Maksim Medvedev

Medvedev Mxitaryanı yerinə oturtdu: "Xoşməramlı səfir missiyasına uyğun gəlmirsən"

213
(Yenilənib 19:55 08.10.2020)
Azərbaycan Milli Komandasının və Qarabağ Futbol Klubunun kapitanı Dağlıq Qarabağda baş verən hadisələrə münasibət bildirib.

BAKI, 8 oktyabr — Sputnik. Azərbaycan Milli Komandasının və Qarabağ Futbol Klubunun kapitanı Maksim Medvedev Qarabağda baş verən hadisələrlə bağlı "Facebook" səhifəsində paylaşım edib. Sputnik Azərbaycan-ın verdiyi məlumata görə, o, ingilis, rus və Azərbaycan dilində yazdığı mətnlə, erməni futbolçusu Henrix Mxitaryanın cavabını da verib.

M.Medvedev bildirib ki, Mxitaryanın ATƏT-in Minsk Qrupu həmsədr ölkələrinin prezidentlərinə ünvanladığı məktub onun UNICEF-in xoşməramlı səfiri kimi missiyasına uyğun gəlmir, çünki məktubda xeyli sayda yalan ifadələr yer alır:

"Azərbaycanı təcavüzdə ittiham etməyiniz doğru deyil. Çünki həqiqi təcavüz Ermənistan tərəfindən Azərbaycana qarşı törədilib. Ermənistan Azərbaycan ərazilərinin beşdə birini işğal edib və 1 milyona yaxın azərbaycanlıya qarşı etnik təmizləmə əməliyyatı aparıb. Təcavüz zamanı Ermənistanın silahlı qüvvələri insanlığa qarşı çoxsaylı cinayətlər törədib. Bu cinayətlər sırasında ermənilərin 63-ü uşaq olmaqla, 613 günahsız mülki vətəndaşı öldürdüyü Xocalı soyqırımı da var".

Millimizin kapitanı bildirib ki, erməni futbolçusunun vətəninin təhlükədə olduğunu iddia etməsi də yalandır: "Döyüşlər beynəlxalq səviyyədə tanınmış Azərbaycan ərazisində baş verir. Erməni işğalçı qüvvələrinin Azərbaycanın işğal olunmuş bütün ərazilərindən dərhal, tam və qeyd-şərtsiz çıxarılmasını tələb edən BMT Təhlükəsizlik Şurasının 993-cü il tarixli 4 qətnaməsini sizə xatırlatmaq istəyirəm. Ermənistan bu sənədləri rədd edir".

Medvedev qeyd edib ki, son hərbi eskalasiya prosesi də məhz Ermənistanın sentyabrın 27-də Azərbaycanın mülki və hərbi mövqelərini atəşə tutmasından sonra başlayıb:

"Suriya, Livan və digər Yaxın Şərq ölkələrindən gətirilmiş muzdlu əsgərlərdən istifadə edən Ermənistan Azərbaycanın mülki əhalisini hədəf almağa davam edir. Bu, beynəlxalq humanitar hüququn açıq şəkildə pozulmasıdır. Nəticədə, ikisi uşaq olmaqla 28 mülki şəxs ölüb, 144 mülki şəxs yaralanıb, 66 mülki obyekt və 427 ev dağıdılıb".

Medvedev, həmçinin erməni futbolçusunun münaqişə bölgəsindəki xristian irsi və dəyərlərindən narahatlığına da əsas olmadığını bildirib: "Çoxmillətli və çoxmədəniyyətli ölkə kimi Azərbaycan öz torpaqlarındakı bütün mədəni və tarixi irsi qoruyur. Günü bu gün də Bakının mərkəzindəki erməni kilsəsi qorunub saxlanır. Amma təəssüf ki, Azərbaycanın işğal olunmuş ərazilərdəki mədəni irsi Ermənistan tərəfindən tamamilə dağıdılıb".

Azərbaycan millisinin kapitanı döyüşlərdə gənclərin ölməsindən narahatlığını ifadə edən erməni futbolçusunun bu sözlərinə də cavab verib: "Bunun qarşısını almağın ən yaxşı yolu Ermənistan hökumətini beynəlxalq birliklərin işğal altında olan torpaqlarımızla bağlı tələblərinə əməl etməyə çağırmaqdır. Mən, Azərbaycanda doğulmuş, böyümüş və həmişə bu ölkədə oynamış Maksim Medvedev, əminəm ki, Ermənistan qoşunlarının işğal olunmuş ərazilərdən dərhal çıxarılması bölgəmizdə sülhə yol açacaq".

