Qarabağ “Aşdod” oyunu

Klublarımız avrokuboklarda: bir heç-heçə bir məğlubiyyət

28
(Yenilənib 23:47 22.07.2021)
Qurban Qurbanovun yetirmələri İsrail təmsilçisi “Aşdod”la görüşüblər. Sənan Qurbanovun yetirmələri isə Rusiyada “Soçi”nin qonağı olublar.

BAKI, 22 iyul - Sputnik. “Qarabağ” və "Keşlə" Konfrans Liqasında mübarizəyə start veriblər.

Sputnik Azərbaycan apasport.az-a istinadən bildirir ki, hər iki klubumuz Liqada mübarizəyə II təsnifat mərhələsindən başlayıb.

Qurban Qurbanovun yetirmələri İsrail təmsilçisi “Aşdod”la görüşüblər. Premyer Liqanın vitse-çempionu ilk matçı evdə keçirib.

İlk dəqiqələrdən üstünlüyə yiyələnən “Qarabağ” rəqib qapısına ardıcıl hücumlar təşkil edib. Lakin təmsilçimiz yaradılan imkanlardan yararlanmayıb. İsraillilərin müqavimətini qıra bilməyən Qurbanovun yetirmələri qarşılaşmanı azlıqda bitiriblər. Matçın sonlarında Maksim Medvedev qırmızı vərəqə alaraq komandanı azlıqda qoyub. Bununla da “Qarabağ” mövsümə qolsuz sülhlə başlayıb.

Qeyd edək ki, komandalar arasında cavab oyunu iyulun 29-da İsraildə baş tutacaq.

Konfrans Liqası
II təsnifat mərhələsi, ilk oyun
22 iyul
20:00. “Qarabağ” (Azərbaycan) – “Aşdod” (İsrail) - 0:0
Qırmızı vərəqə: Maksim Medvedev, 83
Baş hakim: Sergey Boyko (Ukrayna)

Sənan Qurbanovun yetirmələri isə Rusiyada “Soçi”nin qonağı olublar. Qarşılaşmada hesabı meydan sahibləri açıb.

Tamaşaçılarsız keçirilən oyunun 10-cu dəqiqəsində Rodriqao erkən qola imza atıb. İkinci hissənin ortalarında Rusiya təmsilçisi fərqi artırıblar. Kristian Noboa penaltidən fərqlənib. Matçın sonlarında Maksim Barsov fərqi üç topa çatdıraraq cütün taleyini böyük ölçüdə həll edib.

Qeyd edək ki, “Keşlə” iyulun 29-da “Soçi”ni Bakıda qəbul edəcək.

Konfrans Liqası
II təsnifat mərhələsi, ilk oyun
22 iyul
20:00. “Soçi” (Rusiya) – “Keşlə” (Azərbaycan) - 3:0
Qollar: Rodriqao, 10, Kristian Noboa, 66 (pen.), Maksim Barsov, 81
Baş hakim: Enea Jorgyi (Albaniya)

 

28
Teqlər:
heç-heçə, məğlubiyyət, 'Keşlə', 'Qarabağ'
İvan Tixonov

On nəfərə bir qələbə: Azərbaycanlı idmançıların Tokioda ilk günü

40
Tokio Olimpiadasında ilk yarış gününün nəticələrinə görə, medal sıralamasında üç qızıl və bir bürünc medal qazanan Çin birincidir.

BAKI, 24 iyul - Sputnik. Tokio Yay Olimpiya Oyunlarının ilk yarış günü azərbaycanlı idmançılar üçün uğursuz keçdi. Sputnik Azərbaycan bildirir ki, onlardan yalnız biri uğurlu start götürə bilib.

Cüdo

İlk məyusedici xəbərlər cüdodan gəldi. Kəramət Hüseynov (60 kq) və Aişə Qurbanlı (48 kq) ilk pillələrdən yarışdan ayrıldılar. Hüseynov öncə britaniyalı Eşli Makkenzini udub, gürcü Luxumi Çxvmianiyə uduzdusa, Qurbanova elə ilk görüşündəcə Katarina Koştaya (Portuqaliya) məğlub oldu.

