Ak Bars klubunun futbolçuları, arxiv şəkli

Tatarıstan xokkeyçiləri "ilham mələkləri"ndən imtina etdilər

26
(Yenilənib 21:57 29.08.2021)
Xəbər yayılıb ki, güya KXL növbəti mövsümdə rəqqasə qızların çıxışını qadağan edib. Ona görə ki, xokkeyçilərin xanımları həyat yoldaşlarının buza deyil, rəqqasələrə baxmasından narahat olublar.

BAKI, 29 avgust — Sputnik. Kazan xokkey klubu "Ak Bars" qızlardan ibarət "Bars Angels" rəqs dəstək qrupu ilə əməkdaşlığa son verib. Yeni mövsümdə Kazanda keçiriləcək Kontinental Xokkey Liqasının (KXL) oyunları "ilham mələkləri" olmadan baş tutacaq. Bu barədə Sputnik Azərbaycan Rusiya mediasına istinadla xəbər yayıb.

"Telegram" kanallarında belə bir xəbər yayılıb ki, güya KXL növbəti mövsümdə rəqqasə qızların çıxışını qadağan edib. Ona görə ki, xokkeyçilərin xanımları həyat yoldaşlarının buza deyil, rəqqasələrə baxmasından narahat olublar. Dərhal bildirmək istəyirik ki, liqanın klubun bu qərarına heç bir aidiyyəti yoxdur. Bu, klubun öz qərarıdır", - deyə "Ak Bars"-ın mətbuat xidmətindən bildirilib.

O da qeyd olunub ki, klub bu məsələ ilə bağlı press-reliz yaymaq fikrində deyil:

"Bu qərar uzun müddətdir ki, qəbul edilib. Kazan Tatarıstanın paytaxtıdır və burada sərt dəyərlərə, adət-ənənələrə malik insanlar yaşayır", - deyə vurğulanıb.

Qeyd edək ki, araşdırmaların nəticəsinə görə, Tatarıstan respublikasındakı əhalinin 50 faizini müsəlmanlar təşkil edir.

Klubdan qərarın məşhur idmancı Həbib Nurməhəmmədovun təklifi əsasında qəbul olunduğunu da təkzib ediblər.

"Bunun Həbibin sözləri ilə heç bir əlaqəsi yoxdur. Biz bu barədə qərarı daha əvvəl qəbul etmişik. Nurməhəmmədovun açıqlamasını isə bundan sonra gördük. Əlbəttə ki, qızlar bu qərarı öyrənəndə mütəəssir oldular. Rəqs qrupunun tərkibində cəmi 20 nəfər var. Biz onlarla görüşüb qiymətli hədiyyələr verəcəyik", - deyə "Ak Bars" klubunun mətbuat xidmətindən bildirilib.

Xatırladaq ki, bir qədər bundan əvvəl, yüngül çəki üzrə Mütləq Döyüş Çempionatının (UFC) keçmiş çempionu Həbib Nurməhəmmədov təkbətək qarşılaşmalarda rinq qızlarına ehtiyac olmadığını bildirmişdi.

26
Teqlər:
Tatarıstan
Nəriman Abbasov, arxiv şəkli

Nəriman Abbasov: Həbib Nurməhəmmədov mənə kömək edəcəyinə söz verib

323
(Yenilənib 15:21 21.09.2021)
Azərbaycanlı döyüşçünün məşqçisi Şəhriyar Abbasov bildirib ki, əgər onun yetirməsi döyüşdə Şamil Zavurova məğlub olsaydı, karyerasına son qoyacaqdı.

BAKI, 21 sentyabr — Sputnik. Mütləq Döyüş Çempionatının (UFC) keçmiş çempionu Həbib Nurməhəmmədov azərbaycanlı döyüşçü Nəriman Abbasova UFC ilə müqavilə bağlamasına kömək edəcəyinə söz verib. Sputnik Azərbaycan xəbər verir ki, bu barədə Abbasov özü Bakıya qayıtdıqdan sonra bildirib.

Bu yaxınlarda Moskvada AMC Fight Nights və Eagles FC-nin birgə təşkil etdiyi və Həbib Nurməhəmmədovun atası Abdulmanap Nurməhəmmədovun xatirəsinə həsr olunmuş Qarışıq Döyüş Sənəti (MMA) üzrə beynəlxalq turnir keçirilib. Gecənin əsas görüşü azərbaycanlı Nəriman Abbasovla rusiyalı Şamil Zavurov arasında baş tutan döyüş idi ki, burada Abbasov ilk raundda texniki nokautla qalib gələrək çempionluq kəmərini qoruyub.

