Azərbaycan güləşçisi Hacı Əliyev

Azərbaycanlı idmançılar əcnəbi həmkarlarından ciddi şəkildə geri qala bİlərlər - SƏBƏB

622
(Yenilənib 00:23 07.09.2020)
Azərbaycanlı idmançıların əksəriyyəti qapalı məkanlarda məşqlərə qoyulan qadağaya görə hazırlığını tam olaraq apara bilmir.

BAKI, 6 sentyabr — Sputnik, Teymur Tuşiyev. Koronavirus pandemiyası ucbatından hələ də qapalı idman zallarında məşq edə bilmədiklərinə görə Azərbaycan idmançıları xaricdəki həmkarlarından hazırılıq səviyyəsi baxımından ciddi surətdə zəif düşə bilərlər.

Sputnik Azərbaycan xəbər verir ki, bir çox xarici ölkələrdə koronavirus pandemiyasına baxmayaraq, idmançılara qapalı məkanlarda məşq etməyə icazə verilib. Eyni zamanda Azərbaycanda Nazirlər Kabineti yanında Operativ Qərargah ölkəmizdəki idmançılara belə bir icazə verilməyib.

Lakin ölkəmiz üçün ənənəvi sayılan güləş və boks kimi idman növlərində açıq havada tam şəkildə məşq etmək mümkün deyil.

Lakin müxtəlif idman növləri üzrə milli yığmalarının üzvlərinin zallarda təlim-məşq toplantısı keçirmək imkanları var. Bundan ötrü milli federasiyalar Gənclər və İdman Nazirliyinə bu qurumun balansında olan olimpiya komplekslərindən birində toplantı keçirmək barədə müvafiq sorğu göndərirlər.

Toplantılar başlamamışdan öncə bütün iştirakçılar koronavirus testi verməlidirlər, məşqlər isə idmançıların karantin qaydalarına əməl etməsi şərtilə keçirilməlidir, federasiyalar isə idmançıların sağlamlıq vəziyyəti ilə bağlı gündəlik hesabat göndərməlidirlər.

Gənclər və İdman Nazirliyinin mətbuat katibi Səmayə Məmmədovanın bildirdiyinə görə, bir sıra idman növlərinin təmsilçilərindən belə müraciətlər daxil olub.

Lakin Azərbaycan boksçuları bu belə bir imkandan hələlik istifadə etməyiblər. Belə ki, Azərbaycanın boks üzrə yığma komandasının böyüş məşqçisi Nəriman Abdullayev qeyd edib ki, bu günlər boksçular Tofiq Bəhramov adına Respublika stadionunda açıq havada məşq edirlər.

"Hələlik boksçularımızın hansı turnirdə çıxış edə biləcəkləri məlum deyil, lakin açıq havada məşq edərək formamızı qoruyuruq. Bütün bu vaxtı yatmaq olmaz axı. Stadionda bizdən əlavə, yüngül atletlər, basketbolçular, voleybolçular məşq edirlər", - Abdullayev bildirib.

Qaoalı məkanlarda məşqə dair nazirliyə müraciətə gəldikdə isə, məşqçi vurğulayıb ki, onlara belə bir imkan barədə məlumat verilməyib.

Məşqçinin fikrincə, açıq havada tam normal məşq etmək mümkün deyil.

"Əlbəttə ki, fərq böyükdür, açıq havada zalda olan inventardan istifadə etmək mümkün deyil. Əcnəbi həmkarlarımızdan nə qədər geri qaldığımızı deyə bilmərəm, lakin bu geri qalma ciddi ola bilər", - Abdullayev hesab edir.

Nazirliyin idmançılar üçün tam məşq imkanı yaratması üzrə səyləri kifayət etməyə bilər, çünki idmançılar yalnız toplantılar zamanı hazırlaşmırlar, zallarda gündəlik məşqlər də çox vacibdir.

Bundan əlavə, milli yığmalara düşməyən, lakin normal məşq etsələr ora düşəcək idmançıları da yaddan çıxarmaq lazım deyil. Hazırkı qadağa şəraitində onların yığmaya düşmək şansları xeyli azalır. Ümid edirik ki, yaxın vaxtlarda Operativ Qərargah bu qadağanı götürəcək.

Güləş sahəsində də təxminən eyni vəziyyət yaranıb. Pəhləvanların əksəriyyəti qapalı məkanlarda döşək üzərində məşq imkanından məhrum olub. Lakin sərbəst güləş milli yığmanın bir hissəsi başda baş məşqçi Zəlimxan Hüseynov olmaqla hazırda Mahçqaladadırlar və qapalı məkanda məşq edirlər.

622
Güləş, arxiv şəkli

Fransa Güləş Federasiyası loqoda bayrağımızın olmamasına görə üzr istədi

27
(Yenilənib 11:47 14.01.2021)
Azərbaycan Güləş Federasiyasının mətbuat katibi Sərxan Musayev səsləndirilən narazılıqlara aydınlıq gətirib.

BAKI, 14 yanvar — Sputnik. Fransanın Nitsa şəhərində keçiriləcək güləş üzrə Qran-pri turnirinin təşkilatçıları Azərbaycan bayrağının yarışın loqosunda yer almamasına görə üzr istəyib.

Bu barədə "Report"a Azərbaycan Güləş Federasiyasının Mətbuat katibi Sərxan Musalı məlumat verib.

