Türkiyənin Qalatasaray komandasının matçdan öncə məşqi

Böyük oyuna saatlar qaldı - Neftçi yoxsa Qalatasaray?

323
(Yenilənib 11:00 17.09.2020)
Bu gün Bakı vaxtı ilə saat 20:00-da Bakı Olimpiya Stadionunda "Neftçi" və "Qalatasaray" qarşılaşacaq

Eldar Tanrıverdiyev, Sputnik Azərbaycan

BAKI, 17 sentyabr — Sputnik.Bu gün UEFA Avropa Liqasında II təsnifat mərhələsi baş tutacaq. Sputnik Azərbaycan xəbər verir ki, Azərbaycan təmsilçisi "Neftçi" turnir çərçivəsində bu gün Türkiyənin "Qalatasaray" klubu ilə qarşılaşacaq.

Bakı vaxtı ilə saat 20:00-da baş tutacaq qarşılaşma Bakı Olimpiya Stadionunda baş tutacaq.

Qeyd edək ki, ötən gün oyunundan öncə mətbuat konfransında "Neftçi" klubunun baş məşqçisi Füzuli Məmmədov bildirib ki, İstanbul klubunun zəif və güclü tərəflərini yaxşı öyrənib: "Hansı rəqibə qarşı oynayacağımızı yaxşı bilirik. Biz "Qalatasaray"ı analiz etmişik, onun zəif və güclü tərəflərini öyrənmişik. Meydana qələbə üçün çıxacağıq. Əgər qələbə üçün yalnız 1% şansımız da olsa, ondan istifadə edəcəyik",

Xatırladaq ki, avqustun 27-i "Neftçi" I təsnifat mərhələsində Şimali Makedoniya təmsilçisi "Şkupi"yə (2:1) qalib gəlib.

323
Teqlər:
UEFA Avropa Liqası, futbol, Neftçi, 'Qalatasaray' futbol klubu, Qalatasaray
Əlaqədar
“Qalatasaray” üçün Bakıda “sarı-qırmızı” jest – FOTO
Fatih Terim "Qalatasaray" oyunçularına "Neftçi"nin zəif və güclü tərəflərini göstərib
Bakının “sarı-qırmızı” qonaqları: “Qalatasaray” sabahkı oyuna necə hazırlaşır – FOTO
"Qalatasaray”la oyunda qələbə üçün hər şansdan yararlanacağıq – “Neftçi”nin baş məqçisi
Boksçu, arxiv şəkli

Azərbaycan idmançılarının Tokio gündəliyi: boksçularımızdan ilk qələbə

10
Tayfur Əliyevin ardınca Lorenso Sotomayor da rinqdə sözünü deyə bilməyib. Üzgüçülükdə iki təmsilçimiz sondan dördüncü yeri tutub. Məhəmməd Abdullayev isə 1/8 finala adlayıb.

BAKI, 24 iyul - Sputnik. Boksçu Məhəmməd Abdullayev Azərbaycandan olan dəri əlcək ustaları arasında Tokiodakı Olimpiadada qələbə qazanan yeganə idmançı oldu. Sputnik Azərbaycan-ın məlumatına görə, şənbə günü, iyulun 24-də Bəhreyn təmsilçisi Denis Latipovla görüşündən idmançımız qalib ayrılıb. 

91 kq çəki dərəcəsində 1/16 finaldakı görüş 3:1 hesabı ilə Abdullayevin xeyrinə bitib. 

O, ilk iki raundu udub, sonuncuda uduzsa da, görüşün qalibi olub. 1/4 finalda Abdullayev Özbəkistan təmsilçisi Bahodir Calolovla görüşəcək.

----------

16:13

Azərbaycanın daha bir boksçusu Tokio Yay Olimpiadasını tərk edib.

Sputnik Azərbaycan bildirir ki, titullu idmançı, Riodakı 2016-cı il Olimpiadasının gümüş mükafatçısı Lorenso Sotomayor (69 kq) 1/16 finalda Gürcüstan təmsilçisi Əsgərxan Madiyevə uduzub. 

Görüş üçüncü raundda Sotomayorun zədə alması səbəbindən dayandırılıb (qanaxma). Ancaq Azərbaycan yığmasının kubalı legioneri üçün qələbə ümidi heç yox idi də: ilk iki raundu o uduzmuşdu.

Bu gün daha bir boksçumuz rinqə çıxacaq. 91 kq çəki dərəcəsində çıxış edən Məhəmməd Abdullayev Bəhreyn təmsilçisi Denis Latipovla qarşılaşır. 

1/16 mərhələdə 57 kq çəki dərəcəsində çıxış edən boksçumuz - Tayfur Əliyev də hakimlərin mübahisəli qərarından sonra çıxışını dayandırmışdı. O, Vyetnam təmsilçisi Duaonq Van Nquenə qarşı döyüşürdü. Sonda nokdauna düşməsinə rəğmən beş hakimdən dördü ilk raundda Əliyevi qalib hesab etdi. Ancaq ikinci raundda Tayfurun rəqibindən geri qalmamasına rəğmən bütün hakimlər qələbəni vyetnamlıya verdilər. 

Üçüncü raundda Əliyev azacıq önə çıxsa da, ümumi hesabda Nquen qalib olub (2:3).

Üzgüçülərimiz də uduzdular 

Üzgüçülər Maksim ŞemberevMəryəm Şeyxəlizadəxangah Tokiodakı Olimpiadada uğursuz çıxış ediblər.

