Avropa çempionatının formalarının asıldığı küçələr, arxiv şəkli

FOTOFAKT: Bakı AVRO-2020 həsrəti ilə necə dəyişir: görkəmini dəyişmiş küçələrdən şəkillər

15
Bakı hər oyun günü meydançada qarşılaşacaq komandaların təmsil etdikləri ölkələrlə fərdi əlaqə qurmağa imkan verəcək vizual təqdimat hazırlayıb.

BAKI, 10 iyun - Sputnik. Futbol üzrə Avropa çempionatı ərəfəsində Bakını qeyri-adi instalyasiya bəzəyib. Küçədən keçənlərin diqqətini onların başı üzərində AVRO-2020-də çıxış edəcək komandaların geyimlərinin “paradı” cəlb edir. Əgər sakinlər sabah çempionatın başlandığını bilmirdilərsə belə, indi artıq hansı yığma komandaların oynayacağını da bilirlər.

Bu çox məzəlidir, çünki həm geyim formasına görə çempionat iştirakçılarını tanımaq, həm də öz Instagram səhifən üçün koloriitli bir şəkil də çəkdirmək olar. 

© Sputnik / Murad Orujov
Avropa çempionatının formalarının asıldığı küçələr, arxiv şəkli

Futbolçuların maykaları “gül” və “kitab” pasajlarının arasında, Bakının mərkəzindəki ən populyar turist marşrutu olan Nizami (Torqovaya) küçəsi ilə Fəvvarələr meydanın birləşdirən Nigar Rəfibəyli küçəsində yerləşib. İlk dəfədir ki, Bakı bu cür yüksək səviyyəli futbol oyunlarına ev sahibliyi edəcək. Bakı Olimpiya stadionunda “A” qrupunun üç oyunu keçiriləcək: İsveçrə-Uels (12 iyun), Türkiyə-Uels (16 iyun) və İsveçrə - Türkiyə (20 iyun). Bundan əlavə, Azərbaycan paytaxtında iyulun 3-də AVRO-2020-nin 1/4 final oyunlarından biri də baş tutacaq.

  • Futbolçuların maykaları “gül” və “kitab” pasajlarının arasında asılıb
    Avropa çempionatının formalarının asıldığı küçələr, arxiv şəkli
    © Sputnik / Murad Orujov
  • Avropa çempionatının formalarının asıldığı küçələr, arxiv şəkli
    Avropa çempionatının formalarının asıldığı küçələr, arxiv şəkli
    © Sputnik / Murad Orujov
  • Futbolçuların köynəkləri Nigar Rəfibəyli küçəsində də göz oxşayır
    Futbolçuların köynəkləri Nigar Rəfibəyli küçəsində də göz oxşayır
    © Sputnik / Murad Orujov
1 / 3
© Sputnik / Murad Orujov
Avropa çempionatının formalarının asıldığı küçələr, arxiv şəkli

Avropanın Azərbaycan da daxil olmaqla 10 ölkəsinin 11 şəhərində keçiriləcək 16-cı Avropa çempionatı cümə günü, iyunun 11-də Romada İtaliya və Türkiyə millilərinin qarşılaşması ilə başlanacaq. Bakı hər oyun günü meydançada qarşılaşacaq komandaların təmsil etdikləri ölkələrlə fərdi əlaqə qurmağa imkan verəcək vizual təqdimat hazırlayıb. Stadionun yaxınlığında orkestr və təbilçilər oyunun başlanğıc fiti səslənmədən əvvəl azarkeşlərin əhval-ruhiyyəsini qaldıracaqlar.

© Sputnik / Murad Orujov
Avropa çempionatının formalarının "paradı"

Bakının lap mərkəzində yerləşən Heydər Əliyev Mərkəzi axşamlar xüsusi olaraq işıqlandırılacaq. Rəngli işıq proyeksiyaları Olimpiya stadionunda oynayacaq komandaların ölkələrində futbolun keçmişinə, bu gününə həsr olunacaq. AVRO-2020 arenasına daxil olana qədər azarkeşləri canlı musiqi ifa edən orkestrlər, artistlər və hətta transformerlər feyziyab edəcəklər. Stadionun bilavasitə önündə təşkilatçılar turnirin qonaqlarına həm böyüklər, həm də uşaqlar üçün müxtəlif oyun tipli tədbirlərdə iştirak etməyi təklif edəcəklər.

15

Çempionlar Liqasının püşkü atıldı, Bakı klubunun rəqibi bilindi

9
(Yenilənib 14:35 15.06.2021)
İyunun 16-da isə Çempionlar Liqası və Konfrans Liqasında II təsnifat mərhələsinin püşkü atılacaq. Ölkəmizin 4 komandası rəqiblərini tanıyacaq.

BAKI, 15 iyun - Sputnik. Çempionlar Liqasında I təsnifat mərhələsinin püşkü atılıb.

