Teymur Rəcəbov, arxiv şəkli

Teymur Rəcəbov: 2014-cü ildən bitkoinə investisiya qoyuram

1519
(Yenilənib 16:36 10.06.2021)
Şahmat üzrə Dünya Kubokunun sahibi Teymur Rəcəbov kriptovalyutaya münasibəti barədə danışaraq onu heç-heçə oyunların sayının çoxluğuna görə tənqid edənlərə cavab verib.

BAKI, 10 iyun — Sputnik. Azərbaycanlı qrossmeyster Teymur Rəcəbov 2014-cü ildən bitkoinə investisiya yatırır və kriptovalyutanın işıqlı gələcəyinə inanır. Bunu Rəcəbov Sputnik Azərbaycanın idman şərhçisi Teymur Tuşiyevə müsahibəsində etiraf edib.

Rəcəbov dünya çempionu Maqnus Karlsenin (Norveç) təşəbbüsü ilə təşkil edilən Champions Chess Tour seriyasının bir hissəsi sayılan FTX Crypto Cup onlayn turnirində dördüncü yeri tutub. Seriyanın ümumi mükafat fondu 1,5 milyon dollara ( 2,5 milyon manat) bərabər idi.

FTX Crypto Cup turnirinin əsas xüsusiyyəti mükafat fondunun 2,18 bitkoindən ibarət olması idi ki, bu da hazırkı valyuta kursu ilə 81 min dollara (137,7 min manat) bərabərdir.

Yarışda dördüncü yeri tutan azərbaycanlı şahmatçı 0,15 bitkoin əldə edə bilib.

Sputnik Azərbaycan-a verdiyi müsahibəsində Rəcəbov etiraf edib ki, bu məbləğ onun üçün stimul rolunu oynamır, çünki artıq çoxdan kriptovalyutaya yatırım edir.

"Mən çoxdan bu işlə məşğulam. Bu, 0,15 bitkoin, necə deyim, mənim üçün stimul deyil (gülür). Biz 2014-cü ildən bu işin içindəyik", – deyə Rəcəbov bildirib.

Xatırladaq ki, kriptovalyutanın, özü də məhz bitkoinin ilk bumu 2013-cü ilin sonu 2014-cü ilin əvvəllərinə təsadüf edirdi. Xüsusən də 2013-cü ilin dekabr ayında bitkoinin kursu həmin dövr üçün rekord sayılan 1242 dollara çatmışdı, amma bundan sonra bir qədər aşağı düşdü.

Son bir neçə il ərzində bitkoin sürətlə dəyər qazandı və bir sıra dalğalanmalardan sonra hazırda 40 min dollara (68 min manat) bərabər tutulur. Azərbaycanlı şahmatçı etiraf edir ki, bazardakı bu güclü dalğalanmalardan o da əziyyət çəkib.

"Müxtəlif dövrlər oldu, çətin və xoşbəxtlik gətirən (gülümsəyir). Ancaq mən bitkoinin gələcəyinə şübhə etmirəm", – deyə Rəcəbov əlavə edib.

Yeri gəlmişkən, bu günlərdə Teymur Rəcəbov digər azərbaycanlı qrossmeyster Şəhriyar Məmmədyarovla birlikdə Buxarestdə (Rumınya) adi formatda keçirilən "Grand Chess Tour" seriyasındakı turnirdə iştirak edir. Dörd start raundunda Rəcəbov həmyerlisi Şəhriyar Məmmədyarovla oyun da daxil olmaqla, bütün qarşılaşmaları heç-heçə başa vurub. Bundan sonra sosial şəbəkələrdə Rəcəbovun ünvanına tənqidi fikirlər səslənib, onun lazımı nəticə göstərə bilmədiyi vurğulanıb. Şahmatçı özü isə bu vəziyyəti turnirin ağır qrafiki ilə izah edir.

"Qrafik çox ağırdır, həddən çox turnir var. Pandemiyaya kimi bir ildə cəmi bir neçə turnirdə iştirak edirdimsə, indi hər ay hansısa yarış olur və bu adamı çox yorur. Sözsüz ki, oyunların heç-heçə nəticələnməsi mənim özümün də xoşuma gəlmir. Ancaq şahmat elə oyundur ki, həmişə öz üzərində işləməlisən", – deyə Rəcəbov vurğulayıb.

Bununla belə, o, ünvanına səslənən tənqidlərdən qətiyyən narahat deyil, çünki insanların haqqında nə danışdıqları onu maraqlandırmır. Şahmatçı Buxarestdə yaxşı nəticə göstərəcəyinə inanır.

"Düzdür, hələ də özümü yorğun hiss eləyirəm. Baxaq görək, daha yaxşı nəticə göstərmək üçün növbəti turnirlərə enerji toplaya biləcəyəm, ya yox. Prinsipcə, üslubum buna imkan verir", – deyə Rəcəbov əlavə edib.