Bakıya qayıtdıqdan sonra azərbaycanlı döyüşçü mübarizənin ilk raundda başa çatacağını gözləmədiyini etiraf edib.

"İlk raundda qalib gələcəyimi gözləmirdim, demək ki, qismət belə imiş. Şamil Zavurov bu idman növünün əfsanəsidir və mən ona böyük hörmətlə yanaşıram. Fyodor Yemelyanenko kimi, o da məşhur döyüşçüdür və Həbib Nurməhəmmədov onu böyük qardaş adlandırır", - deyə Abbasov bildirib.

Bundan əlavə, idmançı döyüşdən sonra Həbibə niyə müraciət etdiyini izah edərək çamadanın hazır olduğunu və onu gözlədiyini söyləyib.

"Çamadanım çoxdan hazırdır (gülümsəyir). Həbib mənə söz verib ki, əgər Zavurov üzərində qələbə qazansam, mənim UFC-yə düşməyimə kömək edəcək. Ona görə də gözləyəcəyik, bir neçə gün istirahət edəcəyəm, məncə, sonra bu barədə məlumat gələcək. Hələ ki, növbəti döyüşümü kimlə və nə vaxt keçirəcəyimi bilmirəm", - deyə döyüşçü qeyd edib.

Öz növbəsində, Nəriman Abbasovun məşqçisi, Azərbaycan Peşəkar MMA Federasiyasının prezidenti Şəhriyar Abbasov yetirməsinin məğlub olacağı təqdirdə karyerasına son qoyacağını söyləyib.

"AMC Fight Nights rəhbəri Kamil Hacıyev Şamilin tərəfində idi və iddia edirdi ki, məhz Zavurov bu döyüşdə qalib gələcək. Mən ona dedim ki, əgər Nəriman Şamilə məğlub olarsa, biz əşyalarımızı toplayıb zalı bağlayacaq və karyeramıza son qoyacağıq. Bu səbəbdən bu mübarizə bizim üçün çox vacib idi", - deyə məşqçi qeyd edib.

Əlavə edək ki, Nəriman Abbasov üçün Zavurov üzərində qələbəsi peşəkar MMA-də 27-ci, ardıcıl olaraq 12-ci qələbəsi idi. Öz növbəsində, Abbasovla döyüşdən əvvəl 40 döyüş qazanan və 6 məğlubiyyəti olan Zavurov üçün ötən görüş karyerasının sonuncusu oldu.

Eləcə də oxuyun:

323
Teqlər:
idman, MMA, çempion
Stefan Kuntz, arxiv şəkli

Türkiyə milli futbol komandasının yeni baş məşqçisi məlum oldu

13
(Yenilənib 22:54 20.09.2021)
Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi olub və 1995-1996-cı illərdə Beşiktaş komandasının tərkibində çıxış edib.

BAKI, 20 sentyabr — Sputnik. Türkiyə milli komandasına yeni baş məşqçi təyin olunub. Sputnik Azərbaycan-ın NTV kanalına istinadla verdiyi xəbərə görə, Türkiyə Futbol Fedarasiyası bu məqsədlə alman mənşəli keçmiş futbolçu Stefan Kuntzla razılıq əldə edib.

Federasiyadan verilən açıqlamada "Türkiyə Futbol Fedarasiyası İdarəetmə Heyəti milli komandanın baş məşqçisi vəzifəsi üçün Stefan Kuntzla razılıq əldə edib", – deyə bildirilir.

Yeni baş məqşçi ilə imza mərasimi sabah baş tutacaq.

Qeyd edək ki, Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi idi. 1995-1996-cı illərdə isə Beşiktaş komandasının tərkibində çıxış etmişdi.

Xatırladaq ki, Türkiyə Futbol Federasiyası bu günlərdə milli komandanın baş məşqçisi Şenol Günəşlə yollarını ayırıb. Buna səbəb Türkiyə millisinin 2022-ci il Dünya Çempionatının Avropa seçmə oyunları çərçivəsində  G qrupunda Hollandiyaya 6:1 hesabı ilə uduzması olub.

Həmçinin oxuyun:

Şenol Günəş istefaya göndərildi

13
Teqlər:
futbol, Türkiyə, milli
Ekologiya və təbii sərvətlər nazirinin müavini Vüqar Kərimov

Nazir müavini işğal dövründə Azərbaycan təbiətinə vurulmuş ziyandan danışdı