UEFA-nın topu

Çempionlar Liqası: “Qalatasaray”ın taleyi öz əlindədir

17
(Yenilənib 13:21 06.11.2019)
Daha 4 klub vaxtından əvvəl qrupdan çıxmağı rəsmiləşdirmək imkanına malikdir. Bunlar “Atletiko”, “Bavariya”, “Yuventus” və “Mançester Siti”dir

BAKI, 6 noyabr — Sputnik. Bu gün Çempionlar Liqasında IV tura yekun vurulacaq. A, B, C və D qruplarında 8 oyun keçiriləcək.

Türkiyə çempionu “Qalatasaray” səfərdə “Real”ın qonağı olacaq. A qrupunun autsayderi olan İstanbul təmsilçisi 1/8 final şansını qorumaq üçün mütləq xal qazanmalıdır. Məğlubiyyət “sarı-qırmızılar”ın Çempionlar Liqasında yoluna davam etmək şansının üstündən xətt çəkəcək.

Qrupun lideri PSJ “Brügge”ni məğlub etsə, 1/8 finalda iştirak hüququna yiyələnəcək. Parislilərə heç-heçə də kifayət edə bilər. Bunun üçün “Qalatasaray” qalib gəlməməlidir.

Daha 4 klub vaxtından əvvəl qrupdan çıxmağı rəsmiləşdirmək imkanına malikdir. Bunlar “Atletiko”, “Bavariya”, “Yuventus” və “Mançester Siti”dir.

Sonuncular “Atalanta” ilə görüşdə qazanılacaq 3 xalla bunu rəsmiləşdirməlidir. “Bavariya”ya da “Olimpiakos”u yenməklə mərhələ adlayacaq. Hər iki komanda heç-heçə ilə 1/8 finala yüksəlməsi də mümkündür. Lakin bunun üçün qrupun digər görüşünün nəticəsi önəmlidir. D qrupunda isə “Atletiko” “Bayer”lə, “Yuventus” “Lokomotiv”lə səfər matçında uğur əldə etməlidir.

Qeyd edək ki, IV turun digər 8 oyunu noyabrın 6-da baş tutub.

Çempionlar Liqası

Qrup mərhələsi

IV tur

7 noyabr

A qrupu

00:00. “Real” (İspaniya) – “Qalatasaray” (Türkiyə)

00:00. PSJ (Fransa) – “Brügge” (Belçika)

B qrupu

21:55. “Bavariya” (Almaniya) – “Olimpiakos” (Yunanıstan)

00:00. “Srvena Zvezda” (Serbiya) – “Tottenhem” (İngiltərə)

C qrupu

00:00. “Dinamo” (Z, Xorvatiya) – “Şaxtyor” (Ukrayna)

00:00. “Atalanta” (İtaliya) – “Mançester Siti” (İngiltərə)

D qrupu

21:55. “Lokomotiv” (Rusiya) – “Yuventus” (İtaliya)

00:00. “Bayer” (Almaniya) – “Atletiko” (İspaniya)

 

17
Azərbaycan millisinin və Qarabağ klubunun hücumçusu Mahir Emreli

"Qarabağ"ın ulduzu "Beşiktaş"da oynaya bilər

10
(Yenilənib 21:21 06.07.2020)
Beşiktaş prezidenti Ahmet Nur Çebinin çağırışına cavab gəlib və 23 yaşlı Mahir Emreli "ağ-qaralar"ın heyətində oynamağa təklif olunub.

BAKI, 6 iyul — Sputnik. Azərbaycan milli komandasının və "Qarabağ" klubunun hücumçusu Mahir Emreli İstanbulu təmsil edən "Beşiktaş"da oynaya bilər.

Sputnik Azərbaycan "Fotospor" nəşrinə istinadən xəbər verir ki, Mahir Emreli İstanbul təmsilçisinə təklif olunub.

Məlumata görə, Beşiktaş prezidenti Ahmet Nur Çebi Azərbaycanda qoşulduğu canlı yayımda deyib: "Azərbaycanda yaxşı futbolçular varmı? Azərbaycanlı qardaşlarımız ən yaxşısını gətirsinlər və bizə göstərsinlər".

Onun bu çağırışına cavab gəlib və 23 yaşlı Mahir Emreli "ağ-qaralar"ın heyətində oynamağa təklif olunub.

Gənc hücumçu bu mövsüm 16 oyunda 6 qol vurub və 7 qol ötürməsi edib.

