Azərbaycanlı pauerlifter Pərvin Məmmədov Tokio-2020 Paralimpiya Oyunlarında

Azərbaycan Tokio Paralimpiadasında ilk medalını qazanıb

35
(Yenilənib 10:25 26.08.2021)
Tokio-2020 XVI Yay Paralimpiya Oyunlarında ölkəmiz 6 idman növündə 46 kateqoriyada rekord sayda 35 idmançı ilə təmsil olunur.

BAKI, 26 avqust - Sputnik. Tokio-2020 XVI Yay Paralimpiya Oyunları davam edir.

Sputnik Azərbaycan apasport.az saytının məlumatına görə, bu gün Azərbaycan milli komandası ilk medalını qazanıb.

Pauerliftiqdə mübarizə aparan Pərvin Məmmədov bürünc medala yiyələnib. 49 kq çəkidə çıxış edən idmançımız 156 kq nəticə göstərib.

Qeyd edək ki, Tokio-2020 XVI Yay Paralimpiya Oyunlarında ölkəmiz 6 idman növündə 46 kateqoriyada rekord sayda 35 idmançı ilə təmsil olunur.

Eləcə də oxuyun:

35
Teqlər:
Yay Paralimpiya Oyunları, Tokio, pauerliftinq, medal

Nəriman Abbasov Həbib Nurməhəmmədovun tələbəsini nokauta saldı

1343
(Yenilənib 10:40 18.09.2021)
Moskvada Abdulmanap Nurməhəmmədovun xatirəsinə həsr olunmuş turnir çərçivəsində Nəriman Abbasovla Şamil Zavurov arasında keçirilən döyüş cəmi bir raund davam edib.

BAKI, 18 sentyabr — Sputnik. Azərbaycanın MMA döyüşçüsü Nəriman Abbasov Moskvada keçirilən turnirdə keçmiş UFC çempionu Həbib Nurməhəmmədovun tələbəsi, "Dağıstan şiri" ləqəbli Şamil Zavurovu məğlub edib.

Sputnik Azərbaycan-ın məlumatına görə, Moskvada baş tutan MMA (qarışıq döyüş növləri) turniri Həbib Nurməhəmmədovun atası Abdulmanap Nurməhəmmədovun xatirəsinə həsr olunmuşdu. Abbasov həmin görüşdə AMC Fight Nights çempion kəmərini qoruyurdu, Zavurov üçün isə qarşılaşma karyerasında sonuncu oldu.

Döyüş elə birinci raundda texniki nokautla başa çatdı. "Çingizxan" ləqəbli Nəriman Abbasov ilk dəqiqələrdən rəqibinə dəqiq zərbələr endirərək üstünlüyü ələ aldı, Zavurov raundun sonunda təzyiqə davam gətirməyərək oktaqonun döşəməsinə yıxıldı. Abbasov rəqibinə zərbələr endirməyə davam edərkən döyüş dayandırıldı. Beləliklə, Abbasov MMA-da 12-ci dəfə ardıcıl olmaqla 27-ci qələbəsini qazandı. 

Qalib elan edildikdən sonra Nəriman Abbasov qeyd edib ki, qələbəsini mərhum Abdulmanap Nurməhəmmədova həsr edir və rəqibinə hörmətlə yanaşır.

Onu da bildirək ki, döyüşdən əvvəl Həbib Nurməhəmmədov Abbasova Zavurov üzərində qələbə qazanacağı təqdirdə ən prestijli UFC promouşeni ilə müqavilə bağlamağına kömək edəcəyinə söz verib. Nəriman müsahibəsinin sonunda Həbibin vədini yada salıb: "Həbib, çamadanım hazırdır".

Eləcə də oxuyun:

1343
Teqlər:
MMA, çempion, Həbib Nurməhəmmədov, azərbaycanlı, Moskva

"Qarabağ" - "Bazel" oyunu kadrlarda