Veloyürüş

Vaxtından əvvəl yarışı dayandıranlardan biri də velosipedçi Elçin Əsədov oldu. 234 km-lik şosse yürüşünün, demək olar ki, yarısını keçəndən sonra yıxıldı. 

Güllə atıcılığı

Snayperimizi Ruslan Lunyov da uğursuzluğa düçar oldu. 10 metrlik məsafəyə pnevmatik tapançadan atəşdə 20-ci yerə düşərək finala çıxa bilmədi. Ancaq birinci gün çıxış edən idmançılarımızın çoxundan fərqli olaraq, Lunyov hələ Oyunlarda iştirakını yekunlaşdırmayıb - 25 m-lik məsafəyə xırda kaliberli tapançadan atəş yarışında da qüvvısini sınayacaq. 

Üzgüçülük

 

Üzgüçülərimiz Maksim Şemberev və Məryəm Şeyxəlizadəxangah Tokiodakı Olimpiadada uğursuz çıxış ediblər.

400 m məsafədə kompleks üzgüçülükdə çıxış edən Şemberev 4:19.40 dəqiqə nəticə ilə çıxışını yekunlaşdırıb. O, öz yarımqrupunda sonuncu - səkkizinci yer tutub. Ümumi sıralamada isə 29 iştirakçı arasında 26-cı ola bilib. Yarımfinala çıxa bilməyən Şemberev Olimpiadadakı işini yekunlaşdırıb.

Şemberev üçün bu, ikinci Olimpiadadır. 2012-ci ildə Londonda o, Ukrayna bayrağı altında çıxış edirdi.

100 m məsafədə batterflyay üsulu ilə yarışda Məryəm Şeyxəlizadəxangah finişə 1:01,37 dəqiqə nəticə ilə çataraq, üç nəfərdən ibarət yarımqrupda birinci olub. Yekun hesabda isə 33 yarışçı arasında 30-cu olub və o da Tokiodakı çıxışını bitirib.

 

Məryəmdən kimsə nəticə gözləmirdi, o, Beynəlxalq Federasiyanın kvotası ilə Olimpiadaya gəlib, Şemberev isə lisenziya normativini yerinə yetirmişdi və ən azı, onun yarımfinala çıxacağına ümid edirdik.

Boks

İdman həvəskarlarına ən böyük məyusluğu isə boks yarışları yaşatdı. Titullu idmançı, Riodakı 2016-cı il Olimpiadasının gümüş mükafatçısı Lorenso Sotomayordan (69 kq), heç olmasa, medallar uğrunda mübarizə gözlənilirdi, birinci dövrədən kənarda qalmaq yox. O isə 1/16 finalda Gürcüstan təmsilçisi Əsgərxan Madiyevə uduzdu. Görüşü üçüncü raundda Sotomayorun zədəsi səbəbindən (qanaxma) saxladılar, ancaq Azərbaycan yığmasının kubalı legioneri üçün qələbə ümidi heç yox idi də: ilk iki raundu o uduzmuşdu.

57 kq çəki dərəcəsində çıxış edən boksçumuz - Tayfur Əliyev növbəti mərhələyə adlamağa layiq idi. Çünki 1/16 mərhələdə Vyetnam təmsilçisi Duaonq Van Nquenə qarşı yaxşı döyüşürdü. Ancaq hakimlər mübahisəli qərar verərək qələbəni vyetnamlının adına yazdılar (2:3).

 

Boksçumuz Məhəmməd Abdullayev (91 kq çəki dərəcəsi) isə Azərbaycan təmsilçiləri arasında Tokiodakı Olimpiadada qələbə qazanan yeganə idmançı oldu. 1/16 finalda o, Bəhreyn təmsilçisi Denis Latipovla görüşündən 3:1 hesabı ilə qalib ayrıldı. Düzdür, püşkatmada onun heç bəxti gətirməyib: növbəti mərhələdə o, dünya çempionu, Özbəkistan təmsilçisi Bahodir Calolovla görüşəcək. Bu görüş iyulun 29-da olacaq.

