BAKI, 15 fevral — Sputnik. Meksikada keçirilən Qarışıq Döyüş Növləri (MMA) üzrə idmançılar Daniel Veqa və Antonio Markes eyni vaxtda bir-birini nokdauna göndərib. Sputnik Azərbaycan xəbər verir ki, qarşılaşma “Lux Fight” liqasında baş tutub.
¡Increíble! tanto poder que el Danger Vega y el 500 Márquez terminaron en la lona en #LUX008 pic.twitter.com/J9euZVg9nw
— Lux Fight League (@luxfightleague) February 15, 2020
Görüntüləri əks etdirən video turnirin rəsmi "Twitter" səhifəsində yayımlanıb. Hadisə birinci raundun ortalarında baş verib. Hər iki döyüşçü eyni anda bir-birinə zərbə vuraraq, yerə yıxılıb. Amma nokdaun uzunmüddətli olmayıb və ayağa qalxan idmançılar döyüşü davam etdiriblər.
Sonda sevinən tərəf Veqa olub. O, indiyə qədər keçirdiyi qarşılaşmaların 11-də qələbə qazanıb, 2-də məğlub olub. Markes isə peşəkar karyerası dövründə ilk məğlubiyyətini alıb. Buna qədər idmançının aktivində 4 qələbə olub.
Qeyd edək ki, “Lux Fight” liqası Meksikanın Fronton şəhərində baş tutub.
