Azərbaycan üzgüçüsü Roman Saleh Tokio-2020 Paralimpiya Oyunlarının mükafatlandırılma mərasimində

Azərbaycan paralimpiyaçıları Tokioda qızıl medalların sayını artırdılar: rekord da vuruldu

76
(Yenilənib 18:26 28.08.2021)
Tokiodakı Paralimpiya Oyunlarında Azərbaycan komandası artıq yeddi qızıl medal qazanıb, bunlardan beşi cüdoçularımızın sayəsində əldə olunub. Para-atletimiz isə dünya rekordunu yeniləyib.

BAKI, 28 avqust - Sputnik. Azərbaycan komandası Tokioda keçirilən Yay Paralimpiya Oyunlarında yeddinci qızıl medalını qazanıb. Eləcə də idmançımız rekord qırıb.

Sputnik Azərbaycan-ın məlumatına görə, Həmid Heydəri nizə atma növü üzrə yarışda 1-ci yeri tutub. 51.42 metr nəticə göstərən Heydəri dünya rekordunu da yeniləyib.

Aktivində 7 qızıl, 2 bürünc medal olan Azərbaycan ümumi sıralamada 7-ci pillədə qərarlaşıb.

Tokioda keçirilən Yay Paralimpiya Oyunlarında paracüdoçularımız Şəhanə Hacıyeva (48 kq), Sevda Vəliyeva (57 kq), Xanım Hüseynova (63 kq), Vüqar Şirinli (60 kq), Hüseyn Rəhimli (81 kq), üzgüçü Raman Saleh qızıl, pauerliftinqçi Pərvin Məmmədov və daha bir paracüdoçumuz Namiq Abbaslı isə bürünc medala sahib çıxıblar.

Medal sıralamasında ilk onluq belədir: 

1 Çin - (30 qızıl, 21 gümüş, 26 bürünc) - 77 medal

2. Böyük Britaniya - (16, 12, 15) - 43

3. Rusiya - (13, 7, 20) - 40

4. ABŞ  - (11, 7, 4) - 22

5. Ukrayna - (8, 17, 9) - 34

6. Avstraliya - (7, 9, 11) - 27

7. Azərbaycan - (7, 0, 2) - 9

8. Braziliya - (6, 5, 12) - 23

9. Niderland - (6, 5, 5) - 16

10. İtaliya - (5, 7, 6) - 18 medal.

--------

13:49

Azərbaycan komandası Tokioda keçirilən Yay Paralimpiya Oyunlarında daha bir qızıl medal qazanıb. 

Sputnik Azərbaycan-ın məlumatına görə, cüdoçumuz Hüseyn Rəhimli (81 kq) finalda Özbəkistan təmsilçisi Davurxon Karomatova qalib gələrək çempion olub.

Bununla Azərbaycan komandasının Tokioda qazandığı qızıl medalların sayı 6-ya çatıb. Bunlardan beşini cüdoçularımız qazanıblar.

----------

13:22

Azərbaycan cüdoçuların Tokioda keçirilən Yay Paralimpiya Oyunlarında qızıl medal hesabını artırıblar. 

Sputnik Azərbaycan-ın məlumatına görə, Sevda Vəliyevanın (57 kq) ardınca 63 kq çəki dərəcəsində yarışan Xanım Hüseynova da çempion olub. O, finala gedən yolda yaponiyalı Xiroko Kudo və çinli Yue Vanqa qalib gəlib. Finalda isə Ukraynanı təmsil edən İrina Xusiyevanı məğlub edib.

Azərbaycan millisinin hesabında bu, artıq beşinci qızıl medaldır. Avqustun 27-də qadın paracüdoçu Şəhanə Hacıyeva Olimpiya çempionu adını qazanıb. 48 kq çəki dərəcəsində mübarizə aparan idmançımız fransalı Sandrin Martineyə qalib gəlib.

Cüdoda ikinci qızıl medalımızı isə 60 kq-da mübarizə aparan Vüqar Şirinli qazanıb. İdmançımız final görüşündə Qazaxıstan təmsilçisi Anuar Sarıyevə qalib gəlib.

Raman Saleh isə 100 metr məsafəyə arxası üstə üzmə yarışında bütün rəqiblərini geridə qoyaraq qızıl medal qazanıb.

Tokioda ilk medalımızı qazanan isə pauerliftinqdə qüvvəsini sınayan Pərvin Məmmədov olub. O, bürünc medala sahib çıxıb. Daha bir bürünc medal qazanan idmançımız isə cüdoçu Namiq Abbaslıdır.

Daha bir qızıl medal qazanmaq şansımız da var. Cüdoçu Hüseyn Rəhimli (81 kq) finaldadır.