213
Makkabi - Qarabağ oyunu

"Qarabağ" qrup mərhələsinin ilk matçında məğlub oldu

30
(Yenilənib 10:23 23.10.2020)
I qrupunun digər matçında "Vilyarreal" İspaniyada Türkiyə "Sivasspor"unu qəbul edib. Görüş məhsuldar keçib və ispanların 5:3 hesablı qələbəsi ilə başa çatıb.

BAKI, 23 oktyabr - Sputnik. UEFA Avropa Liqasının qrup mərhələsində ilk turun oyunları keçirilib.

Ağdamın "Qarabağ" klubu Avropa Liqasının qrup mərhələsində mübarizəyə başlayıb.

Dalbadal 7-ci dəfə avrokubokların qrupunda çıxış edən Qurban Qurbanovun yetirmələri İsraildə Təl-Əvivin “Makkabi” komandası ilə görüşüb. I qrupunun I turu çərçivəsində keçirilən görüşdə hesab 10-cu dəqiqədə açılıb. Yonatan Kohen "Makkabi"ni irəli çıxarıb - 1:0. Birinci hissə bu hesabla bitib.

İkinci hissədə də "Qarabağ" buraxılmış qolun əvəzini çıxa bilməyib. Oyun minimal hesabla israillilərin xeyrinə başa çatıb. 

I qrupunun digər matçında "Vilyarreal" İspaniyada Türkiyə "Sivasspor"unu qəbul edib. Görüş məhsuldar keçib. Oyun ispanların 5:3 hesablı qələbəsi ilə qurtarıb.

II turun oyunları oktyabrın 29-da keçiriləcək. “Qarabağ” ilk ev görüşündə İspaniya təmsilçisi “Vilyarreal”la üz-üzə gələcək. Matç Türkiyədəki "Başakşehir Fatih Terim" stadionunda olacaq.

30
Qarabağ - Legiya matçı

Türkiyə "Qarabağ"a qucaq açdı

37
(Yenilənib 20:24 22.10.2020)
Qardaş ölkə təmsilçiləri klubumuzun məktubuna "Stadionumuz hər zaman "Qarabağ"ın xidmətindədir" cavabını göndərib

BAKI, 22 oktyabr - Sputnik. Avropa Liqasının qrup mərhələsində Azərbaycan çempionu "Qarabağ"ın İspaniyanın "Vilyarreal" komandası ilə qarşılaşacağı meydan bəlli olub.

Sputnik Azərbaycan bildirir ki, bu barədə "Qarabağ" klubunun yaydığı açıqlamada deyilir.

Vurğulanır ki, hazırda ölkəmizin bütün cəbhəboyu əks-hücum əməliyyatları uğurla davam edir və ölkəmizdə hərbi vəziyyət elan edilib. İki gün öncə UEFA İcraiyyə Komitəsi ölkəmizdə vəziyyəti nəzərə alaraq, "Qarabağ"ımızın qrup mərhələsində ilk ev oyununu neytral meydanda keçirilməsi ilə bağlı qərar qəbul edib. Və "Vilyarreal"la matçının hansı ölkədə keçirilməsi ilə bağlı UEFA tərəfindən bir neçə ölkə klubumuza təqdim edilmişdir.

"Lakin həmin ölkələrdə klubumuzun təhlükəsizliyi, klubumuza qarşı hər hansı bir təxribat olması ehtimalı və digər məsələləri nəzərə alan klubumuz tərəfindən anında UEFA-ya məlumat verilib və "Vilyarreal"la matçın hər zaman öz dəstəyi ilə yanımızda olan Türkiyədə keçirilməsi üçün tutarlı əsaslarla müraciət göndərilib və bu müraciət UEFA tərəfindən müsbət qarşılanıb.

Ali futbol qurumunun tələbi ilə qarşılaşma bu mövsüm avrokuboklarda ev sahibliyi etmiş stadionda keçirilməlidir. Bununla bağlı qardaş Türkiyə təmsilçilərinə klubumuz tərəfindən məktub ünvanlanıb. Və qardaş ölkə təmsilçiləri klubumuzun məktubuna "Stadionumuz hər zaman "Qarabağ"ın xidmətindədir" cavabını göndərib. Başda "Qalatasaray" olmaqla, öz dəstəyini əsirgəməyən qardaş ölkə təmsilçilərinə təşəkkür edirik.