2019-cu il Dünya Kubokunun qalibi daha sonra öz "Twitter" hesabında xatırladıb ki, o, şahmat tarixinin bir parçasıdır.

"Sizin xoşunuza gəlməyə bilərəm. Düzünü desəm, mənim üçün bunun bir o qədər də fərqi yoxdur. Ancaq hər bir şahmatçını və bu oyunu sevən hər kəsi özümə dost sayıram. Bunu yaddan çıxartmayın! Xoşunuza gəlsə də, gəlməsə də, mən şahmat tarixinin bir parçasıyam", – Rəcəbov öz hesabında yazıb.

Həmçinin oxuyun:

Teymur Rəcəbovun qurbanı Şəhriyar Məmmədyarova rəqib oldu

Teymur Rəcəbov rəqiblərini qabaqladı: həm sırada, həm pulda

1519
Футболист сборной Португалии Криштиану Роналду.

Ronaldu Avropa çempinatlarında vurduğu qolların sayına görə Platininin rekordunu vurub

10
(Yenilənib 22:33 15.06.2021)
Portuqaliya yığmasının kapitanı Avropa çempionatları tarixində bombardirlər arasında liderliyi ələ alıb.

Futbol üzrə Portuqaliya millisinin hücumçusu Kriştianu Ronaldu Avropa çemionatlarının final mərhələlərində vurulan qolların sayına görə Mişel Platininin rekordunu təzələyib.

Çərşənbə axşamı Ronaldu AVRO-2020-bib qrup mərhələsində Budapeştdə keçirilən oyunun 87-ci dəqiqəsində penaltini qola çevirib. Daha sonra o bir qol da vuraraq hesabı 3:0 portuqaliyalıların xeyrinə çatdırıb.

Penaltidən vurulan qol 36 yaşlı hücumçunun AVRO final mərhələlərində vurduğu sayca onuncu qol olub. Beləliklə, Ronaldu 1984-cü ilin Avropa çempionu, hesabında 9 qol olan Fransa yığmasının o vaxtkı oyunçusu Mişel Platinini geridə qoyub.

İndi rekord 11 qoldur.

Portuqaliyalı Avropa çempionatının final mərhələlərində özünün 22-ci oyununa çıxıb.

Xatırladaq ki, Ronaldo daha bir rekorda imza atıb. Belə ki, bu hücumçunun oynadığı sayca beşinci Avropa çempionatıdır. Ronaldu Avropa birinciliklərində 2004-cü ildən meydana çıxır və milli komandanın tərkibində gümüş (2004, Portuqaliya), bürünc (2012, Polşa və Ukrayna) və qızıl (2016, Fransa) medallara sahib olub.

10
Şenol Günəş, arxiv şəkli

Şenol Günəş Türkiyə millisinin qrupdan çıxmaq şanslarını dəyərləndirib

7
(Yenilənib 22:38 15.06.2021)
Türkiyə yığmasının baş məşqçisi Şenol Günəş oyundan əvvəlki mətbuat konfransında Uels ilə qarşılaşmanın onun komandası üçün finala bərabər olacağını bəyan edib.

BAKI, 15 iyun - Sputnik. Baş məşqçi Şenol Günəş Türkiyə millisinin Bakıda özünü evdə kimi hiss etdiyini və Azərbaycana isti qarşılanmaya görə minnətdar olduqlarını bildirib. Bu barədə o, Uels ilə sabahkı oyundan qabaq keçirilən mətbuat konfransında deyib.

İyunun 16-da A qrupunda AVRO-2020-nin qrup mərhələsinin ikinci turunun oyunları olacaq. Bakı Olimpiya stadionunda Türkiyə millisi Uels komandası ilə, Romada isə İtaliya İsveçrə yığması ilə oynayacaq. İlk turda türklər italyanlara məğlub olublar (0:3), isveçrəlilər isə uelslilərlə heç-heçə oynayıblar (1:1).

KİV nümayəndələri ilə ünsiyyətinin əvvəlində Türkiyə yığmasının baş məşqçisi Azərbaycana isti qəbula görə minnətdarlıq edib.

"İlk növbədə, azərbaycanlı qardaşlarımıza təşəkkür edirəm, biz burada özümüzü evimizdəki kimi hiss edirik. Çox gözəl və rahat stadiondur və ümid edirəm ki, bizim üçün uğurlu olacaq. Biz artıq İtaliya ilə oyun barədə düşünmürük, bütün fikirlərimiz gələcəyə yönəlib. Uelslə oyun bizim üçün çox mühümdür. Faktiki olaraq bu  bizim üçün final oyunu olacaq", - Günəş deyib.

Mütəxəssis hesab edir ki, onun komandasının qrupdan çıxmaq üçün yaxşı şansları var.

