Pedro Martiniş, arxiv şəkli

Pedro Martinş: Çətinliklərə baxmayaraq "Olimpiakos" Bakıya qələbə dalınca yollanır

18
(Yenilənib 20:20 27.07.2021)
Yunanıstanın "Olimpiakos" komandasının baş məşqçisi Çempionlar liqasının təsnifat mərhələsində "Neftçiyə" qarşı cavab qarşılaşmasından gözləntilərini bölüşüb.

BAKI, 27 iyul — Sputnik. "Olimpiakos" Bakıya "Neftçi" üzərində qələbə üçün yollanır. Sputnik Azərbaycan xəbər verir ki, bunu oyundan əvvəlki mətbuat konfransında Yunanıstan çempionunun baş məşqçisi – portuqaliyalı Pedro Martinş deyib.

Çərşənbə günü, iyulun 28-də Bakıdakı "Bakcell Arena"da" UEFA Çempionlar liqasının təsnifat mərhələsində "Olimpiakos" və "Neftçi" komandaları arasında cavab qarşılaşması keçiriləcək. Klublar arasında ilk qarşılaşma bir həftə əvvəl Yunanıstanda keçirilib və yunanların minimal hesablı qələbəsi ilə nəticələnib.

Bakıya hamı gəlməyəcək

İlk növbədə portuqaliyalı mütəxəssis Neftçi ilə oyundan əvvəl komandasındakı ciddi kadr itkilərindən danışıb. Belə ki, komandanın əsas heyətinin birdən-birə səkkiz oyunçusu Bakıda keçiriləcək oyunda iştirak edə bilməyəcək: Andreas Buxalakis, Oleq Ryabçuk, Sokratis Papastatopulos, Tanasis Andrutsos, Məhəmməd Kamara, Tikinyo, Yan M Vila və Eqmundur Kristinsson.

"Əsas heyətin bir çox üzvləri müxtəlif səbəblərdən qarşıdakı oyunda iştirak edə bilməyəcəklər. Biz çətin vəziyyətə düşmüşük, amma çətinlikləri aşa da bilirik. İnanırıq ki, hər şey yaxşı olacaq. Bakıya Neftçi üzərində qələbə dalınca gedirik", - deyə Martinş bildirib.

Yunanıstanda öz futbolçularına inanırlar

Portuqaliyalı mütəxəssis onu da bildirib ki, ehtiyat oyunçularına inanır.

"Qarşıdakı oyunda ehtiyat heyətdən bir çox oyunçular meydana çıxacaqlar. Buna baxmayaraq, mən inanıram ki, onlar kifayət qədər yüksək səviyyəli oyunçulardır. Biz çox məşq etmişik və qarşıdakı oyuna hazırıq", - deyə Martinş bildirib.

Komandasının qəti qələbəsinə "Olimpiakos"un fransalı legioneri Matye Valbuena da inanır.

"İlk oyunda biz çox vacib qələbə qazana bildik. İnanıram ki, çətinliklərə baxmayaraq, yekunda qələbə əldə edə biləcəyik. Halbuki Bakıda Neftçiyə qarşı oyunun ağır olacağını başa düşürük", - deyə Valbuena bildirib.

Qeyd edək ki, iyulun 28-i "Bakcell Arena"da keçiriləcək "Neftçi" – "Olimpiakos" oyunu saat 21:00-da başlayacaq.

18
Voislav Stankoviç (ağ formada)

"Neftçi"nin serbiyalı oyunçusu: "Uşaqlar Azərbaycan himnini oxutmağımı istəyirlər"

2363
(Yenilənib 09:49 23.09.2021)
Bakının "Neftçi" klubunun 34-cü doğum gününü qeyd edən serbiyalı legioneri Azərbaycandakı həyatından və işindən danışıb.

BAKI, 23 sentyabr - Sputnik. Bakı "Neftçi"sinin serbiyalı legioneri Voislav Stankoviçin uşaqları atalarından Azərbaycanın himnini qoşmağını istəyir, sonra isə onu ifa edirlər. 

Stankoviç bildirib ki, uşaqları Azərbaycan himnini keçən il öyrəniblər.

