Günter Ştayner

Günter Ştayner: Bakı yürüşlərin keçirilməsi üçün gözəl yerdir

274
"Formula 1 " yarışının Bakı mərhələsinə sayılı günlər qalarkən, iştirakçı komandalardan birinin rəhbəri turnir barədə təəsüratlarını bölüşüb.

BAKI, 2 iyun — Sputnik. Formula 1 çempionatının "Haas" komandasının rəhbəri Günter Ştayner Bakı mərhələsində komanda qarşısında duran məsələlərdən söhbət açıb. O, nəticələrin təxminən Monakodakı səviyyədə olacağını bildirib. Sputnik Azərbaycan AZƏRTAC-a istinadən G.Ştaynerlə müsahibəni təqdim edir:

- Monakoda uik-end zamanı komanda bir neçə işgüzar tərəfdaşlarla müqavilələrin müddətini uzatdı və yeni müqavilələr bağladı. Həm "Haas" komandasının, həm Formula 1 çempionatının bütövlükdə böyük reklam qazanmağa və daha da məşhurlaşmağa can atan brendlər üçün cəlbedici kommersiya platforması olaraq qalması sizi sevindirirmi?

- Əlbəttə! Formula 1 çempionatının işgüzar əməkdaşlıq üçün əla qlobal platforma olması yaxşı məlumdur. "Haas" komandası sübut etdi ki, o, yaxşı tərəfdaş ola bilər, biz bu çempionatda hələ uzun müddət olacağıq və indi bu komanda ilə işləməyin əsl zamanıdır. Mən inanıram ki, bizim komandanı gözəl gələcək gözləyir.

- Azərbaycan Qran-Prisi Bakı şəhər halqasında artıq beşinci dəfə keçiriləcək. Bu, Formula 1 təqvimində nisbətən yeni traslardan biridir. Siz necə hesab edirsiniz, qısa tarixə baxmayaraq, o, azarkeşlərin və pilotların ürəklərinə yol tapıbmı?

- Fikrimcə, Bakı yürüşlərin keçirilməsi üçün gözəl yerdir. Bu, şəhər halqasıdır, lakin orada uzun məsafəli düz yol var və yürüş gözəl mənzərə fonunda keçir. Bu Qran-Pri bizim xoşumuza gəlir, onu öz ab-havası fərqləndirir. Şəxsən mən Bakıda olmağı sevirəm və ümidvaram ki, bu tras çempionatın təqvimində hələ uzun müddət qalacaq.

- Monte-Karlo və Bakıdakı şəhər halqaları bir-birindən çox fərqlənir. Mövsümün Azərbaycan mərhələsində komandanın pilotlarından nə gözləyirsiniz?

- Pilotların hər ikisi artıq Bakıda çıxış ediblər. Bu, mürəkkəb trasdır. Onlar bu vaxtadək gördüyü işləri davam etdirməlidirlər: gələcək yürüşlərə hazırlaşmaq üçün təcrübə toplamalı, trasın xüsusiyyətini öyrənməlidirlər. Bizim nəticələr Monte-Karlodakı nəticələrdən o qədər də fərqlənməyəcək. Lakin həmişəki kimi, biz qarşıdakı yürüşə hazırlaşırıq və sərəncamımızda olan texnikadan istifadə edərək maksimum mümkün nəticələri göstərməyə çalışacağıq.

Həmçinin oxuyun:

"Formula 1" üzrə Azərbaycan Qran-prisinin cədvəli: onlayn necə baxmaq olar

DYP-dən "Formula 1"lə bağlı növbəti xəbərdarlıq

274
Slovakiya millisinin futbolçuları, arxiv şəkli

Slovakiya yığması AVRO- 2020-də Polşa millisinə qalib gəlib

20
(Yenilənib 22:38 14.06.2021)
Futbol üzrə Slovakiya yığma komandası Avropa çemionatının qrup mərhələsindəki ilk oyununda Polşa millisini məğlub edib.

BAKI, 14 iyun — Sputnik. AVRO-2020-nin "E" qrupunda keçirilən oyunda Slovakiya yığması Polşa millisinə qalib gəlib. 18-ci dəqiqədə slovakiyalı yarımmüdafiəçi Robert Makın zərbəsindən sonra top qapı tirinə dəyib, sonra isə polyak qapıçı Voysex Şensnıya toxunaraq qapıya daxil olub. Bununla da Şensnı Avropa çempionatı oyunlarında hesabına avtoqol yazılmış ikinci qapıçı olub.

Polşa millisi bunun əvəzini 46–cı dəqiqədə Karol Linettinin qolu ilə çıxıb. Slovak Milan Şkrinyar isə 69-cu dəqiqədə vurduğu qolla oyunun nəticəsində son nöqtəni qoyub.

