Rafael Ağayev və Ken Nişimura, arxiv şəkli

Rəqsimizi sözlərimizi öyrənən əcnəbi fəxrimizi döymək istəyir

630
(Yenilənib 22:24 10.02.2020)
Yapon karateçi Ken Nişimura Azərbaycana səfəri ilə bağlı təəssüratlarını və Tokioda keçiriləcək Olimpiya Oyunlarında Rafael Ağayevə dair planlarını Sputnik Azərbaycan-a açıqlayıb.

 

Teymur Tuşiyev, Sputnik Azərbaycan

BAKI, 10 fevral — Sputnik. Yapon karateçi Ken Nişimura Tokio Olimpiya Oyunlarının finalında Azərbaycandan olan dünya səviyyəli karate ustası Rafael Ağayevlə görüşə ümid edir. Bunu Sputnik Azərbaycan-a müsahibəsində Nişimura özü deyib.

Yaponiya karate üzrə yığma komandasının liderlərindən biri Bakıda üç günlük təlim-məşq toplanışı keçirib və burada Azərbaycanın karate yığmasının üzvləri ilə məşq edib, özünün məşq metodlarını bölüşüb və Azərbaycan komandasının liderlərindən bəzi bilikləri əxz edib.

Dünya reytinqində üçüncü yerdə qərarlaşan Ken Nişimura ölkəmizi ilk dəfə ziyarət edib.

"Mən ilk dəfədir Azərbaycana gəlmişəm və burada gördüklərimlə bağlı çoxlu təəssüratlarım yaranıb. Bakı çox müasir, gözəl şəhərdir və bura mənim üçün çox rahatdır", - Nişimura deyib.

Yapon karateçi nə üçün məşqlərini məhz azərbaycanlı karateçilərlə Bakıda keçirmək qərarına gəldiyini də izah edib.

"Azərbaycan karate məktəbinin şöhrəti çoxdandır ölkənizdən kənarda məlumdur. Sizdə xeyli dünya və Avropa çempionatlarının qalibləri və mükafatçıları var. Azərbaycan karateçiləri əla texnikaya malikdirlər. Bundan əlavə, Rafael Ağayev bütün dünyada məşhurdur. Ona çox hörmət edirəm və çox şey öyrənmək üçün onunla birgə məşq etmək istərdim", - deyə karateçi bildirib.

© AFP 2020 / JAVIER SORIANO
Rafael Ağayev və Ken Nişimura Madriddə karate üzrə Dünya çempionatında

Yeri gəlmişkən, keçən il Ken Nişimura Paris və Tokioda keçirilən Premyer Liqanın final oyunlarında iki dəfə Rafael Ağayevi məğlub edib.

"O, dünyanın aparıcı karateçilərindən biridir və çox güclü ruha malikdir. Onunla yarışlarda mübarizə aparanların hamısı çətinlik çəkir. Mən də onunla döyüşlərdə çətin vəziyyətlərə düşmüşəm. Ötən il onu iki dəfə məğlub edə bilsəm də, özümü Rafael üçün narahat rəqib hesab etmirəm. Bu qələbələr hələ heç nə demək deyil", - deyə Nişimura etiraf edib.

"Gündoğan ölkə"dən olan qonaq, Tokiodakı Olimpiya Oyunlarının finalında Rafael Ağayevlə görüşəcəyinə ümid etdiyini bildirib və bu görüşün mümkün nəticələrindən də danışıb.

"Əlbəttə, Olimpiadada çıxış etmək mənim üçün asan olmayacaq, çünki bu, evimdə keçiriləcək və hamı məndən qələbə gözləyəcək. Ümid edirəm ki, Rafael Ağayev və mən Tokioda keçiriləcək Olimpiya Oyunlarının finalına yüksələcəyik. Finalda kim qalib gələcək? Düşünürəm ki, mən", - deyə karateçi gülərək bildirib.

Yeri gəlmişkən, Bakıda olduğu müddətdə yaponiyalı karateçi təkcə Azərbaycan təlim metodikasını mənimsəməyib, həm də özünü milli rəqslərdə də sınayıb.

"Bir axşam məşqçimiz və Azərbaycan yığmasından olan uşaqlarla birlikdə vaxtımızı əyləncəli keçirdik. Mənə Azərbaycan rəqslərini öyrətməyə çalışdılar (gülür). Onları çox bəyəndim", - deyə Nişimura bildirib.

Rafael Ağayev və ətrafı yapon qonağa milli rəqslərimizlə yanaşı, Azərbaycan dilində bir neçə söz də öyrətməyə çalışıblar və bu məsələdə bəzi uğurlara imza atıblar.

"Mən iki Azərbaycan sözü öyrənmişəm - "Çox sağol" və "Salam". Çox maraqlı dildir", - deyə Nişimura gülərək əlavə edib.

