Azərbaycan millisinin futbolçuları, arxiv şəkli

İtalyan məşqçilərin dueli uğursuz "güzgü effekti": millimiz uduzdu

30
Altıncı ayın altıncı günündəki altıncı sınaq futbol üzrə Azərbaycan millisi üçün uğurlu alınmayıb. Bu günədək keçirilən 5 oyunun 2-də millimiz qalib gəlmiş, ancaq bir dəfə uduzmuşdu.

BAKI, 6 iyun - Sputnik. Canni de Byazinin yetirmələri Moldovada meydan sahibləri ilə üz-üzə gəliblər. Kişinyovdakı qarşılaşma italiyalı məşqçilərin dueli kimi diqqət çəkib. De Byazinin başçılıq etdiyi milli vaxtilə ölkəmizdə “Neftçi”ni çalışdıran həmyerlisi Roberto Bordinin komandası ilə qarşılaşıb.

Son 4 görüşdə meydanı qolsuz tərk etməyən yığmamız uğurlu seriyanın davamını gətirə bilməyib. Ev sahiblərinin 8-ci dəqiqədə vurduğu yeganə qola komandamız qarşılıq verə bilməyib. Bu da 0:1 hesablı məğlubiyyətə səbəb olub.

Yoldaşlıq oyunu
6 iyun
20:00. Moldova – Azərbaycan - 1:0
Qol: Vitalie Damaşcan, 8
Baş hakim: Marian Aleksandru Barbu (Rumıniya)

---------

09:37

Futbol üzrə Azərbaycan millisi bu gün təlim-məşq toplanışı çərçivəsində sonuncu yoldaşlıq oyununu keçirəcək.

Sputnik Azərbaycan bildirir ki, Canni De Byazinin yetirmələri bu gün Moldova yığmasının oyunçuları ilə qüvvələrini sınayacaqlar.

Kişinyovdakı "Zimbru" stadionunda oynanılacaq matç Bakı vaxtı ilə 20:00-da başlanacaq.

Azərbaycan və Moldova milliləri indiyədək 10 dəfə qarşı-qarşıya gəliblər. Bunlardan səkkizi yoldaşlıq, ikisi dünya çempionatının seçmə mərhələsinin oyunları olub. Millimiz bu qarşılaşmaların ikisində, rəqibi isə üçündə qalib gəlib. Digər oyunlar heç-heçə bitib.

Xatırladaq ki, yoldaşlıq görüşləri çərçivəsində mayın 27-də qonağı olduğu Türkiyə yığmasına 1:2 hesabı ilə uduzan Azərbaycan yığma komandası iyunun 2-də Minskdə Belarusu eyni hesabla məğlub edib.

Altıncı ayın altıncı günündə altıncı sınaq

İyunun 6-sı millimiz üçün maraqlı günlərdəndir. Apasport.az yazır ki, bugünkü oyun millimizin iyunun 6-da keçirəcəyi 6-cı matç olacaq. Altıncı ayın altıncı günündəki altıncı sınaq ərəfəsində bu tarix komanda üçün uğurlu sayılır.

Milli üçün müsbət nəticələrlə əlamətdar olan nadir günlərdən birindəki 5 qarşılaşmada yalnız bir məğlubiyyət qeydə alınıb. Digər görüşlərdə isə 2 qələbə və 2 heç-heçə var. 

Hər iki qələbə iki top fərqi ilə gerçəkləşib. Yeganə mənfi məqam nəticələrin getdikcə pisləşməsidir. İlk iki oyun qələbə ilə bitibsə, ardınca iki heç-heçə və ən son sınaqda məğlubiyyət qeydə alınıb.

