Rusiya bayrağı, arxiv şəkli

Əfsanələr fikirlərini dedilər: “Axmaq qərardır, lakin sonadək getmək lazımdır”

59
(Yenilənib 01:02 10.12.2019)
Dünya idmanının əfsanələri WADA-nın rusiyalıları Olimpiadadan kənarlaşdırmaq qərarı haqqında fikirlərini bölüşüblər.

“Tribunalara sakitlik düşür, Olimpiya Oyunları qurtardı...” İlk dəfə 1980-ci ildə Moskvada keçirilən Yay Olimpiya Oyunlarının bağlanış mərasimində Lev Leşenkonun ifasında səslənmiş Aleksandra Paxmutovanın bu kədərli mahnısı bu gün istər-istəməz yenidən fikrimdə səsləndi.

Təəssüf ki, bütün Rusiya idman cəmiyyəti üçün bu gün həqiqətən də kədərli gün idi. Ümumdünya Antidopinq Agentliyi (WADA) Rusiya idmançılarını 4 il müddətinə Olimpiya Oyunlarında iştirakdan kənarlaşdırmaq qərarını verib. Təşkilat növbəti Olimpiya və Paralimpiya oyunlarına, habelə müxtəlif idman növləri üzrə dünya çempionatlarına Rusiyadan yalnız neytral statusda - bayraq və dövlət himni olmadan yarışacaq “təmiz” idmançıları buraxmağa qərar verib.

Belə çıxır ki, Rusiya üçün Olimpiya Oyunları başlamadan da başa çatıb. Gələn il heç kim arenalarda Rusiya bayraqlarını görməyəcək, yüngül atletikada və ya komanda idmanında qazanılan zəfərlərdən sonra heç kim Rusiya himnini eşitməyəcək. Yəqin ki, bununla barışmaq lazımdır.

Bəs qonşu ölkələrdə və MDB məkanında tanınmış idmançıların beynəlxalq antidopinq təşkilatının bu qərarına münasibəti necə olub? Ətraflı Sputnik-in materialında.

Sovet Yunan-Roma güləşçisi, 1988-ci il Seul Olimpiyadasının qalibi və hazırda Rusiya Güləş Federasiyasının prezidenti Mixail Mamiaşvili Sputnik Gürcüstan-ın müxbirinin sualına cavab vermək üçün sanki bir neçə saniyə doğru sözləri axtarır. Çünki onun bu sözləri təkcə mətbuata deyil, həm də öz bayrağı və vətəni ilə açıq şəkildə qürur duymaq imkanından məhrum olmuş idmançılara ünvanlanacaq.

“Hələ ki, idmançılara nə deyəcəyimi bilmirəm. Aydındır ki, narahatlıq hissləri var idi, amma yenə də hər şeyin yaxşı olacağına dair ümid də var idi. Çünki biz əksər hallarda meyarlara və tapşırıqlara tam cavab verirdik. Bütün idman tariximiz hər hansı bir sistem pozuntusundan uzaq olduğumuzu göstərir. Bu tək, nadir bir hal idi”, - Mamiaşvili deyib.

Sovet güləşinin əfsanəsi WADA-nın Rusiya tərəfinin dopinqin profilaktikası istiqamətində apardığı gündəlik işə heç bir əhəmiyyət verməməsindən məyus olduğunu gizlətməyib.

"Dörd il əvvəl baş verənlərdən, prezidentin bəyanatından sonra sistem qırıldı. Dopinqin qarşısının alınması üçün misilsiz addımlar atıldı. Müxtəlif seminarlar keçirildi və hüquq-mühafizə orqanları işə qoşuldu. Söhbət gündəlik məşğul olduğumuz bütöv bir tədbirlər kompleksindən gedir. Təəssüf ki, heç kim bunu görmək istəmədi", - Mamiaşvili əlavə edib.

Mamiaşvilinin həmkarı, hazırda Rusiya Boks Federasiyasının Baş katibi, milliyətcə tacik olan Umar Kremlyov hadisəni sərt sözlərlə qiymətləndirib.

"Mənim fikrimcə, bu, əlbəttə ki, axmaq qərardır. Günahkar olan müəyyən insanlar var və ölkənin bura heç bir dəxli yoxdur. Çox səhv qərardır. Qərardan məhkəməyə şikayət etmək və haqlı olduğumuzu sübut etmək lazımdır", - Kremlyov bəyan edib.

Öz ölkəsinin bayrağı altında çıxış etmək imkanından məhrum olmuş idmançılar barədə danışan mütəxəssis onları ruhdan düşməməyə çağırıb.

"İdmançılara ruhdan düşməməyi və qabağa getməyi arzulayıram. Çünki onların bu işdə günahları yoxdur. Təmiz olan idmançılar iştirak etməlidirlər. Mən öz uşaqlarımla danışdım, dedilər ki, bayraqsız və himnsiz getməyəcəklər, yenə danışacağam", - Kremlyov əlavə edib.