İdman gimnastikası 

Təmsilçilərimizdən Tokiodakı ilk yarış günündə sonuncu çıxış edən isə idman gimnastı İvan Tixonov oldu. O, təsnifatda 45-ci yer tutaraq, adını finala yazdıran 24 nəfərin arasına düşə bilmədi.

Medal hesabı

Tokio Olimpiadasında ilk yarış gününün nəticələrinə görə, medal sıralamasında üç qızıl və bir bürünc medal qazanan Çin birincidir. İkinci yerdə Yaponiya ilə İtaliya qərarlaşıblar: hərəyə bir qızıl və bir gümüş medal. İlk onluğa həmçinin 4. Koreya (1, 0, 2), 5. Macarıstan, Kosovo, Tailand, Ekvador, İran (1, 0, 0), 10. Serbiya, Rusiya (0, 1, 1) daxildir.

40
Teqlər:
atıcılıq, gimnastika, cüdo, şosse velosipedi, üzgüçülük, boks, idmançılar, azərbaycanlı, Tokio Yay Olimpiya Oyunları

Yunanıstan "Olimpiakos"u Bakıda məşqdən imtina edir

35
Bakıda oyundan öncə məşqə çıxmaqdan imtina səbəbi kimi "Baksel Arena"da qazonun pis olması və "kənar gözlərdən qaçmaq" istəyi göstərilir. 

BAKI, 24 iyul - Sputnik. Yunanıstanın "Olimpiakos" komandası Çempionlar Liqasının təsnifat mərhələsində "Neftçi" ilə Bakıda keçirəcəyi cavab oyunundan öncə məşqə çıxmaqdan imtina edib. 

Sputnik Azərbaycan bu barədə Fosonline-a istinadən xəbər verir.

Azərbaycan çempionunun Çempionlar Liqasındakı rəqibi son məşqi Yunanıstanda keçirib, iyulun 27-də, çərşənbə axşamı çarter reysi ilə Bakıya gələcək. 

Oyunöncəsi mətbuat konfransını da "Olimpiakos"un baş məşqçisi Pedro Martinş Yunanıstanda, onlayn formatda keçirəcək. 

 

Bakıda oyundan öncə məşqə çıxmaqdan imtina səbəbi kimi cavab oyununun keçiriləcəyi "Baksel Arena" stadionunda qazonun pis olması göstərilir. "Olimpiakos"un portuqal məşqçisini ÇL-in təsnifat mərhələsinin birinci raundunda "Neftçi" (Bakı) ilə "Dinamo"nun (Tbilisi) oyunu zamanı qazonun durumu qane etməyib. Nəşrin məlumatına görə, həmin oyunda futbolçular çox sürüşüblər.

Yeri gəlmişkən, Martinşin Bakıda məşq keçirmək istəməməsinin başqa bir səbəbi də var. Portuqaliyalı qorxur ki, onun komandasını "Neftçi"nin nümayəndələri də izləyə bilərlər, buna görə hazırlıq mərhələsini gizli saxlamağa qərar verib.

Qeyd olunur ki, beş il əvvəl "Olimpiakos" Astanada eyniadlı komanda ilə oyundan əvvəl məşq keçərkən təhlükəsizlik xidmətinin əməkdaşlarından biri "Astana" klubunun texniki işçisi olub.

Xatırladaq ki, Çempionlar Liqasının təsnifat mərhələsinin ikinci raundunda Afinada keçirilən ilk oyunda "Olimpiakos" "Neftçi"yə minimal hesabla qalib gəlib. Yeganə qolu Madi Kamara vurub, sonra isə oyundan qovulub. Bu səbəbdən o, Bakıda meydana çıxmayacaq. Klublar arasında cavab görüşü çərşənbə günü, iyulun 28-də baş tutacaq.

Eləcə də oxuyun:

35
Teqlər:
məşq, Bakı, futbol, UEFA Çempionlar Liqası, 'Neftçi'
Noutbuk arxasında pizza yeyən adam, arxiv şəkli

Sosial media həyatı: təhrif edilmiş, uydurulmuş virtual dünyada yaşayırıq