630
Qalatasaray azarkeşləri, arxiv şəkli

Türkiyənin məşhur klubundan şəhidimizlə bağlı jest

38
(Yenilənib 21:08 24.11.2020)
"Qalatasaray"ın növbəti oyunlarından birində stadionda şəhidimiz Muradın səs yazısı səslənəcək, oyunçular Fərid yazılı forma ilə oyuna çıxacaqlar.

BAKI, 24 noyabr — Sputnik. "Qalatasaray"ın növbəti oyunlarından birində stadionda şəhidimiz Murad Məmmədovun səs yazısı səslənəcək, oyunçular Fərid yazılı forma ilə oyuna çıxacaqlar. Sputnik Azərbaycan-ın məlumatına görə, bu barədə CBC Sportun idman şərhçisi Gündüz Abbaszadə məlumat yayıb. O bildirib ki, şəhidin ailəsi "Qalatasaray"ın oyununa dəvət olunacaq. Klub şəhidimizin məzarını ziyarət edəcək: ""Qalatasaray" prezidentinin köməkçisi Yusuf Günay bir az əvvəl telefon danışığımızda mənə bunları dedi. Fərid və Muradın ailəsinin nömrələrini də istədi. Tapdıq, göndərdik. Bununla yanaşı, Türkiyə TV-lərində bu haqda xəbərlər olacaq. Ümid edirəm, ruhları şaddır!"

Xatırladaq ki, Vətən müharibəsində torpaqlarımızın azad edilməsi uğrunda qəhrəmancasına döyüşərək şəhid olan Fərid Dursunovun son istəklərindən biri azarkeşi olduğu Türkiyənin "Qalatasaray" klubu ilə bağlı olub. Qax rayonundan olan Fərid "Şəhid olsam, məzarıma Azərbaycan bayrağı ilə yanaşı "Qalatasaray"ımın bayrağını da asarsınız", - deyə dostlarından xahiş edib. Şəhidlik zirvəsinə ucalandan sonra isə yoldaşları onun bu istəyini yerinə yetiriblər. Qəhrəmanımızın məzarına üçrəngli Azərbaycan bayrağı ilə yanaşı, "Qalatasaray" bayrağı da asılıb. Eyni zamanda sosial şəbəkələrdə gəncin dostları və digər fəallar məsələ ilə bağlı "Qalatasaray" klubunun rəhbərliyinə məlumat verdiklərini bildiriblər. Qeyd edilib ki, klub rəsmiləri də şəhidin xatirəsini əbədiləşdirmək məqsədilə müəyyən rəsmi addımlar atacaqlarını vurğulayıblar.

38
Teqlər:
bayraq, arzu, Qax, azərbaycanlı, şəhid, "Qalatasaray" futbol klubu, Türkiyə
Azərbaycanlı şahmatçı Teymur Rəcəbov, arxiv şəkli

Teymur Rəcəbov Levon Aronyana qalib gəlib

39
Ağ fiqurlarla oynayan Rəcəbov qələbə qazanıb. Bununla da Teymur 7 oyundan sonra xal hesabını 3,5-ə çatdırıb.

BAKI, 23 noyabr - Sputnik. Onlayn şahmat üzrə “Skilling Open” turniri davam edir.

Apasport.az saytının məlumatına görə, Azərbaycan qrossmeysteri Teymur Rəcəbov VII turda prinsipial qarşılaşmaya çıxıb.

Şahmatçımız ermənistanlı Levon Aronyanla qarşılaşıb. Ağ fiqurlarla oynayan Rəcəbov qələbə qazanıb. Bununla da Teymur 7 oyundan sonra xal hesabını 3,5-ə çatdırıb.

Qeyd edək ki, turnirin əsas mərhələsində 16 şahmatçı bir dövrəlik dairəvi sistemlə mübarizə aparır. Üçgünlük mübarizədən sonra pley-off start götürəcək.

39
Teqlər:
şahmat turniri, Teymur Rəcəbov, qalib, qələbə, şahmat
Koronavirus testi, arxiv şəkli

Azərbaycanda son sutkada 3469 nəfər COVID-19-a yoluxub

5
Son sutka ərzində yeni yoluxma hallarının müəyyənləşdirilməsi ilə əlaqədar 15 057, ötən müddət ərzində isə ümumilikdə 1 646 654 test aparılıb. 

BAKI, 25 noyabr - Sputnik. Azərbaycan Respublikasında koronavirus (COVID-19) infeksiyasına 3469 yeni yoluxma faktı qeydə alınıb, 1229 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 30 nəfər vəfat edib.

İndiyədək ölkədə ümumilikdə 102 396 nəfərin koronavirus infeksiyasına yoluxması faktı müəyyən edilib, onlardan 66 963 nəfər müalicə olunaraq sağalıb, 1 224 nəfər vəfat edib, aktiv xəstə sayı 34 209 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 15 057, ötən müddət ərzində isə ümumilikdə 1 646 654 test aparılıb. 

5
Teqlər:
Azərbaycan, test, Koronavirus, COVID-19, yoluxma