Yevgeni Plyuşenko, arxiv şəkli

Yevgeni Plyuşenko: Azərbaycanlı fiqurist hər kəslə mübarizə aparmağa qadirdir

815
(Yenilənib 21:28 31.01.2020)
Fiqurlu konkisürmə üzrə ikiqat olimpiya, dəfələrlə dünya və Avropa çempionu Yevgeni Plyuşenko azərbaycanlı yetirməsi haqqında inamlı danışıb

BAKI, 31 yanvar — Sputnik, Teymur Tuşiyev. Azərbaycanlı fiqurst Yekaterina Ryabova bütün favoritlərlə rəqabət aparmaq üçün işləmək niyyətindədir. Bu barədə Sputnik Azərbaycan-a fiqurlu konkisürmə üzrə ikiqat olimpiya, dəfələrlə dünya və Avropa çempionu Yevgeni Plyuşenko bildirib.

Avstriyanın Qrats (Graz) şəhərində keçirilən fiqurlu konkisürmə üzrə Avropa çempionatında Yekaterina Ryabova yekun hesabda 6-cı yeri tutub. Müqayisə üçün bildirək ki, keçən il Minskdə keçirilən qitə birinciliyində fiqurlu konkisürən 13-cü yerdə qərarlaşmışdı.

Avropa çempionatında qadınlar arasında təkbaşına konkisürmənin ən yüksək 3 pilləsini Rusiya nümayəndələri - Alena Kostornaya, Anna Şerbakova və Aleksandra Trusova qazanıb.

Moskvada yaşayan Ekaterina Ryabova Yevgeni Plyuşenkonun məktəbində məşq edir.

"Katya Ryabova bu mövsüm çox yaxşı sürüşür. O, əhəmiyyətli dərəcədə inkişaf edib, daha sabit və məharətlə çıxış etməyə başlayıb. Bunu onun keçən il qitə çempionatında 13-cü olmasına baxmayaraq, bu dəfə Avropanın ən güclü altılığına düşməsi faktı da sübut edir. Mənə elə gəlir ki, bu il o, məşqçiləri ilə birlikdə çox böyük iş bacarıb", - deyə Plyuşenko azərbaycanlı fiquristin Avropa çempionatındakı çıxışını və onun perspektivlərini qiymətləndirərkən bildirib.
© Sputnik / Aleksandr Vilf
Yekaterina Ryabova fiqurlu konkisürmə üzrə qadınlar arasında Avropa çempionatında

O, ümid etdiyini bildirib ki, azərbaycanlı fiqurlu konkisürən burada dayanmayacaq və inkişafa davam edəcəkdir.

"Katya mənim məktəbimi təmsil edir və mən çox şadam ki, o, inkişaf edir və əldə etdiyi nəticələrə qane olmur. Hazırda o, dünya çempionatına hazırlaşır. Bu çempionatda da uğurlu çıxış etmək və üzərinə düşən işi görmək lazımdır", - Plyuşenko bildirib.

Fiqurlu konkisürmə üzrə dünya çempionatı bu il Monrealda (Kanada) keçiriləcək və martın 16-da start götürəcək. İkiqat olimpiya çempionu hesab edir ki, Ryabova yüksək yerləri tutmağa qadirdir və bu, qarşıdan gələn turnur üçün də keçərlidir.

"Biz Monrealdakı dünya çempionatında hansısa yeri tutmaqla bağlı plan qurmuruq. Biz dünya çempionatına qatılaraq layiqli konkisürməni nümayiş etdirmək istəyirik. Qiyməti və yerləri isə hakimlər verirlər. Katya ləyaqətlə sürüşərsə və tamamilə öz işini görərsə, onda tutduğu yer də çox yaxşı olacaq", - Plyuşenko əlavə edib.

Onun sözlərinə görə, hazırda Ryabova buz üstündə konkisürmənin bütün komponentlərini yaxşılaşdırmaq üçün çalışır.

"Bizim idman növündə bütün elementləri əlavə etmək mümkündür. Bu, fırlanma, sıçrama, xoreoqrafiya, sürüşmə və sairdir. Biz bütün bunların üzərində işləyirik. Yenə də keçən ilə nisbətən nəticəni ikiqat artırdıq. Buna görə də dayanmırıq, bundan sonra da işləməyə davam edəcəyik", - Plyuşenko deyib.

Екатерина Рябова (Азербайджан) выступает в произвольной программе женского одиночного катания на чемпионате Европы по фигурному катанию в Минске
© Sputnik / Vladimir Pesnya
Yekaterina Ryabova (Azərbaycan) Minskdə fiqurlu konkisürmə üzrə qadınlar arasında Avropa çempionatında xüsusi proqramı ifa edir

Titullu idmançı Rusiya fiqurlu konkisürənlərinin Avstriyada keçirilən Avropa çempionatındakı uğurları barədə də fikirlərini bildirib.

"Rusiyalı fiquristlər bu gün dünyanın ən güclüləridir, buna görə onlarla yarışmaq olduqca çətindir. Qızlar akseldə, tullanmada əvəzsizdirlər, həmçinin xoreoqrafiya və konkisürmədə də əladırlar. İşləməyə davam etmək lazımdır. Hara qədər getmək məsələsinə gəlincə, bu barədə çox yaxşı nümunələrimiz var", - Plyuşenko bəyan edib.

O, həmçinin əlavə edib ki, yetirməsi fiqurlu konkisürmə yarışında bütün favoritlərlə yarışmağa qadirdir.