6 iyun 1993. Tehran. BT. Azərbaycan – Tacikistan – 2:0
6 iyun 2001. Bakı. DÇ. Azərbaycan – Slovakiya – 2:0
6 iyun 2004. Riqa. YO. Latviya – Azərbaycan – 2:2
6 iyun 2007. Almatı. AÇ. Qazaxıstan – Azərbaycan – 1:1
6 iyun 2009. Bakı. DÇ. Azərbaycan – Uels – 0:1

Eləcə də oxuyun:

  • Qalib gəldiyimiz oyunda Canni de Byazini əsəbləşdirən səbəb

  •  Azərbaycan millisi yoldaşlıq görüşündə qalib gəldi

  •  Azərbaycan millisi Türkiyəyə uduzub

30
Teqlər:
yoldaşlıq oyunu, Moldova, Azərbaycan, futbol
Нападающий сборной Швеции Александер Исак

AVRO-2020: İspaniya İsveç arasında çempionatın ilk qolsuz heç-heçəsi qeydə alındı

4
(Yenilənib 01:10 15.06.2021)
Futbol üzrə Avropa çempionatında E qrupunda ilk turdan sonra birinci yerə gözlənilmədən Slovakiya millisi çıxıb.

BAKI, 15 iyun - Sputnik. AVRO-2020-də E qrupunda ilk görüşünə çıxan İspaniya yığması öz meydanında İsveçlə qarşılaşıb.

Sevilyadakı Olimpiya Stadionunda təşkil olunmuş görüş heç-heçə ilə yekunlaşıb - 0:0. Bu, AVRO-2020-də yeganə qolsuz matç olub.

Oyuna 10 559 azarkeş canlı baxıb.

Noyabrın 25-də 19 yaşı tamam olacaq İspaniya yığmasının yarımmüdafiəçisi Pedri milli komandasının heyətində Avropa çempionatında oynamış ən gənc futbolçu olub.

E qrupunda turun digər görüşündə Slovakiya Polşanı 2:1 hesabı ilə məğlub edib.

İspaniya yığması Avropa çempionatının növbəti oyununda iyunun 19-da Sevilyada Polşa yığması ilə qarşılaşacaq. İsveç millisi iyunun 18-də Sankt-Peterburqda slovaklarla oynayacaq.

4
Slovakiya millisinin futbolçuları, arxiv şəkli

Slovakiya yığması AVRO- 2020-də Polşa millisinə qalib gəlib

20
(Yenilənib 22:38 14.06.2021)
Futbol üzrə Slovakiya yığma komandası Avropa çemionatının qrup mərhələsindəki ilk oyununda Polşa millisini məğlub edib.

BAKI, 14 iyun — Sputnik. AVRO-2020-nin "E" qrupunda keçirilən oyunda Slovakiya yığması Polşa millisinə qalib gəlib. 18-ci dəqiqədə slovakiyalı yarımmüdafiəçi Robert Makın zərbəsindən sonra top qapı tirinə dəyib, sonra isə polyak qapıçı Voysex Şensnıya toxunaraq qapıya daxil olub. Bununla da Şensnı Avropa çempionatı oyunlarında hesabına avtoqol yazılmış ikinci qapıçı olub.

Polşa millisi bunun əvəzini 46–cı dəqiqədə Karol Linettinin qolu ilə çıxıb. Slovak Milan Şkrinyar isə 69-cu dəqiqədə vurduğu qolla oyunun nəticəsində son nöqtəni qoyub.

Oyunun 62-ci dəqiqəsində iki sarı vərəqədən sonra Polşa millisinin oyunçusu Qjeqoj Krıxovyak meydandan qovulub.

Oyunu stadionda 12 862 tamaşaçı izləyib.

Qeyd edək ki, bu, Slovakiya millisinin Avropa çempionatlarının final mərhələsindəki ikinci qələbəsidir. 2016-cı ildə slovaklar Rusiya millisini 2:1 hesabı ilə məğlub ediblər.

Bu gün Sevilyada "E" qrupunun daha bir oyunu keçiriləcək. İspaniya komandası İsveç millisi ilə qarşılaşacaq.

İyunun 18-də, qrup mərhələsinin ikinci turunda Slovakiya millisi İsveç komandaı ilə Sankt-Peterburqda, bir gün sonra isə Polşa millisi ispanlarla Sevilyada qarşılaşacaq.

20