Şəhriyar Məmmədyarov Soçidə erməni rəqibinin müqavimətini qırdı

42
(Yenilənib 22:30 19.07.2021)
Bu günlərdə Soçidə keçirilən şahmat üzrə Dünya Kubokunda eyni vaxtda üç şahmatçımız çıxışlarını yekunlaşdırıb.

BAKI, 19 iyul – Sputnik. Azərbaycan qrossmeysteri Şəhriyar Məmmədyarov Soçidə keçirilən şahmat üzrə Dünya Kubokunun üçüncü dövrəsində  əvvəl uduzduğu erməni şahmatçısı Ayk Martirosyanla hesabı bərabərləşdirib.

Sputnik Azərbaycan-ın məlumatına görə, Məmmədyarov birinci partiyada qara fiqurlarla klassik vaxt hesabı ilə Martirosyana uduzmuşdu. Mübarizəni davam etdirmək üçün o, cavab görüşündə ağ fiqurlarla qalib gəlməli idi. Uzun sürən görüşdə Məmmədyarov nəhayət 86-cı gedişdə rəqibinin müqavimətini qırıb. Hesab bərabərləşib (1:1), indi şahmatçılar qalibi tay-brekdə müəyyənləşdirəcəklər.

Digər azərbaycanlı qrossmeyster Vasif Dürarbəyli David Navara (Çexiya) ilə ikinci partiyanın oyununu qələbə ilə başa vurub (1.5:0.5) və Dünya Kubokunun dördüncü dövrəsinə adlayıb.

Nicat Abbasov isə rusiyalı Andrey Yesipenkoya 0.5:1.5 hesabı ilə uduzaraq, Dünya Kubokunu tərk edib.

Qadın şahmatçılarımız isə çıxışlarını bitiriblər – Günay Məmmədzadə və Gülnar Məmmədova üçüncü dövrədə Sarasadat Hademalşairə (İran) və Elizabet Petzə (Almaniya) eyni hesabla uduzublar – 0.5:1.5.

Eləcə də oxuyun:

42
Teqlər:
şahmat, Soçi, Şəhriyar Məmmədyarov
Azərbaycanlı güləşçi Rafiq Hüseynov Tokio-2020 Olimpiya Oyunlarında

Tokio Olimpiadası bürüncə ümidlər var

10
(Yenilənib 09:49 02.08.2021)
Azərbaycan idmançılarının hələ Olimpiya Oyunlarının bürünc medalını qazanmaq şansı var, ancaq bu o halda olacaq ki, onların uduzduqları rəqibləri finala çıxsınlar.

BAKI, 2 avqust – Sputnik. Azərbaycan güləşçiləri Rafiq Hüseynov (77 kq) və Elis Manolova (68 kq) Tokio Olimpiadasının qızıl medallarını qazanmaq imkanını əldən veriblər.

Sputnik Azərbaycan bildirir ki, qadınlar arasında keçirilən yarışda Elis Manolova nigeriyalı Blessinq Oborududuya uduzub. Yunan-Roma güləşində təmsilçimiz Rafiq Hüseynov isə startda əlavə vaxtda isveçli Aleks Kestidisə qalib gəlib, ancaq dörddəbir finalda Qırğızıstan idmançısı Akjola Mahmudova 1:9 hesabı ilə məğlub olub. Ancaq əgər Mahmudov finala çıxarsa, o zaman Hüseynovun bürünc medal uğrunda yarışmaq şansı olacaq. Manolovanın da şansı eynidir.   

26 atletimiz Oyunlarda iştirakını başa vurub

Tokiodakı Olimpiya Oyunlarında 26 Azərbaycan idmançısı çıxışlarını yekunlaşdırıb. Bunlardan cüdoçu İrina Kindzerska (78+ kq) və boksçu Alfonso Dominges (81 kq) bürünc medal qazanıblar.

Taekvondoçular Fəridə Əzizova (67 kq) və Murad Beygi Xarçeqani (80 kq), qılıncoynadan Anna Başta, cüdoçular Kəramət Hüseynov (60 kq), Orxan Səfərov (66 kq), Rüstəm Orucov (73 kq), Murad Fətiyev (81 kq), Məmmədəli Mehdiyev (90 kq), Zəlim Kotsoyev (100 kq), Uşangi Kokauri (100+ kq) və Aişə Qurbanlı (48 kq), boksçular (Tayfur Əliyev (57 kq), Cavid Çələbiyev (63 kq), Lorenso Sotomayor (69 kq) və Məhəmməd Abdullayev )91+ kq), üzgüçülər Maksim Şemberev və Məryəm Şeyxəlizadəxangah, gimnastlar İvan Tixonov  və Marina Nekrasova, velosipedçi Elçin Əsədov, atıcı Emin Cəfərov, triatlet Rostislav Pevtsov, badmintonçu Edi Reski Dviçayo və yüngül atlet Anna Skidan Olimpiadada uğur qazana bilməyiblər.

Azərbaycan Tokio-2020-də

Tokioda Yay Olimpiya Oyunları iyulun 23-dən avqustun 8-nə kimi keçirilir.

Tokio Yay Olimpiadasında ölkəmizi 44 idmançı təmsil edir. Onlar 40 lisenziya qazanaraq 14 idman növündə - cüdo, güləş, bədii gimnastika, idman gimnastikası, karate, boks, taekvondo, yüngül atletika, güllə atıcılığı, qılıncoynatma, veloidman, badminton, üzgüçülük və triatlonda - çıxış edirlər.

Azərbaycan üçün bu, 2004-cü ildə Afinada keçirilən Olimpiya Oyunlarından bəri ən az sayda Olimpiya lisenziyasıdır, o vaxt idmançılarımız 38 lisenziya qazanmışdılar.

2008-ci ildə Pekində azərbaycanlı idmançılar 44, 2012-ci ildə Londonda 53, 2016-cı ildə Rio-de Janeyroda 56 lisenziya qazanıblar. 1996-cı ildən bəri olimpiadalarda idmançılarımız 43 medal qazanıblar ki, bunun da 7-si qızıl, 11-i gümüş, 25-i isə bürüncdür.

Həmçinin oxuyun:

10
Teqlər:
Tokio Yay Olimpiya Oyunları, bürünc medal, güləş
 Alfonso Dominges

Tokio-2020: Boksçu Alfonso Dominges həmyerlisini döyə bilmədi