Boks əlçəkləri

Lənkəranlı boksçu qələbəsini Vətən Müharibəsi şəhidlərinə qazilərinə həsr etdi

56
(Yenilənib 20:49 26.03.2021)
Rauf Ağayev bu günə kimi peşəkar rinqdə 38 döyüş keçirib və bu qarşılaşmaların yalnız birində məğlub olub.

Rahim Muradov, Sputnik Azərbaycan

BAKI, 26 mart — Sputnik. Martın 24-də Türkiyənin İstanbul şəhərində Kadıköy Peşəkar Boks Klubunda peşəkar boksçular arasında turnir keçirilib. Turnirdə 15 ölkədən olan boksçu iştirak edib. Azərbaycandan isə təkcə lənkəranlı peşəkar boksçu Rauf Ağayev yarışa qoşulub.

Sputnik Azərbaycan-ın bölgə müxbirinin verdiyi xəbərə əsasən, 54 kq çəki dərəcəsində döyüşən R.Ağayev Türkiyə peşəkar boksçusu Zəkəriya Kınaya bütün raundlarda tam üstünlüklə 6:0 hesabı ilə qalib gəlib.

"Qarabağ Azərbaycandır" şuarı ilə rinqə çıxmışdım. Bu qələbəmi Vətən müharibəsi şəhidlərinə, qazilərinə və ümumiyyətlə müharibədə iştirak edən hər kəsə həsr etdim. İstanbul Kadıköy Peşəkar Boks mərkəzində keçirilən beynəlxalq turnirə məni əməkdar məşqçi Yadigar Məmmədov hazırlayırdı" - Ağayev bildirib.

  • Rauf Ağayev döyüşdən sonra
    © Courtesy of Rauf Agayev
  • Rauf Ağayev döyüşdən sonra
    © Courtesy of Rauf Agayev
  • Rauf Ağayev döyüşdən sonra
    © Courtesy of Rauf Agayev
  • Mükafat
    © Courtesy of Rauf Agayev
1 / 4
© Courtesy of Rauf Agayev
Rauf Ağayev döyüşdən sonra

Əlavə edək ki, Rauf Ağayev bu günə kimi 38 yaxın döyüş keçirib. Bu döyüşlərdən yalnız birində məğlub olub, 3 rinqi isə heç-heçə ilə başa vurub. Həvəskar kimi Ağayevin 215 döyüşü olub.

Məlumat üçün bildirək ki, R.Ağayev WBC versiyası üzrə Avropa və Asiya, WBCA versiyası üzrə Dünya çempionu kəmərlərinin sahibidir.

38 yaşlı bokscumuz onu da əlavə etdi ki, may ayında Almaniyada WBCA Dünya kəməri uğrunda rinqə çıxacaq, iyun ayında isə yenidən Almaniyada 2-ci Qarabağ Müharibəsi iştirakçıları arasında keçirilən boks turnirinə qoşulacaq. Bu turnirdə onun qardaşı İsmayıl Ağayev də iştirak edəcək.

56
Bakıda gimnastika üzrə üç irimiqyaslı yarışı

Dünya çempionatı kubokunun Bakıda keçirilməsinə icazə verilib

21
(Yenilənib 13:48 14.04.2021)
Cari ilin may ayında keçirilməsi nəzərdə tutulmuş hər üç yarış Azərbaycanda qəbul olunmuş karantin normalarına riayət olunmaqla təşkil olunacaq

BAKI, 14 aprel — Sputnik. Teymur Tuşiyev. Azərbaycan Respublikasının Nazirlər Kabineti cari ilin may ayında Bakıda gimnastika üzrə üç irimiqyaslı yarışın keçirilməsinə razılıq verib. Sputnik Azərbaycan Milli Gimnastika Federasiyasına istinadən xəbər verir ki, hər üç yarışın tamaşaçılarsız keçirilməsi şərt kimi irəli sürülüb.

Beləliklə, may ayının 7-9-da Milli Gimnastika Arenasında bədii gimnastika üzrə Dünya kuboku keçiriləcək. Bu turnir Tokio olimpiadasına seçmə yarış xarakteri daşıyır.

Bundan əlavə, may ayının 21-23-də elə həmin arenada müxtəlif yaş qruplarında idman aerobikası üzrə yarışlar təşkil olunacaq.

