Erməni qüvvələrinin açdıqları atəşdən sonra Gəncədə vəziyyət

“Bütün gəncəlilər kimi, biz şəhərdə qalırıq” “Kəpəz”in baş məşqçisi

112
(Yenilənib 00:06 12.10.2020)
Partlayış dalğası "Kəpəz" futbol klubunun meydanında bütün şüşələri qırıb, idman obyektinin təmirə ehtiyacı var

BAKI, 12 oktyabr — Sputnik, Teymur Tuşiyev. Ermənistan ərazisindən Azərbaycanın Gəncə şəhərinin raket atəşinə tutulması nəticəsində ölkənin I divizionunda çıxış edən “Kəpəz” futbol klubunun bazasına ziyan dəyib.

Bu barədə Sputnik Azərbaycan-a klubun baş məşqçisi Yaşar Vahabzadə danışıb.

Şənbədən bazara keçən gecə Gəncə Ermənistan ərazisindən atəşə tutulub. Zərbə “Toçka-U” kompleksindən buraxılan raketlər ilə yerinə yetirilib. Nəticədə yaşayış binası tamamilə dağılıb, 9 nəfər həlak olub, 34 nəfər yaralanıb.

“Kəpəz”in baş məşqçisi bildirib ki, raketlərdən biri klubun bazasının yanına düşüb, partlayış dalğası idman obyektinin inzibati binasının bütün şüşələrini qırıb.

“Gecə iki radələrində mərmi partlamasının səsini eşitdik. Bütün futbolçulara zəng edib, durumları ilə maraqlandıq. Xoşbəxtlikdən, futbolçular və onların qohumları arasında xəsarət alan yoxdur. Bəzi futbolçularımızın qonşuları yaralanıblar”, - Vahabzadə deyib.

Gərgin vəziyyətə baxmayaraq, bazar günü səhər, oktyabrın 11-də “Kəpəz”in futbolçuları öz bazalarında məşqə çıxıblar.

“Raketlərdən biri stadionumuzdan 500 m aralıya düşüb. Demək olar ki, bütün şüşələr qırıldı. Bir yerdə hətta barmaqlıqlar da çərçivədən çıxıb, çoxlu sayda qırıntılar var. Futbol bazamızın ciddi təmirə ehtiyacı var”, - Vahabzadə qeyd edib.

O həmçinin bildirib ki, komanda məşqlərini Gəncədə davam etdirəcək, amma yaxın müddətdə I divizionun oyunları bu şəhərdə keçirilməyəcək.

“Bütün gəncəlilər kimi, biz də şəhərdə qalırıq, məşqləri də öz bazamızda keçəcəyik. Amma güman ki, çempionatın ev oyunlarını başqa regionlarda keçirəcəyik. Açığını desəm, hərbi əməliyyatlardan kənarda yerləşən şəhərin yaşayış massivlərini, özü də atəşkəs vaxtı bombardman eləmək heç cür ağlıma sığmır”, - baş məşqçi deyib.

Sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlardan, minaatanlardan və müxtəlif çaplı artilleriya qurğularından intensiv atəşə tutub.

Ermənistan silahlı birləşmələrinin hərbi fəallığının qarşısını almaq və dinc əhalinin təhlükəsizliyini təmin etmək məqsədilə Azərbaycan Ordusunun komandanlığı qoşunların cəbhə boyu əks-hücum əməliyyatına başlayıb.

10 oktyabr saat 12:00-dan etibarən humanitar məqsədlərlə Beynəlxalq Qırmızı Xaç Komitəsinin vasitəçiliyi və onun meyarlarına uyğun olaraq, hərbi əsirlər və digər saxlanılan şəxslərin, həmçinin ölənlərin meyitlərinin dəyişdirilməsi üçün atəşkəs elan olunub.

Bununla bağlı Rusiya tərəfinin təşəbbüsü əsasında 9-10 oktyabr tarixlərində Moskva şəhərində keçirilən görüş nəticəsində Rusiya Federasiyası, Azərbaycan Respublikası və Ermənistan Respublikasının Xarici İşlər nazirlərinin qəbul etdiyi bəyanatda deyilir.

Bəyanata əsasən, atəşkəs rejiminin konkret parametrləri əlavə olaraq razılaşdırılacaq.

Azərbaycan Respublikası və Ermənistan Respublikası ATƏT-in Minsk Qrupunun həmsədrlərinin vasitəçiliyi ilə tənzimlənmənin əsas prinsipləri əsasında münaqişənin tezliklə sülh yolu ilə həlli məqsədilə substantiv danışıqlara başlayacaqlar.