O bildirib ki, məsələ ilə bağlı dərhal Fransa Güləş Federasiyası ilə əlaqə saxlayıblar: "Onlar qeyd etdilər ki, üzrlü hesab edin, bu, daha əvvəl hazırlanmış loqodur və burada bəzi yarış iştirakçılarının bayraqları yoxdur. Loqoda daha əvvəl bu yarışda olan ölkələrin bayraqları həkk olunub. Buna görə nəzərə alınmayıb. Loqoda elə ölkələrin bayraqları var ki, bu yarışda iştirak etmirlər. Həmin loqo 2020-ci ildə də istifadə edilib. Sadəcə, diqqətsizlik olub və bizə üzürxahlıq etdilər. Təşkilatçılıqla bağlı problem belə ola bilərdi ki, yarış nəkanında bayrağımız olmazdı. Amma bununla bağlı problem olmayacaq".

Federasiya rəsmisi təşkilatçılar tərəfindən heç bir soyuq münasibət görmədiklərini sözlərinə əlavə edib: "Mənfi nəsə hiss etməmişik. Ümumiyyətlə, problem olsaydı, bizim komandalara viza verməz, iştiraklarına problem yaradardılar. Arxivə də nəzər saldıq, Dünya Güləş Birliyinin saytında 2014-cü ildən sonrakı yarışları görmək mümkündür. 2019-cu ilə qədər bu yarış Qran-pri statusu almayıb. 2019, 2020 və 2021-ci illərdə artıq Qran-pri statusu ilə təşkil edilib. Yəni, həmin vaxta qədər ciddi yarış hesab edilmirdi. 2019-cu ilə qədər yalnız qadın və sərbəst güləşçilər arasında keçirilib. 2020 və 2021-ci illərdə isə güləşin hər üç növü proqrama daxil edilib. Biz 2020-ci ildə ilk dəfə bu yarışa qatılmışıq. Həmin vaxt yunan-Roma güləşi üzrə yığma komanda iştirak edib. Bu il isə həm yunan-Roma, həm də sərbəst güləşçilərimiz mübarizə aparacaq. Artıq təşkilatçılar bu çatışmazlığı aradan qaldırıblar və loqoya Azərbaycan bayrağını da yerləşdiriblər".

Qeyd edək ki, Qran-pri 15 - 17 yanvarda olacaq.

27
Bakı Olimpiya Stadionu, arxiv şəkli

"UEFA-2020" ilə bağlı vergidən azadolmanın müddəti artırıldı

10
Qeyd edək ki, Azərbaycan həmçinin, 2020-ci ildə futbol üzrə Avropa çempionatının oyunlarına da ev sahibliyi etməli idi.

BAKI, 12 yanvar - Sputnik. Prezident İlham Əliyev Vergi Məcəlləsinə və “Gömrük tarifi haqqında” qanuna dəyişiklikləri təsdiqləyib.

Sputnik Azərbaycan xəbər verir ki, dəyişikliklər "UEFA-2020" futbol çempionatı ilə bağlı vergidən azadolmanın müddətinin daha 1 il uzadılmasını nəzərdə tutur.

Sənəddə deyilir ki, Avropa Futbol Assosiasiyaları Birliyinin (UEFA) İcraiyyə Komitəsi ötən il Avropa Liqasının final oyununun Bakı Olimpiya Stadionunda keçirilməsi haqqında qərar qəbul edilib.

Qeyd edək ki, Azərbaycan həmçinin, 2020-ci ildə futbol üzrə Avropa çempionatının oyunlarına da ev sahibliyi etməli idi. Hazırda bütün dünyada yeni növ koronavirusun (COVID-19) yayılması ictimai-siyasi, sosial-iqtisadi həyatın bütün sahələrinə təsir etdiyi kimi, idman sahəsindən də yan keçməyib, o cümlədən böyük idman oyunlarının keçirilməsi təxirə salınıb.

Bildirilib ki, bu səbəbdən futbol üzrə Avropa çempionatının 2020-ci ildə keçirilməsi nəzərdə tutulan oyunlarının 2021-ci ildə Bakıda keçirilməsi nəzərdə tutulur. Bununla əlaqədar, “Vergi Məcəlləsində dəyişiklik edilməsi haqqında” 9 aprel 2019-cu il tarixli və “Gömrük tarifi haqqında” qanunda dəyişiklik edilməsi barədə” 9 aprel 2019-cu il tarixli qanunların qüvvədə olma müddətinin 1 avqust 2021-ci il tarixinə qədər uzadılması nəzərdə tutulur.

Həmin qanunlarla Azərbaycanda keçirilən UEFA 2019 Avropa Liqasının final oyunu və UEFA 2020 Futbol çempionatının oyunları ilə əlaqədar bir çox vergi növləri üzrə - gəlir vergisindən, mənfəət vergisindən, ƏDV-dən, aksizli mallara görə aksizdən, habelə gömrük rüsumlarından azadolmalar nəzərdə tutulub.

10
Dəniz quldurlarının bayrağı, arxiv şəkli

Dəniz quldurları Türkiyə gəmisinə hücum edib, azərbaycanlı mühəndis öldürülüb

0
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.

“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.

Gəminin kapitanı bildirib ki, quldurlar radardan başqa bütün sistemləri söküblər:

"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

0