Sputnik Azərbaycan apasport.az-a istinadən bildirir ki, Bakının “Neftçi” klubunun avrokubok mövsümündəki ilk rəqibi müəyyənləşib.

Paytaxt təmsilçisi “Dinamo” (Tbilisi, Gürcüstan) ilə qarşılaşacaq. Komandalar arasında ilk oyun iyulun 6-7-də, cavab görüşü 13-14-də keçiriləcək. “Neftçi” mövsümə səfərdə başlayacaq.

Qeyd edək ki, sabah Çempionlar Liqası və Konfrans Liqasında II təsnifat mərhələsinin püşkü atılacaq. “Neftçi”nin hər iki turnirdəki mümkün rəqibləri, həmçinin qitənin 3-cü dərəcəli klub turnirində ilk raunddan azad olan “Keşlə”, “Qarabağ” və “Sumqayıt”ın qarşılaşacağı komandalar bilinəcək.

Eləcə də oxuyun:

  • AVRO-2020: İspaniya və İsveç arasında çempionatın ilk qolsuz heç-heçəsi qeydə alındı

  • Uels yığmasının oyunçusu: Bakıda bizi Türkiyə yığmasına qarşı çətin oyun gözləyir

  • Azərbaycanı avrokuboklarda yenə bu klublar təmsil edəcək

9
Teqlər:
rəqib, püşkatma, Neftçi, Çempionlar Liqası
Нападающий сборной Швеции Александер Исак

AVRO-2020: İspaniya İsveç arasında çempionatın ilk qolsuz heç-heçəsi qeydə alındı

391
(Yenilənib 01:10 15.06.2021)
Futbol üzrə Avropa çempionatında E qrupunda ilk turdan sonra birinci yerə gözlənilmədən Slovakiya millisi çıxıb.

BAKI, 15 iyun - Sputnik. AVRO-2020-də E qrupunda ilk görüşünə çıxan İspaniya yığması öz meydanında İsveçlə qarşılaşıb.

Sevilyadakı Olimpiya Stadionunda təşkil olunmuş görüş heç-heçə ilə yekunlaşıb - 0:0. Bu, AVRO-2020-də yeganə qolsuz matç olub.

Oyuna 10 559 azarkeş canlı baxıb.

Noyabrın 25-də 19 yaşı tamam olacaq İspaniya yığmasının yarımmüdafiəçisi Pedri milli komandasının heyətində Avropa çempionatında oynamış ən gənc futbolçu olub.

E qrupunda turun digər görüşündə Slovakiya Polşanı 2:1 hesabı ilə məğlub edib.

İspaniya yığması Avropa çempionatının növbəti oyununda iyunun 19-da Sevilyada Polşa yığması ilə qarşılaşacaq. İsveç millisi iyunun 18-də Sankt-Peterburqda slovaklarla oynayacaq.

391
Prezident İlham Əliyevlə Türkiyə Prezidenti Rəcəb Tayyib Ərdoğan arasında Şuşada görüşü, 15 iyun 2021-ci il

Azərbaycan Türkiyə arasında müttəfiqlik haqqında Şuşa Bəyannaməsi imzalanıb

2311
(Yenilənib 17:25 15.06.2021)
İlham Əliyev və Rəcəb Tayyib Ərdoğan “Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi” imzalayıblar.

BAKI, 15 iyun - Sputnik. İyunun 15-də Şuşada Azərbaycan Respublikasının Prezidenti İlham Əliyevin və Türkiyə Respublikasının Prezidenti Rəcəb Tayyib Ərdoğanın təkbətək görüşündən sonra “Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi” imzalanıb.

Azərbaycan üçün çox önəmli bir tarixdə - Milli Qurtuluş Günündə, Qars müqaviləsindən yüz il sonra iki dost və qardaş ölkə arasında imzalanan müttəfiqlik münasibətlərinə dair Şuşa Bəyannaməsini prezidentlər İlham Əliyev və Rəcəb Tayyib Ərdoğan imzalayıblar.

15:34

Ali qonağın Şuşada rəsmi qarşılanma mərasimi olub

Azərbaycan Respublikasına rəsmi səfərə gələn Türkiyə Respublikasının Prezidenti Rəcəb Tayyib Ərdoğanın iyunun 15-də Şuşada rəsmi qarşılanma mərasimi olub.

Sputnik Azərbaycan AZƏRTAC-a istinadən xəbər verir ki, hər iki ölkənin dövlət bayraqlarının dalğalandığı meydanda Türkiyə Prezidentinin şərəfinə fəxri qarovul dəstəsi düzülmüşdü.

