Elis Manolova, arxiv şəkli

Qadın güləşçilərimiz Tokio olimpiadasına vəsiqə almaq üçün mübarizəyə qoşulacaqlar

15
(Yenilənib 16:17 19.03.2021)
Budapeştdə güləş üzrə Avropa olimpiya təsnifatı turnirinin ikinci günü Azərbaycan və Ermənistan idmançıları arasında iki qarşılaşma olacaq.

BAKI, 19 mart — Sputnik, Teymur Tuşiyev. Azərbaycanın qadın güləşçiləri Yaponiyada keçiriləcək olimpiadasına vəsiqə qazanmaq üçün almaq üçün Avropa olimpiya təsnifatı turnirində mübarizəyə qoşulacaqlar.

Sputnik Azərbaycan xəbər verir ki, cümə günü martın 19-da döşək üzərinə beş qadın idmançımız çıxacaq. Belə ki, 53 kq çəki dərəcəsində güləşən Leyla Qurbanova mübarizəyə macar idmançı Timei Şekel ilə başlayacaq. Alyona Kolesnikin (57 kq) ilk rəqibi isə bolqarıstanlı Evelina Nikolayeva olacaq. 62 kq çəki dərəcəsində yarışan tatyana Omelçenko 1\4 mərhələsindən yarışa qoşulacaq və onun rəqibi Anastasiya Qriqoryeva (Latviya) və Sara de Kol (İtaliya) qarşılaşmasının qalibi olacaq.

Avropa birinciliklərinin dəfələrlə qalibi Elis Monolova (68 kq) israilli İlana Kratişlə qarşı-qarşıya gələcək. 76 kq şəki dərəcəsində güləşən Gözəl Zutova isə ilk qarşılaşmada Böyük Britaniya idmançısı Corcina Neltorpla üz-üzə gələcək.

Qeyd edək ki, Tokio Olimpiadasına vəsiqə almaq üçün azərbaycanlı idmançılar təsnifat turnirinin finalına qədər irəliləməlidirlər.

Xatırladaq ki, Azərbaycan sərbəst güləş ustaları Hacı Əliyev (65 kq) və Hacımurad Hacıyev (74 kq) artıq olimpiadaya iki vəsiqə qazanıblar. Əgər Hacıyev üçün gürcüstanlı idmançı Avtandil Kençadzeyə qarşı prinsipial əhəmiyyəti yoxdursa, Əliyev erməni əsilli idmançı Vazgen Tevanyanla qarşılaşacaq.

Bundan əlavə cümə günü martın 19-da Macarıstanda keçirilən turnirin bürünc medalları uğrunda İslam Bazarqanov (57 kq), Əbubəkr Abakarov (86) və Cəmaləddin Məhəmmədov (125 kq) yarışacaqlar. Bazarqanov Petru Krakunla (Moldova), Abakarov Ovanes Mxitaryanla (Ermənistan) qarşılaşacaq. Məhəmmədovun rəqibi isə Xose vaskes (İspaniya) – paris Karepi (Albaniya) qarşılaşmasının qalibi olacaq.

 

15
Teqlər:
olimpiada, Yaponiya
Rafael Ağayev

Rafael Ağayev əzizini itirdi

30
(Yenilənib 17:07 10.04.2021)
Beşqat dünya və onbirqat Avropa çempionu Rafael Ağayev ən əziz adamını ağır sürən xəstəlikdən itirib.

BAKI, 10 aprel - Sputnik. Karate üzrə beşqat dünya və onbirqat Avropa çempionu Rafael Ağayevə ağır itki üz verib. Onun anası Ümnisə xanım bu gün dünyasını dəyişib.

Sputnik Azərbaycan bildirir ki, xəbəri oxu.az yayıb.

Qeyd edək ki, Rafael Ağayevin anası xərçəng xəstəliyindən əziyyət çəkirdi.

30
Teqlər:
vəfat, ana, Rafael Ağayev
Günay Məmmədzadə, arxiv şəkli

Xanım şahmatçımızı yarışlara dünya çempionu hazırlayacaq

11
(Yenilənib 20:11 08.04.2021)
Azərbaycanın ən güclü şahmatçılarından olan Günay Məmmədzadə mükafat fondu 100 min dollar olan onlayn yarışlar seriyasında gücünü sınayacaq.

BAKI, 8 aprel — Sputnik, Teymur Tuşiyev. Azərbaycanın aparıcı qadın şahmatçısı Günay Məmmədzadə sürətli şahmat üzrə "Challengers Chess Tour" onlayn yarışlar seriyasında hazırkı dünya çempionu Tszüy Ventszünün rəhbərliyi altında çıxış edəcək. Sputnik Azərbaycan xəbər verir ki, ümumilikdə yarışlara dünyanın müxtəlif ölkələrindən 20 gənc və perspektivli şahmatçı cəlb olunacaq.

İştirakçılar iki komandaya bölünüblər. Qruplardan birinə qadın şahmatı tarixində ən güclü qrossmeysterlərdən sayılan Yudit Polqar başçılıq edəcək. Digər komanda isə şahmat üzrə 14-cü dünya çempionu Vladimir Kramnikin rəhbərliyi altında çıxış edəcək. Həmyerlimiz Günay Məmmədzadə Yudit Polqarın komandasında yer alıb.

Hər bir komandaya bütün turnir boyu şahmatçıları məşq etdirəcək üç mütəxəssis təhkim olunub. Polqarın komandasındakı idmançıları hazırkı dünya çempionu Tszüy Vetszün (Çin), Suriya Qanquli (Hindistan) və Artur Koqan (İsrail) məşq etdirəcəklər. Kramnikin komandasına isə dünya qadın şahmatı reytinqinin lideri Hou İfan (Çin), Boris Gelfand (İsrail) və Anna Muzıçuk (Ukrayna) kömək edəcək.

Yarışın ilk turu (Polgar Challenge) aprelin 8-də keçiriləcək. Bu seriyada növbəti qarşılaşmalar 10-13 iyun (Gelfand Challenge), 15-18 iyul (Hou Yifan Challenge) tarixlərində keçiriləcək. Hər bir turnirin mükafat fondu 15 min dollardır. Sonda seriyanın mükafat fondu 40 min dollar olan final turnirinin də keçirilməsi nəzərdə tutulur. Lakin bu yarışın tarixi hələ ki, bəlli deyil.

Qeyd edək ki, Günay Məmmədzadə azərbaycanlı qadın şahmatçılar arasında ən yüksək reytinqə malikdir. Həmyerlimiz 2443 xalla dünyada 28-ci yerdədir.

11
Teqlər:
dünya çempionu, şahmat
Nyu-Yorkda Tayms-skver meydanı, arxiv şəkli

Məşhurlar Nyu-York küçələrini podiuma çevirdilər - FOTO

0
Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

BAKI, 10 aprel — Sputnik. Nyu-Yorkda "Michael Kors Collection"ın nümayişi keçirilib.

Sputnik Azərbaycan xarici mediaya istinadən xəbər verir ki, pandemiya ilə əlaqədar olaraq tədbir rəqəmsal formatda baş tutub: modellərin yürüşü video qeydiyyata alınıb, ictimaiyyətə isə daha sonra təqdim ediləcək.

​Amma buna baxmayaraq, "Michael Kors Collection"dan ilk fotolar mediaya sızıb. Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

​Dünyaca məşhur modellərin bir araya toplaşması nadir hadisə hesab olunur. Ona görə də şounun çox yaddaqalan olacağı barədə proqnozlar verilib.

0
Teqlər:
Nyu-York, moda