112
Teqlər:
dağıntı, baza, futbol, "Kəpəz", raket zərbələri, Gəncə
Mövzu:
Azərbaycan və Ermənistan arasında müharibə (1184)
Əlaqədar
Gəncənin narahat gecəsi və qorxmaz sakinlər: "Uşaqlar yaralanıblar. Bəs belə olar?" - FOTO
Gəncəyə "Toçka-U" raketinin düşmə anı - VİDEO
Kamran Əliyev Gəncə hücumu barədə: "Terror aktı ilə bağlı cinayət işi başlanılıb"
Gəncədə raket atəşindən dağılan yaşayış binasında xilasetmə işləri yekunlaşdı
“Ermənistan yalvarıb, atəşkəsə çağırışlar edirdi, bunun ardınca Gəncəni atəşə tutub”
Bakı Olimpiya Stadionu, arxiv şəkli

Bakını pul gətirən layihədən çıxarırlar?

89
(Yenilənib 13:30 25.01.2021)
Türkiyə yalnız coğrafi baxımdan Azərbaycana yaxın deyil, həmçinin ənənəvi olaraq öz komandalarını fəal şəkildə dəstəkləyən türk azarkeşlərin axınını da nəzərə alsaq, paytaxtımız UEFA oyunlarının keçirilməsi üçün sərfəli məkan hesab oluna bilər.

BAKI, 25 yanvar — Sputnik, Teymur Tuşiyev. Avropa Futbol Assosiasiyaları Birliyi (UEFA) 2020-ci ildə keçirilməli olan və koronavirus pandemiyası səbəbindən 2021-ci ilə kimi təxirə salınan Avropa çempionatının təşkilatçı sayını azaltmaq məqsədilə dörd variantı nəzərdən keçirir. Sputnik Azərbaycan bu barədə Express.de-yə istinadən xəbər yayıb.

AVRO 2020-nin təşkilatçıları ilə bağlı ssenarilərdən biri çempionata ev sahibliyi edəcək şəhərlərin sayının 12-dən 10-a endirilməsindən ibarətdir. İkinci variantda şəhərlərin sayının 5-ə, üçüncü variantda isə 2-yə endirilməsi nəzərdə tutulur.

Qeyd edək ki, sonuncu dəfə 2012-ci ildə Avropa çempionatı iki ölkədə keçirilmiş, həmin vaxt turnirə Polşa və Ukrayna ev sahibliyi etmişdi.

Nəhayət, dördüncü ssenari keçən il Avropa Liqasının həlledici mərhələsində olduğu kimi, çempionatın yalnız bir ölkədə keçirilməsini nəzərdə tutur.

Bununla belə, hansı şəhərlərin təşkilatçılar siyahısından çıxarıla biləcəyi haqqında məlumat verilmir, yalnız o qeyd olunur ki, şəhərlərin sayının azaldılması çoxsaylı səfərlərin qarşısını almaq zərurətindən irəli gəlir. Əgər coğrafi prinsipdən çıxış edilərsə, siyahıda Avropaya ən uzaq olan şəhərlər Bakı və Sankt-Peterburqdur. Bu səbəbdən AVRO 2020-yə ev sahibliyi edəcək şəhərlər siyahısından çıxarılan ilk namizədlər məhz bu şəhərlər ola bilər.

"Qarabağ" futbol klubundan sensasion açıqlama>>

Digər tərəfdən, üç qarşılaşması Bakıda keçirilməli olan "A" qrupunda Türkiyə yığması da var. Özü də bu ölkə yalnız coğrafi baxımdan Azərbaycana yaxın deyil, həmçinin ənənəvi olaraq öz komandalarını fəal şəkildə dəstəkləyən türk azarkeşlərin axınını da nəzərə alsaq, Bakı UEFA oyunlarının keçirilməsi üçün sərfəli məkan hesab oluna bilər. Bununla belə, eyni qrupda olan Uels komandası Bakıya gəlmək üçün min kilometr yol qət etməlidir. Odur ki, UEFA qərar qəbul edərkən bu iki amildən birinə üstünlük verməlidir.

Əgər Avropa Futbol İttifaqı AVRO 2020-yə ev sahibliyi edəcək şəhərlərin sayını kəskin şəkildə azaltmağa qərar versə, bu halda oyunların keçirilə biləcəyi dörd Avropa şəhəri qeyd olunur: Münhen (Almaniya), London (Böyük Britaniya), Vyana (Avstriya) və Lissabon (Portuqaliya).

