"Qarabağ"dan möhtəşəm zəfər: Çempionlar Liqasında daha bir mərhələ adladı

455
(Yenilənib 21:58 26.08.2020)
Avqustun 18-də Makedoniyanın "Sileks" klubunu Tofiq Bəhramov adına stadionda 4:0 hesabı ilə məğlub edən "Qarabağ" birbaşa ÇL-in ikinci təsnifat mərhələsinə vəsiqə qazanıb. Budəfəki qələbəsi də, qaydaya görə, çempionumuzu növbəti mərhələyə daşıyıb

BAKI, 26 avqust — Sputnik. Bu gün Azərbaycan çempionu "Qarabağ" Çempionlar Liqasında növbəti oyununu keçirib.

Sputnik Azərbaycan bildirir ki, "Qarabağ"ımız ÇL-in ikinci təsnifat mərhələsində Moldovanın “Şerif” klubunu qəbul edib. Tofiq Bəhramov adına Respublika stadionunda və azarkeşsiz keçirilən oyunda Ağdam klubu əzmli qələbə qazanıb.

Hesabı 22 dəqiqədə "Qarabağ"ın makedoniyalı yarımmüdafiəçisi Uroş Matiç açıb. Onun penaltidən yerinə yetirdiyi zərbə dəqiq olub. İkinci qol fasilədən sonra, 63-cü dəqiqədə Mahir Emrelidən gəlib. Oyunun sonuna 12 dəqiqə qalmış yenicə meydana daxil olan Frank Kastaneda "Şerif"ə 1 qol qazandırıb.  

Qeyd edək ki, avqustun 18-də Makedoniyanın "Sileks" klubunu Tofiq Bəhramov adına stadionda 4:0 hesabı ilə məğlub edən "Qarabağ" birbaşa ÇL-in ikinci təsnifat mərhələsinə vəsiqə qazanıb. Budəfəki qələbəsi də, qaydaya görə, çempionumuzu növbəti, III təsnifat mərhələsinə daşıyıb.

"Qarabağ"ın III təsnifat mərhələsindəki rəqibi avqustun 31-də keçiriləcək püşkatmada bəlli olacaq. 

Çempionlar Liqası

II təsnifat mərhələsi

26 avqust

“Qarabağ” (Azərbaycan) 2 – 1 “Şerif” (Moldova)

Qollar: Uroş Matiç, 22 (pen.); Mahir Emreli, 63, Frank Kastaneda, 78
Qırmızı vərəqə: Anatoli Abanq, 37

“Qarabağ”: 1. Şahruddin Məhəmmədəliyev, 5. Maksim Medvedev (k), 55. Bədavi Hüseynov, 81. Kevin Medina, 77. Vild-Donald Gerye, 8. Uroş Matiç, 2. Qara Qarayev, 19. Filip Ozobiç, 9. Xayme Romero, 10. Abdullah Zubir, 11. Mahir Emreli

Ehtiyat oyunçular: 12. Emil Balayev, 7. Kvabena Ovusu, 18. İsmayıl İbrahimli, 27. Toral Bayramov, 30. Abbas Hüseynov, 29. Musa Qurbanlı, 44. Elvin Cəfərquliyev

Baş məşqçi: Qurban Qurbanov

“Şerif”: 1. Dumitru Seleadnik, 11. Andrey Peteleu, 15. Kristiano, 91. Usman Ndiaye, 70. Fatih Obilor, 55. Benedik Mioç, 3. Çarles Petro, 44. Andrey Lukiç, 18. Uilyam Parra Sinisterra, 77. Anatoli Abanq, 76. Qabriel Boban

Ehtiyat oyunçular: 33. Sergey Peşenko, 7. Andrey Blizniçenko, 8. Maks Veloso, 10. Kastaneda Velez, 14. Sebastian Dahlstrom, 43. Riçard Qadze, 16. Keston Jülien

Baş məşqçi: Zoran Zekiç

Hakimlər: Mikola Balakin, Viktor Matyaş, Sergey Pristupa, Andrey Kovalenko (hamısı Ukrayna)

Bakı. Tofiq Bəhramov adına Respublika stadionu

455
Həbib Nurməhəmmədov, arxiv şəkli

Həbib Nurməhəmmədov Makronu sərt tənqid etdi

72
(Yenilənib 18:29 30.10.2020)
Həbib Nurməhəmmədov: "Yaradan söz azadlığı şüarı altında bir milyarddan çox müsəlmanın hisslərini incidən bu məxluqun və bütün davamçılarının üzünü çirkinləşdirsin"

Şahpəri Abbasova, Sputnik Azərbaycan

BAKI, 30 oktyabr — Sputnik. Fransa Prezidenti Emmanuel Makron və hökumətinin İslam dininə qarşı mövqeyi və Məhəmməd peyğəmbəri təhqir edən karikaturaları dəstəkləməsi İslam ölkələrində böyük narazılığa səbəb olub.