"Ryabova hər kəslə rəqabət aparmaq üçün işləməyə çalışacaq", - deyə Plyuşenko fikrini tamamlayıb.

815
Əlaqədar
Olimpiadaya gedirik: Bir təmsilçimiz var, o da rusiyalı fiquristdir
Bobbi Çarlton, arxiv şəkli

Daha bir canlı tarix əbədiyyətə qovuşdu

10
(Yenilənib 15:19 11.07.2020)
Cek Çarlton Britaniya yığmasının tərkibində qardaşı ilə birlikdə 1968-cı il Avropa çempionatının bürünc mükafatçısı və 1966-cı ildə dünya çempionu olub

BAKI, 11 iyul — Sputnik. Britaniya yığmasının keçmiş futbolçusu Bobbi Çarltonun böyük qardaşı Cek Çarlton 85 yaşında vəfat edib.

Sputnik Azərbaycan xarici mətbuata istinadla xəbər verir ki, idmançı uzun sürən xəstəlikdən dünyasını dəyişib. Bu barədə onun 23 il müddətində çalışdığı "Lids" futbol klubundan məlumat verilib.

Çarlton ümumilikdə 773 oyunda iştirak edib. Futbolçu Böyük Britaniya çempionatında, Böyük Britaniya Kubokunda, Böyük Britaniya superkibokunda, İngiltərə Liqa Kuboku və Sərgilər Kubokunda qələbə qazanıb.

O, böyük Britaniya yığmasının tərkibində qardaşı ilə birlikdə 1968-cı il Avropa çempionatının bürünc mükafatçısı və 1966-cı ildə dünya çempionu olub.

O eyni zamanda "Şeffild Uensdey", "Midlsbro" , "Nyukasel" klublarlnda məşqçi kimi çalışıb.

İrlandiya millisinin məşqçisi kimi komandanı 1990 və 1994-cü illər dünya çempionatlarının finallarına aparıb.

10
Canni De Byazi, arxiv şəkli

Tək gəlmir: de Byazi köməkçilərini gətirəcək

3
De Byazi AFFA ilə müqavilə imzalayacağı təqdirdə, həmyerliləri Benito Karbone və Klaudio Belluçi ona köməkçi təyin olunacaq

BAKI, 11 iyul – Sputnik. Azərbaycan millisinin baş məşqçisi postuna təyinatı gözlənilən Canni de Byazi ölkəmizə tək gəlməyəcək.

Sputnik Azərbaycan İtaliya mətbuatına istinadən xəbər verir ki, 64 yaşlı mütəxəssisin məşqçilər korpusunda 2 italyan yer alacaq.

Artıq həmin şəxslərin adları da məlumdur. De Byazi AFFA ilə müqavilə imzalayacağı təqdirdə, həmyerliləri Benito Karbone və Klaudio Belluçi ona köməkçi təyin olunacaq. Hər iki mütəxəssis futbolçu karyerası ərzində İtaliyanın bir neçə yüksək liqa klubunun formasını geyinib. Karbone 2010, Belluççi isə 2014-cü ildə məşqçilik karyerasına başlayıb. 49 yaşlı Karbone son olaraq 2016/17 mövsümündə "Ternana"nın baş məşqçisi olub. 45 yaşlı Belliççi də aşağı liqa klublarında fəaliyyət göstərib. O, axırıncı dəfə 2018/19 mövsümündə "Albissola"ya rəhbərlik edib.

Qeyd edək ki, Arif Əsədov AFFA tərəfindən yığmaya yenidən köməkçi-məşqçi təyin olunub.

3
Londonda küçələrin birində, arxiv şəkli

Min illərin sirli qətlinin üstü açıldı

0
(Yenilənib 00:04 12.07.2020)
Vendover yaxınlığındakı Uelvik fermasında aparılan qazıntılar zaman kişi skeleti tapılıb. O üzü üstə yerə basdırılıb və əlləri kürəyinin arxasına bağlanıb.

BAKI, 12 iyul — Sputnik. Böyük Britniyada sürətli bir yol çəkmək üçün layihə üzərində çalışan arxeoloqlar, dəmir dövrünə aid insan skeleti tapıblar.

Sputnik Azərbaycan xarici mətbuata istinadla xəbər verir ki, insan qalıqlarının üzü üstə olması və əllərinin arxadan bağlı olması onun qətlə yetirildiyini sübut edir. Bu barədə layihənin rəsmi saytında məlumat verilib.

Vendover yaxınlığındakı Uelvik fermasında aparılan qazıntılar zaman kişi skeleti tapılıb. O üzü üstə yerə basdırılıb və əlləri kürəyinin arxasına bağlanıb. Bu cür qeyri-adi dəfn üsulu insanın qətl və ya edam qurbanı olduğunu göstərir.

Doktor Reyçel Vuud tapıntını sirli adlandırıb. O, mütəxəssislərin bu ölümün səbəbləri barədə məlumat verə biləcəyinə ümid etdiyini bildirib.

Bununla yanaşı, arxeoloqlar bu ərazidə neolit ​​dövründən orta əsrlərə qədər dörd min il davam edən qədim insanların fəaliyyətlərinin izlərini aşkar ediblər. Belə ki, burada Stounhencə bənzəyən taxtadan hazırlanmış diametri 65 metr olan dəyirmi abidə tapılıb.

Digər maraqlı bir tapıntı, bir qurğuşun tabutdakı skelet olub. Alimlərin fikrincə, bu şəxs yüksək statusa sahib olub. Çünki belə bir bahalı dəfn üsulunu ödəmək üçün imkanları olmalıdır.

0