Məmmədyarov Aronyanı məğlub etdi liderliyini qorudu

930
(Yenilənib 20:10 11.06.2021)
Azərbaycanlı qrossmeyster ABŞ-a köçən Ermənistan təmsilçisi Levon Aronyanla qarşılaşmada ağ fiqurlarla oynayıb və 40-cı gedişdə rəqibini məğlubiyyətə uğradıb.

BAKI, 11 iyun - Sputnik. Rumıniyanın paytaxtı Buxarestdə keçirilən "Superbet Chess Classic" turnirində Azərbaycan şahmatçısı Şəhriyar Məmmədyarov növbəti oyununu keçirib.

Sputnik Azərbaycan xəbər verir ki, 36 yaşlı azərbaycanlı qrossmeyster ABŞ-a köçən Ermənistan təmsilçisi Levon Aronyanla qarşılaşıb. Ağ fiqurlarla oynayan Məmmədyarov 40-cı gedişdə rəqibini məğlubiyyətə uğradıb.

Azərbaycanın digər şahmatçısı Teymur Rəcəbov qara fiqurlarla rumıniyalı Boqdan Daniel Dyakla heç-heçə edib - 0,5:0,5.

Bu nəticələrdən sonra Məmmədyarov xalını 4-ə çatdıraraq, rusiyalı Aleksandr Qrişukla birgə liderliyini davam etdirir. Rəcəbov isə 3 xalla 4-cü yerdə gedir.

Məşhur erməni şahmatçıların Ermənistandan imtinası

Ötən gün şahmat dünyasında yayılan xəbərlərə görə, erməni qrossmeyster Vladimir Akopyan bundan sonra ABŞ bayrağı altında çıxış edəcək. Artıq FİDE-nin reytinqində Akopyan artıq ABŞ şahmatçısı kimi təqdim olunur.

Reytinqə görə (2638 bal) Ümumdünya Şahmat Olimpiadasının üçqat qalibi Akopyan amerikalı şahmatçılar arasında 12-ci yeri tutur.

ABŞ şahmatçılarının yüzlüyünə həmçinin Samvel Sevyan (5-ci yer), Varucan Akopyan (16-cı yer) və Melikset Xaçinyan (53-cü yer) da daxildir.

Daha əvvəl Ermənistan şahmatçılarının lideri Levon Aronyan da Ermənistandan köçmək barədə qərar verib. O da ABŞ komandasına qoşulacaq.

Şahmatçı öz qərarını "şahmat sahəsinə girən səriştəsiz dövlət adamları" və şahmatçılara dövlət dəstəyinin kəsilməsi ilə əlaqələndirib.

 

Həmçinin oxuyun:

* Çempionlar Turu: Məmmədyarov Aronyana qalib gələrək, 3-cü yeri tutdu

* Şəhriyar Məmmədyarov qara fiqurlarla Levon Aronyana qalib gəlib

* Teymur Rəcəbovun qurbanı Şəhriyar Məmmədyarova rəqib oldu

Teymurla Şəhriyara uduzan Aronyanın etirafları: "Çağırırlar, sonra özləri gəlmirlər"

* Məşhur erməni şahmatçıları Ermənistandan imtina etdilər

930

İspanlar slovakları darmadağın edərək AVRO-2020 pley-off mərhələsinə adladılar

0
Futbol üzrə İspaniya millisi Slovakiya yığmasına qalib gələrək qrupda ikinci yerdən çempionatın 1/8 finalına yüksəliblər

Sevilyada "E" qrupunun üçüncü turunda keçirilən qarşılaşma 5:0 hesabı ilə Pireney təmsilçilərinin xeyrinə başa çatıb. Qolları Emirik Lyaport (45+3), Pablo Sarabiya (56) və Ferran Torres (67) vurublar. İspanlara daha iki topu isə avtoqola imza atmış martin Dubravka (30) və Yuray Kutska (71) hədiyyə ediblər.

Oyunu stadionda 11204 tamaşaçı izləyib.

Beləliklə, İspaniya komandası qrupda 5 xal toplayıb. 1/8 finalda ispanlar xorvatlarla üz-üzə gələcək. Hesabında 3 xal olan Slovaklar qrupda üçüncü yer tutaraq pley-off mərhələsinə çıxa bilməyiblər. "E" qrupunun qalibi isə 7 xalla İsveç millisi olub. Polşa millisi 1 xalla qrupun autsayderidir.

0
Футболисты сборной Швеции

İsveç millisi Polşa yığmasına qalib gələrək AVRO-2020 pley-off mərhələsinə çıxıb

4
(Yenilənib 22:15 23.06.2021)
İsveçlilər "E" qrupunda İspaniya, Polşa və Slovakiya komandalarını geridə qoyaraq birinci yeri tutublar.

Futbol üzrə İsveç milli komandası Polşa millsini məğlub edərək Avropa çempionatının qrup mərhələsində "E" qrupunda birinci yeri tutub.

Sankt-Peterburqda keçirilən qarşılaşma 3:2 hesabı ilə skandinaviyalıların xeyrinə başa çatıb.

İsveç komandasında qolları Emil Forsberq (2 və 59-cu dəqiqələrdə) və Biktor Klasson (90+4) vurublar. Polşa komandasında isə Robert Levandovski rəqib qapısının torunu iki dəfə silkələyib (61,84).

Stadionda oyuna 14252 azarkeş tamaşa edib.

Beləliklə, İsveç millisi qrupda 7 xal toplayaraq birinci yerdən 1/8 finala çıxıb. Hesabında 1 xal olan Polşa yığması isə qrupda son yerdə qərarlaşaraq turnirdə çıxışlarını başa vurub.

4