Futbol üzrə Azərbaycan millisinin baş məşqçisi Canni De Byazi, arxiv şəkli

Qalib gəldiyimiz oyunda Canni de Byazini əsəbləşdirən səbəb

15
(Yenilənib 13:02 03.06.2021)
Azərbaycanın futbol üzrə yığmasının baş məşqçisi Belarus komandası üzərində qələbədən sonra yetirmələrinin oyununda nəyə əsəbləşdiyindən danışıb.

BAKI, 3 iyun — Sputnik. Futbol üzrə Azərbaycan seçmə komandası Belarus yığması üzərində layiqli qələbə qazanıb. Sputnik Azərbaycan xəbər verir ki, bunu Minskdə keçirilən yoldaşlıq görüşündən sonra Azərbaycan yığmasının baş məşqçisi Canni de Byazi deyib.

Çərşənbə günü iyunun 2-də Azərbaycan yığması Minskdə keçirilən yoldaşlıq qarşılaşmasında Belarus komandasını 2:1 hesabı ilə məğlub edib. Yığmamızın tərkibində qolları Bədəvi Hüseynov Ramil Şeydayev vurublar.

Komandamızın baş məşqçisi Canni de Byazi oyunun nəticəsindən razı qalsa da, oyunçuların buraxdığı səhvlərdən narazıdır.

"Bu, çətin oyun idi, lakin biz layiqli qələbə qazandıq. Oyunun nəticəsindən razı olsam da, yol verilən səhvlərdən narazıyam. Xüsusilə də qapımıza vurulan qolla bağlı epizoddan. Həmin epizodda həddən artıq lazımsız ötürmələr etdik. Bu, məni əsəbləşdirdi. Bundan əlavə, oyun ərzində qapıya doğru 22 zərbə vurmuşuq, lakin onlardan cəmi üçü qapıya tuş gəlib", - deyə Byazi vurğulayıb.

İtaliyalı mütəxəssis üç gün əvvəl Bədəvi Hüseynova onun artıq qol vurmaq vaxtının yetişdiyini xatırlatdığını etiraf edib.

"Bu gün o, nəhayət qol vurdu. Həyatda gərək inamlı olasan, yalnız bu halda arzu olunan nəticəyə nail olmaq olar. Bədəvinin yaxşı keyfiyyətləri var və standart vəziyyətlərdə onlardan istifadə etmək lazımdır. Ondan əlavə, yığmanın debütantları Bayramov və Əhmədzadə də yaxşı təsir bağışladılar. Onlar bizim gələcəyimizdir", - deyə Byazi fikrini tamamlayıb.

Xatırladaq ki, Azərbaycan yığması növbəti yoldaşlıq görüşünü iyunun 6-da Kişinyovda Moldova komandasına qarşı keçirəcək.

Eləcə də oxuyun:

15
Teqlər:
yoldaşlıq oyunu, Belarus, Azərbaycan, futbol, milli, Canni de Byazi

"Kral klubu"nun əfsanəsi getdi: Ramosun ən yaddaqalan şəkilləri

14
(Yenilənib 10:04 19.06.2021)
Yenidən nə vaxtsa "kral klubu"na qayıdacağına inandığını söyləyən təcrübəli oyunçu azarkeşlərə və komanda yoldaşlarına təşəkkür edib.

İspaniyanın "Real Madrid" futbol komandası kapitan Serxio Ramosla yollarını ayırıb.

Klub 35 yaşlı müdafiəçi ilə başa çatan müqavilənin müddətini uzatmayıb. Yenidən nə vaxtsa "kral klubu"na qayıdacağına inandığını söyləyən təcrübəli oyunçu azarkeşlərə və komanda yoldaşlarına təşəkkür edib. O, doğma klubunun daim ürəyində qalacağını bildirib.

Qeyd edək ki, 2005-ci ildən "Real Madrid"də çıxış edən Serxio Ramos bu komandanın heyətində beşqat İspaniya çempionu olub, 4 dəfə ölkə Superkubokunu, Çempionlar Liqasını və klublararası dünya çempionatını qazanıb. Həmçinin 2 dəfə İspaniya kuboku və UEFA Super Kubokunda qələbə sevinci yaşayıb.

İspaniyanın "Real Madrid" futbol komandası kapitan Serxio Ramosun ən yaddaqalan kadrları Sputnik Azərbaycan-ın fotolentində.