10
Rüfət Güləliyev (göy formada), arxiv şəkli

Azərbaycanda 22 yaşlı dünya çempionu vəfat edib

73
(Yenilənib 17:14 06.07.2020)
Bakıda keçirilmiş İslam Həmrəyliyi Oyunlarının 22 yaşlı qalibi Rüfət Gülaliyevin ölümünün səbəbi hələlik məlum deyil. Yalnız qeyd olunur ki, ötən gün onun səhhəti kəskin şəkildə pisləşib.

BAKI, 6 iyul — Sputnik. Bazar günü, iyulun 5-də 22 yaşlı azərbaycanlı idmançı, dünya, Avropa və 2017-ci ilin dördüncü İslam Həmrəyliyi Oyunlarının çempionu Rüfət Gülaliyev Bakıda qəflətən vəfat edib.

Sputnik Azərbaycan Trend agentliyinə istinadən xəbər verir ki, idmançının ölümünün səbəbi hələlik məlum deyil. Yalnız qeyd olunur ki, ötən gün onun səhhəti kəskin şəkildə pisləşib və nəticədə Gülaliyev həyatının 22-ci ilində dünyasını dəyişib.

Gülaliyev əslən Azərbaycanın Laçın rayonundan olub və avqustun 8-də ad gününü qeyd etməli idi. O, həmçinin Azərbaycan Dövlət Bədən Tərbiyəsi və İdman Akademiyasının məzunu və zorxana milli idman növü üzrə idman ustası idi.

73
Gəncədə vəziyyət, arxiv şəkli

Bölgələrimizdə koronavirusla bağlı vəziyyəti - Hansı zona daha təhlükəlidir?

0
(Yenilənib 13:08 09.07.2020)
İndiyədək Azərbaycanda 21 916 nəfər koronavirus infeksiyasına yoluxub. Onlardan 13 100 nəfər müalicə olunaraq sağalıb, 274 nəfər vəfat edib

 

BAKI, 9 iyul — Sputnik. Azərbaycanın bölgələrində koronavirusla bağlı vəziyyət açıqlanıb. Sputnik Azərbaycan-ın koronavirusinfo.az saytına istinadən məlumatına görə, epidemioloji vəziyyətin qənaətbxş olduğu Ucarda 4 nəfər, Yardımlıda 5 nəfər, Zərdabda 5 nəfər, Xızıda 6 nəfər, Daşkəsəndə 6 nəfər, Oğuzda 7 nəfərdə COVİD-19 testinin nəticələri pozitivdir.

Yoluxma sayında artım müşahidə edilən zonalar isə "sarı" zonaya daxil edilib. Salyan, Astara, Ağcabədi, Neftçala, İsmayıllı və Biləsuvarda xəstə sayında artım olduğundan bölgələrin "narıncı" zonaya keçməməsi üçün müvafiq tədbirlər görülür. Neftçalada 33 nəfər, İsmayıllıda 50 nəfər, Ağcabədidə 57 nəfər, Astarada 64 nəfər, Biləsuvarda 67 nəfər, Salyanda 70 nəfərdə koronavirus xəstəsi var. "Narıncı" zonaya daxil olan Şəkidə yoluxma sayı 62, Yevlaxda 95, Cəlilabadda 247, Abşeronda 479, Sumqayıtda 728, Bakının Nəsimi rayonunda 739 nəfərdə koronavirus aşkarlanıb. Bu zonalarda yuxarı sayda aktiv xəstə var, son günlər yoluxmanın sürətlə artdığı müşahidə edilir.

Qeyd edək ki, indiyədək Azərbaycanda 21 916 nəfər koronavirus infeksiyasına yoluxub. Onlardan 13 100 nəfər müalicə olunaraq sağalıb, 274 nəfər vəfat edib, 8 542 nəfərin xüsusi rejimli xəstəxanalarda müalicəsi davam etdirilir. Ötən müddət ərzində isə ümumilikdə 537 230 test aparılıb.

0
Teqlər:
bölgələr, Azərbaycan, Koronavirus, COVID-19
Mövzu:
Azərbaycanda koronavirus: son xəbərlər
Əlaqədar
Yaponiya mədəniyyəti koronavirusun qarşısını necə aldı - Yaponlar kimi niyə ola bilmirik?
Koronavirusa yoluxanların sayı 12 milyonu keçdi
Koronavirusdan sağalan insanlar yenidən yoluxa bilərlər
Azərbaycana koronavirusa görə xarici mütəxəssislər gətirildi
Səhiyyə Nazirliyi koronavirus xəstələrinin evdə müalicə prosedurunu açıqladı