Oyunun 62-ci dəqiqəsində iki sarı vərəqədən sonra Polşa millisinin oyunçusu Qjeqoj Krıxovyak meydandan qovulub.

Oyunu stadionda 12 862 tamaşaçı izləyib.

Qeyd edək ki, bu, Slovakiya millisinin Avropa çempionatlarının final mərhələsindəki ikinci qələbəsidir. 2016-cı ildə slovaklar Rusiya millisini 2:1 hesabı ilə məğlub ediblər.

Bu gün Sevilyada "E" qrupunun daha bir oyunu keçiriləcək. İspaniya komandası İsveç millisi ilə qarşılaşacaq.

İyunun 18-də, qrup mərhələsinin ikinci turunda Slovakiya millisi İsveç komandaı ilə Sankt-Peterburqda, bir gün sonra isə Polşa millisi ispanlarla Sevilyada qarşılaşacaq.

20
Patrik Şik

Çexiya yığması Şotlandiya komandası üzərində qələbə qazanlb

13
(Yenilənib 20:07 14.06.2021)
Çexiyalı hücumçu Patrik Şikin vurduğu ikinci qol hazırkı çempionatın ən yaxşı qolu hesab edilə bilər.

BAKI, 14 iyun — Sputnik. AVRO-2020-nin qrup mərhələsində futbol üzrə Çexiya millisinin oyunçuları Şotlandiya yığmasını məğlubiyyətə uğradıblar.

"D" qrupunda keçirilən qarşılaşma 2:0 hesabı ilə çexlərin xeyrinə başa çatıb.

Hər iki qolu Patrik Şik vurub (42 və 52-ci dəqiqələrdə). Stadionda oyunu 9847 tamaşaçı deyr edib.

"D" qrupunda oyunların ikinci turunda Çexiya millisi iyunun 18-də Qlazqoda Xorvatiya yığmasına qarşı oynayacaq. Şotlandiyalılar isə həmin gün "Uembli"də İngiltərə yığması ilə üz-üzə gələcək.

13
Kinoteatrda tamaşaçı, arxiv şəkli

Avropa filmləri festivalı fərqli formatda başlayıb

0
(Yenilənib 23:27 14.06.2021)
Festivala çıxarılan filmlərin əksəriyyəti Kann (Oleg", "Fire Will Come", "The Fight"), Toronto, San Sebastian ("Listening"), "Sundance 2020", Sarayevo 2020 ("Acasa, My Home"), Edinburq ("Aurora") beynəlxalq festivallarının qalibidir.

BAKI, 14 iyun — Sputnik. Avropa İttifaqının Azərbaycandakı nümayəndə heyətinin Aİ üzv ölkələri səfirliklərilə birgə təşkil etdiyi Avropa filmlərinin ilk onlayn festivalı iyunun 14-dən 29-dək keçiriləcək.

Sputnik Azərbaycan xəbər verir ki, tədbir çərçivəsində Aİ üzvü 13 ölkənin istehsalı olan 10 film nümayiş etdiriləcək. Bunlar Almaniya, Belçika, Çex Respublikası, Finlandiya, Fransa, İspaniya, Latviya, Litva, Lüksemburq, Macarıstan, Polşa, Rumıniya, Yunanıstandır. Filmlərin çoxu bir neçə ölkənin birgə istehsalıdır.

Festivalın açılış mərasimi onlayn formatda keçirilərək Aİ-nin Azərbaycandakı səfiri Kestutis Yankauskasın nitqilə başlayıb. 2010-cu ildən bu yana hər il keçirdikləri festival çərçivəsində Azərbaycanda artıq 148 film nümayiş etdirildiyini deyən diplomat daha sonra bildirib:

"Bu il festivalımızın ilk dəfə onlayn formatda keçirilməsi Avropa filmlərini həm Bakıda, həm də bütün ölkə boyu azərbaycanlı tamaşaçılara daha da yaxınlaşdıracaq. Film hekayə nəql etmək, hissləri çatdırmaq, fikirlər doğurmaq iqtidarındadır. Biz də bu festival vasitəsilə Avropa mədəniyyətini daha yaxşı tanıtdırmaq, Azərbaycan və Avropa İttifaqı xalqları arasında mədəni anlaşmaya təkan vermək ümidindəyik".

Qeyd edək ki, festivala çıxarılan filmlərin əksəriyyəti Kann (Oleg", "Fire Will Come", "The Fight"), Toronto, San Sebastian ("Listening"), "Sundance 2020", Sarayevo 2020 ("Acasa, My Home"), Edinburq ("Aurora") beynəlxalq festivallarının qalibidir.

0