Бакинский Олимпийский стадион, фото из архива - Sputnik Azərbaycan, 1920
İDMAN
Ölkənin və dünyanın idman həyatına dair məlumatlar

FIFA Ozobiçin Azərbaycan millisində oynamasına icazə verdi

© Photo : Facebook / Qarabağ FK News Filip Ozobiç, arxiv şəkli
 Filip Ozobiç, arxiv şəkli - Sputnik Azərbaycan, 1920, 14.07.2021
Abunə olmaq
Hazırda "Qarabağ" klubunun üzvü olan futbolçu Filip Ozobiçin Azərbaycan milli komandasında çıxış etməsinə razılıq verilməsi ilə əlaqədar AFFA tərəfindən FIFA-ya ünvanlanmış müraciət müsbət cavablandırılıb.

BAKI, 14 iyul — Sputnik. Beynəlxalq Futbol Federasiyaları Assosiasiyası (FIFA) Azərbaycan Futbol Federasiyaları Assosiasiyasının (AFFA) "Qarabağ"ın xorvatiyalı futbolçusu Filip Ozobiçin Azərbaycan milli komandasında çıxış etməsinə razılıq verilməsi ilə bağlı müraciətini müsbət cavablandırılıb.

AFFA-dan Sputnik Azərbaycan-a bildiriblər ki, bununla bağlı bu gün qitə futbol qurumundan milli assosiasiyaya müvafiq məktub daxil olub.

30 yaşlı yarımmüdafiəçinin ölkəmizdə fasiləsiz olaraq fəaliyyət göstərməsinin 5 ili artıq tamam olub. FIFA-nın tətbiq etdiyi mövcud qaydalara əsasən, o, yığmanın formasını geyinə bilər.

Qeyd edək ki, Filip Ozobiç 2016-cı ildən Azərbaycanda çıxış edir. Futbolçu "Qarabağ"dan öncə "Qəbələ"nin şərəfini qoruyub.

Xəbər lenti
0