Həbib Nurməhəmmədov

Nurməhəmmədovu UFC-nin bütün reytinqlərindən sildilər, MakQreqor qayıtdı

30
(Yenilənib 12:26 23.03.2021)
İndi UFC-nin reytinqində çəki dərəcəsindən asılı olmayaraq birinci yeri yarımağır çəkidə çempion olmuş Con Cons tutur.

BAKI, 23 mart - Sputnik. Mütləq Döyüş Çempionatının (UFC) yüngül çəkidə keçmiş çempionu Həbib Nurməhəmmədov promouşenin bütün reytinqlərindən çıxarılıb. 

Sputnik Azərbaycan bildirir ki, bu barədə məlumat təşkilatın saytında yer alıb.

İndi UFC-nin reytinqində çəki dərəcəsindən asılı olmayaraq birinci yeri yarımağır çəkidə çempion olmuş Con Cons tutur. İkinci yerdə yarımorta çəkidə çempion olmuş Kamaru Usman qərarlaşıb. Üçüncü sıraya ağır divizionun ən yaxşı nümayəndəsi Stipe Mioçiç qalxıb.

15-ci pilləyə isə UFC-nin iki çəki dərəcəsində çempion olmuş Konor Makqreqor qayıdıb.

Yüngül çəkidəki qurşaq rəsmi olaraq vakant elan olunub. Burada reytinqin ilk üç sırasını amerikalılar Dastin Porye, Castin Getci və braziliyalı Çarlz Oliveyra tuturlar.

UFC 254 turnirində Getcini məğlub edəndən sonra Nurməhəmmədov bildirdi ki, karyerasını bitirir. Promouşenin rəhbəri Dana Uayt onu idmana qayıtmaq üçün dilə tutsa da, martın 19-da elan etdi ki, Həbib qəti surətdə "pensiyaya çıxıb".

Nurməhəmmədov peşəkar karyerası ərzində 29 görüşdə 29 qələbə qazanıb. UFC-də 2012-ci ildə debüt edib. Onun promouşendə rekordu 13-0-dır.

2018-ci ilin aprelində Nurməhəmmədov yüngül çəkidə UFC çempionu olub. Las-Veqasda keçirilən UFC 229 turnirində o, iki çəki dərəcəsində çempion olmuş irlandiyalı Konor MakQreqora ağrı fəndi ilə qalib gəlmişdi. O, titulunu qorumaq üçün Porye ilə də görüşmüş, onu boğma fəndi ilə məğlub etmişdi. 

UFC-nin orta çəkidə keçmiş çempionu Lyuk Rokhold bildirib ki, Nurməhəmmədov onun məşqçisi ola bilər.

30
Teqlər:
reytinq, UFC, Həbib Nurməhəmmədov
Nəriman Abbasov, arxiv şəkli

Nəriman Abbasov ikinci dəfə "Fight Nights" çempionluq kəmərini müdafiə edib

11
Azərbaycanlı Nəriman Abbasovla rusiyalı Şamil Amirov arasında görüş üçüncü raundda başa çatıbAzərbaycanlı Nəriman Abbasovla rusiyalı Şamil Amirov arasında görüş üçüncü raundda başa çatıb

BAKI, 12 aprel — Sputnik, Teymur Tuşiyev. Qarışıq əlbəyaxa döyüşlər üzrə həmyerlimiz Nəriman Abbasov Moskvada yüngül çəkidə (70,3 kq) "AMC Fight Nights" çempionluq kəmərini müdafiə edib. Sputnik Azərbaycan xəbər verir ki, rusiyalı idmançı Şamil Amirov üzərində texniki nokautla qələbə qazanan həmyerlimiz artıq eyni titulu ikinci dəfədir ki müdafiə edir.

Qeyd edək ki, görüşün ilk iki raundunda idmançımız çətinlik çəkib. Çünki sərbəst güləş üzrə keçmiş Avropa çempionu olmuş Amirov görüş ərzində dəfələrlə mübarizəni döşək üzərinə keçirməyə cəhd edib.

Abbasov isə zərbə fəndlərinə daha çox üstünlük verdiyi üçün rəqibini daim ayaq üstə məsafədə saxlamağa çalışıb.

İkinci raundda parterdə olduğu halda rəqibinə zərbə endirməyə imkan tapmış Abbasov daha sonra üstə çıxaraq onu zərbə atəşinə tutub. Bu raundda rusiyalı idmançını xilas edən raundun bitməsi haqqında zəngin səsi olub.

Görüşün üçüncü hissəsində isə Abbasov demək olar ki, artıq müqavimət göstərməyən rəqibini şapalaqlamaqda davam edib. Raundun ortalarında Amirovun köməkçiləri yetirmələrinin məğlubiyyətini qəbul edərək rinqə dəsmal tullayıblar.