Eləcə də oxuyun:

76
Teqlər:
cüdo, Yay Paralimpiya Oyunları, Tokio, qızıl medallar, Azərbaycan
Şəhriyar Məmmədyarov

Şəhriyar Məmmədyarov artıq ilk onluqda deyil

12
(Yenilənib 15:57 15.09.2021)
Bununla belə, şahmatçımızın hələ ayın sonuna qədər dünya reytinqindəki mövqeyini yaxşılaşdırmaq imkanı var. Bunun üçün Avropa Şahmat Kubokunda uğurla çıxış etmək lazım gələcək.

 

BAKI, 15 sentyabr — Sputnik. Azərbaycanlı qrossmeyster Şəhriyar Məmmədyarov son dörd ildə ilk dəfə dünya reytinqinin hazırkı onluğuna düşə bilməyib. Sputnik Azərbaycan xəbər verir ki, buna, əsasən, iki amil səbəb olub: bu ilin yayında Soçidə keçirilən dünya kubokunda uğursuz çıxış etməsi, eləcə də Macarıstan qrossmeysteri Rixard Rapportun bu günlərdə Norveçin Stavanger şəhərində hazırkı dünya çempionu Maqnus Karlsenin iştirakı ilə baş tutan superturnirdə uğurlu oyunu. Rapport Norveç turnirində liderdir və artıq 18 xal toplayaraq yeddi pillə irəliləyib, hazırda altıncı yerdə qərar tutur.

Məmmədyarov 2762 xalla 12-ci yerə düşüb, aktivində 2763 xalı olan digər azərbaycanlı qrossmeyster Teymur Rəcəbovun reytinqi isə bir pillə yuxarıdır.

Qeyd edək ki, Məmmədyarov sonuncu dəfə hazırkı dünya reytinqinin ilk onluğundan 2017-ci ilin may ayında çıxıb.

Bununla belə, Şəhriyar Məmmədyarovun hələ ayın sonuna qədər dünya reytinqindəki mövqeyini yaxşılaşdırmaq imkanı var. Bunun üçün sentyabrın 18-də Şimali Makedoniyada başlayacaq Avropa Şahmat Kubokunda uğurla çıxış etmək lazım gəlir. Bu turnirdə Məmmədyarov Makedoniyanın "Alkaloid" klubunun tərkibində birinci lövhədə oynayacaq.

Hazırkı dünya reytinqinin onluğu isə aşağıdakı kimidir: 1. Maqnus Karlsen (Norveç, 2848), 2. Fabiano Karuana (ABŞ, 2800), 3. Din Lijen (Çin, 2799), 4. Yan Nepomnyaşi (Rusiya, 2788) ), 5 Levon Aronyan (Ermənistan, 2782), 6. Rixard Rapport (Macarıstan, 2778), 7. Uesli Co (ABŞ, 2778), 8. Aniş Giri (Hollandiya, 2777), 9. Aleksandr Qrişuk (Rusiya, 2775) , 10 MaksimVaşe-Laqrav (Fransa, 2763).

Eləcə də oxuyun:

12
 Qarabağ və Neftçi arasında oyun, arxiv şəkli

Neftçi 1 - Qarabağ 2: Ağdam komandasının səfərdə qələbəsi

13
Xallarının sayını 7-ə çatdıran "Qarabağ" "Qəbələ" ilə birlikdə ilk iki pilləni bölüşdürür. "Neftçi" isə 4 xalla 5-ci yerdədir.

BAKI, 12 sentyabr - Sputnik. Azərbaycan Premyer Liqasının üşüncü turunda keçirilən "Neftçi" "Qarabağ" qarşılaşmasında Ağdam təmsilçisi 2:1 hesablı qələbə qazanıb.

Görüş paytaxt təmsilçisi ilə SSRİ çempionatında bürünc medal qazanmış Yaşar Babayevin vəfatı ilə əlaqədar bir dəqiqəlik sükutla başlayıb.

"Qarabağ"ın oyunçusu İbrahima Vadji 21-ci dəqiqədə hesabı açıb. Seneqallı hücumçu 45-ci dəqiqədə özünün və komandasının ikinci qoluna imza atıb.

İkinci hissəyə meydan sahibəri daha fəal başlayıb. "Neftçi"nin kapitanı Emin Mahmudov 47-ci dəqiqədə hesab arasındakı fərqi azalda bilib. "Ağ-qaralar" bir neçə dəfə təhlükəli qol epizodu yaratsalar da, istəklərinə çata bilməyiblər.

Bu nəticədən sonra xallarının sayını 7-ə çatdıran "Qarabağ" "Qəbələ" ilə birlikdə ilk iki pilləni bölüşdürür. "Neftçi" isə 4 xalla 5-ci yerdədir.

 

13
Teqlər:
futbol
 Əlil, arxiv şəkli

Saxta əlilliklərlə bağlı şok rəqəm - üç ildə on yeddi min