Tokio-2020 Olimpiya Oyunlarının loqosu, arxiv şəkli

Tokio Olimpiadası ilə bağlı maraqlı qərar

68
Tokiodakı Olimpiya Oyunlarının vaxtı dəyişdirilsə də, adı dəyişməyəcək. Olimpiya məşəli də Yaponiyada qalacaq

BAKI, 24 mart — Sputnik. Beynəlxalq Olimpiya Komitəsinin başçısı Tomas Bax və Yaponiyanın Baş naziri Sindzo Abe Tokio Yay Olimpiya Oyujnlarının 2021-ci ilə keçirilməsi barədə razılığa gəliblər.

"Hazırki şəraitdə və bu gün ÜST-ün təqdim etdiyi məlumat əsasında BOK prezidenti və Yaponiyanın Baş naziri Tokio Yay Olimpiya Oyunlarının 2020-ci ildən sonra, amma 2021-ci ilin yayından gec olmayaraq, keçirilməsi barədə qərara gəliblər. Bu, Olimpiya Oyunlarının bütün iştirakçılarının, idmançıların və beynəlxalq ictimaiyyətin sağlamlığını qorumaq məqsədi daşıyır", - Sputnik Azərbaycan bildirir ki, BOK-un rəsmi saytında yer alan məlumatda deyilir.

Bununla yanaşı, Olimpiya məşəli Yaponiyada saxlanacaq, oyunların adı da dəyişməyəcək - "Tokio-2020" qalacaq.

"Rəhbərlər razılığa gəldilər ki, Tokiodakı Olimpiya oyunları bu narahat dövrdə ümid mayakı, Olimpiya məşəli isə dünyanın hazırda olduğu qaranlıq tunelin sonundakı işıq ola bilər", - BOK-dan bildirilib.

Bundan əvvəl Abe Baxa müraciət edərək Olimpiadanın vaxtının dəyişdirilməsini istəyib və qeyd edib ki, Olimpiadanın ləğvindən söhbət getmir. Bax cavabında deyib ki, "100 faiz razıdır". 

Yay Olimpiya Oyunları Tokioda iyulun 24-dən avqustun 9-dək keçirilməli idi.

Ümumdünya Səhiyyə Təşkilatı martın 11-də koronavirus epidemiyasını pandemiya adlandırıb. Son məlumatlara görə, dünyada bu virusa yoluxanların sayı 330 mindən çoxdur, ölənlərin sayı isə 14,5 mini ötüb.

68
 Mario Balotelli, arxiv şəkli

Məşhur futbolçu evlənməyə hazırlaşır

7
(Yenilənib 14:43 26.09.2020)
Məşhur futbolçu 1 aydır ki, münasibətdə olduğu model və "Instagram" fenomeni Alessia Messina ilə ailə qurmağa hazırlaşır.

BAKI, 26 sentyabr — Sputnik. İtaliyalı tanınmış qaradərili futbolçu ailə qurmağa hazırlaşır.

Sputnik Azərbaycan-ın Türkiyə mediasına istinadən xəbərinə görə, İtaliyanın ən çox gündəmdə olan futbolçusu Mario Balotelli evlilik hazırlıqlarına başlayıb. Məşhur hücumçu 1 aydır ki, münasibətdə olduğu model və "İnstagram" fenomeni Alessia Messina ilə ailə qurmağa hazırlaşır.

Qeyd edək ki, məşhur cütlük artıq nişanlanıb.

 

7

Bakı Kuboku: şəhərin ən yaxşı iki təkər ustaları bəlli oldu - FOTO

14
(Yenilənib 21:26 25.09.2020)
Velosiped idmanı üzrə son yarışlardan üç ay sonra paytaxtda trek velosipedi üzrə Bakı Kuboku baş tutub. Yarışın necə keçdiyini Sputnik Azərbaycan-ın fotolentində izləyin

Cümə günü paytaxt velotrekində təkbətək trek üzrə Bakı Kuboku keçirilib, medal dəstləri oynanılıb. İdman tədbiri Bakının Gənclər və İdman Baş İdarəsi ilə Azərbaycan Veloidman Federasiyasının birgə təşkilatçılığıyla baş tutub.

Yarışlar yuniorlar arasında, eləcə də U-15, U-17, U-23 kateqoriyaları üzrə keçirilib. Öz qüvvəsini 60-dək idmançı sınayıb.

Koronavirus infeksiyasının yayılmasının qarşısının alınması məqsədilə yarış tamaşaçısız keçib. Qeyd edək ki, idmançılar özləri də yarış trekindən kənarda tibbi maskada idilər, Kubok başlamazdan öncə isə onların bədən hərarətləri ölçüldü.

