Futbol üzrə Azərbaycan millisinin baş məşqçisi Canni De Byazi, arxiv şəkli

Kiprlə oyunda meydana qələbə üçün çıxacağıq De Byazi

2676
Futbol üzrə Azərbaycan millisinin baş məşqçisi Kiprə qarşı oyunda kapitan dəyişikliyini istisna etməyib

BAKI, 7 sentyabr — Sputnik, Teymur Tuşiyev. Azərbaycan yığması Kipr komandasına qarşı oyuna qələbə üçün çıxacaq. Sputnik Azərbaycan bildirir ki, bunu millimizin baş məşqçisi Canni De Byazi oyunöncəsi mətbuat konfransında  deyib.

Futbol üzrə Azərbaycan millisi sentyabrın 8-də UEFA-nın Millətlər Liqasının qrup mərhələsinin ikinci turu çərçivəsində Kipr komandasının qonağı olacaq. Bakıdakı birinci oyunda futbolçularımız Lüksemburqa 1:2 hesabı ilə uduzmuşdular.

İtalyan mütəxəssis qeyd edib ki, növbəti oyuna onun yetirmələri qələbə üçün çıxacaqlar.

“Təəssüf ki, öncəki matçda uduzduq, amma Kipr komandası da Monteneqroya 0:2 hesabı ilə yenilib. Oyun çətin olacaq, amma sahəyə qələbə üçün çıxacağıq”, - De Byazi deyib.

Mütəxəssis hesab edir ki, evdə uduzduqdan sonra futbolçularımız psixi təzyiq hiss edə bilərlər. Amma De Byazi komandaya inandığını və futbolçuların Bakıda olduğundan daha yaxşı oynayacaqlarına ümid etdiyini deyib.

Kiprlə oyundan əvvəl belə söhbətlər gəzir ki, millimizin kapitanı dəyişə bilər. Bakıdakı ilk matçda kapitan sarğısı “Qarabağ”ın müdafiəçisi Maksim Medvedevdə idi. Ancaq onun oyundan sonrakı hərəkəti azarkeşlərdə qıcıq yaradıb. CBC Sport-a canlı yayımda müsahibə verən futbolçu sonra jurnalistdən gülərək soruşub: “Yaxşı alındı?”

Kapitan dəyişikliyinin mümkünlüyünə elə De Byazi özü eyham vurub. Məlum olub ki, sən demə, komandamızda iki kapitan varmış.

“Bizim iki kapitanımız var. Mən Maksimlə Qara Qarayevə etibar edirəm. Maksimi Lüksemburqla oyundan sonrakı şənliyinə görə qınayırlar, o isə sadəcə müsahibənin yaxşı alınıb-alınmadığı ilə maraqlanıb. O bizim kapitanımızdır”, - De Byazi deyib.

 

2676
Teqlər:
qələbə, matç, Kipr, Maksim Medvedev, UEFA, futbol
Əlaqədar
Anqolalı futbolçu Azərbaycandan qaçıb
Messi koronavirus testindən keçdi
Xoşbəxtlik quşu: hər kəs Maldivə dincəlməyə, azərbaycanlı oğlan işləməyə gedir
Braziliyalı ulduz futbolçu koronavirusa yoluxdu
Müsəlman futbolçuya fantastik təklif – Gəl, səni şahzadə edək

"Qarabağ" "Neftçiyə uduzdu

26
(Yenilənib 23:40 20.09.2020)
Səfər qələbəsindən sonra xallarını 6-ya çatdıran "Neftçi" 3-cü pilləyə yüksəlib. 4 xalı olan "Qarabağ" isə 5-ci sıraya geriləyib.

BAKI, 20 sentyabr — Sputnik. Futbol üzrə Azərbaycan Premyer Liqasında III tura yekun vurulub.

Turun son oyununda "Qarabağ" "Azərsun Arena"da "Neftçi"bu qəbul edib. Azərbaycan derbisi qonaqların 2:1 hesablı qələbəsi ilə yekunlaşıb.

Hesabı 10-cu dəqiqədə Ağdam klubunun hücumçusu Kvabena Ovusu açıb. Cəmi 2 dəqiqə sonra "Neftçi" Voislav Stankoviçin qolu ilə tarazlığı bərpa edib. Qol zamanı "Qarabağ"ın qapıçısı Emil Balayevin kobud səhvi diqqət çəkib. Komandalar fasiləyə bu hesabla yollanıblar - 1:1.

İkinci hissədə "ağ-qaralar" daha bir qol vurublar. 68-ci dəqiqədə Balayevlə üzbəüz dueldən qalib ayrılan Namiq Ələsgərov topu boş qapıya göndərib və yekun hesabı müəyyənləşdirib.

Səfər qələbəsindən sonra xallarını 6-ya çatdıran "Neftçi" 3-cü pilləyə yüksəlib. 4 xalı olan "Qarabağ" isə 5-ci sıraya geriləyib.