"Hələ keçən il, mənim "Neftçi"dəki oyunumu televizorda izləyərkən uşaqlar Azərbaycan himnini öyrəndilər. Hər dəfə baxdıqca himnin sözlərini öyrəniblər. Xanımımla mən onlara deyirik ki, bu, Azərbaycanın himnidir, onu Serbiyanın himni kimi bilmək, bu ölkəyə hörmət etmək lazımdır. Mən Azərbaycanda işləyirəm və bu ölkə mənə doğmadır. Onlar uşaq bağçasında da himni öyrənirlər. Dəfələrlə məndən himni qoşmağı istəyiblər, sonra da oxumağa başlayıblar", - Stankoviç deyib.

Serbiyalı futbolçu sentyabrın 22-də 34-cü yaşını tamam edib.

"Adətən, ad günümü ailəmlə restoranda qeyd edirəm, amma indi pandemiya səbəbindən evdə qeyd edirik. Artıq 34 yaşım var, qocalıram (gülür), amma əsas odur ki, özümü yaxşı hiss edirəm, əla fiziki formadayam", - legioner vurğulayıb.

Qeyd edək ki, Azərbaycan Premyer Liqasının dördüncü turunda "Keşlə"yə qarşı oyun (3:0) serbiyalı futbolçunun çempionatımızda 150-ci oyunu olub. "Keşlə" (o vaxtın "İnter"i) isə 2015-ci ildə Stankoviçin oynadığı ilk Azərbaycan klubu olub.

"Uzun illərdir Azərbaycanda oynayıram, bu ölkəni sevirəm, burada hər şey məni qane edir. Elə olmasaydı, bu qədər müddət burada oynamazdım. "Neftçi"nin şərəfini qoruduğum üçün şadam. Ümid edirəm ki, hələ burada çox oynayacam", - Stankoviç əlavə edib.

Eləcə də oxuyun:

2363
Teqlər:
'Neftçi', futbolçu, Serbiya, legioner, himn, Azərbaycan
Zabit Səmədov

Zabit Səmədov növbəti döyüşünü Qroznıda keçirəcək

217
(Yenilənib 19:52 22.09.2021)
Səmədovun rəqibi peşəkar rinqdə 12 döyüşdə iştirak edib ki, onlardan 6-da qalib gəlib və eyni sayda da məğlub olub.

 

BAKI, 22 sentyabr — Sputnik. Azərbaycanın ən məhşur kikboksçularından biri olan Zabit Səmədov növbəti döyüşünü Qroznıda peşəkər rinqdə keçirəcək. Bu barədə Çeçenistan Kikboksinq Federasiyasının rəsmi İnstagramı xəbər verib.

Səmədovun iştirakı ilə döyüş oktyabrın 4-də Qoznıda baş tutacaq və onun rəqibi "Bıçaq" ləqəbli fransız kikboksçu Didye Kilola olacaq. Peşəkar rinqdə fransız idmançı 12 döyüşdə iştirak edib ki, onlardan 6-da qalib gəlib və eyni sayda da məğlub olub.

Səmədov indiyədək peşəkar rinqdə 112 döyüş keçirib, 102-də qələbə qazanıb və 37 dəfə isə rəqiblərini nokauta göndərib. Sonuncu döyüşünü o, bu ilin iyun ayında Minskin beynəlxalq turnirində keçirib və burada "Quduz it" ləqəbli nigeriyalı döyüşçü Deje Kelejayeni məğlub edib. Bu döyüşü 37 yaşlı Səmədov iki illik fasilədən sonra keçirib.

Maraqlıdır ki, azərbaycanlı kikboksçu ardıcıl 19 döyüşdə məğlub olmayıb. Məğlubiyyət acısını sonuncu dəfə 2013-cü ildə Xorvatiyanın Zaqreb şəhərində keçirilən beynəlxalq turnirdə məşhur hollandiyalı döyüşçü Badr Hariyə məğlub olanda hiss edib.

Eləcə də oxuyun:

217
Teqlər:
kikboks, K-1 ustası Zabit Səmədov, Qroznı
 Şuşada Bülbülün ev-muzeyi, arxiv şəkli

Bülbülün Şuşadakı ev-muzeyinə direktor təyin olunub