Rusiya yığmasının oyunçuları

Rusiya Ukrayna komandaları AVRO-2020-də qarşılaşa bilərmi?

968
(Yenilənib 12:23 08.06.2021)
Komandaların final oyununda qarşılaşma ehtimalı da var. Bunun üçün onlar öz qruplarında eyni yeri tutmalı, daha sonra isə bütün Pley-off mərhələlərini uğurla keçməlidirlər.

BAKI, 8 iyun — Sputnik. AVRO-2020 çərçivəsində futbol üzrə Rusiya və Ukrayna yığma komandaları bu həftə oyunlara başlayacaq. Rusiya komandası B qrupunda iyunun 12-də Belçika, iyunun 16-da Finlandiya, iyunun 21-də isə Danimarka komandaları ilə qarşılaşacaq. İlk iki oyununu Rusiya millisi Sankt-Peterburqda, doğma meydançada keçirəcək.

Ukrayna komandası isə C qrupunda iyunun 13-də Niderland, iyunun 17-də Şimali Makedoniya, iyunun 21-də isə Avstriya millisinə qarşı oynayacaq.

Rusiya və Ukrayna millilərinin 1/8 final mərhələsində üz-üzə gəlmək şansı yoxdur. Bu mərhələni keçdikdən sonra, 1/4 finalda adı çəkilən komandalar o halda qarşılaşa bilər ki, rusiyalılar B qrupunda qalib olsunlar, ukraynalılar isə öz qrupunda ikinci yeri tutsunlar. Yaxud əksinə, Rusiya komandası qrupun 2-cisi, Ukrayna millisi isə öz qrupunun qalibi olsun. Həm də komandaların Sankt-Peterburqda üz-üzə gəlməsi ehtimalı da yoxdur.

Lakin komandalardan hansısa biri 1/4 finalda Rusiyada oyun keçirə bilər. Bunun üçün komandalardan biri öz qrupunda 3-cü yerdə qərar tutmalı və sonradan təşkil olunacaq reytinq qrupuna düşməlidir.

Yarımfinal mərhələsində komandaların üz-üzə gəlmək ehtimalı var. Bunun üçün Rusiya komandası öz qruunda 1 və ya 2-ci yeri tutmalı, daha sonra 1/8 və 1/4 mərhələsini keçməli, Ukrayna millisi isə C qrupunda oyunları 3-cü yerdə bitirməlidir. Yaxud əksinə, Rusiya komandası öz qrupunun 3-cüsü, Ukrayna komandası isə C qrupunun qalibi və ya 2-cisi olmalıdır.

Qeyd edək ki, 6 qrupda 3-cü yeri tutmuş komandalardan yalnız dördü mübarizəni davam etdirmək üçün reytinq qrupuna düşə biləcək və bu komandalar yalnız qrup mərhələsi başa çatdıqdan sonra məlum olacaq.

Rusiya və Ukrayna komandalarının final oyununda qarşlaşma ehtimalı da var. Bunun üçün həm Rusiya, həm də Ukrayna millisi öz qruplarında eyni yeri tutmalı, daha sonra isə bütün Pley-off mərhələlərini uğurla keçməlidirlər.

Xatlırladaq ki, futbol üzrə AVRO-2020 oyunları iyunun 11-dən iyulun 11-dək, 11 şəhərdə keçiriləcək.

968
Нападающий сборной Швеции Александер Исак

AVRO-2020: İspaniya İsveç arasında çempionatın ilk qolsuz heç-heçəsi qeydə alındı

6
(Yenilənib 01:10 15.06.2021)
Futbol üzrə Avropa çempionatında E qrupunda ilk turdan sonra birinci yerə gözlənilmədən Slovakiya millisi çıxıb.

BAKI, 15 iyun - Sputnik. AVRO-2020-də E qrupunda ilk görüşünə çıxan İspaniya yığması öz meydanında İsveçlə qarşılaşıb.

Sevilyadakı Olimpiya Stadionunda təşkil olunmuş görüş heç-heçə ilə yekunlaşıb - 0:0. Bu, AVRO-2020-də yeganə qolsuz matç olub.

Oyuna 10 559 azarkeş canlı baxıb.

Noyabrın 25-də 19 yaşı tamam olacaq İspaniya yığmasının yarımmüdafiəçisi Pedri milli komandasının heyətində Avropa çempionatında oynamış ən gənc futbolçu olub.

E qrupunda turun digər görüşündə Slovakiya Polşanı 2:1 hesabı ilə məğlub edib.

İspaniya yığması Avropa çempionatının növbəti oyununda iyunun 19-da Sevilyada Polşa yığması ilə qarşılaşacaq. İsveç millisi iyunun 18-də Sankt-Peterburqda slovaklarla oynayacaq.

6
Slovakiya millisinin futbolçuları, arxiv şəkli

Slovakiya yığması AVRO- 2020-də Polşa millisinə qalib gəlib

21
(Yenilənib 22:38 14.06.2021)
Futbol üzrə Slovakiya yığma komandası Avropa çemionatının qrup mərhələsindəki ilk oyununda Polşa millisini məğlub edib.

BAKI, 14 iyun — Sputnik. AVRO-2020-nin "E" qrupunda keçirilən oyunda Slovakiya yığması Polşa millisinə qalib gəlib. 18-ci dəqiqədə slovakiyalı yarımmüdafiəçi Robert Makın zərbəsindən sonra top qapı tirinə dəyib, sonra isə polyak qapıçı Voysex Şensnıya toxunaraq qapıya daxil olub. Bununla da Şensnı Avropa çempionatı oyunlarında hesabına avtoqol yazılmış ikinci qapıçı olub.

Polşa millisi bunun əvəzini 46–cı dəqiqədə Karol Linettinin qolu ilə çıxıb. Slovak Milan Şkrinyar isə 69-cu dəqiqədə vurduğu qolla oyunun nəticəsində son nöqtəni qoyub.

Oyunun 62-ci dəqiqəsində iki sarı vərəqədən sonra Polşa millisinin oyunçusu Qjeqoj Krıxovyak meydandan qovulub.

Oyunu stadionda 12 862 tamaşaçı izləyib.

Qeyd edək ki, bu, Slovakiya millisinin Avropa çempionatlarının final mərhələsindəki ikinci qələbəsidir. 2016-cı ildə slovaklar Rusiya millisini 2:1 hesabı ilə məğlub ediblər.

Bu gün Sevilyada "E" qrupunun daha bir oyunu keçiriləcək. İspaniya komandası İsveç millisi ilə qarşılaşacaq.

İyunun 18-də, qrup mərhələsinin ikinci turunda Slovakiya millisi İsveç komandaı ilə Sankt-Peterburqda, bir gün sonra isə Polşa millisi ispanlarla Sevilyada qarşılaşacaq.

21