Qeyd edək ki, Abbasovun çempionluğun müdafiəsi uğrunda ilk görüşü ötən ilin sentyabrında olub. Həmin qarşılaşmada həmyerlimiz digər rusiyalı Mixail Qoqitidzeni məğlub edib. Çempionluq kəmərini isə Abbaasov 2019-cu ildə qazaxıstanlı idmançı Kaut Xamidov üzərində xal hesabı ilə qələbədən sonra qazanıb.

11
Rafael Ağayev

Rafael Ağayev əzizini itirdi

46
(Yenilənib 17:07 10.04.2021)
Beşqat dünya və onbirqat Avropa çempionu Rafael Ağayev ən əziz adamını ağır sürən xəstəlikdən itirib.

BAKI, 10 aprel - Sputnik. Karate üzrə beşqat dünya və onbirqat Avropa çempionu Rafael Ağayevə ağır itki üz verib. Onun anası Ümnisə xanım bu gün dünyasını dəyişib.

Sputnik Azərbaycan bildirir ki, xəbəri oxu.az yayıb.

Qeyd edək ki, Rafael Ağayevin anası xərçəng xəstəliyindən əziyyət çəkirdi.

46
Teqlər:
vəfat, ana, Rafael Ağayev
 Azərbaycan Prezidenti İlham Əliyev bu gün ADA Universitetində keçirilən Cənubi Qafqaza yeni baxış: Münaqişədən sonra inkişaf və əməkdaşlıq adlı konfransda

İlham Əliyev: "Ermənistan Azərbaycanın addımlarını qiymətləndirmir"

13
(Yenilənib 10:48 13.04.2021)
"Biz indi də Rusiya sülhməramlıları ilə birgə bu axtarış əməliyyatlarında iştirak edirik. Mən sizə deyə bilərəm ki, birinci Qarabağ müharibəsində bizim dörd minə yaxın Azərbaycan hərbçisi itkin düşüb. Onlardan heç biri geri qaytarılmayıb. Onlardan heç biri".

Eldar Tanrıverdiyev, Sputnik Azərbaycan

BAKI, 13 aprel — Sputnik. Ermənistan Azərbaycanın addımlarını qiymətləndirmir. Bu, hadisələrin çox uğursuz inkişafının göstəricisidir. Əgər biz postmünaqişə dövründən danışırıqsa, biz gələcək barışığa gətirəcək elementlərə diqqət ayırmalıyıq. Sputnik Azərbaycan xəbər verir ki, bunu Azərbaycan Prezidenti İlham Əliyev bu gün ADA Universitetində keçirilən "Cənubi Qafqaza yeni baxış: Münaqişədən sonra inkişaf və əməkdaşlıq" adlı konfransda çıxışında deyib.

"Biz 1500-dən çox Ermənistan əsgərinin cəsədini qaytarmışıq. Biz indi də Rusiya sülhməramlıları ilə birgə bu axtarış əməliyyatlarında iştirak edirik. Mən sizə deyə bilərəm ki, Birinci Qarabağ müharibəsində bizim dörd minə yaxın Azərbaycan hərbçisi itkin düşüb. Onlardan heç biri geri qaytarılmayıb. Onlardan heç biri. Bax, fərq bundadır.

Biz Rusiya sülhməramlılarına öz dəmiryolu vasitələrimizlə logistik dəstək veririk. Onlar öz vasitələrini dəmiryolu vasitəsilə Bərdəyə gətirirlər ki, bu da Yerevana uçub, oradan da 5-6 saat Laçın dəhlizi ilə getməkdən daha asan və ucuzdur. Mən digər elementləri də nümunə gətirə bilərəm. Biz Rusiyanın "Qazprom" şirkətinə maye qazı Azərbaycan ərazisindən Ermənistana nəql etməyə icazə verdik. Çünki Rusiya ərazisində təmir işləri aparılırdı. Biz yox deyə bilərdik. Lakin biz hə dedik.

Bu başqa bir göstərici, başqa bir jestdir. Biz Ermənistana bizim Zəngilan, Qubadlı rayonlarımızdan keçən 21 kilometrlik yolu istifadə etməyə imkan verdik. Biz buna icazə verdik, blok etmədik. Onlar bizə müharibə zamanı işğal etdikləri ərazilərə bir metr yaxınlaşamağa imkan verdilər? Yox. Bütün bunlar birtərəfli addımlardır. Bu, sadəcə jest deyil, bu müharibə səhifəsini çevirmək üçün düşünülmüş siyasətdir. Açılış nitqimdə dediyim kimi, biz heç nəyi unutmayacağıq, lakin eyni zamanda biz gələcəyə də baxmalıyıq", - deyə İlham Əliyev bildirib.

13
Teqlər:
Qarabağ, sülhməramlı, Rusiya, Ermənistan, Azərbaycan, İlham Əliyev