14
  • © AP Photo / DIEGO G. SOUTO

    Serxio Ramos 1 sentyabr 2005-ci ildə futbol klubuna yeni oyunçu kimi təqdimatı zamanı yeni formasını tutduğunu göstərir.

  • © AP Photo / Francisco Seco

    Serxio Ramos Real Madrid FK-da müdafiəçi olmağına baxmayaraq çox zaman qollar vurub.

  • © REUTERS / Sergio Perez

    2005-ci ildə Ramos 27 milyon avro qarşılığında Sevilyadan Real Madridə transfer olunub.

  • © REUTERS / Kai Pfaffenbach

    Ramoş Real Madrid FK ilə 2 dəfə Çempionlar Liqasını qazanıb.

  • © AP Photo / Manu Fernandez

    Madridin Bernabeu stadionunda "Real Madrid" ilə "Barcelona" arasında oynanan matçda "Barcelona" hücumçusu Lionel Messi və "Real" müdafiəçisi Sergio Ramos.

  • © AP Photo / Bernat Armangue

    "Real Madrid"də çıxış edən Serxio Ramos bu komandanın heyətində beşqat İspaniya çempionu olub, 4 dəfə ölkə Superkubokunu, Çempionlar Liqasını və klublararası dünya çempionatını qazanıb.

  • © AP Photo / Alastair Grant

    İspaniyanın "Real Madrid" futbol komandası kapitan Serxio Ramos oyun zamanı haqsılıq görəndə hakimlərlə mübahisə edirdi.

  • © AP Photo / Manu Fernandez

    "Real Madrid" komandasının oyunçuları Çempionlar liqasındakı qələbəni qeyd edir.

  • © AFP 2021 / CURTO DE LA TORRE

    "Kral klubun"un kapiatnı çılğınlığı ilə də seçilirdi. Bu şəkildə "Barcelona"-nın hücumçusu Lionel Messi və "Real" müdafiəçisi Serxio Ramos necə deyərlər "kəllə-kəlləyə" gəlib.

  • © AP Photo / Daniel Ocho de Olza

    "Real Madrid"in futbolçusu Serxio Ramos Çempionlar liqasında qələbə qazndığından sonra qazandıqdan sonra Sibeles meydanına gələrkən tanrıça Kibelanın boynuna Real Madrid bayrağını bağlayır.

  • © REUTERS / SUSANA VERA

    Serxio Ramos "Real Madrid"-i tərk edən zaman.

  • © AFP 2021 / GLYN KIRK

    İspaniyanın "Real Madrid" futbol komandasının keçmiş kapitanl Serxio Ramos.

London AVRO-2020 finalının keçirilməsi hüququndan məhrum ola bilər

11
(Yenilənib 16:40 18.06.2021)
UEFA-da Avropa çempionatının final oyununun keçiriləcəyi şəhərin dəyişə biləcəyini istisna etməyiblər, lakin turnirin son həftəsinin İngiltərədə keçiriləcəyinə ümidvar olduqlarını bildiriblər.

Avropa futbol assosiasiyaları ittifaqı (UEFA) AVRO-2020 final oyununun keçirilmə yerini Londondan (Böyük Britaniya) Budapeştə (Macarıstan) dəyişə bilər. Sputnik Azərbaycan "The Times" məcmuəsinə istinadən xəbər verir ki, koronavirus pandemiyası ilə əlaqədar vəziyyətin ağırlığı nəzərə alınaraq London şəhərinin rəhbərliyi stadionun 100% doldurulmasına zəmanət verə bilmir.

Daha sonra xəbərdə deyilir ki, Londonun meri UEFA-dan qurumun çempionatın final oyununun Budapeştdə təşkili məsələsini nəzərdən keçirdiyi barədə xəbərdarlıq alıb.

Öz növbəsində Macarıstan rəsmiləri AVRO-2020 final oyunu zamanı Ferens Puşkaş stadionunun 100% doldurula biləcəyinə söz veriblər. Yeri gəlmişkən, Budapeşt qitə birinciliyinin keçirildiyi şəhərlər arasında turnirin qrup mərhələsinin və ¼ oyununun keçirilməsi dövründə stadionun tam doldurula biləcəyinə zəmanət verən yeganə şəhərdir.