Qeyd edək ki, tura sentyabrın 19-da start verilib. "Qəbələ" evdə "Keşlə" ilə qolsuz heç-heçə edib. "Sumqayıt" doğma meydanda "Səbail"ə 2:1 hesabı ilə qalib gəlib. Bu gün isə "Sabah" səfərdə "Zirə"ni yenib - 2:0.

26
Teqlər:
Futbol üzrə Azərbaycan Premyer Liqası, "Neftçi" Futbol Klubu, "Neftçi", "Qarabağ" futbol klubu, "Qarabağ" komandası, "Qarabağ

Lənkəranda “Polad Kuboku” mini-futbol turniri keçirilir

199
(Yenilənib 15:41 20.09.2020)
Turnirin əsas məqsədi Tovuz döyüşlərində Vətən uğrunda canlarından keçən şəhidlərimizin əziz xatirəsini yad etmək və eyni zamanda milli vətənpərvərlik ruhunda olan gəncləri bir araya yığmaqdır.

Rahim Muradov, Sputnik Azərbaycan

BAKI, 20 sentyabr - Sputnik. Lənkəranda Tovuz döyüşləri zamanı şəhid olanların xatirəsinə həsr olunan “Polad Kuboku” Mini Futbol Çempionatı keçirilir. Çempionatın təşkilatçısı Rəşad Abbaszadənin Sputnik Azərbaycan-a bildirdiyinə əsasən, turnirdə iştirak üçün 16 komanda nəzərdə tutulsa da, bu haqda elan paylaşılan gün çempionata qatılmaq üçün 24 komanda müraciət edib.

“Biz ilk müraciət edən 16 komandanı seçdik və hər qrupda 4 komanda olmaq şərtilə komandaları 4 qrupa böldük. Çempionata 10 sentyabr tarixindən start verdik və hər gün 2 oyun olmaqla bir qrupun oyunları keçirilir. Oyunların qrafiki hava şəraitinə görə uyğunlaşdırılır. Final mərhələsini 28 sentyabr - 3 oktyabr aralığında keçiməyi planlaşdırırıq. Hava şəraitinindən asılı olaraq təqvimi dəyişə bilərik.

  • Polad Kuboku, Lənkəran
    © Sputnik / Rahim Murad
  • Polad Kuboku, Lənkəran
    © Sputnik / Rahim Murad
  • Polad Kuboku, Lənkəran
    © Sputnik / Rahim Murad
  • Polad Kuboku, Lənkəran
    © Sputnik / Rahim Murad
  • Polad Kuboku, Lənkəran
    © Sputnik / Rahim Murad
1 / 5
© Sputnik / Rahim Murad
Polad Kuboku, Lənkəran

“Polad Kuboku” Mini Futbol Çempionatı “Gənclərin İnkişaf və Karyera Mərkəzi”nin tərəfdaşlığı və Lənkəran şəhərində fəaliyyət göstərən özəl təhsil kurslarından birinin təşkilatçılığı ilə həyata keçirilir və turnirə bir neçə şirkətlər sponsor kimi dəstək olublar. Turnirin əsas məqsədi Tovuz döyüşlərində Vətən uğrunda canlarından keçən şəhidlərimizin əziz xatirəsini yad etmək və eyni zamanda milli vətənpərvərlik ruhunda olan gəncləri bir araya yığmaqdır. Turnir canlı olaraq internet üzərindən yayımlanır. Bütün komandalar formalarla təmin olunub, onlardan bəzilərinin üzvləri isə əvvəllər peşəkar futbolla məşğul olublar. Qalib komanda kubok və medalla təltif ediləcək, təşkilatçilar və sponsorlar tərəfindən onlara hədiyyələr təqdim ediləcək. Növbəti yarışlara dövlət tərəfindən dəstək almaq istəyirik”.

Rəşad Abbaszadə onu də əlavə etdi ki, çempionat uğurlu keçəcəyi halda Lənkəranda həm Peşəkar, həm də Həvəskar Mini Futbol Çempionatını başlatmağı düşünürlər.

199

ABŞ “Şimal Axını-2”-yə qarşı koalisiya yaradacaq: bu tikintini dayandıracaqmı?

0
(Yenilənib 16:51 23.09.2020)
ABŞ “Şimal Axını-2” qaz borusunun tikintisini dayandırmağa cəhd etmək üçün yeni üsul fikirləşib. Dövlət Departamentinin başçısı Mayk Pompeo bəyan edib ki, amerikalılar koalisiya yaratmaq fikrindədir.

Rusiya isə bu ideyanın altında növbəti hərbi əməliyyata başlamaq cəhdinə ehkam görür. Federasiya Şurasının beynəlxalq işlər üzrə komitəsinin başçısı Konstantin Kosaçyov qeyd edib ki, Vaşinqtonla koalisiya çox vaxt müharibə anlamına gəlir. Onun nəyə görə bu qənaətə gəldiyini və ABŞ-ın Avropaya Rusiya yanacağı əvəzinə öz maye qazını qabağa sala bilib-bilməyəcəyini videomuzda izləyin.

0