7
Qarabağda döyüşən livanlı muzdlu terrorçu Eulcekcian Viken Abrahamın cinayət işi üzrə prosess

Bakıda 14 erməni terrorçunun məhkəməsi başlayır

5
Əfqan Hacıyevin sədrliyi ilə keçiriləcək məhkəmədə təqsirləndirilən şəxslərin anket məlumatları dəqiqləşdiriləcək və cinayət işi məhkəmə baxışına təyin ediləcək.

BAKI, 16 iyun — Sputnik. Bu gün Azərbaycan ərazisində terror-təxribat və digər əməllər törətməkdə təqsirləndirilən erməni silahlı dəstələrinin 14 üzvü - Avakyan Qraç Arzumanoviç, Serobyan Geğam Samveloviç, Baqasyan Armen Yegizari, Qasparyan Qor Vaqramini, Sefilyan Kamo Karenoviç, Hakobyan Volodiya Vaçaqani, Asetryan Gevorq Norairoviç, Yenqoyan Sisak Qrişai, Petrosyan Albert Kamoyeviç, Sedrakyan Romik Misakini, Minasyan Aram Qarnikoviç, Minosyan Mkrtıç Simonoviç, Matesyan Edqar Vaçaqanoviç və Karapetyan Yuri Tiqranoviçin cinayət işi üzrə məhkəmə prosesi başlayır.

Sputnik Azərbaycan xəbər verir ki, proses Bakı Ağır Cinayətlər Məhkəməsində keçiriləcək.

Əfqan Hacıyevin sədrliyi ilə keçiriləcək məhkəmədə təqsirləndirilən şəxslərin anket məlumatları dəqiqləşdiriləcək və cinayət işi məhkəmə baxışına təyin ediləcək.

Xatırladaq ki, 10 noyabr 2020-ci il tarixində Azərbaycan, Rusiya və Ermənistan arasında imzalanmış üçtərəfli bəyanatla atəşkəsin elan olunmasından sonra Azərbaycan Respublikasının ərazisinə qanunsuz olaraq gizli yollarla keçib Xocavənd rayonunun Hadrut qəsəbəsinin şimal-qərb hissəsində meşəlik ərazidə mövqe tutaraq hərbi qulluqçularımıza və mülki şəxslərə qarşı terror-təxribat və digər cinayət əməlləri törədən erməni silahlı dəstələrinin Dövlət Təhlükəsizliyi Xidməti tərəfindən 13 dekabr 2020-ci il tarixdə keçirilmiş anti-terror əməliyyatı nəticəsində tərksilah edilmiş üzvləri barəsində DTX-nin İstintaq Baş idarəsində başlanmış cinayət işi üzrə ibtidai istintaq yekunlaşıb.

Aparılmış istintaqla müəyyən edilib ki, Ermənistan Respublikasının vətəndaşlarından ibarət bir qrup şəxs qanunsuz şəkildə odlu silah, onun komplekt hissələrini, döyüş sursatı, partlayıcı maddələr və qurğular əldə edərək qanunvericiliklə nəzərdə tutulmayan silahlı birləşmələr yaradıblar. Həmin birləşmələrin üzvləri 26-27 noyabr 2020-ci il tarixdə Azərbaycan Respublikasının dövlət sərhədini qanunsuz olaraq mütəşəkkil dəstə halında keçməklə Xocavənd rayonunun Hadrut qəsəbəsinin şimal-qərb hissəsində meşəlik və digər ərazilərində döyüş mövqeləri tutaraq 13 dekabr 2020-ci il tarixədək olan müddət ərzində ölkə ərazisində yerləşən müəssisə, idarə, təşkilatlara, habelə ayrı-ayrı şəxslərə silahlı basqınlar etmiş, ictimai təhlükəsizliyi pozmaq, əhali arasında vahimə yaratmaq, Azərbaycan Respublikasının dövlət hakimiyyət orqanları və beynəlxalq təşkilatlar tərəfindən qərar qəbul edilməsinə təsir göstərmək məqsədilə insanların həlak olması, onların sağlamlığına zərər vurulması, əhəmiyyətli əmlak ziyanının vurulması və başqa ictimai təhlükəli nəticələrin baş verməsi təhlükəsi yaradan partlayış, yanğın və digər terror əməlləri törədiblər.