Bununla bağlı jurnalist Vasili Konev öz teleqram-kanalında bildirib ki, UEFA RİA Novostinin məsələ ilə bağlı sorğusuna cavab verib – qurum final oyununun Londondan Budapeştə keçirilməsini istisna etməyib.

"Gözlənilməz hallar üçün hər zaman fəaliyyət planı var, lakin biz əminik ki, turnirin son həftəsi Londonda keçiriləcək", - deyə UEFA-dan bildiriblər.

Qeyd edək ki, Avropa çempionatı çərçivəsində Lodonun "Uembli" stadionunda təkcə final oyunu deyil, yarımfinal qarşılaşmaları da keçirilməlidir.

AVRO-2020 Bakı oyunları

Bakı Olimpiya stadionunda ümumilikdə dörd oyunun keçirilməsi nəzərdə tutulub. "A" qrupunda iyunun 12-də İsveçrə-Uels (1:1) və iyunun 16-da Türkiyə-Uels (0:2) oyunları artıq keçirilib. Bundan əlavə qarşıda İsveçrə-Türkiyə (20 iyun) qarşılaşması var. İyulun 3-də isə burada AVRO-2020 ¼ final oyunlarından birinin keçirilməsi də nəzərdə tutulub.

 

11

Hökumətdən yeni hava limanlarının tikintisi işində böyük güzəşt

5
(Yenilənib 13:10 19.06.2021)
Azad edilən ərazilərdə 3 hava limanının tikintisi üçün idxal edilən mallar gömrük rüsumuna cəlb olunmayacaq.

BAKI, 19 iyun — Sputnik. Nazirlər Kabineti “Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında” qərarında dəyişiklik edib.

Sputnik Azərbaycan-ın məlumatına görə, qərara əsasən, "Füzuli, Laçın və Zəngilan rayonlarında beynəlxalq hava limanlarının tikintisi üçün idxal edilən malların xarici iqtisadi fəaliyyətin mal nomenklaturası (XİFMN) üzrə Siyahısı” təsdiq edilib.

Bu bəndlə müəyyən edilən mal nomenklaturasına müvafiq idxal olunan malların Füzuli, Laçın və Zəngilan beynəlxalq hava limanlarının tikintisi üçün istifadəsinin təsdiq edilməsi Nəqliyyat, Rabitə və Yüksək Texnologiyalar Nazirliyi tərəfindən həyata keçiriləcək.

Bu mallar gömrük idxal rüsumuna cəlb olunmayacaq.

Bu Qərar dərc edildiyi gündən 30 gün sonra qüvvəyə minir və 2024-cü il 1 yanvar tarixinədək qüvvədədir.

Füzuli beynəlxalq hava limanı

2020-ci il noyabrın 26-da Azərbaycan Nəqliyyat, Rabitə və Yüksək Texnologiyalar Nazirliyi ICAO-nun Füzulidəki hava limanı da daxil olmaqla 6 hava limanının beynəlxalq yer indeksləri kataloquna daxil edilməsi barədə Dövlət Mülki Aviasiya Agentliyinin müraciətini təmin etdiyini bildirib.

2021-ci ilin yanvarında Azərbaycan Prezidenti Füzulidə beynəlxalq hava limanının tikintisi barədə sərəncam verib. Gələcək hava limanının təməlqoyma mərasimi həmən ilin yanvar ayının 14-də baş tutub.

Köhnə aeroportun yerində tikilən Füzuli beynəlxalq hava limanında uçuş-enmə zolağının inşası ilə bu sahədə böyük təcrübəsi olan "AzVirt" MMC məşğul olur. Hava limanının tikintisi yanvar ayında başlayıb. Plana əsasən ilin sonuna kimi uçuş-enmə zolağı, eləcə də peron istifadəyə veriləcək. Yeni hava limanının uçuş-enmə zolağının uzunluğu 3 000 metr olacaq.

AZAL-ın nümayəndəsi Valeh Əmiraslanov bildirib ki, Füzuli Beynəlxalq Hava Limanında ilk sınaq uçuşun sentyabrın 5-də keçirilməsi planlaşdırılır.

Həmçinin oxuyun:

Füzuli aeroportunda ilk sınaq uçuşunun keçiriləcəyi tarix açıqlanıb

5