Mayın 27-29-da isə Bakıda idman aerobikası üzrə dünya çempionatı keçiriləcək.

Qeyd edək ki, adı çəkilən yarışların hələ ötən il keçirilməsi nəzərdə tutulurdu. Lakin koronavirus pandemiyası üzündən həmin yarışlar təxirə salınaraq 2021-ci ilə keçirilib.

Hər üç yarışma koronavirus pandemiyası zamanı tətbiq olunan sanitar-epidemioloji normalara riayət olunmaqla və boş tribunalar şəraitində keçiriləcək.

21
Voleybol oyunu, arxiv şəkli

Qadın voleybolçumuz Macarıstan çempionatının gümüş medalçısı olub

4
(Yenilənib 14:32 13.04.2021)
Yekaterina Jidkovanın çıxış etdiyi "Bekeşçaba" klubu koronavirusa yoluxma hallarının artması üzündən Macarıstan çempionatının final seriyasına qatıla bilməyib.

BAKI, 13 aprel — Sputnik, Teymur Tuşiyev. Azərbaycanlı qadın voleybolçu Yekaterina Jidkova Macarıstan çempionatının gümüş medalına layiq görülüb. Sputnik Azərbaycan xəbər verir ki, voleybol üzrə qadın milli komandamızın üzvünün çıxış etdiyi "Bekeşçaba" klubu ilə "Fatuma" klubu arasında final görüşü baş tutmayıb.

Belə ki, final görüşü "Bekeşçaba" klubu üzvləri arasında koronavirusa yoluxma hallarının artması üzündən təxirə salınıb.

Ən yaxşı halda final görüşü şənbə günü, aprelin 17-də baş tuta bilərdi. Belə ki, Avropa Voleybol Konfederasiyasının reqlamentinə əsasən, milli çempionatlar aprelin 18-nə qədər başa çatmalıdır.

Nəticədə, "Bekeşçaba" texniki məğlubiyyətə uğrayaraq milli çempionatda gümüş medallarla kifayətlənməli olub.

Klubun üzvlərindən kimin xəstələnməsi, Jidkovanın da koronavirusa yoluxub-yoluxmaması barədə məlumat hələ ki yoxdur.

Xatırladaq ki, Macarıstan çempionatının yarımfinal oyununda Jidkovanın çıxış etdiyi klub "Kopoşvari" klubuna 3:1 hesabı ilə qalib gəlib.

4
Teqlər:
Macarıstan, voleybol
ABŞ-ın Hərbi Dəniz Qüvvələrinə məxsus Ross esminetsi Bosfor boğazında

Qara dənizdə baş verir? ABŞ Türkiyəyə xəbərdarlığını geri götürdü

0
"Bəli, ABŞ səfirliyi bizim nazirliyi bu barədə məlumatlandırıb", - gəmilərin keçidinin təxirə salınması barədə suala cavabında XİN əməkdaşı bildirib.

BAKI, 15 aprel - Sputnik. ABŞ-ın Ankaradakı səfirliyi özlərinin iki hərbi gəmisinin Bosfor boğazı vasitəsilə Qara dənizə keçməyəcəyi barədə Türkiyəni məlumatlandırıb.

Sputnik Azərbaycan bildirir ki, bu barədə Türkiyə Xarici İşlər Nazirliyindən məlumat verilib.

Qeyd edək ki, bundan öncə Türkiyə XİN-dəki mənbə RİA Novosti-yə bildirmişdi ki, Vaşinqton Ankaraya iki hərbi gəmisinin Bosfor boğazı vasitəsilə Qara dənizə keçəcəyi və aprelin 14-15-dən mayın 4-5-dək orada qalacağı barədə xəbərdarlıq etmişdi. Pentaqonun rəsmi nümayəndəsi Con Kirbinin sözlərinə görə, Amerika hərbi gəmilərinin Qara dənizdəki əməliyyatları "rutin xarakter" daşıyır və ABŞ bu fəaliyyəti Türkiyə hökuməti ilə Montrö razılaşması çərçivəsində gerçəkləşdirir. 

"Bəli, ABŞ səfirliyi bizim nazirliyi bu barədə məlumatlandırıb", - gəmilərin keçidinin təxirə salınması barədə suala cavabında XİN əməkdaşı bildirib.

 

0
Teqlər:
təxirə salınmaq, keçid, hərbi gəmi, Qara dəniz, ABŞ, Türkiyə