Sadalanan faktlarla bağlı qanunsuz silahlı birləşmənin üzvləri Avakyan Qraç Arzumanoviç, Serobyan Geğam Samveloviç və digərlərinin, ümumilikdə 14 təqsirləndirilən şəxsin Azərbaycan Respublikası Cinayət Məcəlləsinin 214.2.1, 214.2.3-cü (terrorçuluq, qabaqcadan əlbir olan bir qrup şəxs, mütəşəkkil dəstə və ya cinayətkar birlik (cinayətkar təşkilat) tərəfindən odlu silahdan və silah qismində istifadə olunan predmetlərdən istifadə etməklə törədildikdə), 228.3-cü (mütəşəkkil dəstə tərəfindən qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, saxlama, daşıma və gəzdirmə), 279.2-ci (qanunvericiliklə nəzərdə tutulmayan silahlı birləşmələrin və ya qrupların tərkibində müəssisələrə, idarələrə, təşkilatlara və ya ayrı-ayrı şəxslərə basqın etmə) və 318.2-ci (qabaqcadan əlbir olan bir qrup şəxs və ya mütəşəkkil dəstə tərəfindən Azərbaycan Respublikasının dövlət sərhədini qanunsuz olaraq keçmə) maddələri ilə ittiham olunmalarına dair cinayət işinin istintaqı yekunlaşdırılaraq Azərbaycan Respublikası Baş Prokurorunun müavini tərəfindən təsdiq edilmiş ittiham aktı ilə birlikdə baxılması üçün məhkəməyə göndərilib.

DTX-nın aniterror əməliyyatı

Qeyd edək ki, Dövlət Təhlükəsizliyi Xidməti tərəfindən 13 dekabr 2020-ci il tarixdə keçirilmiş antiterror əməliyyatı nəticəsində tərksilah edilmiş Ermənistan Respublikasının vətəndaşları olan silahlı dəstələrin üzvləri barəsində DTX-nin İstintaq Baş idarəsində başlanmış cinayət işi üzrə ibtidai istintaq yekunlaşıb.

İstintaq nəticəsində müəyyən edilib ki, cinayətkar silahlı birləşmələrin üzvləri 2020-ci ilin 26-27 noyabr tarixlərində Azərbaycan Respublikasının dövlət sərhədini qanunsuz olaraq mütəşəkkil dəstə halında keçməklə Xocavənd rayonunun Hadrut qəsəbəsinin şimal-qərb hissəsində meşəlik və digər ərazilərində döyüş mövqeləri tutaraq 13 dekabr 2020-ci il tarixədək olan müddət ərzində ölkə ərazisində yerləşən müəssisə, idarə, təşkilatlara, habelə ayrı-ayrı şəxslərə silahlı basqınlar edib, ictimai təhlükəsizliyi pozmaq, əhali arasında vahimə yaratmaq, Azərbaycan Respublikasının dövlət hakimiyyət orqanları və beynəlxalq təşkilatlar tərəfindən qərar qəbul edilməsinə təsir göstərmək məqsədilə insanların həlak olması, onların sağlamlığına zərər vurulması, əhəmiyyətli əmlak ziyanının vurulması və başqa ictimai təhlükəli nəticələrin baş verməsi təhlükəsi yaradan partlayış, yanğın və digər terror əməlləri törədiblər.

Məlumat verildiyi kimi, silahlı dəstənin əvvəlcə 14, sonra isə daha 13 nəfər üzvü barəsində cinayət işinin istintaqı yekunlaşdırılaraq təsdiq edilmiş ittiham aktı ilə birlikdə baxılması üçün məhkəməyə göndərilib.

Sadalanan faktlarla bağlı qanunsuz silahlı birləşmənin digər üzvlərinin – Mikaelyan Andranik Vazgenoviç, Soğomonyan Setrak Samveloviç, Karapetyan Rafik Robertoviç və qeyriləri də daxil olmaqla, ümumilikdə daha 26 təqsirləndirilən şəxsin Azərbaycan Respublikası Cinayət Məcəlləsinin 214.2.1, 214.2.3-cü (terrorçuluq, qabaqcadan əlbir olan bir qrup şəxs, mütəşəkkil dəstə və ya cinayətkar birlik (cinayətkar təşkilat) tərəfindən odlu silahdan və silah qismində istifadə olunan predmetlərdən istifadə etməklə törədildikdə), 228.3-cü (mütəşəkkil dəstə tərəfindən qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, saxlama, daşıma və gəzdirmə), 279.2-ci (qanunvericiliklə nəzərdə tutulmayan silahlı birləşmələrin və ya qrupların tərkibində müəssisələrə, idarələrə, təşkilatlara və ya ayrı-ayrı şəxslərə basqın etmə) və 318.2-ci (qabaqcadan əlbir olan bir qrup şəxs və ya mütəşəkkil dəstə tərəfindən Azərbaycan Respublikasının dövlət sərhədini qanunsuz olaraq keçmə) maddələri ilə ittiham olunmalarına dair cinayət işinin istintaqı yekunlaşdırılaraq Azərbaycan Respublikasının Baş prokurorunun müavini tərəfindən təsdiq edilmiş ittiham aktı ilə birlikdə baxılması üçün məhkəməyə göndərilib.

5