  • Prezident İlham Əliyevlə Türkiyə Prezidenti Rəcəb Tayyib Ərdoğan arasında Şuşada görüşü, 15 iyun 2021-ci il
    © Official website of President of Azerbaijan Republic
  • Prezident İlham Əliyevlə Türkiyə Prezidenti Rəcəb Tayyib Ərdoğan arasında Şuşada görüşü, 15 iyun 2021-ci il
    © Official website of President of Azerbaijan Republic
  • Prezident İlham Əliyevlə Türkiyə Prezidenti Rəcəb Tayyib Ərdoğan arasında Şuşada görüşü, 15 iyun 2021-ci il
    © Official website of President of Azerbaijan Republic
1 / 3
© Official website of President of Azerbaijan Republic
Prezident İlham Əliyevlə Türkiyə Prezidenti Rəcəb Tayyib Ərdoğan arasında Şuşada görüşü, 15 iyun 2021-ci il

Azərbaycan Prezidenti İlham Əliyev və birinci xanım Mehriban Əliyeva Türkiyə Prezidenti Rəcəb Tayyib Ərdoğanı və birinci xanım Əminə Ərdoğanı qarşıladılar.

Fəxri qarovul dəstəsinin rəisi Türkiyə Prezidentinə raport verdi.

Türkiyə Prezidenti Azərbaycan əsgərlərini salamladı.

Prezident İlham Əliyev və Prezident Rəcəb Tayyib Ərdoğan fəxri qarovul dəstəsinin qarşısından keçdilər.

Türkiyə Respublikasının və Azərbaycan Respublikasının dövlət himnləri səsləndi.

Fəxri qarovul dəstəsi hərbi marşın sədaları altında Azərbaycan Prezidenti İlham Əliyevin və Türkiyə Prezidenti Rəcəb Tayyib Ərdoğanın qarşısından keçdi.

Dövlət başçıları rəsmi foto çəkdirdilər.

--------

13:24

İyunun 15-də Türkiyə Respublikasının Prezidenti Rəcəb Tayyib Ərdoğan Şuşa şəhərinə yola düşüb.

Sputnik Azərbaycan AZƏRTAC-a istinadən xəbər verir ki, Azərbaycan Respublikasının Prezidenti İlham Əliyev Türkiyə Prezidenti Rəcəb Tayyib Ərdoğanı və xanımı Əminə Ərdoğanı Füzuli rayonunda qarşılayıb.

© Official website of President of Azerbaijan Republic
Prezident İlham Əliyevlə Türkiyə Prezidenti Rəcəb Tayyib Ərdoğan arasında Füzulidə görüş

--------

13:09

Azərbaycana rəsmi səfərə gələn Türkiyə Prezidenti Rəcəb Tayyib Ərdoğan Şuşaya gedir. Sputnik Azərbaycan-ın məlumatına görə, bu barədə Türkiyə Prezidentinin sözçüsü İbrahim Kalın Twitter hesabından məlumat verib.

"NATO sammitinin ardından Azərbaycanın tarix və mədəniyyət paytaxtı Şuşaya gedirik. Qarabağ zəfərini taclandıran bu ziyarət Türkiyə-Azərbaycan bağlarını daha da gücləndirəcək və dərinləşdirəcək. Qafqazın tarixi inanc, əzm və cəsarətlə yenidən yazılır", - İ.Kalın qeyd edib.

Şuşada Azərbaycan və Türkiyə dövlət başçılarının təkbətək görüşü, sonra isə Ərdoğanın sözlərinə görə, iki ölkə arasında ən böyük razılaşmanın imzalanması nəzərdə tutulur. Sonra isə KİV-in məlumatına görə, prezidentlər birgə mətbuat konfransı keçirəcəklər. 

Bundan sonra Ərdoğan Şuşada gəzintiyə çıxacaq. 

Türkiyə Prezidenti Rəcəb Tayyib Ərdoğanın Azərbaycana səfəri çərçivəsində Milli Məclisdə çıxış edəcəyi də gözlənilir. Bu barədə Sputnik Azərbaycan-a açıqlamasında millət vəkili Fazil Mustafa bildirib.

--------

08:02

Türkiyə Respublikasının Prezidenti Rəcəb Tayyib Ərdoğan iyunun 15-də Azərbaycan Respublikasına rəsmi səfərə gəlib.

© Photo : AZƏRTAC
Türkiyə Prezidenti Rəcəb Tayyib Ərdoğan Azərbaycana rəsmi səfəri zamanı

Sputnik Azərbaycan xəbər verir ki, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülmüşdü.

© Photo : AZƏRTAC
Türkiyə Prezidenti Rəcəb Tayyib Ərdoğan Azərbaycana rəsmi səfəri zamanı

Türkiyə Prezidenti Rəcəb Tayyib Ərdoğanı və xanımı Əminə Ərdoğanı hava limanında Azərbaycan Respublikası Baş nazirinin birinci müavini Yaqub Eyyubov, xarici işlər nazirinin müavini Xələf Xələfov və digər rəsmi şəxslər qarşıladılar.

2311