Sputnik Azərbaycan xəbər verir ki, Mütləq Döyüş Çempionatının (UFC) yüngül çəkidə rusiyalı kəmər sahibi Həbib Nurməhəmmədov sözügedən məsələ ilə bağlı özünün "Instagram" hesabında paylaşım edib. Nurməhəmmədov Emmanuel Makronun şəklinin üzərində ayaq izi olan fotonu paylaşaraq bu sözləri yazıb: "Yaradan söz azadlığı şüarı altında bir milyarddan çox müsəlmanın hisslərini incidən bu məxluqun və bütün davamçılarının üzünü çirkinləşdirsin. Uca Allah onları bu həyatda da, axirətdə də alçaltsın. Allah ədalətlidir və siz onu görəcəksiniz. Biz müsəlmanıq, analarımızdan, atalarımızdan, övladlarımızdan, həyat yoldaşlarımızdan və qəlbimizə yaxın olan bütün insanlardan daha çox peyğəmbərimizi (sallallahu aleyhi və səlləm) sevirik. İnanın, bu təxribatlar özlərinə qayıdacaq, sonu həmişə Allahdan qorxanlar üçündür. Həqiqətən, Allahı və Rəsulunu təhqir edənlərə Allah dünyada və axirətdə lənət edib və onlar üçün alçaldıcı əzablar hazırlayıb.

Посмотреть эту публикацию в Instagram

Публикация от Khabib Nurmagomedov (@khabib_nurmagomedov)

Xatırladaq ki, oktyabrın 24-də Fransa Prezidenti Emmanuel Makron Məhəmməd peyğəmbərin karikaturalarını yayımlamaq barədə vədlər verdikdən sonra bir çox müsəlman ölkələri Fransaya nota göndərib. Bəzi Yaxın Şərq ölkələri Fransa məhsullarını boykot edib.

72
Teqlər:
tənqid, Emmanuel Makron, Həbib Nurməhəmmədov
Əlaqədar
Fransalı aktyor Jerar Depardye müsəlmanlardan üzr istədi
Dünya müsəlmanları Fransa mallarını boykot etməyə çağırırlar
Pol Poqbadan Makrona etiraz - millidə oynamayacaq
Ərdoğanın boykot çağırışına Fransadan ilk reaksiya
"Charlie Hebdo" Ərdoğanın təhqiramiz karikaturalarını yayımladı
Dieqo Armando Maradona

Dieqo Maradona 60 yaşında

21
(Yenilənib 13:48 30.10.2020)
Dünya futbolunun əfsanəsi ad günü ərəfəsində verdiyi müsahibədə "60 yaşımda İngiltərəyə sağ əlimlə daha bir qol vurmaq istəyirəm", deyib.

BAKI, 30 oktyabr — Sputnik. Özünə xas davranış tərzi, danışıq üslubu ilə seçilən Argentina və dünya futbolunun əfsanəsi Dieqo Armando Maradona bu gün 60 yaşını qeyd edir. Sputnik Azərbaycan-ın Türkiyənin NTV Spor saytına istinadən verdiyi məlumata görə, 30 oktyabr 1960-cı ildə Buenos-Ayresdə dünyaya göz açan Maradona futbol karyerasına 9 yaşında ikən "Estrella Roxa" məhəllə komandasında başlayıb.

Gənc yaşlarından topla qıvraq davranışına görə insanların diqqətini çəkən argentinalı oyunçu qısa müddətdə "Los Cebollitas"a, oradan da "Argentinos Juniors"a transfer olunaraq hələ 16 yaşı tamam olmamış peşəkar müqaviləyə imza atıb.

Bununla belə, Dieqo Maradona əsl futbol karyerasına 1982-ci ildə transfer olduğu "Boca Juniors" komandasında başlayıb. Həmin komandada cəmi bir mövsüm oynadıqdan sonra İspaniyanın nəhəng Barselona klubu onun üçün minnətçi düşüb. Barselona həmin vaxt argentinalı futbolçuya o dövrün ən yüksək qonorarını – 5 milyon funt pul təklif edib. Maradona bu komandada iki mövsüm oynayandan sonra 6.9 milyon funt qarşılığında İtaliyanın Napoli komandasına transfer olunur.

1987-1988-ci illər futbol mövsümündə İtaliyanın bombardiri olan Maradona Napoli komandasının tərkibində 2 İtaliya Kuboku, İtaliya Super Kuboku, UEFA Avropa Liqası və 2 İtaliya Liqası çempionluğunu yaşayır.

Bununla belə, Dieqo Maradonanın futbol karyerasında ən yüksək zirvə onunda tərkibində çıxış etdiyi Argentina Milli Komandasının 1986-cı ildə Dünya Kubokunu qazanması olur. Həmin vaxt Argentina yığmasının Almaniya Federativ Respublikasını 3:2 hesabı ilə məğlub etdiyi final oyununa ev sahibliyi edən Azteka Stadionunda 115.000 tamaşaçı olub.

