində izləyin.

 

43
  • © Sputnik / Murad Orujov

    FK "Qarabağ" klubunun futbolçuları " Konferensiya Liqasının qrup mərhələsinin ilk turunda "Bazel" komandasına qarşı matçdan əvvəl.

  • © Sputnik / Murad Orujov

    Konferensiya Liqasının qrup mərhələsinin birinci turu çərçivəsində keçirilən "Qarabağ" - "Bazel" matçında oyun epizodu.

  • © Sputnik / Murad Orujov

    Konferensiya Liqasının qrup mərhələsinin birinci turu çərçivəsində keçirilən "Qarabağ" - "Bazel" matçında oyun epizodu.

  • © Sputnik / Murad Orujov

    Konferensiya Liqasının qrup mərhələsinin birinci turu çərçivəsində keçirilən "Qarabağ" - "Bazel" matçında oyun epizodu.

  • © Sputnik / Murad Orujov

    Konferensiya Liqasının qrup mərhələsinin birinci turu çərçivəsində keçirilən "Qarabağ" - "Bazel" matçında oyun epizodu.

  • Qarabağ klubunun müdafiəçisi Kevin Medina Konferensiya Liqasının qrup mərhələsinin ilk turunda Bazel komandasına qarşı oyunda.
    © Sputnik / Murad Orujov

    "Qarabağ" klubunun müdafiəçisi Kevin Medina Konferensiya Liqasının qrup mərhələsinin ilk turunda "Bazel" komandasına qarşı oyunda.

  • © Sputnik / Murad Orujov

    Konferensiya Liqasının qrup mərhələsinin birinci turu çərçivəsində keçirilən "Qarabağ" - "Bazel" matçında oyun epizodu.

  • © Sputnik / Murad Orujov

    Konferensiya Liqasının qrup mərhələsinin birinci turu çərçivəsində keçirilən "Qarabağ" - "Bazel" matçında oyun epizodu.

  • © Sputnik / Murad Orujov

    Konferensiya Liqasının qrup mərhələsinin birinci turu çərçivəsində keçirilən "Qarabağ" - "Bazel" matçında oyun epizodu.

  • © Sputnik / Murad Orujov

    "Bazel" klubunun futbolçusu Liam Miller Konferensiya Liqasının qrup mərhələsinin ilk turunda "Qarabağ" komandasına qarşı oyunda.

  • © Sputnik / Murad Orujov

    KonfKonferensiya Liqasının qrup mərhələsinin birinci turu çərçivəsində keçirilən "Qarabağ" - "Bazel" matçında oyun epizodu.

  • © Sputnik / Murad Orujov

    Konferensiya Liqasının qrup mərhələsinin birinci turu çərçivəsində keçirilən "Qarabağ" - "Bazel" matçında oyun epizodu.

  • © Sputnik / Murad Orujov

    Konferensiya Liqasının qrup mərhələsinin birinci turu çərçivəsində keçirilən "Qarabağ" - "Bazel" matçında oyun epizodu.

  • © Sputnik / Murad Orujov

    "Qarabağ" klubunun yarımmüdafiəçisi Kadi Malinovski Konferensiya Liqasının qrup mərhələsinin ilk turunda "Bazel" komandasına qarşı oyunda.

  • © Sputnik / Murad Orujov

    Konferensiya Liqasının qrup mərhələsinin birinci turu çərçivəsində keçirilən "Qarabağ" - "Bazel" matçında oyun epizodu.

  • © Sputnik / Murad Orujov

    "Qarabağ" klubunun müdafiəçisi Kevin Medina Konferensiya Liqasının qrup mərhələsinin ilk turunda "Bazel" komandasına qarşı oyunda.

  • © Sputnik / Murad Orujov

    "Qarabağ" klubunun azarkeşləri Bakı Olimpiya Stadionunun tribunalarında Konferensiya Liqasının qrup mərhələsinin ilk turunda "Bazel" komandasına qarşı oyunda.

Teqlər:
futbol, Qarabağ FK, Bakı Olimpiya Stadionu, fotolent
Rusiya Dövlət Dumasına seçkilər (2021)

Rusiyada keçirilən seçkilərdə kim irəlidədir - Exit-poll nəticələri

8
(Yenilənib 00:13 20.09.2021)
Sorğunun nəticələrinə görə, 5%-lik həddi dörd siyasi təşkilat keçə bilib, onların arasında “Yedinaya Rossiya” liderdir.

BAKI, 19 sentyabr - Sputnik. Rusiyada Dövlət Dumasına keçirilən seçkilərdə “Yedinaya Rossiya” partiyası hamıdan çox səs toplayıb (45,2%). Belə bir nəticə Sosial marketinq institutunun (İNSOMAR) keçirdiyi exit-poll-dan sonra hasil olub.

Kommunist partiyası səslrin 21%-ni, RLDP - 8,7%-ni, “eserlər” isə - 7,9%-ni toplayıblar.

Sorğunun nəticələrinə görə, seçkilərə qatılmış digər siyasi təşkilatlar 5%-lik səs həddini keçə bilməyiblər.

Respondentlərə belə bir sualla müraciət olunub: “Dövlət Dumasına seçkilərdə hansı partiyaya səs vermisiniz?”.

Sorğu planşetlər vasitəsilə, elektron anketlərin köməyi ilə keçirilib. Məlumatlar real vaxt rejimində işlənib. Ümumilikdə sentyabrın 17-dən 19-a qədər sorğuda 438218 seçici iştirak edib.

Exit-poll üçün 825 yaşayış mntəqəsində 1455 seçki məntəqəsi seçilib.

Qeyd edək ki, yerli vaxtla saat 20.00-da Moskva və ölkənin mərkəzi regionlarında səsvermə məntəqələri bağlanıb. Yerli vaxtla saat 18.00-a olan məlumata görə, seçkilərdə seçicilərin 45,15%-i iştirak ediblər.

Bütün ölkə üzrə seçicilərin ən çox fəallığı Çeçenistan, Kabardin-Balkar və Tuva vilayətlərində qeydə alınıb. Ən az fəallığı isə “şimal paytaxtı”nın sakinləri göstəriblər.

8
Teqlər:
'exit-poll', Rusiya