Tokio-2020 Olimpiya Oyunlarının loqosu, arxiv şəkli

Ağır oyunçudan yüngül hərəkət: Olimpiada başlamamış qaçdı

29
(Yenilənib 13:30 22.07.2021)
Uqandalı idmançı Ssekitoleko Tokiodakı Olimpiya Oyunlarında iştirak etməyəcəyini eşidincə kefi pozulub və qaçıb, yerli polis onu axtarır.

BAKI, 16 iyul - Sputnik. Tokio Yay Olimpiya Oyunlarında kuryoz hadisə baş verib: ilk dəfə bir idmançı oteldən qaçıb.

Yaponiyanın İdzumisamo-siti şəhərində uqandalı Yulius Ssekitoleko itkin düşüb. Təşkilat komitəsinin üzvləri koronavirus testi götürmək üçün oteldəki qapısını döyəndə aşkar ediblər ki, idmançı yoxdur. Komanda yoldaşları da faktı təsdiqlədikdən sonra yerli polis Ssekitolekonun axtarışlarına başlayıb.

Uqanda millisi Tokio Olimpiya Oyunlarının təşkilat komitəsi üçün ən problemli komandaya çevrilib. Ötən ay Yaponiyaya gələrkən nümayəndə heyəti üzvlərindən birində COVID-19 aşkarlanıb, daha sonra idmançılardan birinin test nəticəsi də müsbət çıxınca komandanı karantinə yerləşdiriblər. Karantin bitdikdən sonra komandaya İdzumisamo şəhərində məşq toplanışı keçirməyə icazə veriblər. 

Ssekitoleko kişilər arasında 67 kq çəki dərəcəsində ağır atletika üzrə mübarizə aparmaq üçün turnirin gözləmə siyahısında idi. İyulun 14-də isə ona məlumat veriblər ki, Olimpiya Oyunlarında iştirak etməyəcək və iyulun 20-də vətəninə yola düşməlidir. Belə güman edilir ki, elə bu səbəb də atletin "aradan çıxmasına" təkan verib. Uqandalı ağırlıqqaldıranın yoxa çıxması isə təşkilatçılar üçün başağrısı ola bilər, çünki komitə yerli ictimaiyyəti əmin etmişdi ki, COVID-19-un yayılmaması üçün ciddi tədbirlər görülür. 

Qeyd edək ki, uqandalı idmançılar "qaçmağa" meyllidirlər. Məsələn, bu ilin iyununda Uqandanın reqbi-7 yığmasının üzvü Monakodakı Olimpiya təsnifat turnirində iştirak zamanı itkin düşüb. 2018-ci ildə Avstraliyada keçirilən Birlik Ölkələri Oyunlarında uqandalı altı idmançı birdən yoxa çıxmışdı. 2014-cü ildə Qlazqoda Birlik Oyunları zamanı Uqandanın reqbi-7 üzrə yığmasının iki oyunçusu qaçmış, sonra Kardiffdəki sığınacaq istəyənlər üçün yataqxanada aşkarlanmışdı.

Azərbaycan Tokio-2020-də 

Tokio Yay Olimpiadasında ölkəmizi 44 idmançı təmsil edəcək. Onlar 40 lisenziya qazanaraq 14 idman növündə - cüdo, güləş, bədii gimnastika, idman gimnastikası, karate, boks, taekvondo, yüngül atletika, güllə atıcılığı, qılıncoynatma, veloidman, badminton, üzgücülük və triatlonda - çıxış edəcəklər. 

Azərbaycan üçün bu, 2004-cü ildə Afinada keçirilən Olimpiya Oyunlarından bəri ən az sayda olimpiya lisenziyasıdır, o vaxt idmançılarımız 38 lisenziya qazanmışdılar.

2008-ci ildə Pekində azərbaycanlı idmançılar 44, 2012-ci ildə Londonda 53, 2016-cı ildə Rioda 56 lisenziya qazanmışdılar. 1996-cı ildən bəri olimpiadalarda idmançılarımız 43 medal qazanıblar ki, bunun da 7-si qızıl, 11-i gümüş, 25-i isə bürüncdür.

Eləcə də oxuyun:

 

29
Teqlər:
itkin, ağır atlet, Uqanda, idmançı, Tokio Yay Olimpiya Oyunları, Tokio
Футбольный мяч. Архивное фото

Konfrans Liqası: Azərbaycanın iki klubu mübarizəni dayandırdı, biri isə mərhələni keçdi

14
(Yenilənib 23:03 29.07.2021)
Azərbaycanın "Sumqayıt" və "Keşlə" futbol klubları UEFA Konfrans Liqası ilə vidalaşmalı olublar.

BAKI, 29 iyul - Sputnik. “Qarabağ” (Ağdam) klubu avrokuboklarda növbəti oyununu keçirib.

Apasport.az saytının məlumatına görə, Ağdam klubu Konfrans Liqasında mərhələ adlayan ilk Azərbaycan klubu kimi tarixə düşüb.

II təsnifat mərhələsindən mübarizəyə başlayan Qurban Qurbanovun yetirmələri “Aşdod” səddini adlayıb. Evdə qolsuz heç-heçə edən Premyer Liqanın vitse-çempionu İsraildəki qələbə ilə tur adlayıb.

“Qarabağ” bu qələbəni erkən qol sayəsində qazanıb. Filip Ozobiçin 6-cı dəqiqədəki qolu komandaya mərhələ adlamaq imkanı verib.

"Sumqayıt" və "Keşlə" də UEFA Konfrans Liqasının II təsnifat mərhələsində cavab oyununa çıxıb.

"Report"un məlumatına görə, Sənan Qurbanovun baş məşqçi olduğu paxtaxt təmsilçisi Rusiyanın "Soçi" klubunu qəbul edib.

"ASK Arena"da keçirilmiş qarşılaşmada qonaqlar 4:2 hesabı ilə qələbə qazanıb. 21-ci dəqiqədə rəqibin heyətində Marko Duqandziç hesabı açıb. 35-ci dəqiqədə "Keşlə"nin braziliyalı legioneri Felipe Santos bərabərlik qolunu vurub. Bundan 3 dəqiqə sonra Nikita Burmistrov "Soçi"ni yenidən önə keçirib.

İlk hissə bu hesabla yekunlaşıb. İkinci yarının əvvəlində paytaxt təmsilçisi hesabı bərabərləşdirməyə müvəffəq olub. 52-ci dəqiqədə Rəhman Hacıyev topu rəqib qapısından keçirib. Danila Proxin 70-ci dəqiqədə meydan sahiblərini növbəti dəfə mərkəzə dəvət edib. Duqandziç 82-ci dəqiqədə özünün ikinci, komandasının isə 4-cü qoluna imza atıb. Rusiyadakı matçda rəqibinə 0:3 hesabı ilə uduzan "Keşlə" Konfrans Liqası ilə vidalaşıb.

"Sumqayıt" "Kapital Bank Arena"da Serbiyanın "Çukariçki" komandası ilə üz-üzə gəlib. Görüş "gənclik şəhəri" təmsilçisi üçün yaxşı başlamayıb. 10-cu dəqiqədə Belqrad klubunun heyətində İbrahima Ndiaye hesabı açıb. 6 dəqiqə sonra isə Marko Dotsiç penaltidən fərqlənməklə meydan sahibini növbəti dəfə məyus edib. Oyunda başqa qol vurulmayıb. Serbiyada rəqibi ilə qolsuz heç-heçə edən "Sumqayıt" da Konfrans Liqası ilə vidalaşmalı olub.

14

Olimpiya ümidləri: azərbaycanlı idmançılardan kim Tokioda medal qazana bilər