Çempionatın ən maraqlı anlarından biri isə dörddə bir final oyununda yaşanır. İngiltərə yığması ilə qarşılaşan Argentina milli komandası 2:1 hesabı ilə qalib gəlir və hər iki qolu Maradona vurur. Oyunçunun ilk topu qapıya əllə göndərməsi futbol aləmində böyük səs-küyə səbəb olur və tarixə düşür. Daha sonra iştirak etdiyi bir televiziya proqramında bu hadisəni şərh edən Maradona "O topu vuran Tanrının əli idi", – deyir.

Dünya futbolunun əfsanəsi bir neçə gün əvvəl jurnalistlərə verdiyi müsahibəsində isə "60 yaşımda İngiltərəyə sağ əlimlə daha bir qol vurmaq istəyirəm", – deyə bildirib.

Qeyd edək ki, yaşadığı stresli günlərdən sonra kokain istifadə etməsi Dieqo Maradonanın futbol karyerasını yoxuşa sürükləyən əsas amil olub.

21
 Smerç raketin fraqmetləri

Ermənistanın atdığı raketlərin buraxılışı peykdən müşahidə edilir

0
Lakin bu, açıq-aydındır, çünki ballistik raketlərin buraxılışı peyk vasitəsilə müşahidə edilir. Beləliklə, Minsk qrupunun üç həmsədr ölkəsi, əlbəttə ki, bunu kimin etdiyini bilirlər

BAKI, 31 oktyabr — Sputnik. "Mən bunu dəfələrlə demişəm. Biz bu gün dayanmağa hazırıq".

Sputnik Azərbaycan-ın verdiyi xəbərə görə, bunu Prezident İlham Əliyev Almaniyanın ARD televiziya kanalına müsahibəsində deyib. Dövlət başçısı jurnalistin "Bu müharibə nə qədər davam edəcək?" sualına belə cavab verib:

"Bu, Ermənistandan asılıdır. Mən bunu dəfələrlə demişəm. Biz bu gün dayanmağa hazırıq. Yeri gəlmişkən, bizim üç dəfə atəşkəsə razı olmağımız faktı hərbi toqquşmaları dayandırmaq və bu məsələni danışıqlar masasında, siyasi yolla həll etmək iradəmizi nümayiş etdirir. Lakin Ermənistan üç dəfə atəşkəsi kobud şəkildə pozmuşdur.

Oktyabrın 10-da humanitar atəşkəs elan olunmuşdu. Növbəti gün onlar Ermənistan ərazisindən Gəncəyə ballistik raket atdılar. Yəqin ki, siz bunun səbəb olduğu dağıntıları görmüsünüz və 10 mülki şəxs öldürülmüşdür. Onlar deyirlər ki, bunu onlar etməyiblər. Lakin bu, açıq-aydındır, çünki ballistik raketlərin buraxılışı peyk vasitəsilə müşahidə edilir. Beləliklə, Minsk qrupunun üç həmsədr ölkəsi, əlbəttə ki, bunu kimin etdiyini bilirlər.

İkinci dəfə onlar eyni şeyi etdilər. Onlar atəşkəs elan olunduqdan 2 dəqiqə sonra onu pozdular. Üçüncü dəfə isə onlar dünən Tərtər şəhərinə kasetli raket atanda bunu etdilər. Dörd nəfər öldürülmüşdür, onların arasında yeddi yaşlı bir qız var.

Beləliklə, bunu onlar ediblər. Bunu bizim etdiyimizə dair heç bir sübut yoxdur. Bizim etdiyimiz bunun əksidir. Mən demişdim ki, biz eyni qaydada cavab verməyəcəyik. Biz onlara döyüş meydanında cavab verəcəyik. Biz şəhərlərə, mülki şəxslərə hücum etmirik, yalnız döyüş meydanında cavab veririk. Əlbəttə, biz özümüzü müdafiə etməliyik. Əgər onlar hücum edirlərsə, əgər onlar itirdikləri mövqeləri geri almaq istəyirlərsə, biz sakit dura bilmərik. Biz özümüzü müdafiə etməliyik. Biz nə qədər çox müdafiə olunuruqsa, daha çox əraziləri azad edirik".

0
Əlaqədar
İlham Əliyev: "Beş rayonun, demək olar ki, hamısı işğaldan azad edilib"
Prezident:"Bu, bizimlə Ermənistan arasında olan döyüşdür, hər kəs ondan uzaqda durmalıdır"
İlham Əliyev: Erməni tərəfi cəsədlərin və hərbi əsirlərin dəyişdirilməsindən imtina edib
İlham Əliyev: "Bizim cavabımız sərt idi, amma onlar buna layiq idilər"