Tbilisinin yetirməsi, sovet futbolçusu Quram Adcoyev WADA-nın qərarından sonra keçirdiyi hissləri ifadə etməyə söz tapmır.

"Təəssüf ki, deməyə bir söz də yoxdur. Buna heç bir ad vermək olmur. Çünki idmançı bütün ömrü boyu buna hazırlaşır və onu birdən-birə kənarlaşdırırlar. Bu böyük zərbədir, çox ağır haldır", - Adcoyev deyib.

Rusiya Xizək Yarışları Federasiyasının rəhbəri Yelena Vyalbe də hesab edir ki, ruhdan düşmək olmaz.

"Birmənalı olaraq ruhdan düşməməliyik. Sonadək getmək lazımdır. Bütün bunlara heç bir aidiyyatı olmayan idmançıların taleləri ilə belə oynamaq olmaz", - Vyalbe bəyan edib.

Rusiya Biatlonçular İttifaqının prezidenti, vaxtilə Belarusu təmsil etmiş Vladimri Draçov artıq gələcəyə baxır və "təmiz" idmançılar üçün növbəti Olimpiadalara buraxılış meyarlarını nəzərdən keçirir.

"Bizim biatlon üçün mənfi məlumatdır. Lakin burada baxmaq lazımdır ki, iştirak siyahıları necə formalaşacaq. Onlar hansısa qaydalar yazmalıdırlar. Bizim bu qaydaları başa düşməyimiz üçün. Bizim üçün bu ən əsasdır. Biz isə hazırlaşmalıyıq. Pxönçxandakı kimi alınmasın deyə", – Draçov bildirib.

WADA-nın qərarı 21 gündən sonra və yaxud İdman Arbitraj məhkəməsində apelyasiyaya baxılandan sonra qüvvəyə minəcək. İndi rusiyalı idmançıların taleyi onların peşəkar nailiyyətlərindən deyil, hüquqşünasların və idman yetkilillərinin mübarizəsindən asılı olacaq. Bunun isə, təəssüf ki, idmana aidiyyatı çox azdır.

59
Güləş, arxiv şəkli

Fransa Güləş Federasiyası loqoda bayrağımızın olmamasına görə üzr istədi

23
(Yenilənib 11:47 14.01.2021)
Azərbaycan Güləş Federasiyasının mətbuat katibi Sərxan Musayev səsləndirilən narazılıqlara aydınlıq gətirib.

BAKI, 14 yanvar — Sputnik. Fransanın Nitsa şəhərində keçiriləcək güləş üzrə Qran-pri turnirinin təşkilatçıları Azərbaycan bayrağının yarışın loqosunda yer almamasına görə üzr istəyib.

Bu barədə "Report"a Azərbaycan Güləş Federasiyasının Mətbuat katibi Sərxan Musalı məlumat verib.

O bildirib ki, məsələ ilə bağlı dərhal Fransa Güləş Federasiyası ilə əlaqə saxlayıblar: "Onlar qeyd etdilər ki, üzrlü hesab edin, bu, daha əvvəl hazırlanmış loqodur və burada bəzi yarış iştirakçılarının bayraqları yoxdur. Loqoda daha əvvəl bu yarışda olan ölkələrin bayraqları həkk olunub. Buna görə nəzərə alınmayıb. Loqoda elə ölkələrin bayraqları var ki, bu yarışda iştirak etmirlər. Həmin loqo 2020-ci ildə də istifadə edilib. Sadəcə, diqqətsizlik olub və bizə üzürxahlıq etdilər. Təşkilatçılıqla bağlı problem belə ola bilərdi ki, yarış nəkanında bayrağımız olmazdı. Amma bununla bağlı problem olmayacaq".

Federasiya rəsmisi təşkilatçılar tərəfindən heç bir soyuq münasibət görmədiklərini sözlərinə əlavə edib: "Mənfi nəsə hiss etməmişik. Ümumiyyətlə, problem olsaydı, bizim komandalara viza verməz, iştiraklarına problem yaradardılar. Arxivə də nəzər saldıq, Dünya Güləş Birliyinin saytında 2014-cü ildən sonrakı yarışları görmək mümkündür. 2019-cu ilə qədər bu yarış Qran-pri statusu almayıb. 2019, 2020 və 2021-ci illərdə artıq Qran-pri statusu ilə təşkil edilib. Yəni, həmin vaxta qədər ciddi yarış hesab edilmirdi. 2019-cu ilə qədər yalnız qadın və sərbəst güləşçilər arasında keçirilib. 2020 və 2021-ci illərdə isə güləşin hər üç növü proqrama daxil edilib. Biz 2020-ci ildə ilk dəfə bu yarışa qatılmışıq. Həmin vaxt yunan-Roma güləşi üzrə yığma komanda iştirak edib. Bu il isə həm yunan-Roma, həm də sərbəst güləşçilərimiz mübarizə aparacaq. Artıq təşkilatçılar bu çatışmazlığı aradan qaldırıblar və loqoya Azərbaycan bayrağını da yerləşdiriblər".

Qeyd edək ki, Qran-pri 15 - 17 yanvarda olacaq.