Qarşıda idmançıları Respublika Çempionatı gözləyir, onun Azərbaycanın bölgələrindən birində keçirilməsi planlaşdırılır.

Xatırladaq ki, AR Nazirlər Kabineti yanında Operativ Qərargah iyunun 1-dən sosial məsafənin qorunması şərtilə açıq havada idman tədbirlərinin keçirilməsinə icazə verib.

14
  • © Sputnik / Murad Orujov

    Trek velosipedi üzrə Bakı Kuboku

  • © Sputnik / Murad Orujov

    Trek velosipedi üzrə Bakı Kuboku

  • © Sputnik / Murad Orujov

    Trek velosipedi üzrə Bakı Kuboku

  • © Sputnik / Murad Orujov

    Trek velosipedi üzrə Bakı Kuboku

  • © Sputnik / Murad Orujov

    Trek velosipedi üzrə Bakı Kuboku

  • © Sputnik / Murad Orujov

    Trek velosipedi üzrə Bakı Kuboku

  • © Sputnik / Murad Orujov

    Trek velosipedi üzrə Bakı Kuboku

  • © Sputnik / Murad Orujov

    Trek velosipedi üzrə Bakı Kuboku

  • © Sputnik / Murad Orujov

    Trek velosipedi üzrə Bakı Kuboku

  • © Sputnik / Murad Orujov

    Trek velosipedi üzrə Bakı Kuboku

  • © Sputnik / Murad Orujov

    Trek velosipedi üzrə Bakı Kuboku

  • © Sputnik / Murad Orujov

    Trek velosipedi üzrə Bakı Kuboku

  • © Sputnik / Murad Orujov

    Trek velosipedi üzrə Bakı Kuboku

  • © Sputnik / Murad Orujov

    Trek velosipedi üzrə Bakı Kuboku

  • © Sputnik / Murad Orujov

    Trek velosipedi üzrə Bakı Kuboku

  • © Sputnik / Murad Orujov

    Trek velosipedi üzrə Bakı Kuboku

  • © Sputnik / Murad Orujov

    Trek velosipedi üzrə Bakı Kuboku

Prezident İlham Əliyev Azərbaycan xalqını təbrik etdi

0
"Ermənilər və Ermənistan rəhbərliyi tərəfindən öz dədə-baba torpaqlarından didərgin salınmış insanlar öz doğma ocaqlarına qayıtmaq istəyirlər"

BAKI, 27 sentyabr — Sputnik. “İşğal altında olan bir neçə yaşayış məntəqəsi işğalçılardan azad edilib. Bu münasibətlə bütün Azərbaycan xalqını təbrik edirəm”.

Sputnik Azərbaycan-ın məlumatına görə, bunu Prezident İlham Əliyev Təhlükəsizlik Şurasının iclasında deyib.

Dövlət başçısı əmin olduğunu bildirib ki, bizim uğurlu əks-hücum əməliyyatımız işğala son qoyacaq:

“Əminəm ki, bizim uğurlu əks-hücum əməliyyatımız işğala son qoyacaq, ədalətsizliyə son qoyacaq, 30 ilə yaxındır davam edən işğala son qoyacaq. Çünki Azərbaycan xalqı öz torpağında yaşamaq istəyir. Azərbaycan vətəndaşı vətən həsrəti ilə yaşayır. Ermənilər və Ermənistan rəhbərliyi tərəfindən öz dədə-baba torpaqlarından didərgin salınmış insanlar öz doğma ocaqlarına qayıtmaq istəyirlər”.

Qeyd edək ki, sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli və Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki əhali arasında həlak olan və yaralananlar var. Mülki infrastruktur obyektlərinə ciddi ziyan dəyib.

Mülki əhali və hərbi qulluqçular arasında itkilər və yaralılar barədə məlumat dəqiqləşdirilir.

Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

0
Teqlər:
Azərbaycan ordusu, cəbhə, erməni təxribatı, Prezident İlham Əliyev, Ermənistan, Azərbaycan, Dağlıq Qarabağ
Mövzu:
Azərbaycan və Ermənistan arasında müharibə
Əlaqədar
Azərbaycan Odusunun uğurlu əməliyyatı nəticəsində bir sıra kəndlərimiz azad edilib
Rəsmi Bakı: Məsuliyyət tam olaraq Ermənistanın siyasi-hərbi rəhbərliyinin üzərinə düşür
Ərdoğan Əliyevə zəng etdi: "Türkiyə Azərbaycanın yanındadır"
Cəbhədə yaralananlarla bağlı son məlumat
İlham Əliyev: Azərbaycan torpaqlarının işğalı Ermənistanın planındadır və bunu gizlətmir