400 m məsafədə kompleks üzgüçülükdə çıxış edən Şemberev 4:19.40 dəqiqə nəticə ilə çıxışını yekunlaşdırıb. O, öz yarımqrupunda sonuncu - səkkizinci yer tutub. Ümumi sıralamada isə 29 iştirakçı arasında 26-cı ola bilib. Yarımfinala çıxa bilməyən Şemberev Olimpiadadakı işini yekunlaşdırıb.

Şemberev üçün bu, ikinci Olimpiadadır. 2012-ci ildə Londonda o, Ukrayna bayrağı altında çıxış edirdi.

100 m məsafədə batterflyay üsulu ilə yarışda Məryəm Şeyxəlizadəxangah finişə 1:01,37 dəqiqə nəticə ilə çataraq, üç nəfərdən ibarət yarımqrupda birinci olub. Yekun hesabda isə 33 yarışçı arasında 30-cu olub və o da Tokiodakı çıxışını bitirib.

Azərbaycan Tokio-2020-də

Tokio Yay Olimpiadasında ölkəmizi 44 idmançı təmsil edəcək. Onlar 40 lisenziya qazanaraq 14 idman növündə - cüdo, güləş, bədii gimnastika, idman gimnastikası, karate, boks, taekvondo, yüngül atletika, güllə atıcılığı, qılıncoynatma, veloidman, badminton, üzgücülük və triatlonda - çıxış edəcəklər.

Azərbaycan üçün bu, 2004-cü ildə Afinada keçirilən Olimpiya Oyunlarından bəri ən az sayda Olimpiya lisenziyasıdır, o vaxt idmançılarımız 38 lisenziya qazanmışdılar.

2008-ci ildə Pekində azərbaycanlı idmançılar 44, 2012-ci ildə Londonda 53, 2016-cı ildə Rio-de Janeyroda 56 lisenziya qazanıblar. 1996-cı ildən bəri olimpiadalarda idmançılarımız 43 medal qazanıblar ki, bunun da 7-si qızıl, 11-i gümüş, 25-i isə bürüncdür.

Eləcə də oxuyun:

10
Teqlər:
üzgüçülük, boks, Tokio Yay Olimpiya Oyunları
Azərbaycan nümayəndə heyəti Tokioda Olimpiya kəndində

Olimpiadanın açılışında Azərbaycandan neçə idmançı iştirak edir?

31
(Yenilənib 15:21 23.07.2021)
Azərbaycan Milli Olimpiya Komitəsinin rəhbərliyi Tokiodakı Olimpiya kəndində ölkəmizi təmsil edən idmançıların yaşayış şəraiti ilə tanış olub və onlara məsləhətlərini veriblər.

BAKI, 23 iyul — Sputnik. Tokio Olimpiya Oyunlarının açılış mərasimində Azərbaycanın otuza qədər idmançısı iştirak edəcək. Sputnik Azərbaycan Milli Olimpiya Komitəsinin saytına istinadən xəbər verir ki, bu sözləri qurumun vitse-prezidenti Çingiz Hüseynzadə idmançılarla görüşü zamanı deyib.

Milli Olimpiya Komitəsinin vitse-prezidenti Çingiz Hüseynzadə və baş katibin müavini Azər Əliyev Tokioda Olimpiya kəndinə səfər ediblər. Azərbaycan nümayəndə heyətinin rəhbərliyi ilə görüşən Çingiz Hüseynzadə və Azər Əliyev yerli şərait, idmançıların hazırlığı ilə tanış olublar.

© Photo : National Olympic Committee of Azerbaijan
Azərbaycan nümayəndə heyəti Tokioda Olimpiya kəndində

"Çətindir, bir az ağır olacaq. Amma sizdən böyük nəticələr gözləyirik. İnanıram ki, yaxşı olacaq. Sizə uğurlar arzulayıram. Hamınızdan yaxşı nəticələr gözləyirik", - deyə Hüseynzadə bildirib.

"Bizim idmançılar da paraddan keçəcəklər. Onların hamısı indi burada yoxdur. Əsas idmançılarımız - güləşçilər, karateçilər, gimnastlar hələ Tokioya gəlməyib. Onların çıxışları olimpiadanın son günlərində olacaq. Bu gün açılışa buradakı idmançılarımız çıxacaq. Biz sabah yarışı olan idmançıları da mərasimə aparmayacağıq. 20-30 nəfərlik nümayəndə heyətimiz açılışda iştirak edəcək", - deyə Hüseynzadə bildirib.

© Photo : National Olympic Committee of Azerbaijan
Azərbaycan nümayəndə heyəti Tokioda Olimpiya kəndində

Azərbaycan Tokio-2020-də

Tokio Yay Olimpiadasında ölkəmizi 44 idmançı təmsil edəcək. Onlar 40 lisenziya qazanaraq 14 idman növündə - cüdo, güləş, bədii gimnastika, idman gimnastikası, karate, boks, taekvondo, yüngül atletika, güllə atıcılığı, qılıncoynatma, veloidman, badminton, üzgüçülük və triatlonda - çıxış edəcəklər.

Azərbaycan üçün bu, 2004-cü ildə Afinada keçirilən Olimpiya Oyunlarından bəri ən az sayda Olimpiya lisenziyasıdır, o vaxt idmançılarımız 38 lisenziya qazanmışdılar.

2008-ci ildə Pekində azərbaycanlı idmançılar 44, 2012-ci ildə Londonda 53, 2016-cı ildə Rio-de Janeyroda 56 lisenziya qazanıblar. 1996-cı ildən bəri olimpiadalarda idmançılarımız 43 medal qazanıblar ki, bunun da 7-si qızıl, 11-i gümüş, 25-i isə bürüncdür.

Həmçinin oxuyun:

31