23
Bakı Olimpiya Stadionu, arxiv şəkli

"UEFA-2020" ilə bağlı vergidən azadolmanın müddəti artırıldı

10
Qeyd edək ki, Azərbaycan həmçinin, 2020-ci ildə futbol üzrə Avropa çempionatının oyunlarına da ev sahibliyi etməli idi.

BAKI, 12 yanvar - Sputnik. Prezident İlham Əliyev Vergi Məcəlləsinə və “Gömrük tarifi haqqında” qanuna dəyişiklikləri təsdiqləyib.

Sputnik Azərbaycan xəbər verir ki, dəyişikliklər "UEFA-2020" futbol çempionatı ilə bağlı vergidən azadolmanın müddətinin daha 1 il uzadılmasını nəzərdə tutur.

Sənəddə deyilir ki, Avropa Futbol Assosiasiyaları Birliyinin (UEFA) İcraiyyə Komitəsi ötən il Avropa Liqasının final oyununun Bakı Olimpiya Stadionunda keçirilməsi haqqında qərar qəbul edilib.

Qeyd edək ki, Azərbaycan həmçinin, 2020-ci ildə futbol üzrə Avropa çempionatının oyunlarına da ev sahibliyi etməli idi. Hazırda bütün dünyada yeni növ koronavirusun (COVID-19) yayılması ictimai-siyasi, sosial-iqtisadi həyatın bütün sahələrinə təsir etdiyi kimi, idman sahəsindən də yan keçməyib, o cümlədən böyük idman oyunlarının keçirilməsi təxirə salınıb.

Bildirilib ki, bu səbəbdən futbol üzrə Avropa çempionatının 2020-ci ildə keçirilməsi nəzərdə tutulan oyunlarının 2021-ci ildə Bakıda keçirilməsi nəzərdə tutulur. Bununla əlaqədar, “Vergi Məcəlləsində dəyişiklik edilməsi haqqında” 9 aprel 2019-cu il tarixli və “Gömrük tarifi haqqında” qanunda dəyişiklik edilməsi barədə” 9 aprel 2019-cu il tarixli qanunların qüvvədə olma müddətinin 1 avqust 2021-ci il tarixinə qədər uzadılması nəzərdə tutulur.

Həmin qanunlarla Azərbaycanda keçirilən UEFA 2019 Avropa Liqasının final oyunu və UEFA 2020 Futbol çempionatının oyunları ilə əlaqədar bir çox vergi növləri üzrə - gəlir vergisindən, mənfəət vergisindən, ƏDV-dən, aksizli mallara görə aksizdən, habelə gömrük rüsumlarından azadolmalar nəzərdə tutulub.

10
Laçın şəhərinə mənzərə, arxiv şəkli

Laçının gəzməli-görməli yerləri haqqında videoçarx hazırlanıb

0
Videoçarxda Laçının Ağoğlan qəsri, Dəmirovlu pir məbədi, Məlik Əjdər türbəsi, "Kar günbəz" türbəsi, Həmzə Soltan sarayı haqqında məlumatlar təqdim olunur.

BAKI, 18 yanvar — Sputnik. Dövlət Turizm Agentliyi tərəfindən işğaldan azad edilmiş Laçının gəzməli-görməli yerləri haqqında tanıtım videoçarxı hazırlanıb. Bu haqda Dövlət Turizm Agentliyinin sədri Fuad Nağıyev rəsmi "Twitter" səhifəsində etdiyi paylaşımla məlumat verib. "Qədim tarixi abidələrə və gözəl təbiətə malik olan Laçında turizmin inkişafı üçün imkanlar genişdir. Növbəti videoçarxımız düşməndən azad olunan Laçınımızın gəzməli-görməli yerlərinə həsr olunub", - deyə Fuad Nağıyev qeyd edib.

Videoçarxda Laçının gəzməli-görməli yerləri, o cümlədən Qafqaz Albaniyasının mədəni irs nümunlərindən IX əsrə aid bazilika Ağoğlan qəsri və XI əsrə aid edilən Dəmirovlu pir məbədi, Elxanilər dövründə tikildiyi güman edilən Məlik Əjdər türbəsi, XVII əsrə aid edilən və tikintisində Albaniya xristian memarlığının təsiri duyulan "Kar günbəz" türbəsi, 1761-ci ildə tikilməsi haqqında məlumat mövcud olan Həmzə Soltan sarayı, rayonun bir və ikitağlı körpüləri, müxtəlif at və qoç fiqurlarından ibarət daş abidələri haqqında məlumatlar təqdim olunur.

Qeyd edək ki, Agentlik tərəfindən bundan əvvəl erməni işğalından azad edilmiş Qubadlı, Zəngilan, Şuşa və Kəlbəcərin gəzməli-görməli yerləri haqqında videoçarx təqdim olunub. Layihə çərçivəsində digər azad edilmiş torpaqlarımızın da turizm potensialını əks etdirən bu növ video çarxların hazırlanması nəzərdə tutulub.

0