Hazırda Çempionlar Liqasının qrup mərhələsində iştirak edən "İstanbul Başakşehir" klubunun stadionu isə texniki cəhətdən UEFA-nın tam təmin olunduğuna görə "Qarabağ"ımız "Vilyarreal"la ev matçını məhz "Başakşehir"in Fatih Terim adına stadionunda keçirəcək", - açıqlamada deyilir.

"Qarabağ" Futbol Klubu "Başakşehir" klubuna könüldən göstərdiyi dəstəyə görə təşəkkürünü bildirib.

37
Teqlər:
Türkiyə, qrup mərhələsi, Avropa Liqası, "Qarabağ" FK, futbol
Əlaqədar
Qurban Qurbanov: “Fikrimiz Azərbaycan əsgərlərinin yanındadır”
"Qarabağ" qardaş Türkiyəni seçdi
Yaşıl sahənin adamı: "Gün gələcək, Şuşada Avropa çempionatı keçirəcəyik"
Dünya futbolunun türk ulduzu Azərbaycana dəstəyini ifadə etdi
UEFA rəhbəri: "Ümid edirəm ki, Qarabağdakı münaqişə tezliklə sülh yolu ilə həll ediləcək"

İlham Əliyev: "Ermənistan ərazisinə keçmək fikrimiz olsaydı, bunu çoxdan edərdik"

0
Ali Baş Komandan: "Mən demişəm, biz onları qovuruq və qovacağıq. Azərbaycanın qarşısında heç kim dura bilməz. Biz haqlıyıq, biz öz torpağımızda vuruşuruq, öz ərazi bütövlüyümüzü bərpa edirik, Ermənistan ərazisinə keçməmişik, belə fikrimiz yoxdur".

BAKI, 25 oktyabr - Sputnik. Biz təkbaşına vuruşuruq, təkbaşına!

Sputnik Azərbaycan xəbər verir ki, bu sözləri Müzəffər Ali Baş Komandan, Prezident İlham Əliyev Müdafiə Nazirliyinin Mərkəzi Komanda Məntəqəsində keçirdiyi operativ müşavirədə deyib.

"Mən bunları deyirəm ki, ilk növbədə, Azərbaycan xalqı real vəziyyəti bilsin. Bilsin ki, biz torpaqlarımızı nəyin bahasına işğalçılardan azad edirik. Bilsin ki, əgər Ermənistana bu 27-28 il ərzində maliyyə, hərbi, siyasi yardım göstərilməsəydi, çoxdan torpaqlarımız işğalçılardan azad olunardı, özü də sülh yolu ilə. İndi baxın, erməni əsgərləri döyüş meydanından necə qaçır. Bütün bu görüntülər var. İndi bu görüntülərin bir hissəsi, sadəcə olaraq, mətbuatda öz əksini tapır. Amma bu, çox geniş bir videoməlumatdır. Əgər bu silahlar olmasaydı, bu siyasi dəstək olmasaydı, Ermənistan bizim torpaqlarımızı işğal altında saxlaya bilərdimi! Əlbəttə ki, yox", - deyə Prezident bildirib.

İlham Əliyev bəyan edib ki, Azərbaycan öz torpaqlarında vuruşur və Ermənistan ərazisinə keçməyib:

"Mən demişəm, biz onları qovuruq və qovacağıq. Azərbaycanın qarşısında heç kim dura bilməz. Biz haqlıyıq, biz öz torpağımızda vuruşuruq, öz ərazi bütövlüyümüzü bərpa edirik, Ermənistan ərazisinə keçməmişik, belə fikrimiz yoxdur. Belə fikir olsaydı çoxdan bunu edərdik. Bunu etmək üçün o qədər böyük səy göstərmək də lazım deyil".

Xatırladaq ki, oktyabrın 25-də Azərbaycan Respublikasının Prezidenti, Müzəffər Ali Baş Komandan İlham Əliyevin rəhbərliyi ilə Müdafiə Nazirliyinin Mərkəzi Komanda Məntəqəsində Müdafiə Nazirliyinin rəhbər heyəti və cəbhə bölgəsində yerləşən birlik komandirlərinin iştirakı ilə operativ müşavirə keçirilib.

 

0
Əlaqədar
Ali Baş Komandanın rəhbərliyi ilə operativ müşavirə keçirilib
Prezident Azərbaycan xalqını əmin etdi: "Haqq yolumuzdan dönməyəcəyik!"