UEFA AVRO 2020-nin təşkilatçılarının sayının azaldılması ehtimalı ilə bağlı xəbərləri şərh etməyib, bununla belə qurumdan bildirilib ki, hazırda assosiasiya 12 təşkilatçı ilə birgə Avropa çempionatı ərzində stadionların hansı formada doldurulması ilə bağlı turnir ssenariləri üzərində işləyir. Həmin ssenarilərə əsasən, çempionat vaxtı tribunaların 50 faizdən 100 faizə, 20 faizdən 30 faizə qədər doldurulması və ya oyunların tamamilə azarkeşsiz keçirilməsi nəzərdə tutulur.

Xatırladaq ki, Bakı futbol üzrə Avropa çempionatının dörd oyununa ev sahibliyi etməli idi. Bakı Olimpiya Stadionunda İsveçrə - Uels, Türkiyə - Uels və İsveçrə - Türkiyə milli komandaları arasında A qrupunun oyunları və dörddə bir finallardan birinin keçirilməsi nəzərdə tutulmuşdu. AVRO 2020-nin bu il iyunun 11-dən iyulun 11-nə kimi keçirilməsi planlaşdırılır.

Avropa çempionatının formatı ilə bağlı son qərar martın əvvəlində açıqlanacaq.

89
Teqlər:
Bakı, UEFA, AVRO-2020, futbol
Məsut Özil, arxiv şəkli

Məsut Özil bundan sonra Türkiyədə oynayacaq

25
(Yenilənib 20:41 24.01.2021)
Türkiyə mediası 3.5 illik sözləşməyə imza atan Özilin bu müddət ərzində İstanbul klubunda 15 milyon avrodan çox qazacağını yazıb.

BAKI, 24 yanvar - Sputnik. Türkiyənin "Fənərbaxça" klubu yeni transferi Məsut Özillə 3,5 illik müqavilə bağlayıb.

Sputnik Azərbaycan klubun rəsmi saytına istinadla xəbər verir ki, 2014-cü ildən oyunçusu olduğu Almaniya millisindən istefa verən türkəsilli hücumameylli yarımmüdafiəçi müqaviləyə imza atdıqdan dərhal sonra məşqlərə başlayıb.

"Burada olduğum üçün xoşbəxtəm. Xəyalım gerçək oldu. İnanıram ki, uğurlu mövsüm keçirəcəyik", - deyə Özil vurğulayıb.

33 yaşlı oyunçunun transferi "sarı-lacivərdlilər"ə demək olar ki, havayı başa gəlib. Türkiyə mediası 3.5 illik sözləşməyə imza atan Özilin bu müddət ərzində İstanbul klubunda 15 milyon avrodan çox qazacağını yazıb.

Özil İngiltərə "Arsenal"ı ilə müqaviləsini pozduqdan sonra İstanbul klubu ilə razılaşıb. 

25
Teqlər:
İstanbul, "Fənərbaxça", məşhur futbolçu, futbolçu, Məsut Özil
Erməni əsgərlərin dəbilqələri, arxiv şəkli

Füzulidə daha 31 erməni hərbçinin qalığı tapılaraq qarşı tərəfə təhvil verilib

0
(Yenilənib 11:44 27.01.2021)
Erməni tərəfi Füzulidən tapılan meyitlərin kimliyinin müəyyən olunması üçün ekspertiza təyin edildiyini açıqlayıb.

BAKI, 27 yanvar — Sputnik. Daha otuz bir erməni hərbçinin meyiti qarşı tərəfə təhvil verilib. Sputnik Ermənistan xəbər verir ki, meyitlər Füzuli rayonu istiqamətindən qarşı tərəfə qaytarılıb.

Erməni tərəfi meyitlərin kimliyinin müəyyən olunması üçün ekspertiza təyin edildiyini açıqlayıb. İlkin məlumata görə, meyiti qaytarılanlar könüllülərdir. Meyitlərin bəzilərinin üzərində sənədləri var.

Erməni mənbələri işğaldan azad olunmuş ərazilərdən indiyədək 1318 erməninin meyitinin tapıldığını qeyd edib.

Bu gün axtarışlar Xocavənd, Füzuli və Hadrut rayonları ərazilərində aparılacaq.

Erməni hərbçilərin cəsədlərinin axtarışı daha əvvəl yanvarın 23-də Füzuli və Laçın rayonlarında, eləcə də Suqovuşanda davam etdirilib. Həmin gün 30 hərbi qulluqçunun qalığı şəxsiyyətini müəyyənləşdirmək üçün məhkəmə-tibbi ekspertizaya göndərilib.

0
Teqlər:
cəsəd, meyit, erməni hərbçi, Ermənistan